

Botë
Postimi i modeles “Duart larg hixhabit tim” ndez “protestë” mbi propozimin për ndalimin e mbulesës në Francë
Published
4 years agoon
By
Betim GashiNjë modele somalezo-norvegjeze, Rawdah Mohamed, postimi i së cilës kritikonte propozimin për ndalimin e hixhabit në Francë u bë viral në rrjete sociale, ka thënë se ajo dëshiron të luftojë “stereotipet e rrënjosura thellë” kundër grave veçanërisht muslimane.
Fotoja e saj me hashtag “hands off my hijab” që në shqip do të thotë “duart larg nga hixhabi im”, ka filluar një fushatë që ka qenë në trend në rrjetet më të mëdha sociale Twitter, Instagram dhe TikTok.
Handsoffmyhijab, së bashku me #PasToucheAMonHijab, është marrë nga edhe nga kongresmenja amerikane Ilhan Omar, si dhe mijëra gra ndërkombëtarisht. Ata kanë përdorur hashtagun për të protestuar kundër votës së senatit francez për të ndaluar këdo nën 18 vjeç që të vendos mbulesën në publik.
“Unë fillova këtë sepse ndjeva nevojën për të humanizuar lëvizjen. Për gratë e pakicave etnike flitet gjithmonë. Unë dëshiroja të merrja përsëri kontrollin e rrëfimeve tona dhe të tregoja historitë tona”, tha Mohamed për Guardian.
Mohamed shtoi se legjislacioni i propozuar “buron nga diskriminimi dhe stereotipet e rrënjosura thellë ndaj grave muslimane”.
Franca ishte vendi i parë që ndaloi nikabin (lloj mbulese) në hapësirat publike, në prill 2011, dhe qytetet franceze kanë ndaluar mbulesën burka, duke filluar një bisedë kombëtare rreth nacionalizmit, identitetit dhe feminizmit.
“Unë doja që shtypësit e mi të shihnin fytyrën time dhe gratë si unë. Ata nuk arrijnë të fshihen në zyrat e tyre luksoze të parlamentit dhe të rregullojnë trupat e grave pa luftë”, deklaroi ajo.
Në Instagram, Mohamed shkroi: “Ndalimi i hixhabit është gjuhë e urrejtjes që vjen nga niveli më i lartë i qeverisë dhe do të zbresë si një dështim i jashtëzakonshëm i vlerave fetare dhe barazisë”.
Modelja vazhdoi të tregonte një histori kur u tha se ajo nuk mund të mbante hixhabin e saj në shkollë për shkak të bullizmit. “Ulur në një dhomë plot që diskutonin për trupin tim dhe çfarë mund dhe nuk mund të vishja si një vajzë e re la më shumë plagë sesa vetë ngacmimi”.
“Unë kam humbur numërimin e shumë herë që jam refuzuar për një punë për shkak të hixhabit tim dhe jo për shkak të mungesës së aftësive”, deklaroi ajo.
Duke folur për përvojën e saj në industrinë e modës, ajo pretendoi se ishte refuzuar për shumë punë, sepse klientët kishin frikë nga reagimi i politikanëve dhe mediave për paraqitjen e një gruaje me hixhab në fushatat reklamuese./UBTNews
(Arjeta Ibishi, Media dhe Komunikim – UBT)
Botë
Udhëheqësit e BE-së takohen për të diskutuar mbrojtjen e përbashkët dhe Ukrainën
Published
3 hours agoon
October 1, 2025By
UBTnews
Udhëheqësit e Bashkimit Evropian do të takohen sot në Kopenhagë për bisedime joformale të përqendruara në mbrojtjen dhe luftën e Rusisë kundër Ukrainës, pasi një seri ndërhyrjesh në hapësirën ajrore dhe shikimeve të dronëve ngritën shqetësime të reja për sigurinë.
Diskutimet pritet të përqendrohen në forcimin e aftësive të përbashkëta mbrojtëse të BE-së, mbështetjen e fqinjëve të Evropës Lindore të Rusisë dhe ofrimin e ndihmës shtesë për Ukrainën e shkatërruar nga lufta.
