Kulturë

Princ Harry kërkon mbrojtje nga policia gjatë vizitës në Britaninë e Madhe

Kjo pasiqë ai humbi mbrojtjen e policisë në Britani pasi vendosi të largohej nga familja mbretërore.

Published

4 years ago

on

Princ Harry ka marrë masa ligjore, të cilat do t’i siguronin mbrojtje policore gjatë vizitës në Britaninë e Madhe me familjen e tij dhe të gjitha shpenzimet do t’i paguante personalisht, tha përfaqësuesi i tij ligjor.

Harry, Duka i Sussex dhe gruaja e tij Megan humbën mbrojtjen e policisë në Britaninë e Madhe pasi vendosën të largoheshin nga familja mbretërore në vitin 2020. Çifti tani jeton në Kaliforni me fëmijët e tyre, Archie dhe Lilibet.

Princi dëshiron t’i çojë fëmijët për të vizituar Britaninë e Madhe, por ai dhe familja e tij “nuk mund të kthehen në shtëpi” sepse është shumë e rrezikshme për ta, tha avokati i Harry-t, duke përmendur kërcënimet “ekstremiste dhe neo-naziste” që familja kishte pranuar më parë.

Në verën e vitit 2021, “siguria e tij u rrezikua nga mungesa e mbrojtjes së policisë pasi u largua nga një ngjarje bamirësie”, tha avokati, duke shtuar se më 30 qershor, pas takimit me fëmijë me aftësi të kufizuara, paparacët vrapuan pas makinës në të cilën ai ndodhej.

Princi pretendon se anëtarët e sigurimit të tij në Shtetet e Bashkuara nuk kanë qasje në informacione për sigurinë në Britaninë e Madhe, gjë që është e nevojshme që ai dhe familja e tij të qëndrojnë të sigurt.

Aksioni ligjor i nisur në shtator dhe qëllimi i tij të ndikojë në rishikimin e vendimit të Ministrisë së Punëve të Brendshme britanike, mund të vërë në siklet familjen mbretërore, tashmë përballë një gjyqi të mundshëm të Princit Andrew për shkak të akuzave për sulm seksual.

Për të mbrojtur monarkinë, Mbretëresha Elizabeth II i hoqi Andrew të gjithë titujt zyrtarë dhe ushtarakë këtë javë dhe po qarkullojnë zëra se princi tani po paguan vetë sigurinë.

Një zëdhënës i Princit Harry tha për agjencinë e lajmeve PA se “Britania e Madhe do të jetë gjithmonë shtëpia e Princit Harry, si dhe vendi ku ai, gruaja dhe fëmijët e tij duan të ndihen të sigurt”.

Related Topics:
Continue Reading

Lajmet

Biblioteka Kombëtare e Kosovës ‘Pjetër Bogdani’ ka njoftuar hapjen e një ekspozite fotodokumentare me rastin e shënimit të Ditës së Çlirimit të Kosovës.

Published

1 hour ago

on

June 10, 2026

By

Ekspozita mban titullin “KFOR and Kosovo +25” dhe është organizuar në bashkëpunim me organizatën britanike Heartstone, duke sjellë një pasqyrë vizuale mbi zhvillimet në Kosovë gjatë më shumë se dy dekadave të fundit.

Në fokus të ekspozitës është edhe roli i KFOR në vendosjen dhe ruajtjen e paqes në Kosovë pas vitit 1999.

Hapja e ekspozitës do të bëhet më 12 qershor 2026 , në orën 16:00, në hollin e ekspozitave të Bibliotekës Kombëtare të Kosovës në Prishtinë./A.K/

Continue Reading

Lajmet

Lule Elezi bëhet anëtarja e parë shqiptare e Shoqatës Frédéric Chopin në Varshavë

Published

3 hours ago

on

June 10, 2026

By

Pianistja e njohur kosovare Lule Elezi është zgjedhur anëtare e rregullt e Shoqatës Frédéric Chopin në Varshavë, duke u bërë artistja e parë shqiptare që pranohet në këtë institucion prestigjioz.

