Presidenti aktual i Francës Macron u paraqit para mbështetësve të tij si një yll i muzikës. Një performancë e madhe, me një deklaratë dashurie, por rezultati i fundit do të dihet pas një jave.
Një javë përpara raundit të parë të zgjedhjeve presidenciale në Francë, kreu i shtetit Emmanuel Macron premtoi më shumë drejtësi sociale dhe ndihma të fuqisë blerëse në krizën aktuale. “Projekti ynë për vitin 2022 është solidariteti dhe siguria sociale”, tha Macron para dhjetëra mijëra mbështetësve në Nanterre afër Parisit në paraqitjen e tij të vetme të madhe para zgjedhjeve presidenciale.
“Francezët që punojnë nuk duhet të japin të gjithë rrogën e tyre për të mbushur rezervuarin dhe për të blerë sende ushqimore, kjo është e padrejtë”. Nga vera, punonjësit duhet të përfitojnë një bonus fuqie blerëse pa taksa deri në 6000 euro, tha politikani 44-vjeçar që kandidon për një mandat të dytë. Ai gjithashtu premtoi më shumë para për të vetëpunësuarit. Macron njoftoi investime dhe përmirësime të mëtejshme për sistemin shëndetësor dhe arsimor. Pensioni minimal duhet të jetë 1.100 euro në të ardhmen. Ndihma për prindërit që jetojnë vet duhet të rritet.
Francezët duhet të punojnë më gjatë
Për të financuar forcimin e shtetit të mirëqenies dhe shkurtimet e mëtejshme të taksave, Macron tha se francezët duhet të shtojnë moshën e daljes në pension nga 62 në 65 vjeç. Një shtet social dhe dhe një mirëqenje e plotë nuk është i mundur nëse shteti nuk prodhon dhe krijon pasuri. “Duhet të punojmë më shumë”. Për herë të parë që nga vitet 1970 është e mundur të arrihet punësimi i plotë në Francë.
Macron u përcaktua qartë edhe ndaj Evropës. Evropa është e përgatitur mirë për të luftuar krizën ushqimore që kërcënon për shkak të luftës në Ukrainë dhe për të zotëruar krizën e klimës. “Ne jemi krenarë që jemi evropianë dhe që mbajmë flamurin evropian pranë flamurit tonë kombëtar”. Në të njëjtën kohë, Franca mbështetet në një politikë të pavarur, shkëmbime me vendet e tjera dhe formimin e aleancave të reja.
Paralajmërimi nga pasojat e Brexit-it
Për shkak të përpjekjeve të tij diplomatike në luftën në Ukrainë, Macron ka nisur me vonesë fushatën zgjedhore. Ai është përpara në sondazhe, por sfiduesja e tij kryesore, populistja e krahut të djathtë Marine Le Pen, ka shënuar më shumë pikë kohët e fundit. Në një sondazh të publikuar në gazetën “Le Journal du Dimanche” të shtunën thuhet se Macron do të fitojë 27 përqind ndërsa Le Pen 22 përqind.
Macron paralajmëroi për një efekt Brexit në zgjedhje. “Ne duhet të shikojmë nga afër se çfarë ndodhi në Britaninë e Madhe në votimin e Brexit – dhe në shumë zgjedhje të tjera gjithashtu. Ajo që dukej e pamundur u bë e vërtetë.” Macron theksoi: “Asgjë nuk është e pamundur”.
Shprehja e dashurisë
Momenti më emocionues i paraqitjes së Macronit ishte ai drejtuar mbështetëses së tij më besnike. Gjatë fjalimit në arenën e mbushur plot me simpatizantë, Macroni fillimisht falënderoi prindërit e tij, të cilët ishin ulur në sallë.
Më pas ai falënderoi për praninë e saj “ate që ka më së shumti rëndësi për mua, që më sjell më shumë në këtë aventurë unike të jetës – Brigitte”, pra bashkëshorten e tij. Ky falënderim u përshkua me duartrokitje të fuqishme. Para mijëra simpatizantëve të tij, Brigitte ia dërgoi burrit të saj një puthje me dorë.DW
Komisioni Evropian ka gjobitur 15 prodhues kryesorë të makinave dhe Shoqatën Evropiane të Prodhuesve të Automobilave (ACEA) me një total prej 458 milionë eurosh për pjesëmarrjen e tyre në një kartel lidhur me riciklimin e automjeteve të vjetra.
Sipas një njoftimi nga Komisioni Evropian, korporatës Mercedes-Benz iu dha imuniteti i plotë nga gjoba sipas programit të lehtësimit të BE-së, pasi ishte i pari që zbuloi ekzistencën e kartelit tek rregullatorët.
“Të gjitha kompanitë pranuan përfshirjen e tyre në kartel dhe ranë dakord për të zgjidhur çështjen”, tha Komisioni Evropian.
Automjetet e konsideruara si mbetje, ato që nuk janë më të përshtatshme për përdorim për shkak të vjetërsisë së tyre, konsumimit apo dëmtimit, çmontohen dhe përpunohen për riciklim dhe rikuperim. Qëllimi është reduktimi i mbetjeve dhe rikuperimi i materialeve si metalet, plastike dhe qelqi.
