Kronikë e zezë

Pranon fajësinë se falsifikoi 137 vota, aktgjykimi shpallet më 5 shtator

Gjyqtari i rastit Avni Mehmeti aprovoi pranimin e fajësisë nga ana e të akuzuarit.

Published

3 years ago

on

Burim Strana e ka pranuar fajin të premten se ka falsifikuar 137 vota në zgjedhjet parlamentare të 2017-ës.

Deklarimi i Stranës është bërë në Gjykatën Themelore në Mitrovicë ku është mbajtur shqyrtimi fillestar derisa aktgjykimi për këtë rast pritet të shpallet, të hënën, më 5 shtator.

I akuzuari ka thënë se ndjen keqardhje për rastin dhe se nuk ka pasur qëllim të dëmtojë askënd, raporton “Betimi për Drejtësi”.

Ndryshe, të pranishëm në seancë ishin prokurori i shtetit Ismet Ujkani, i akuzuari Burim Strana dhe mbrojtësi i tij, avokati Berat Peci.

Prokurori Ujkani i propozoi gjykatës që të pranojë pranimin e fajësisë nga ana e të akuzuarit pasi që ky deklarim është bërë në mënyrë vullnetare dhe në përputhje me shkresat e lëndës, si formularët e rezultateve të votimit, në vendvotimin si në aktin akuzues prej nga rezulton se i pandehuri si kryesues i këshillit të vendvotimit ka kryer veprën penale si në aktakuzë.

Tutje, edhe mbrojtësi i të akuzuarit Strana, avokati Berat Peci i propozoi gjykatës që të pranojë pranimin e fajësisë nga ana e të mbrojturit të tij, duke shtuar se ky pranim është rezultat i konsultimit të mjaftueshëm me të njëjtin si për rrethanat lehtësuese ashtu edhe për ato rënduese.

Tutje, gjyqtari i rastit Avni Mehmeti aprovoi pranimin e fajësisë nga ana e të akuzuarit.

Kurse, me rastin e matjes së lartësisë së dënimit prokurori Ujkani i propozoi gjyqtarit Mehmeti që të marrë parasysh rrethanat rënduese si shkalla e përgjegjësisë penale, se veprën penale i njëjti e ka kryer me dashje, dhe se këto vepra penale janë mjaft të shprehura me rastin e zgjedhjeve, ndërsa si rrethanë lehtësuese propozoi rrethanat familjare të të akuzuarit.

Ndërsa, avokati Peci i propozoi gjykatës që si rrethanë veçanërisht lehtësuese për matjen e lartësisë së dënimit të pranojë institutin e pranimit të fajësisë, faktin se është njeri familjar dhe se asnjëherë më parë nuk ka rënë ndesh me ligjin.

Gjyqtari Mehmeti konstatoi se shpallja e aktgjykimit do të bëhet më 5 shtator 2022, nga ora 11:00.

Ndryshe, Prokuroria Themelore në Mitrovicë ka ngritur aktakuzë kundër Besim Shytit më 24 dhjetor 2022 për shkak se me datën 11 qershor 2017, në fshatin Broboniq, Komuna e Mitrovicës, në shkollën fillore “Sylejman Vokshi”, i pandehuri në cilësinë e kryesuesit të Këshillit të Vendvotimit në Qendrën e Votimit 1129B, vendvotimi me nr. 1129B/02D, duke e shfrytëzuar pozitën e tij zyrtare apo autoritetin zyrtar në lidhje me zgjedhjet ka shtuar dhe hequr vota.

Sipas aktakuzës, pas rinumërimit në Qendrën e Numërimit të Rezultateve është bërë krahasimi i të dhënave ku është identifikuar ndryshimi i votave, ashtu që gjatë numërimit të votave të kandidatëve brenda subjektit politik, ka hequr votat e disa kandidatëve dhe i ka shtuar të disa kandidatëve të tjerë duke i regjistruar në mënyrë jo të saktë gjithsej 137 vota, ku prej tyre 131 vota të shtuara dhe 6 vota të hequra, ku ka shtuar 98 vota për PDK dhe 33 vota të LDK dhe ka hequr 1 votë PDK, 2 vota LDK dhe 3 vota LVV.

