

Aktualitet
Posta kërkon nga Qeveria e Telekomi të shlyejnë borxhet
Published
4 years agoon
By
Betim GashiPosta e Kosovës është në gjendje jo të mirë financiare, e si pasojë e kësaj kanë mbetur edhe një pjesë e punëtorëve ende pa paga. Në këtë ndërmarrje thonë se situatë më e mirë do të ishte nëse Telekomi dhe Qeveria e Kosovës do të paguanin obligimet që kanë ndaj saj.
Ushtruesi i detyrës së kryeshefit ekzekutiv të Postës së Kosovës, Xhevdet Smakiqi ka thënë për KosovaPress, se nëse do të respektohej marrëveshja për shërbime postare me Qeverinë e Kosovës që ka akumuluar rreth 7 milionë euro borxhe dhe nëse Telekomi do të shlyente detyrimet rreth 2 milionë euro që janë nga qiratë atëherë të paktën pagat do të ekzekutoheshin në kohë.
“Posta e Kosovës aktualisht e ka një gjendje jo të mirë të bilancit financiar, respektivisht arkëtimit të borxhit të cilat i kanë Telekomi ndaj Postës së Kosovës, po edhe Qeveria e Kosovës me vite, e cila nuk e ka përmbushur obligimin ligjor për shlyerjen e borxheve të shërbimit postar, i cili është afër 7 milionë euro, i cili është vërtetuar nga përmbaruesi privat nga Gjykata Themelore në Prishtinë. Ne kemi pritur që të na ekzekutohet së paku 4.7 milionë euro borxh, të cilat kemi qenë në negociata të ekspertëve dhe nga vet iniciativa e ish-ministrit Blerim Kuçi. Po ashtu, Telekomi ka rreth 2 milionë euro borxh për qiratë ndaj Postës së Kosovës, i cili nëse ekzekutohet me kohë, pagat për punëtorët e Postës nuk do të jetë problem madje do të mund t’i ekzekutonim edhe me datën 1 siç i kemi ekzekutuar para kësaj krize”, ka thënë Smakiqi.
Smakiqi ka thënë se pa paga në Postën e Kosovës kanë mbetur afër 1 mijë punëtorë dhe nëse Telekomi i Kosovës do të ekzekutojë një pjesë të borxhit, atëherë pagat e këtyre punëtorëve do të dalin deri në fund të javës
“Ne e kemi themeluar një komision për hartimin e borxheve që kanë institucionet dhe komunat, por edhe operatorët dhe klientët ndaj Postës së Kosovës, por kjo është e paarritshme për shkak se buxheti i Republikës së Kosovës nuk është aktivizuar sipas informatave që kam nga ekspertët e Postës së Kosovës, dhe komunikimet që i kanë me gjykatat, me Këshillin Gjyqësor, me ministritë, gjithashtu mbesim me shpresë se Telekomi të na ekzekutojë një pjesë të borxhit që na e ka për dy muaj, por edhe borxhit të prapambetur dhe t’i ekzekutojmë pagat, besoj deri në fund të javës. Ne jemi rreth 960 punëtorë aktualisht dhe gjysma e tyre nuk i kanë marrë pagat”, thotë Smakiqi.
Smakiqi në një prononcim për KosovaPress deklaroi se gjatë vitit 2020 ishte finalizuar një marrëveshje me Qeverinë e Kosovës, ku është kërkuar kthimi i borxhit për afër 5 milionë euro, por që para pak javëve është konfirmuar nga ata që nuk janë të gatshëm ta bëjnë këtë marrëveshje.
Ndërsa për këtë, ai thotë se kanë dorëzuar lëndën në gjykatë dhe tek përmbaruesi, ku nga kjo do të dëmtohet edhe më shumë buxheti i Kosovës, pasi që do të detyrohen të paguajnë edhe kamata shtesë.
“Gjatë vitit 2020, me qeverinë aktuale kemi diskutuar vazhdimisht dhe kemi finalizuar marrëveshjen, e cila ka nënkuptuar që na të kërkojmë vetëm borxhin kryesor 4 milionë e 700 e diçka mijë euro, mirëpo para pak javëve ne kemi marrë një konfirmim që qeveria dhe ministria nuk janë të gatshme ta bëjnë këtë marrëveshje dhe ne si Postë e Kosovës jemi detyruar ta riaktivizojmë përsëri lëndën në gjykatë dhe tek përmbaruesi, me të cilën do të dëmtohet buxheti i Kosovës, sepse pastaj aksionari do të detyrohet t’i paguajë edhe kamatat ligjore që janë shumë të larta”, ka thënë ai.
