Nëse dëshiron të zhvillohesh si një profesionist i suksesshëm në fushën e drejtësisë, programi Juridik në UBT është zgjedhja ideale për ty. Ky program ofron jo vetëm njohuri të thelluara teorike dhe praktike në fushat kryesore të drejtësisë, por edhe mundësi për praktikë profesionale në institucione të rëndësishme si Gjykata Themelore në Prishtinë, Prokuroria, Avokatura e Shtetit dhe organizata të tjera të sektorit publik dhe privat.

Gjatë studimeve, studentët kanë mundësinë të përfshihen në raste reale, të ndjekin procese gjyqësore dhe të punojnë me profesionistë të kualifikuar, duke fituar përvojë të vlefshme që do t’i përgatisë për sfidat e karrierës së tyre të ardhshme. Praktikat profesionale të ofruara nga UBT janë një ndër avantazhet kryesore të këtij programi, që ndihmojnë studentët të lidhen me tregun e punës dhe të sigurojnë punësim të qëndrueshëm menjëherë pas përfundimit të studimeve.

Mos e humb këtë mundësi të artë për të ndërtuar karrierën tënde në drejtësi me një edukim cilësor dhe një përvojë profesionale që bën diferencën.

Rektori i UBT-së, Prof. Dr. Edmond Hajrizi vizitoi kompaninë e njohur italiane Idromeccanica Lucchini, dhe me këtë rast ka nënshkruar marrëveshje bashkëpunimi me udhëheqësit e kësaj kompanie, marrëveshje kjo e cila parasheh krijimin e një platforme të përbashkët për përkrahjen e agrikulturës moderne në Kosovë dhe në Ballkanin Perëndimor.

Bashkëpunimi do të përfshijë shumë komponentë të agrikulturës moderne, sikurse: serrat, serrat vertikale, sisteme të ujitjes, ndriçimit, mbrojtjes, përdorimin e teknologjive moderne robotike, Internet of Things (IoT), inteligjencës artificiale, si dhe teknologjinë e dronëve.

Ky bashkëpunim strategjik mes UBT-së dhe Idromeccanica Lucchini do të sjellë përfitime të mëdha për zhvillimin e Kosovës, duke hapur rrugë për projekte të rëndësishme në agrikulturë dhe sektorë të tjerë. UBT, me infrastrukturën e saj moderne dhe inovative në bujqësi dhe teknologji ushqimore, së bashku me Idromeccanica Lucchini, do të krijojë një qendër lidere në rajon dhe me impakt të madh.

UBT si institucion lider i arsimit të lartë në vend ofron drejtimet më të mira në nivelin master, të hartuara për të plotësuar nevojat e tregut të punës, që ju ndihmojnë të specializoheni në disiplina të veçanta, të avancoheni dhe zhvilloni karrierën tuaj profesionale.

Studimet e nivelit master në UBT janë garanci e suksesit dhe ngritjes akademike, falë punës profesionale, kurrikulave moderne, stafit akademik, infrastrukturës së sofistikuar, të cilën e ofron vetëm UBT. Metodat më të mira të mësimdhënies që ju ofron kurrikula e pasur e këtij institucioni akademik, ju ndihmojnë që të fitoni përvojë praktike dhe të jeni të gatshëm për tregun e punës. Sepse përgatitja akademike që merrni nga ky institucion është rruga drejt punësimit të garantuar.

Përzgjedhja e UBT-së për studimet e nivelit master përshkohet me shumë avantazhe, sikurse orari fleksibil i ligjëratave, i përshtatshëm për të gjithë të punësuarit nëpër institucione publike e private. Fleksibiliteti ju ndihmon në menaxhimin e përgjegjësive personale, pa ju ndërhyrë në qëllimet tuaja akademike.

UBT-ja ka krijuar partneritete me rreth 500 universitete prestigjioze, me institucione e partnerë nga e mbarë bota. Mundësitë për të studiuar jashtë vendit ose për të marrë pjesë në programe shkëmbimi ju afrojnë ju me kulturat dhe sistemet e ndryshme arsimore të vendeve të tjera.

Rektori i UBT-së, Prof. Dr. Edmond Hajrizi është ftuar të marrë pjesë në festimet e organizuara për Ditën e Themelimit dhe Festivalit të Fondacionit të Bashkisë së Horës së Arbëreshëve në Piana degli Albanesi në Itali.

Pjesëmarrja e Prof. Dr. Hajrizi në këtë festë është e veçantë, duke forcuar lidhjet dhe bashkëpunimin institucional ndërmjet UBT-së dhe komunitetit arbëresh. Kjo ngjarje ofron një mundësi të shkëlqyer për të ndarë së bashku festimet me komunitetin e Piana degli Albanesi, duke kontribuar në pasurimin e traditave dhe kulturës arbëreshe.

Kjo ngjarje është një moment i rëndësishëm për komunitetin arbëresh në Itali, që do të shënojë përurimin e shtatores së Heroit Kombëtar, Gjergj Kastriot – Skënderbeu, në të cilën do të marr pjesë edhe Rektori Hajrizi. Statuja prej bronzi, është dhuruar nga shoqata Hora dhe Skënderbeu me qendër në Zvicër, do të jetë një simbol i trashëgimisë dhe krenarisë arbëreshe.