

Lajmet
Pranohen me shkrim dëshmitë e nëntë dëshmitarëve në rastin Thaçi dhe të tjerët
Published
6 months agoon
By
Betim GashiGjykata Speciale ka njoftuar se më 10 shtator, trupi gjykues ka pranuar në prova dëshmitë dhe provat materiale shoqëruese me shkrim të 9 dëshmitarëve në çështjen gjyqësore Thaçi dhe të tjerët. Po ashtu, trupi gjykues ka hedhur poshtë kërkesën në lidhje me dëshmitarin e 10-të, pa paragjykuar të drejtën e Prokurorisë për të paraqitur kërkesë për ta thirrur dëshmitarin të dëshmojë në sallën e gjyqit.
Veç kësaj, më 5 shtator, trupi gjykues ka miratuar kërkesën e Prokurorisë për të lejuar pranimin në prova të disa pjesëve të dëshmisë me shkrim të një dëshmitari dhe për ta lejuar atë të dëshmojë nëpërmjet videokonferencës.
“Trupi Gjykues theksoi se mbrojtja nuk kundërshtoi kërkesën dhe konstatoi se dhënia e dëshmisë nëpërmjet videokonferencës është më e favorshme për mirëqenien e dëshmitarit dhe ndihmon në kryerjen e shpejtë të procesit gjyqësor”, thuhet në njoftim.
Të njëjtën ditë, trupi gjykues ka miratuar një kërkesë të Prokurorisë që dhe dy dëshmitarë të tjerë të japin dëshmi nëpërmjet videokonferencës, meqë kjo është më e favorshme për shëndetin dhe mirëqenien e tyre. Trupi gjykues u bind se dhënia e dëshmisë prej tyre nëpërmjet videokonferencës nuk do t’u shkaktojë dëm të akuzuarve dhe është në përputhje me mbrojtjen e efektshme të të drejtave të tyre.
Seanca e ardhshme në këtë çështje gjyqësore është planifikuar për të hënën, 16 shtator, duke filluar në orën 9:00 paradite, raporton “Betimi për Drejtësi”.
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Lajmet
Lufta në Ukrainë, Parlamenti i BE-së miraton zyra në Shqipëri dhe Moldavi
Published
32 minutes agoon
March 11, 2025By
UBTnews
Parlamenti Evropian miratoi të hënën, më 10 mars, ngritjen e zyrave të reja në Moldavi dhe Shqipëri, në një përpjekje për të rritur praninë e tij në Evropën Juglindore dhe Lindore, mes shqetësimeve se lufta në Ukrainë po dobëson lidhjet e BE-së.
Sipas një dokumenti të marrë nga Euroneës dhe burime të njohura me këtë çështje, byroja, e cila është një organ administrativ i Parlamentit Evropian “mori parasysh faktin se, për shkak të luftës së vazhdueshme të agresionit kundër Ukrainës, ishte e vështirë të mbulohej Moldavia dhe vendet e tjera të Partneritetit Lindor nga zyra që do të krijohej në Kiev dhe se zgjidhjet alternative do të duhej të konsideroheshin”, thuhet në dokument.
Parlamenti Evropian ka zyra ndërlidhëse në të gjithë BE-në dhe disa në vendet jo-BE për qëllime strategjike.
Parlamenti Evropian ka “tre zyra antenash operacionale të vendosura në Nju Jork për marrëdhëniet me Kombet e Bashkuara, në Xhakartë për marrëdhëniet me Shoqatën e Kombeve të Azisë Juglindore dhe në Addis Abeba për marrëdhëniet me Bashkimin Afrikan”, thuhet në dokument, me një zyrë të re në Panama për të menaxhuar marrëdhëniet me Amerikën Latine gjithashtu në zhvillim e sipër.
Zyrat e reja të antenave në Kishinau dhe Tiranë synojnë të nxisin marrëdhëniet me BE-në duke mbështetur parlamentet lokale, shoqërinë civile dhe procesin e pranimit në BE, ndërsa rrisin dukshmërinë e aktiviteteve dhe pozicioneve të Parlamentit, veçanërisht për zgjerimin e BE-së, thuhet në dokument.
Lajmet
Kosova të përshpejtojë në miratimin e planit kombëtarë të energjisë dhe klimës
Published
55 minutes agoon
March 11, 2025By
UBTnews
Sipas një hulumtimi të Institutit për Siguri dhe Reziliencë- Prevent, mbi katastrofat natyrorë dhe sfidave të shkaktuara nga ndryshimet klimatike, del se Kosova nuk ka kapacitete institucionalë me u përballë me këto ndryshime të klimës që po ndodhin çdo ditë.
Sipas këtij raporti, disa nga kërcënimet kryesore që përballet shoqëria dhe institucionet në Kosovë nga ndryshimet klimatike janë përmbytjet e shpeshta, të cilat kanë shkaktuar dëme të mëdha në infrastrukturë, bujqësi dhe shtëpi banimi.
Andi Batusha hulumtues në Institutin për Siguri dhe Reziliencë – Prevent theksoi se nuk ka koordinim të mirëfillt ndërinstitucional dhe se sipas tij, ka ndërgjegjësim të ulët të publikut në përpjekjet për qëndrueshmëri klimatike.