Takimi i planifikuar më parë vjen pasi qeveria daneze i quajti interceptimet e përsëritura të dronëve që kanë ndërprerë rëndë trafikun ajror danez një “sulm hibrid”.
Në fillim të shtatorit, tre avionë luftarakë rusë hynë në hapësirën ajrore të Estonisë pasi një numër i madh dronësh rusë hynë në hapësirën ajrore polake.
Presidenti i Këshillit Evropian Antonio Costa, në një letër ftese drejtuar udhëheqësve të BE-së, i përshkroi incidentet si “një kujtesë e fortë e nevojës për të përshpejtuar dhe intensifikuar përpjekjet tona”.
Midis propozimeve në tryezë janë një i ashtuquajtur “mur dronësh” për të përmirësuar mbrojtjen ajrore të BE-së dhe dhënies hua Kievit miliarda euro në formën e aseteve të ngrira ruse në BE./D.B/EO
Botë
Ambasada Amerikane në Kosovë kufizon përditësimet në Facebook
Published
3 hours agoon
October 1, 2025By
UBT News
Ambasada Amerikane në Prishtinë ka kufizuar përditësimet në Facebook, për shkak të krizës buxhetore në Shtetet e Bashkuara të Amerikës.
Për herë të parë pas shtatë vitesh, qeveria amerikane është mbyllur pasi liderët e Partisë Demokratike dhe asaj Republikane nuk arritën të bien dakord për një financim të përkohshëm.
Si rrjedhojë, mijëra punonjës që paguhen nga buxheti shtetëror do të jenë në pushim pa pagesë, derisa të arrihet një marrëveshje mes partive.
Në njoftimin e Ambasadës amerikane thuhet se llogaria në Facebook nuk do të përditësohet rregullisht derisa të rifillojnë operacionet e plota. Kjo, për shkak të mungesës së fondeve të alokuara, thuhet në njoftimin në Facebook.
“Kjo llogari në Facebook nuk do të përditësohet rregullisht derisa të rifillojnë operacionet e plota, me përjashtim të informacionit urgjent të sigurisë. Në këtë kohë, shërbimet e planifikuara të pasaportave dhe vizave në Shtetet e Bashkuara dhe në Ambasadat dhe Konsullatat e SHBA-së jashtë vendit do të vazhdojnë gjatë mungesës së fondeve të alokuara, sipas situatës. Ne nuk do ta përditësojmë këtë llogari derisa të rifillojnë operacionet e plota, me përjashtim të informacionit urgjent të sigurisë”, thuhet po aty.
Kjo është mbyllja e parë e qeverisë pas shtatë vitesh, që nga mandati i parë i presidentit aktual./S.K/KP/
Botë
Trump tërheq kandidaturën për të drejtuar agjencinë amerikane të të dhënave të punësimit
Published
3 hours agoon
October 1, 2025By
UBT News
Presidenti i SHBA-së, Donald Trump, ka tërhequr nominimin e ekonomistit konservator EJ Antoni si kreu i Byrosë së Statistikave të Punës (BLS).
Nominimi erdhi menjëherë pasi Trump shkarkoi komisioneren e BLS, Erika McEntarfer në mes të mandatit të saj, pas një raporti të dobët të punësimit që ngriti shqetësime në lidhje me ekonominë amerikane.
Nominimi i Antonit u vlerësua nga konservatorët, por disa ekonomistë të pavarur thanë se ai nuk ishte i kualifikuar për këtë punë dhe se konfirmimi i tij mund të dëmtonte besueshmërinë e BLS-së.
Një zyrtar i Shtëpisë së Bardhë nuk dha një arsye për tërheqjen, por tha se presidenti planifikon të nominojë një kandidat të ri për këtë rol së shpejti.
Ndërkohëm, Presidenti ka hedhur poshtë vazhdimisht shqetësimet në lidhje me politikat e tij ekonomike, duke argumentuar se tarifat që ai ka vendosur mbi partnerët tregtarë globalë do të rrisin vendet e punës dhe prodhuesit në SHBA./S.K/KP/
Botë
Ministria polake e Mbrojtjes detajon përgatitjet kundër dronëve rus
