Protesta e mbrëmshme e studentëve para Ministrisë së Arsimit në Tiranë është shoqëruar me tensione të ashpra, përplasje me forcat e rendit dhe incidente të shumta, në kuadër të një demonstratë mbarëkombëtare për kushtet në arsim dhe çështjet sociale. Pjesëmarrësit hodhën tulla, blloqe betoni dhe sende të tjera drejt godinës së ministrisë, si dhe demoluan rrethojat mbrojtëse përreth saj.

Në përgjigje të përshkallëzimit të situatës, policia përdori ujë me presion dhe gaz lotsjellës për të shpërndarë turmën, ndërsa gjatë protestës u ndezën edhe zjarre në mes të rrugës. Ndërkohë, nga zhvillimet në terren është raportuar për një polic të lënduar, si dhe për shoqërimin e disa protestuesve nga ana e forcave të rendit.

Organizatorët studentorë deklaruan se protesta u thirr për të kundërshtuar kushtet e vështira në universitete, kostot e larta të arsimit të lartë, mungesën e mbështetjes financiare dhe perspektivën e zbehtë të punësimit pas diplomimit. Shumë prej tyre shprehën zhgënjimin ndaj pabarazisë shoqërore dhe qeverisjes, ndërsa protestuesja Luljeta Kola u shpreh se Shqipëria ka nevojë për një përmbysje të plotë të sistemit për shkak të padrejtësive të thella sociale dhe hendekut të madh mes të pasurve dhe të varfërve.

Kjo valë pakënaqësie vjen në një kohë kur aktivizmi studentor po përhapet edhe në vende të tjera të Evropës, si në Francë ku nxënësit e shkollave të mesme kanë bllokuar mësimin për javë të tëra duke kërkuar kushte më të mira dhe më shumë mësimdhënës.

Lidhur me ngjarjet në Tiranë reagoi edhe Zëvendëskryeministrja e Shqipërisë, Albana Koçiu, e cila në një postim në Facebook nërmjetësoi se dhuna, sulmet ndaj institucioneve dhe shkatërrimi i pronës publike nuk mund të jenë kurrë zgjidhje apo mënyrë se si rinia duhet të shprehet.

Paralelisht me ngjarjet në rrugë, vëmendje të madhe mori edhe një incident me një 19-vjeçar të dëmtuar, çka nxiti reagimin e menjëhershëm të autoriteteve policore. Pas publikimit të një videoje ku shfaqej i riu L. B. me këmbë të thyer duke u tërhequr nga punonjësit e policisë pranë Parlamentit për t’u dërguar në spital, Drejtori i Përgjithshëm i Policisë së Shtetit urdhëroi pezullimin e menjëhershëm nga detyra të katër punonjësve të policisë si dhe të shefit të Rendit në Komisariatin Nr. 1, nënkomisar F. K.

Policia e Shtetit njoftoi se ka nisur hetimin disiplinor dhe ka ngritur një grup të posaçëm nën drejtimin e Drejtorisë së Standardeve Profesionale për të verifikuar të gjitha veprimet e zyrtarëve nga fillimi deri në fund të protestës, duke garantuar se çdo punonjës që ka tejkaluar kompetencat apo ka shkelur procedurat standarde do të mbajë përgjegjësi të plotë ligjore. /Reuters/

Prokuroria Themelore në Prishtinë, përkatësisht Departamenti për Krime të Rënda, ka njoftuar se pas hetimeve disamujore në bashkëpunim me Policinë e Kosovës, ka ndaluar për 48 orë personin me inicialet N.A., i dyshuar për disa vepra të rënda penale.

Arrestimi është realizuar nga Drejtoria për Hetimin e Krimeve Ekonomike dhe Korrupsionit. Sipas të dhënave fillestare të hetimit, i ndaluari dyshohet se në bashkëpunim me persona të tjerë ka zbuluar informacione zyrtare për prona të caktuara te persona të paautorizuar në këmbim të ryshfetit, me qëllim tjetërsimin e tyre.

Nga organet e ndjekjes bëjnë të ditur se pronat e përfshira në këtë skemë dyshohet se kapin vlera mjaft të mëdha financiare.

“Prokuroria Themelore në Prishtinë në bashkëpunim me Policinë e Kosovës dhe institucionet e tjera kompetente, mbetet e përkushtuar në luftimin e kriminalitetit dhe korrupsionit, dhe do të vazhdojë ndërmarrjen e të gjitha veprimeve të nevojshme hetimore për zbardhjen e plotë të rastit”, thuhet në komunikaten e Prokuroris Speciale

Studentë, gjimnazistë dhe qytetarë të shumtë janë mbledhur këtë të martë para ambienteve të Ministrisë së Arsimit në Tiranë, në një protestë të njoftuar prej ditësh për të ngritur zërin kundër problematikave që prekin arsimin dhe të rinjtë.

Protesta e nisur rreth orës 14:00 ka përshkallëzuar me shpejtësi në tensione. Protestuesit kanë gjuajtur godinën e ministrisë me vezë, bojë të kuqe, gurë, sende të forta dhe kapsolla. Gjatë përplasjeve, disa prej tyre kanë shkulur kangjellat mbrojtëse të rrugës dhe kanë tentuar të hyjnë me forcë në ambientet e brendshme të institucionit.

Për të shpërndarë turmën, forcat e policisë kanë ndërhyrë me ujë dhe gaz lotësjellës, ndërsa gjatë përplasjeve fizike disa nga protestuesit janë shoqëruar në komisariat. Në terren janë angazhuar dhjetëra efektivë shtesë për të marrë nën kontroll situatën.

Tubimi i organizuar përmes rrjeteve sociale vjen me kërkesën për plotësimin e gjashtë pikave që lidhen me ngritjen e cilësisë në arsim dhe përmirësimin e kushteve për studentët. Përveç kërkesave arsimore, protestuesit kanë bërë thirrje politike duke kërkuar dorëheqjen e ministres së Arsimit, Mirela Kumbaro, si dhe të kryeministrit Edi Rama.

Udhëheqësi i Departamentit për Bashkëpunim në UBT, Prof. Dr. Bekim Marmullaku, priti në takim profesorin Glenn Agung Hole nga Universiteti i Norvegjisë Juglindore (University of South-Eastern Norway – USN), me të cilin diskutoi mundësitë e zhvillimit të bashkëpunimit akademik dhe kërkimor ndërmjet dy institucioneve.

Gjatë takimit u diskutua për potencialin e bashkëpunimit në fushat e sipërmarrësisë, ekonomisë institucionale, zhvillimit rajonal dhe sigurisë kombëtare, me theks të veçantë në rolin e universiteteve në zhvillimin ekonomik, inovacionin dhe forcimin e kapaciteteve institucionale.