Batusha, rekomandon që të përshpejtohet miratimi i Planit Kombëtarë të Energjisë dhe klimës.
“Kosova nuk ka kapacitete institucionale me u përballë me këto ndryshime të klimës. Kemi sistemet e reagimit të cilat mungojnë në kuptimin që nuk ka burime dhe kapacitete të mjaftueshme. Koordinim të dobët ndërinstitucional. Ndërgjegjësimi i ulët i publikut në përpjekjet për qëndrueshmëri klimatike. Një rekomandim është që Kosova duhet të përshpejtojë miratimin e planit kombëtarë të energjisë dhe klimës”, tha Batusha.
Ndërsa, Adea Kondirolli nga Open Society Foundations Ëestern Balkans shtoi se në këtë dokument shfaqen hapat që duhet me i ndërmarrë shteti për me u përballë me këtë temë.
“Në këtë konferencë është me rëndësi me përmend se a janë të gatshme institucionet tona për me menaxhua këtë fatkeqësi natyrore që po ndodhin për shkak të ndryshimeve klimatike dhe a i kemi mekanizmat e qarta për me i menaxhua. Ky dokument nuk është vetëm një vërtetim për situatën aktuale, por hapat që duhet me i ndërmarrë ne si shtet për me u përballë me këtë temë”, shtoi Kondirolli.
Ky raport synon të analizojë kapacitetet e institucioneve në Kosovë qe janë përgjegjëse për parandalimin dhe reagimin ndaj pasojave të ndryshimeve klimatike.
Lajmet
Arrestohen dy të dyshuar për disa raste të vjedhjeve nëpër xhami
Published
1 hour agoon
March 11, 2025By
UBTnews
Dy persona J.H (31-vjeç) dhe L.K (33-vjeç) janë arrestuar nën dyshimin për disa raste të vjedhjeve nëpër disa xhami të fshatrave të Lipjanit.
Në njoftimin e Policisë, thuhet se arrestimi i të dyshuarve u bë nga hetuesit e stacionit policor të Lipjanit, raporton “Betimi për Drejtësi“.
“Rastet ishin denoncuar në polici përgjatë vitit 2023 dhe 2024, ku dyshohej se, persona të dyshuar kishin vjedhur gjësende të ndryshme e në disa raste kishin dëmtuar dhe asgjësuar edhe pasuri në objektet e Xhamive. Që nga deponimi i denoncimeve, policia në vazhdimësi ka ndërmorë një varg veprimesh hetimore e operative me qëllim të ndriçimin e rrethanave të ngjarjeve si dhe identifikimin e të implikuarve”, thuhet në njoftim.
Pas hetimeve, Policia identifikoi dhe arrestoi dy të dyshuarit të cilët me rekomandimin e prokurorit të shtetit u dërguan në mbajtje prej 48 orësh, ndërkaq ndaj tyre u iniciua një hetim në drejtim të veprave penale “Vjedhja”, “Vjedhja e rëndë” si dhe “Asgjësim apo dëmtim i pasurisë”.
Lajmet
12 raste të dhunës në familje brenda një dite në Kosovë
Published
2 hours agoon
March 11, 2025By
UBTNews
Të dhënat e fundit nga Policia e Kosovës tregojnë për një situatë shqetësuese të dhunës në familje, ku vetëm të hënën, më 10 mars, janë regjistruar 12 raste të dhunës familjare në disa qytete të vendit. Nga këto raste, 11 viktima janë gra.
Rastet e raportuara sipas qyteteve:
- Prishtinë: 4 raste
- Obiliq: 1 rast
- Kamenicë: 1 rast
- Istog: 2 raste
- Pejë: 2 raste
- Rahovec: 1 rast
- Gjakovë: 1 rast
Sipas raportit ditor të Policisë së Kosovës, shumica e rasteve kanë ndodhur pas mosmarrëveshjeve brenda familjes, ku viktimat janë sulmuar fizikisht ose i është shkaktuar dhunë psiqike nga bashkëshortët apo anëtarë të tjerë të familjes. Disa nga viktimat kanë pranuar tretman mjekësor, ndërsa në disa raste gratë janë dërguar në strehimore ose tek familjarët e tyre për siguri.

Rritet në 48.503 numri i të vdekurve nga sulmet izraelite në Rripin e Gazës

Lufta në Ukrainë, Parlamenti i BE-së miraton zyra në Shqipëri dhe Moldavi

Kosova të përshpejtojë në miratimin e planit kombëtarë të energjisë dhe klimës

Nisin bisedimet SHBA-Ukrainë për dhënie fund të luftës së nisur nga Rusia

Soda e bukës zhduk aknet

Zelensky pas takimit në Arabinë Saudite, premton bisedime ‘konstruktive’ me SHBA

OKB-ja: Krime të pashembullta janë kryer sistematikisht në Siri në periudhën e Asadit

Arrestohen dy të dyshuar për disa raste të vjedhjeve nëpër xhami

Apple dhe Meta do të përballen me gjoba për shkelje të ligjit
Të kërkuara
-
Magazinë3 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota1 month ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota1 month ago
Shtëpia e Bardhë: Armëpushimi në Liban do të zgjatet deri më 18 shkurt