Vendimi është bërë i ditur nga Shoqata Frédéric Chopin në Varshavë, pas një serie koncertesh solistike të suksesshme të Elezit në qytete të ndryshme të Polonisë, ku ajo ka interpretuar vepra të kompozitorit të njohur Frédéric Chopin.

Në reagimin e saj, Elezi ka shprehur mirënjohje për drejtoreshën e përgjithshme të shoqatës, Ewa Sławińska, dhe bordin drejtues, duke theksuar se ky emërim është rezultat i angazhimit të saj artistik dhe paraqitjeve të shumta në Poloni.

Sipas saj, ky vlerësim përbën një kurorëzim të punës së saj shumëvjeçare në interpretimin e veprave të Chopin-it në aktivitete të organizuara nga kjo shoqatë në qytete të ndryshme polake.

Continue Reading

Lajmet

Fazıl Say dhe Filharmonia e Kosovës sonte në koncertin përmbyllës të Chopin Piano Fest

Published

5 hours ago

on

June 10, 2026

By

Prishtina do të mirëpresë sonte një nga ngjarjet më të rëndësishme muzikore të vitit, me koncertin përmbyllës të edicionit 2026 të festivalit Chopin Piano Fest.

Në skenën e Klan Arenës do të ngjitet pianisti i njohur turk Fazıl Say, i cili do të performojë së bashku me Filharmoninë e Kosovës, nën dirigjimin e maestro Aurélien Azan Zielinski.

Koncerti, që nis në orën 19:30, pritet të sjellë një mbrëmje të veçantë artistike, duke kurorëzuar programin e festivalit me interpretimin e njërit prej pianistëve më të vlerësuar në skenën ndërkombëtare.

Për publikun kosovar, kjo paraqitje përfaqëson një mundësi të rrallë për të ndjekur nga afër virtuozitetin e Fazıl Say, i njohur për interpretimet e tij të jashtëzakonshme dhe kontributin në muzikën klasike bashkëkohore.

Koncerti përmbyll një tjetër edicion të suksesshëm të Chopin Piano Fest, festival që prej vitesh sjell në Kosovë emra të njohur të muzikës klasike nga mbarë bota./A.K/

Continue Reading

Lajmet

Kosova shënon 148-vjetorin e Lidhjes së Prizrenit dhe 27-vjetorin e Çlirimit me aktivitete përkujtimore

Published

6 hours ago

on

June 10, 2026

By

Kosova do të shënojë 148-vjetorin e Lidhjes Shqiptare të Prizrenit dhe 27-vjetorin e Çlirimit të vendit me një agjendë të gjerë aktivitetesh përkujtimore dhe festive, që përfshijnë homazhe, ekspozita, koncerte dhe veprimtari shkencore.

Aktivitetet kanë nisur me ceremoninë për Lidhjen Shqiptare të Prizrenit në kompleksin historik në Prizren, ndërsa programi qendror do të zhvillohet më 12 qershor me homazhe në Prekaz, te varret e figurave të njohura kombëtare dhe në monumentet e dëshmorëve në Prishtinë.

Në kuadër të shënimeve do të hapet edhe ekspozita “KFOR and Kosova 25+” në Bibliotekën Kombëtare, do të mbahet pritja shtetërore dhe koncerti festiv “Liria na Bashkon” në Gjakovë me ansamble nga Kosova, Shqipëria dhe Maqedonia e Veriut.

Më 25 qershor parashihet edhe një ligjëratë përkujtimore për akademikun Rexhep Qosja në Bibliotekën Kombëtare, me rastin e 90-vjetorit të lindjes së tij.

Institucionet e Kosovës theksojnë se përmes këtyre aktiviteteve synohet nderimi i ngjarjeve dhe figurave që kanë shënuar historinë kombëtare dhe rrugëtimin drejt lirisë./A.K/

Continue Reading

Të kërkuara