Me çka ka kryer veprën penale “Falsifikim i rezultateve të votimit” nga neni 219 par.2 lidhur me par.1 të KPRK-së.

Related Topics:
Continue Reading

Kronikë e zezë

Pesë raste të dhunës në familje në raportin 24 orësh të Policisë

Published

4 days ago

on

January 5, 2026

By

Pesë raste të dhunës në familje janë raportuar në raportin 24 orësh të Policisë së Kosovës.

Në Prishtinë një burrë e ka sulmuar fizikisht vëllain e tij. I dyshuari gjendet në arrati.

“Raportohet se pas një mosmarrëveshje ankuesi m/k është sulmuar fizikisht nga vëllai i tij i dyshuari mashkull kosovar. Viktima nuk ka pranuar tretman mjekësor, ndërsa i dyshuari gjendet në arrati.”

Ndërsa, në Deçan një grua është sulmuar nga bashkëshorti i saj. Ai është arrestuar dhe pas intervistimit është dërguar në mbajtje.

“Raportohet se pas një mosmarrëveshje viktima f/k, është sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është liruar në procedurë të rregullt.”

Një burrë tjetër në Malishevë dyshohet se ka ushtruar dhunë fizike dhe psikike ndaj gruas së tij. Ai është dërguar në mbajtje.

“Raportohet  se pas një mosmarrëveshje verbale, bashkëshorti i saj i dyshuari m/k ka ushtruar dhunë fizike dhe psikike ndaj viktimës femër me nënshtetësi të huaj. Viktima ka pranuar tretman mjekësor ndërsa i dyshuari është arrestuar dhe pas intervistimit me vendim të prokurorit është dërguar në mbajtje.”

Në Malishevë, një person me probleme mendore ka thyer dhe demoluar gjësende në shtëpi. Ai është ndaluar për 48 orë.

“Raportohet se i dyshuari mashkull kosovar me probleme mentale ka thyer dhe demoluar gjësende të ndryshme në shtëpi. I dyshuari është arrestuar dhe me vendim të prokurorit është dërguar për tretman mjekësor nën masën e ndalimit prej 48 orësh.”

Një grua në Rahovec ka raportuar se është kanosur nga ish bashkëshorti i saj.

“Raportohet se ish bashkëshorti i ankueses f/k ,i dyshuari mashkull kosovar (m/k) e kishte kanosur përmes rrjeteve sociale. Rasti nën hetime.”

Continue Reading

Lajmet

Njëzet shtete me burgjet më të stërmbushura

Published

6 days ago

on

January 3, 2026

By

Statistikat janë gjithnjë interesante. I pëlqejnë publikut, i cili mëson prej tyre gjëra interesante, të cilat mund të mos i ketë ditur, apo nuk ka pasur interes të shtuar për to.

Një nga statistikat interesante ka të bëjë me numrin e personave të burgosur në shtete të ndryshme. Dhe habitesh nga shifrat milionëshe, qindar e dhjetëra mijëshe.

Le t’i shohim në vazhdim 20 shtetet që kanë më së shumti persona të burgosur:

  1. SHBA – 1.808.100
  2. Kina – 1.690.000
  3. Brazili – 850.577
  4. India – 573.220
  5. Rusia – 433.006
  6. Turqia – 362.422
  7. Tajlanda – 274.277
  8. Indonezia – 273.541
  9. Meksiko – 233.687
  10. Irani – 189.000
  11. Afrika e Jugut – 157.054
  12. Egjipti – 120.000
  13. Argjentina – 117.680
  14. El Salvadori – 109.579
  15. Pakistani – 87.712
  16. Bangladesh – 74.851
  17. Nigeria – 84.767
  18. Franca – 78.509
  19. Polonia – 70.927
  20. Arabia Saudite – 68.056