Hetimi i Komisionit Evropian zbuloi se 16 prodhues të mëdhenj të automjeteve, përfshirë Mercedes-Benz, për më shumë se 15 vjet ishin përfshirë në marrëveshje antikonkurruese dhe praktika të bashkërenduara të koordinuara përmes ACEA-s.
Shoqata e industrisë ACEA lehtësoi takime dhe komunikime të shumta që mundësuan funksionimin e kartelit. Ndër kompanitë e penalizuara, Volkswagen mori gjobën më të lartë me 127.7 milionë euro, e ndjekur nga grupi Renault/Nissan me 81.4 milionë euro dhe Stellantis me 74.9 milionë euro.
Qeveria turke ka dënuar thirrjet e opozitës për një bojkot të mallrave dhe shërbimeve, duke i përshkruar ato si një “përpjekje sabotimi” të ekonomisë turke. Këto thirrje u bënë nga Partia Popullore Republikane (CHP), pas arrestimit të kryebashkiakut të Stambollit, Ekrem Imamoglu, i cili është rivali kryesor politik i Presidentit Rexhep Tajip Erdogan dhe kandidati presidencial i CHP-së në zgjedhjet e ardhshme.
Në një reagim të fortë, Ministri i Tregtisë, Omer Bolat, tha se thirrjet për bojkot ishin një kërcënim për stabilitetin ekonomik të Turqisë dhe akuzoi ata që i mbështesin se po përpiqen të dëmtojnë qeverinë. “Kjo është një përpjekje për të sabotuar ekonominë dhe përfshin elementë të tregtisë dhe konkurrencës së pandershme,” shtoi Bolat.
Këto thirrje për bojkot u shfaqën pas arrestimit të Imamoglu, një ngjarje që shkaktoi protesta të shumta në Turqi. Disa dyqane mbyllën dyert në shenjë solidariteti me ata që kritikojnë arrestimet si përpjekje politike dhe antidemokratike për të dëmtuar mundësitë e opozitës për të fituar zgjedhjet.
Ministrat e qeverisë dhe disa personalitete pro-qeveritare, si ish-futbollisti Mesut Özil, përdorën hashtagun #BoykotDegilMilliZarar (“Jo një bojkot, por një dëm kombëtar”) për të kundërshtuar bojkotin e kërkuar nga opozita. Ky bojkot u shoqërua gjithashtu me thirrje për protesta masive, të cilat janë ndër më të mëdhatë që ka parë Turqia në dekadën e fundit.
Ekonomia turke është goditur rëndë nga krizën e kostos së jetesës dhe zhvlerësimin e monedhës, duke shkaktuar inflacion të lartë, që aktualisht është 39% në shkurt të këtij viti. Qeveria ka paralajmëruar se thirrjet për bojkot mund të përkeqësojnë më tej situatën ekonomike, duke theksuar se këto veprime janë të dënuara me dështim./UBTNews/
Një operacion i përbashkët i autoriteteve irlandeze ka rezultuar në sekuestrimin e një sasie të madhe kanabisi me vlerë 2.2 milionë euro në qarkun Donegal, në veri të Irlandës. Policia dhe oficerët e të ardhurave arritën të kapnin rreth 112 kg kanabis në qytetin Lifford të martën, 1 prill 2025. Ky aksion u realizua në bashkëpunim me Byronë Kombëtare të Drogave dhe Krimit të Organizuar të Gardës, Njësinë e Divizionit të Drogave Donegal dhe Shërbimin Doganor të të Ardhurave.
Si pasojë e operacionit, dy burra të moshës rreth 30 vjeçare u arrestuan në lidhje me ngarkesën e kanabisit. Ata aktualisht ndodhen në paraburgim, ndërsa hetimet janë duke u zhvilluar për të zbuluar nëse ka individë të tjerë të përfshirë në këtë aktivitet kriminal të trafikut të drogës. Autoritetet kanë shprehur angazhimin për të vazhduar luftën kundër krimit të organizuar dhe trafikimit të lëndëve narkotike në territorin irlandez.
Ky operacion i suksesshëm është një tjetër hap drejt ndalimit të trafikut të paligjshëm të drogës, një problem i vazhdueshëm për autoritetet e sigurisë në Irlandë.
Produktet ushqimore me rritje çmimesh në vitin 2025
Antibiotiku më i fuqishëm natyror, mund ta bëni vetë
“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet
Parashikimi i motit për sot
James Bond i “rikthehet origjinës” me një “yll shumë të ri”
Macron dënon kërcënimet me vdekje ndaj gjyqtares që e dënoi Le Penin
Kurti flet për gjobën e Themelores: Më dënojnë mua nganjëherë por mos u mërzitni ju
Pse disa njerëz preferojnë udhëtimet e gjata vetëm?
Rutte: Duhet të sigurohemi që situata në Kosovë të mbetet stabile
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë