Lajmet

Presidenti i “Rockefeller Brothers Fund”: Mospajtimet politike në Ballkan po e pengojnë zhvillimin

Ai tha se bashkëpunimi rajonal në Ballkanin Perëndimor është shumë i rëndësishëm duke shtuar se mospajtimet politike e pengojnë zhvillimin.

Published

on

Në kuadër të KPDS-së, të mërkurën është mbajtur Paneli III “Horizontet Bashkëpunuese: Dialogu për bashkëpunim rajonal në Ballkanin Perëndimor”.

Fjalën e hapjes, përmes video-lidhjes, e mbajti Stephen Heintz, president dhe CEO i “Rockefeller Brothers Fund”. Ai tha se bashkëpunimi rajonal në Ballkanin Perëndimor është shumë i rëndësishëm duke shtuar se mospajtimet politike e pengojnë zhvillimin. Madje tha se në këtë pjesë mungon vullneti politik.

Sipas tij, roli i shoqërisë civile duhet të merret për bazë në të gjitha proceset e sidomos ato rajonale.

“Ky rajon duhet të bashkëpunojë që ky rajon ta arrijë potencialin e vetë të plotë. Bashkëpunimi rajonal në Ballkanin Perëndimor nuk është asgjë e re, por rajoni duhet të ndërtojë iniciativa të reja. Procesi i Berlinit e të tjera janë vetëm disa shembuj të këtij bashkëpunimi. OJQ-të dhe qytetarët aktivë luajnë rol tepër të madh për të siguruar që zëri i qytetarëve po dëgjohet. Shoqëria civile dhe qeveria duhet të bashkëpunojnë me njëra tjetrën. Marrëveshja e Parisit është një shembull se si tre akterët: sektori privat, shoqëria civile, dhe qeverisja janë zotuar drejt një synimi të përbashkët. Mungesa e vullnetit politik është diçka që shoh në Ballkanin Perëndimor. E dimë që mospajtimet politike mund dhe do të pengojnë progresin, por është shumë e rëndësishme që ne të vazhdojmë të punojmë, ne, shoqëria civile duhet patjetër të jemi ambiciozë, nuk mund të ndalemi”, tha Stephen Heintz.

Lajmet

Sekuestrohen pako me cigare në Aeroportin e Prishtinës

Published

on

By

Policia e Kosovës, në këtë rast zyrtarët kufitar në Aeroportin Ndërkombëtar të Prishtinës, si rezultat i implementimit të planeve operative dhe angazhimeve shtesë në identifikimin dhe parandalimin e kontrabandës në aeroport, kanë realizuar disa veprime konkrete mbi dyshimet e bazuara për kontrabandim të duhanit/cigareve, të cilat përmes Kosovës kanë tentuar të destinohen kryesisht në Mbretërinë e Bashkuar.

“Si rezultat i angazhimeve dhe veprimeve policore vetëm përgjatë muajve dhjetor 2024 – janar 2025, janë identifikuar katër raste të kontrabandimit me duhan/cigare, ku persona të dyshuar me shtetësi të huaj dhe të Kosovës, kanë tentuar që të kontrabandojnë pako/shteka me cigare prej sasive të ndryshme, për në qytetin e Londrës”, thuhet në njoftim.

Më tej bëhet e ditur se në rastin e fundit të ndodhur me datën 11 janar 2025, është parandaluar kontrabandimi i 41 pakove/shtekave me cigare, të cilat i dyshuari mashkull shtetas Bullgar ka tentuar përmes Kosovës t’i kontrabandojë në Londër, pasi destinimi i tij ishte për në këtë qytet.

Në këto katër raste Policia e Kosovës, në bashkëpunim me Doganën e Kosovës, ka sekuestruar mbi 340 pako/shteka me cigare të llojeve të ndryshme, kryesisht të llojeve të shtrenjta.

Policia e Kosovës së bashku me institucionet kompetente, njofton opinionin dhe qytetarët se ka rritur angazhimet dhe prezencës e saj në kontrollet e pasagjerëve, tek të cilët ka dyshime për kontrabanda të tilla.