Continue Reading

Lajmet

Aksioni i Policisë me AKI-në, arrestohen dy të huaj për kontrabandim me migrantë

Published

2 weeks ago

on

December 24, 2025

By

Policia e Kosovës më saktë Sektori i Hetimeve të Departamentit për Kufi, në bashkëpunim dhe në asistencë edhe të Agjencisë së Kosovës për Inteligjencë (AKI), pas një periudhe disa mujore monitorimi nga institucionet kompetente, ka arrestuar një shtetas jordanez dhe një shtetase turke, nën dyshimin për kryerje të veprës penale “Kontrabandim me migrantë”.

Policia njofton se sipas të dhënave hetimore, i lartcekuri dyshohet se ka organizuar ardhjen e shtetasve të huaj, kryesisht nga shtetet e Lindjes së Mesme dhe Azia, me qëllim të hyrjes së tyre në Republikën e Kosovës, prej nga më pas dyshohet se bëhej kontrabandimi i tyre në drejtim të vendeve të Bashkimit Evropian.

“Po ashtu ndaj të njëjtit egziston dyshimi se ka udhëhequr një grup të mirë organizuar kriminal, të cilët dyshohet se kanë përfituar mjete të konsiderueshme financiare nga kjo veprimtari e paligjshme”, thuhet në njoftimin e Policisë.

Lidhur me rastin është realizuar kontrolli tek personi i dyshuar ku janë gjetur dhe konfiskuar gjithsej 53 (pesëdhjetë e tre) pasaporta të shtetasve jordanezë.

Policia në fund tha se për veprimet e ndërmarra është konsultuar edhe prokuroria kompetente, me vendimin e së cilës dy të dyshuarit dërgohen në ndalim për 48 orë./S.K/KP/PK/

Continue Reading

Lajmet

Aksion i madh kundër korrupsionit në Prishtinë, arrestohen 7 persona

Published

3 weeks ago

on

December 19, 2025

By

Një aksion i gjerë kundër korrupsionit është zhvilluar më 18 dhjetor 2025 në rajonin e Prishtinës, nën udhëheqjen e Prokurorisë Speciale të Republikës së Kosovës, ku janë arrestuar disa persona të dyshuar për vepra të rënda penale.

Sipas njoftimit zyrtar, operacioni është realizuar nga Drejtoria për Hetimin e Krimeve Ekonomike, pas një periudhe monitorimi dhe hetimi, përfshirë edhe zbatimin e masave të veçanta hetimore.

Aksioni lidhet me dyshimet për përfshirje në vepra penale si korrupsioni, keqpërdorimi i detyrës zyrtare, dhënia dhe marrja e ryshfetit, ushtrimi i ndikimit, mashtrimi si dhe armëmbajtja pa leje.

Gjatë këtij aksioni policor janë arrestuar shtatë persona me inicialet: F.I., J.M., N.K., M.D., B.D., Sh.T. dhe G.L. Të dyshuarit, sipas autoriteteve, janë kapur në flagrancë gjatë shkëmbimit të parave.

Me vendim të Prokurorisë Speciale, shtatë të arrestuarit janë ndaluar për 48 orë. Gjatë kontrolleve të zhvilluara në kuadër të operacionit janë sekuestruar rreth 20 mijë euro para të gatshme, armë, bizhuteri, dokumente të ndryshme, pajisje elektronike si dhe tri automjete.

Autoritetet kanë bërë të ditur se hetimet lidhur me këtë rast janë duke vazhduar, në koordinim të plotë ndërmjet Policisë së Kosovës dhe Prokurorisë Speciale të Republikës së Kosovës./S.K/KP/

Continue Reading

Të kërkuara