Smakiqi si zgjidhje të vetme për përmirësimin e kësaj gjendjeje ka thënë se është që Qeveria e Kosovës të mbështesë Telekomin sa i përket borxhit që ka ndaj kompanisë Dardafone, dhe ajo mbështetje e Telekomit do të ndikonte që edhe Telekomi t’i shlyente obligimet ndaj Postës së Kosovës.
Ndërsa kryeshefi i Telekomit të Kosovës, Zeqir Kiqina, në një prononcim për KosovaPress ka thënë ndërmarrja që udhëheq do të arrinte t’i paguante borxhin ndaj Postës nëse nuk do ta kishin barrë edhe këstin e borxhit ndaj Z Mobile.
Ai ka thënë se Telekomi i Kosovës ka plotësuar kërkesat e Qeverisë së Kosovës për uljen e shpenzimeve minimale, uljen e pagave dhe ristrukturimin e kompanisë, dhe pavarësisht kësaj, ai thotë se Qeveria nuk e ka mbajtur fjalën për dhënien e kredisë për këtë kompani.
“Telekomi i Kosovës paguan qira ndaj Postës së Kosovës rreth 500 mijë euro në muaj. E kemi barrë të rëndë Postën, ku 70 përqind të pagave të Postës i paguan Telekomi. Në gjendjen të cilën jemi, është mjaftë e rëndë, i kemi ulur pagat deri në gradën gjashtë, edhe për Telekomin edhe për Postën, por na u ka dashtë të mos vazhdojmë me paga, për shkak që kemi pasur këstin e Z Mobile (Dardafon), ky hymë me një marrëveshje me garancinë të Qeverisë, dhe Qeveria nuk na ka dhënë asnjë mbështetje deri më tani, e as kredinë dhe për ata nuk kemi rrezikuar të paguajmë paga dhe të mos kemi mundësi të paguajmë këstin e Z Mobile sepse mos pagesa e këstit reflekton me bllokim të xhirollogarive, të cilën pastaj po e kemi shumë problem”, ka thënë Kiqina.
Ndërsa thotë se muaji shkurt do të jetë i papërballueshëm për Telekomin e Kosovës, pasi që, ose do t’i duhet t’i paguajnë këstin ndaj Z Mobile, ose pagat e punëtorëve të saj.
“Muaji shkurt është i papërballueshëm për Telekomin. E kemi këstin 740 mijë euro, kemi obligime, TVSH-ja, tatimet, kemi shumë obligime të trashëguara ndaj operatorëve privatë të cilët janë të përmbaruesi, dhe veç dita-ditës secila çon në përmbarim. Ose duhet të paguajmë këstin, ose duhet rrogat, dhe nëse s’e paguajmë këstin bllokohen xhirollogaritë”, ka thënë Kiqina.
KosovaPress ka provuar të marrë një përgjigje zyrtare nga Qeveria e Kosovës rreth shlyerjes së detyrimeve ndaj Postës së Kosovës ose ndonjë plani për të ndihmuar këto ndërmarrje publike, mirëpo nuk ka qenë e mundur.
Bota
Algjeria dëbon 12 zyrtarë francezë pas arrestimit të tre shtetasve algjerianë në Francë
Published
11 hours agoon
April 14, 2025By
UBTNews
Algjeria ka kërkuar largimin e 12 zyrtarëve francezë brenda 48 orëve, një vendim që lidhet me arrestimin e tre shtetasve algjerianë në Francë, sipas një deklarate të ministrit francez për Çështjet Evropiane dhe të Jashtme, Jean-Noël Barrot, të dhënë të hënën.
Ministri Barrot i bëri thirrje autoriteteve algjeriane që të tërheqin masën e dëbimit, duke paralajmëruar se në rast se kjo kërkesë nuk anulohet, Franca do të ndërmarrë masa reciproke pa vonesë.
Të 12 zyrtarët në fjalë, disa prej të cilëve i përkasin Ministrisë së Brendshme franceze, janë të përfshirë në një çështje që ka tensionuar ndjeshëm marrëdhëniet mes dy vendeve. Ky veprim i Algjerisë përbën një pengesë serioze për përpjekjet e fundit për të riparuar lidhjet dypalëshe, të rënduara historikisht nga e kaluara koloniale.
Largimi i zyrtarëve francezë vjen në vazhdën e padisë së ngritur nga autoritetet franceze kundër tre shtetasve algjerianë, përfshirë një zyrtar konsullor, të cilët dyshohen për përfshirje në rrëmbimin e influencuesit algjerian Amir Boukhors — i njohur ndryshe si “Amir DZ” — në periferi të Parisit në prill të vitit 2024.
Boukhors, një kundërshtar i hapur i qeverisë algjeriane dhe me më shumë se një milion ndjekës në TikTok, ka jetuar në Francë që nga viti 2016 dhe ka fituar statusin e azilit politik në vitin 2023. Sipas avokatit të tij, ai u rrëmbye dhe më pas u lirua një ditë më vonë.
Ndërkohë, Algjeria kërkon ekstradimin e Boukhors për t’u përballur me akuza për mashtrim dhe vepra të lidhura me terrorizmin, për të cilat janë lëshuar gjithsej nëntë urdhër-arreste ndërkombëtare.
Bota
Zelenskyy fton Trumpin në Ukrainë: “Ejani të shihni realitetin në terren”
Published
11 hours agoon
April 14, 2025By
UBTNews
Presidenti i Ukrainës, Volodymyr Zelenskyy, i ka drejtuar një thirrje të qartë homologut të tij amerikan, Donald Trump, që të vizitojë Ukrainën dhe të shohë nga afër pasojat shkatërruese të agresionit rus, përpara se të ndërmarrë ndonjë hap diplomatik.
“Ju lutem, përpara çdo vendimi apo forme negociatash, ejani të shihni njerëzit, civilët, luftëtarët, spitalet, kishat, fëmijët e vrarë apo të dëmtuar,” tha Zelenskyy në një intervistë për emisionin “60 Minutes” në CBS. “Do të kuptoni me kë po bëni marrëveshje,” shtoi ai, duke iu referuar presidentit rus, Vladimir Putin.
Ftesa e Zelenskyyt vjen pas një përplasjeje të ashpër në fund të shkurtit mes tij, Trumpit dhe Zëvendëspresidentit JD Vance në Shtëpinë e Bardhë. Vance kishte akuzuar Ukrainën për organizimin e “turneve propagandistike” për liderë të huaj, akuza që Zelenskyy i hodhi poshtë kategorikisht.
“Nëse Presidenti Trump vjen në Ukrainë, ne nuk do të përgatisim asgjë. Nuk do të jetë teatër. Mund të shkojë ku të dojë, në çdo qytet që ka qenë nën sulm,” theksoi ai.
Ndërkohë, Trump ka shprehur mbështetje për një përfundim të shpejtë të luftës përmes bisedimeve të drejtpërdrejta mes SHBA-së dhe Rusisë. Uashingtoni ka zhvilluar gjithashtu diskutime me zyrtarë ukrainas mbi një armëpushim të mundshëm, ndërsa vendet evropiane po shqyrtojnë një prani ushtarake për të mbështetur një marrëveshje të ardhshme.
Zelenskyy, megjithatë, mbetet skeptik ndaj qëllimeve të Kremlinit: “Putini nuk mund të besohet. Ia kam thënë Trumpit shumë herë. Ai kurrë nuk ka dashur të ndalë luftën — ai dëshiron të na shkatërrojë si popull dhe si shtet.”
I pyetur për ndjenjat e tij personale ndaj udhëheqësit rus, ai deklaroi: “Unë ndiej 100 për qind urrejtje ndaj tij. Si mund të mendosh ndryshe për një njeri që ka vrarë fëmijë dhe njerëzit tanë?”
Megjithë qëndrimin e ashpër, Zelenskyy theksoi se është e nevojshme të kërkohet një zgjidhje: “Kjo nuk do të thotë që nuk duhet të punojmë për t’i dhënë fund luftës sa më shpejt që të jetë e mundur.”
Ai e përshkroi paqen e drejtë si “ruajtje e plotë e sovranitetit dhe pavarësisë së Ukrainës”, duke u zotuar se do të rikthejë çdo territor të pushtuar nga Rusia. “Ne, pa asnjë dyshim, do të marrim mbrapsht atë që është e jona, sepse kurrë nuk e kemi humbur — rusët na e morën.”
Rajoni
Costa: Shqipëria ka bërë progres në rrugëtimin drejt BE-së
Published
13 hours agoon
April 14, 2025By
UBTNews
Kryeministri i Shqipërisë, Edi Rama është deklaruar nga Brukseli së bashku me presidentin e Këshillit Europian, Antonio Costa. Deklarimi ndodhi para fillimit të takimit, për çka u tha se Shqipëria do të hap grupkapitullin e dytë të negociatave me Bashkimin Evropian.
Kryeministri Rama tha se janë të përkushtuar që të përmbushin detyrat e kalendarit për të përmbyllur negociatat brenda vitit 2027.
“Me presidentin jam shumë mirënjohës për kohën që më ka kushtuar për të zhvilluar një bisedë rreth përparimit që ne po bëjmë në këtë proces edhe pastaj për Samitin e ardhshëm të Komitetit Politik Evropian, i cili është një aktivitet shumë me rëndësi por ka një rëndësi të posaçme në këtë moment dhe sigurisht do të flasim edhe për rajonin, ndaj të cilit presidenti është veçanërisht i përkushtuar. Kështu që ka shumë për të diskutuar por në përgjithësi jam shumë i inkurajuar nga këto zhvillime dhe jemi tej mase të përkushtuar për të përmbushur të gjitha detyrat e kalendarit që është shumë ambicioz për të mbyllur të gjitha negociatat brenda 2027-tës”, deklaroi ai.
Presidenti i Këshillit Europian, Antonio Costa tha se Shqipëria ka bërë progres në rrugëtimin drejt integrimit evropian.
“Zgjerimi drejt Ballkanit Perëndimor është një përparësi e qartë për Bashkimin Evropian dhe është investimi më i rëndësishëm gjeo-strategjik për paqen, begatinë dhe për stabilitetin e kontinentit tonë. Është vërtetë inkurajuese të shohësh progresin që ka bërë Shqipëria në këtë rrugëtim. Sot po çelim një grup kapitull tjetër dhe ambicia është që të çelim edhe më tej grup kapituj për t’u negociuar gjatë këtij viti sepse kemi një kalendar shumë konkret dhe duam që të realizojmë dhe kjo është shumë e rëndësishme për Bashkimin Evropian, shumë e rëndësishme për Shqipërinë por mendoj që kjo është po kështu një shenjë shumë e rëndësishme për të gjithë rajonin sepse mënyra më e mirë për të garantuar mirëqenien, paqen dhe stabilitetin në Ballkanin Perëndimor është me Bashkimin Evropian, anëtarësimi në të”, shtoi ai.
Kryeministri i Shqipërisë, Edi Rama do të marrë pjesë në konferencën e katërt ndërqeveritare Shqipëri-BE, ku e pranishme do të jetë edhe komisionerja e BE-së për Zgjerim, Marta Kos.
Bota
Merz tregon gatishmërinë për të furnizuar Kievin me raketa
Published
15 hours agoon
April 14, 2025By
UBTnews
Udhëheqësi i Unionit Kristian Demokrat (CDU) dhe kancelari i mundshëm Friedrich Merz tha se Gjermania mund të transferojë raketat Taurus në Kiev nëse bie dakord me aleatët e saj të BE-së për ta bërë këtë.
“Ne vetë nuk do të hyjmë në këtë luftë, por do të furnizojmë ushtrinë ukrainase me këto armë”, tha Merz në një intervistë për transmetuesin publik ARD, i pyetur nëse ai ende beson se Ukraina duhet të furnizohet me raketa Taurus.
Megjithatë, politikani saktësoi se një hap të tillë mund ta ndërmerr vetëm nëse ka marrëveshje me partnerët evropianë. “Partnerët tanë evropianë po furnizojnë tashmë raketa lundrimi. Britanikët po e bëjnë, francezët dhe amerikanët në fund të fundit. Kjo duhet të arrihet bashkërisht. Dhe nëse bihet dakord, atëherë Gjermania duhet të marrë pjesë,” shpjegoi Merz, i cili pritet të zgjidhet kancelari gjerman muajin e ardhshëm.
Për më tepër, vazhdoi ai, edhe pse trupat ukrainase kanë qenë në pozicionin mbrojtës, raketa e lundrimit gjermano-suedeze e lëshuar nga ajri mund të përdoret për të goditur urën Kerç dhe objektiva të tjera.
Kievi prej kohësh ka kërkuar nga Berlini raketat Taurus, të konsideruara si një analog i Storm Shadows të furnizuar nga Britania, të cilat tashmë janë dorëzuar në Ukrainë. Presidenti rus Vladimir Putin tha në një samit të Organizatës së Traktatit të Sigurisë Kolektive (CSTO) në fund të nëntorit se Moska kishte paralajmëruar vazhdimisht se çdo përdorim i raketave perëndimore me rreze të largët për sulme në tokën ruse do të nënkuptonte përfshirjen e drejtpërdrejtë të NATO-s në konfliktin e Ukrainës.

Ulni tensionin e lartë me këto metoda natyrale

Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës

Konfirmohet data e lansimit të Realme GT7, zbulohen disa detaje

Delegacioni i UBT-së realizon vizitë në TÜBAT, në kuadër të Kongresit të 15-të Kombëtar të Studentëve të Mjekësisë

15 studentë të UBT-së pjesë e ekipit të Talent Bridge

Franca do të ndalojë telefonat në shkollat e mesme

Stafi i UBT-së përfundon me sukses javën e mobilitetit në Bratislavë

Aktori zbulon arsyen pse nuk do t’i japë kurrë nënës së tij asnjë cent nga pasuria

Chelsea ka gati ofertën mbi 100 milionë euro për yllin e Realit
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë