Lajmet

A u shpërbë vërtet ‘policia e moralit’ e Iranit?

Deklaratat e Montazerit nxitën reagime.

Published

4 years ago

on

Të shtunën e javës së kaluar, Prokurori i Përgjithshëm i Iranit, Mohammad Jafar Montazeri tha në një konferencë se “policia morale” e Iranit nuk ka bëtë bëjë asgjë me “departamentin e drejtësisë” dhe u “shpërbë nga ata që e krijuan”.

Deklaratat e tij u raportuan nga agjencia shtetërore e lajmeve ISNA dhe nxitën diskutime në mbarë botën se Republika Islamike po i përgjigjej presionit masiv publik pas muajsh protestash antiqeveritare të shkaktuara nga vdekja e një gruaje të re kurde, Jina Mahsa Amini.

Amini vdiq më 16 shtator pasi u ndalua nga “policia e moralit” nën dyshimet se nuk e mbante siç duhet hixhabin. Autoritetet kanë mohuar raportimet se ajo është rrahur dhe pretendojnë se 22-vjeçarja vdiq si pasojë e një sulmi në zemër.

“Deklarata u nxor nga konteksti”

Megjithatë, të hënën, transmetuesi shtetëror iranian Al-Alam raportoi se deklaratat e Montazerit ishin nxjerrë jashtë kontekstit dhe se departamenti i drejtësisë i Iranit do të “vazhdojë të monitorojë sjelljen publike”.

Irani “nuk ka një “polici të moralit”, përkundrazi një “polici të sigurisë publike” dhe departamenti i drejtësisë nuk ka plane për ta shfuqizuar atë, as nuk do të ndërmarrë një hap në këtë drejtim”, raportohet të ketë thënë Montazeri sipas mediave lokale.

Sipas aktivistes për të drejtat e grave iraniane, Mahdieh Golroo, deklaratat e Montazerit prezantojnë një taktikë “të provuar dhe të vërtetë” të strategjisë së informacionit të Republikës Islamike.

“Së pari, Irani pretendon diçka dhe angazhon media për të rritur shpresat se ky sistem mund të mësojë dhe të reformohet”, tha aktivistja 36-vjeçare që jeton në Suedi.

Ajo shtoi se megjithëse njësitë e lëvizshme të “policisë së moralit” mund të ndryshojnë shumë mirë nga forma e tyre aktuale, kjo nuk kërkon një ndryshim në strategjinë e përdorimit të pushtetit shtetëror për të zbatuar sjelljen publike, si kërkesa për gratë që të mbajnë shami.

Rrjeti iranian i spiunëve të moralit

Edhe nëse shpërbëhet policia e moralit, një grup tjetër mund ta marrë përgjegjësinë mbi kontrollin ndaj paraqitjes së grave në publik.

Për shembull, mediat iraniane kanë raportuar që atëherë kontrolle më të ashpra mbi kodet e rrepta të veshjes, veçanërisht mbi hixhabin, që po kryhen nga organizata, e përkthyer afërsisht nga farsi si zyra për “Urdhërimin e së mirës dhe ndalimin e së keqes”.

Kjo organizatë funksionon paralelisht me “policinë e moralit”. E themeluar në vitin 1993, ajo drejtohet nga një klerik në Teheran dhe shteti financon veprimtarinë e saj.

Kuadrot e saj janë kryesisht vullnetarë të cilët japin informacion në lidhje me shkeljet e pretenduara të rregullave të “moralit” në një nga 500 zyrat në të gjithë Iranin./UBTNews/

Related Topics:
Continue Reading

Vendi

Policia e Ferizajt me aksion të shtuar: 1.511 gjoba të shqiptuara në shtatë ditë

Published

2 hours ago

on

July 13, 2026

By

Policia Rajonale e Ferizajt ka intensifikuar aktivitetet për rritjen e sigurisë në trafikun rrugor dhe parandalimin e aksidenteve.

Gjatë periudhës nga 6 deri më 12 korrik 2026, policia ka shqiptuar gjithsej 1.511 gjoba kundërvajtëse, ndërsa ka pezulluar 43 patentë shoferë për drejtuesit e automjeteve që kanë kryer shkelje të rënda në komunikacion.

Në të njëjtën periudhë janë regjistruar 42 aksidente, prej të cilave 23 kanë qenë me lëndime trupore, ku janë lënduar 31 persona, ndërsa 19 aksidente kanë përfunduar vetëm me dëme materiale.

Policia Rajonale e Ferizajt ka bërë të ditur se do të vazhdojë me kontrolle dhe aktivitete të shtuara me qëllim parandalimin e aksidenteve dhe rritjen e sigurisë në rrugë.

Njëkohësisht, policia u ka bërë apel të gjithë shoferëve që të respektojnë rregullat e trafikut, të tregojnë kujdes gjatë vozitjes dhe të bashkëpunojnë me autoritetet duke raportuar çdo kundërvajtje përmes stacionit më të afërt policor, aplikacionit digjital “Lajmëro Policinë” ose numrit kujdestar 192./A.K/

Continue Reading

Vendi

Pjesëtarët e FSK-së përfundojnë trajnimin e avancuar të zhytjes në Shqipëri

Published

2 hours ago

on

July 13, 2026

By

Pjesëtarët e Gardës Kombëtare të FSK-së kanë përfunduar me sukses trajnimin e specializuar “Zhytje Rifreskuese” në Qendrën Kombëtare të Polumbarëve në Pashaliman të Vlorës.

Ky aktivitet u realizua në kuadër të bashkëpunimit të ngushtë bilateral ndërmjet Forcës së Sigurisë së Kosovës dhe Forcave të Armatosura të Republikës së Shqipërisë.

Trajnimi intensiv kishte për qëllim avancimin e teknikave moderne të zhytjes, rritjen e sigurisë nënujore, menaxhimin e operacioneve të ndërlikuara dhe kontrollin e lundrueshmërisë.

Përmes këtij programi, pjesëtarët e FSK-së kanë forcuar ndjeshëm kapacitetet e tyre profesionale për misione kritike të kërkim-shpëtimit dhe operacione të specializuara nënujore. /E.A/

Continue Reading

Lajmet

Shkup: 31-vjeçari dyshohet se vrau babanë me thikë pas një përleshjeje familjare

Published

2 hours ago

on

July 13, 2026

By

Një 31-vjeçar nga Shkupi është arrestuar, pasi dyshohet se ka vrarë me thikë babanë e tij pas një konflikti familjar në shtëpinë e tyre.

Sipas Ministrisë së Brendshme të Maqedonisë së Veriut, ngjarja ka ndodhur mbrëmë rreth orës 22:30, në një banesë familjare në zonën e Bit Pazarit në Shkup.

Sipas raportimeve fillestare, 52-vjeçari E.L., i cili dyshohet se ishte nën ndikimin e alkoolit, kishte sulmuar fizikisht bashkëshorten e tij 54-vjeçare. Gjatë konfliktit, djali i tyre 31-vjeçar, B.Xh., dyshohet se e ka goditur me thikë babanë, duke i shkaktuar plagë fatale.

Policia ka arrestuar të dyshuarin rreth orës 23:00, ndërsa gruaja e lënduar është dërguar për trajtim mjekësor në Spitalin e Përgjithshëm të Qytetit “Shën Naum i Ohrit”.

Me urdhër të prokurorit publik, trupi i viktimës është dërguar për autopsi, ndërsa hetimet për zbardhjen e plotë të rastit janë duke vazhduar./A.K/

Continue Reading

lajme

Fakulteti Juridik i UBT-së përmbyll Akademinë Verore me diskutime mbi të drejtën dhe Inteligjencën Artificiale

Published

3 hours ago

on

July 13, 2026

By

Pas një jave intensive me ligjërata, diskutime akademike dhe aktivitete profesionale të udhëhequra nga profesorë dhe ekspertë të fushës, Akademia Verore e Fakultetit Juridik në UBT u përmbyll me një vizitë studimore në kompaninë mediale Infokus.

Gjatë vizitës, studentët patën mundësinë të zhvillojnë një bashkëbisedim me gazetaret Era Berisha, Hateme Smajli dhe Arjeta Osmani, ku u diskutua mbi ndikimin e Inteligjencës Artificiale në gazetari dhe media. Diskutimi u fokusua në mundësitë që Inteligjenca Artificiale ofron për punën e gazetarëve, por edhe në sfidat që ajo sjell për profesionin. Tematika si përgjegjësia profesionale e gazetarëve, paditë SLAPP, përdorimi i përmbajtjeve të gjeneruara nga Inteligjenca Artificiale dhe ndikimi i tyre në informimin e publikut u trajtuan në një debat të hapur, interaktiv dhe mjaft frytdhënës.

Një ditë më parë, pjesëmarrësit e Akademisë Verore ndoqën dy ligjërata me tema aktuale dhe me rëndësi të veçantë për zhvillimet juridike bashkëkohore. Prof. Jorida Xhafaj ligjëroi mbi temën “Inteligjenca Artificiale, etika dhe privatësia: A mund ta ndjekë ligji zhvillimin e Inteligjencës Artificiale?”, ndërsa Prof. Elton Tota trajtoi temën “Inteligjenca Artificiale: Ndikimi në vendimmarrje, demokraci dhe lidership”.

Përmes këtij programi, Akademia Verore e Fakultetit Juridik u ofroi studentëve një platformë të vlefshme për të thelluar njohuritë mbi sfidat juridike, etike dhe shoqërore që shoqërojnë zhvillimin dhe përdorimin e Inteligjencës Artificiale. Përmes ligjëratave, diskutimeve dhe bashkëbisedimeve me akademikë e profesionistë të fushës, pjesëmarrësit patën mundësinë të lidhin teorinë me praktikën dhe të zhvillojnë një perspektivë më të gjerë mbi çështjet bashkëkohore të së drejtës dhe teknologjisë.

Continue Reading

Të kërkuara