Continue Reading

Lajmet

​Ushtarët gjermanë dhe letonezë patrullojnë në veri

Published

on

By

Ushtarët gjermanë dhe letonezë, të caktuar në Komandën Rajonale Lindje të KFOR-it, zhvilluan një patrullim të përbashkët në veri të Kosovës.

“Patrullimi së bashku lejon që ushtritë e dy vendeve të punojnë së bashku për të rritur sigurinë dhe sigurinë në të gjithë Kosovën”, thuhet në njoftimin e KFOR-it në Facebook.

Aty thuhet se këto përpjekje janë pjesë e misionit ditor të KFOR-it për të mbështetur të gjitha komunitetet brenda Kosovës.

“Ushtarët gjermanë dhe letonezë të caktuar në Komandën Rajonale Lindje të misionit KFOR të udhëhequr nga NATO zhvilluan një patrullim të përbashkët në Veri të Kosovës. Patrullimi së bashku lejon që ushtritë e dy vendeve të punojnë së bashku për të rritur sigurinë dhe sigurinë në të gjithë Kosovën. Këto përpjekje janë pjesë e misionit ditor të KFOR-it për të mbështetur të gjitha komunitetet brenda Kosovës”, thuhet në njoftim

 

Continue Reading

Lajmet

Bislimi takon të ngarkuarën me Punë në Ambasadën e SHBA-së

Published

on

By

Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, ka takuar të ngarkuarën me Punë në Ambasadën e SHBA-së në Kosovë, Anu Prattipati.

Në njoftim thuhet se Bislimi dhe Prattipati bashkëbiseduan rreth partneritetit Kosovë-ShBA dhe për fuqizimin e thellimin e marrëdhënieve mes dy shteteve tona.

Temë e diskutimit ishin edhe zgjedhjet e ardhshme e fushata e cila sapo ka filluar dhe pritshmëritë e 9 shkurtit.

“Në takim u trajtua dhe bashkëpunimi rajonal, marrëdhëniet fqinjësore dhe procesi i dialogut e normalizimit të marrëdhënieve me Serbinë”, thuhet në komunikatë.

Zëvendëskryeministri e falënderoi Prattipati për bisedën e sotme e bashkëpunimin e vazhdueshëm, duke shprehur mirënjohjen për përkrahjen e Shteteve të Bashkuara të Amerikës ndaj Kosovës.

Continue Reading

Lajmet

Abdixhiku: Sa me të mëdha tubimet tona, aq më të larta bëhen britmat e piskamat

Published

on

By

Kandidati i LDK-së për kryeministër, Lumir Abdixhiku, ka thënë se sa më të mëdha që janë tubimet e LDK-së aq më të larta bëhen “britmat e piskamat”.

Ai ka shkruar se Kosova nuk ka kohë për të humbur në ndarje e përçarje.

“Kosova, megjithatë, kohë për të humbur në ndarje e përçarje nuk ka. Kësaj marrëzie duhet t’i dalim në ballë të gjithë! Kjo nuk është Kosova jonë. Kjo nuk është sjellja jonë. Kjo nuk është ëndrra jonë. Prandaj sot unë nuk jam para qytetarëve as për të nxitur urrejtje për tjetrin e as për t’ju mbushur plot helm e vrer për tjetrin. Unë nuk ju ndaj në tradhtarë e patriotë, me mua apo me Serbinë. Sot qëndroj para jush t’ju them se nuk ka Kosovë të partive”, ka theksuar Abdixhiku.

Abdixhiku gjithashtu ka theksuar se nuk ka Kosovë të individëve.

“Nuk ka Kosovë të epokave. Ka një Kosovë dhe një Kosovë të vetme, ka një ëndërr dhe një ëndërr të vetme, ka një adresë dhe një adresë të vetme, ka një atdhe dhe një atdhe të vetëm. Republika jonë është vetë ëndrra jonë! Ndryshimi sot, është misioni jonë!”, tha ai.

Continue Reading

Të kërkuara