Lajmet

Presidenti i Rumanisë thirrje Biden-it: Më shumë ushtarë të NATO-s të na mbrojnë nga Rusia

Published

on

Presidenti Klaus Iohannis i Rumanisë ka bërë kërkesë për një prani më të madhe ushtarake të SHBA-së “nga Baltiku në Detin e Zi” për të mbrojtur vendet e Evropës Lindore nga Vladimir Putin.

Sipas mediave të huaja, ai i tha presidentit Joe Biden se më shumë trupa të NATO-s janë të nevojshme në krahun lindor të Evropës pas një vendosje të fundit ushtarake nga Rusia në kufirin e saj me Ukrainën.

Komentet e tij erdhën në një konferencë të Bukureshtit, ku morën pjesë Rumania, Polonia, Hungaria, Bullgaria, Republika Çeke, Sllovakia, Estonia, Letonia dhe Lituania, të cilat ishin të gjitha ose pjesë e Bashkimit Sovjetik ose të kontrolluara nga Moska gjatë Luftës së Ftohtë.

Tani, të nëntë vendet janë anëtarë të BE-së dhe NATO-s.

Dhe Iohannis ia tha këtë Bidenit, i cili mori pjesë në konferencë përmes lidhjes online, duke e paralajmëruar për rritjen e aktivitetit rus, përfshirë rajonin e Detit të Zi, ku ndodhet Rumania.

“NATO duhet të vazhdojë të forcojë pozicionin e saj të parandalimit dhe mbrojtjes, veçanërisht në krahun lindor, në një mënyrë të unifikuar dhe koherente, nga Deti Baltik në Detin e Zi. Unë u luta,  përfshirë në diskutimin me presidentin Biden për një rritje të pranisë ushtarake aleate, duke përfshirë SHBA, në Rumani dhe në jug të krahut lindor”, tha ai.

Nisma e “Bucharest Nine” u nis nga Rumania dhe Polonia në vitin 2015 për t’i dhënë anëtarëve të aleancës Lindore një mënyrë për të diskutuar çështje rajonale dhe për të krijuar një zë të bashkuar në forumin më të madh të NATO-s.

Takimi i së hënës erdhi përpara një takimi të plotë të NATO-s në 14 qershor në Bruksel, ku aleanca ka selinë e saj.

Në samitin e qershorit, Biden dhe udhëheqës të tjerë planifikojnë të diskutojnë edhe në lidhje me tensionin e krijuar me Rusinë dhe Kinën, tërheqjen e trupave nga Afganistani dhe të ardhmen e aleancës me 30 kombe.

Continue Reading

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara