Shëndeti

Pozicionet e fjetjes ndikojnë tek rrudhat dhe lëkura

Fjetja përmbys dhe në anë ka pasoja të këqija në trup dhe lëkurë.

Published

2 years ago

February 13, 2023

UBT news

Gjumi është shumë i rëndësishëm për shëndetin por edhe për bukurinë.

Kur njeriu nuk fle mjaftueshëm ose siç duhet, pasqyra do të tregojë pasojat e frikshme që shpalosen në fytyrë.

Ekspertët dermatologë thonë se mënyra se si fle njeriu dhe aspekte të tjera të rutinës së gjumit lënë ndikim të fortë në lëkurë.

Fjetja përmbys ose në anë

Fjetja përmbys dhe në anë ka pasoja të këqija në trup dhe lëkurë.

Sipas të dhënave të AgroWeb.org, fjetja përmbys shkakton jo vetëm dhimbje mesi por edhe rrudha në fytyrë. Kjo ndodh sepse fytyra është në kontakt të drejtpërdrejtë me jastëkun, duke shkaktuar vijëzime të lëkurës.

Ata që flenë barkazi kanë më shumë rrudha në zonën e ballit të cilat nuk sheshohen dot.

Ata që flenë anash kanë rrudha të thella në atë anë të lëkurës si dhe vijëzime vertikale në mjekër dhe faqe.

Sipas ekspertëve, mënyra më e mirë e të fjeturit është me shpinë, një pozicion që e mbron lëkurën nga rrudhat dhe papastërtitë në kontakt me jastëkun.

Megjithatë, koka duhet të jetë paksa e ngritur sepse në të kundërt në mëngjes do të keni më shumë rrathë nën sy.

Mos pastrimi i lëkurës nga makiazhi

Gjatë ditës, lëkura e fytyrës rëndohet jo vetëm nga makiazhi por edhe shtresa të tëra ndotësish dhe bakteresh.

Ato mbyllin poret, përshpejtojnë plakjen, e thajnë dhe irritojnë lëkurën.

Mjaftojnë dy minuta në banjë për të larë fytyrën dhe mund ta mbroni atë.

Mungesa e gjumit

Sipas të dhënave të AgroWeb.org, nëse nuk flini 7-8 orë në ditë, atëherë pasojat do t’i vëreni menjëherë në lëkurë.

Gjumi është i domosdoshëm për prodhimin e kolagjenit, qarkullimin e gjakut dhe eliminimin e rrathëve të syve.

Alkooli

Pirja e alkoolit përpara gjumit prish ciklet e tij.

E njëjta gjë vlen edhe për kafenë, çajin dhe pijet e gazuara.

Këto produkte prishin gjumin dhe paraqitjen tuaj të jashtme.

Larja e jastëkëve

Nëse njeriu fle 8 orë, 16 orë të tjera lëkura e tij akumulon papastërti dhe yndyrna.

Të gjitha këto mund të përfundojnë në çarçafë e jastëk.

Këto të fundit duhen larë të paktën një herë në javë për të parandaluar transferimin e baktereve në lëkurë.

Ekspertët rekomandojnë këllëfë me pëlhura cilësore, që nuk shkaktojnë rrudha në fytyrë.

Kremërat e lëkurës

Vendosja e kremërave mbrojtës dhe ushqyes përpara gjumit është shumë e mirë për lëkurën.

Gjatë natës, lëkura rigjenerohet dhe ka nevojë për ushqim, ndaj mos harroni të aplikoni kremin kundër rrudhave, atë ushqyes apo edhe balsam për buzët./AgroWeb.org

Shëndeti

Ushqimet më të mira kundër fryrjes së stomakut

Published

1 day ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

1 day ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

1 day ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

1 day ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!