Published
3 hours agoon
October 1, 2025By
UBT News
Incidentet e fundit të shkeljeve të përsëritura të hapësirës ajrore polake nga dronët gjatë sulmeve ruse ndaj Ukrainës, kanë ngritur pyetje në lidhje me reagimin dhe gatishmërinë e mbrojtjes ajrore të Polonisë.
Ministria e Mbrojtjes Kombëtare e Polonisë dha deklaratë se hetimet po vazhdojnë.
“Hetimi është duke vazhduar. Në këtë fazë, është shumë herët për të dhënë detaje në lidhje me shkeljen e hapësirës ajrore polake.”thuhet në njoftim.
Sipas Ministrisë, në përgjigje të përshkallëzimit të veprimeve që synojnë infrastrukturën dhe civilët ukrainas, Komanda Operacionale e Forcave të Armatosura Polake ka aktivizuar masat e përcaktuara nga procedurat se është rritur gatishmëria e komponentëve të mbrojtjes ajrore, dhe se janë mobilizuar avionët në detyrë dhe sistemet tokësore të zbulimit kundërajror dhe radar janë mbajtur në nivelin më të lartë të gatishmërisë”, shkruan Ce-Report.
“Ky është një përpjekje e koordinuar dhe e vazhdueshme nga Forcat Ajrore, sistemet kundërajrore, njësitë e inxhinierisë radiofonike dhe qendrat e komandës dhe kontrollit, e kryer në bashkëpunim të ngushtë me Komandën e Përbashkët të Forcave Ajrore të NATO-s brenda Sistemit të Integruar të Mbrojtjes Ajrore dhe Raketore të NATO-s (NATINAMDS) nën mbikëqyrjen e vazhdueshme të Komandantit Operacional të Forcave të Armatosura Polake. Ushtria Polake po monitoron vazhdimisht situatën, mbetet në gatishmëri të vazhdueshme për të siguruar sigurinë e hapësirës ajrore polake dhe ndërmerr veprime të përshtatshme sa herë që e kërkon siguria e Republikës së Polonisë dhe hapësirës ajrore aleate”, thuhet më tej.
Ministria konfirmoi gjithashtu se janë duke u zhvilluar procedurat e dedikuara të prokurimit.
“Shkalla e veprimit dhe funksionaliteti i këtyre sistemeve përshtaten vazhdimisht me kërcënimet aktuale dhe të parashikuara – kjo është një fushë jashtëzakonisht dinamike që kërkon modernizim të vazhdueshëm. Prandaj, ne po zhvillojmë sisteme për t’iu kundërvënë atyre, duke përdorur jo vetëm pajisje bllokimi, por edhe efektorë kinetikë (artileri, raketa, sisteme lazeri dhe mikrovalë, dronë interceptues, etj.)”.
Një sistem gjithëpërfshirës kundër-dronëve po ndërtohet, i optimizuar për kërcënimet në zhvillim, shtoi ministria, duke theksuar se dronët që shkelin hapësirën ajrore të NATO-s veprojnë në lartësi shumë të ulëta dhe shpejtësi të ulët, duke e bërë të vështirë për radarët tradicionalë dhe sistemet kundërajrore t’i zbulojnë ato.
Së fundmi, Ministria theksoi se qëllimi i saj kryesor është siguria e Polonisë dhe siguria e qytetarëve të saj./S.K/KP/

Snapchat ndryshon! Memories nuk do të jetë më plotësisht falas

Genc Nuza delegohet nga UEFA në Conference League

Roma synon të rinovojë kontratën e Paulo Dybala-s

Robbie Williams zbulon se ka sindromën Tourette

Covey për incidentet: Asnjë prej aktiviteteve nuk lidhen drejtpërdrejt me Thaçin
Arrestohen tre të mitur në Mitrovicë të Veriut, dyshohen për lëndim të lehtë

Lautaro thyen tjetër rekord në Inter

Ekranet e palosshme të Samsung drejt një klienti nga SHBA, iPhone Fold në horizont?

Aksion i policisë në Kamenicë, tre persona të arrestuar, i kapen armë e municion
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega