Lajmet

Popullsia e Japonisë bie për të 15-in vit, më pak lindje, më shumë vdekje

Publikuar

2 muaj më parë

më

Në vitin 2023, popullsia totale e Japonisë ra për herë të 15-të radhazi, duke u zvogëluar me më shumë se gjysmë milioni njerëz, pasi lindjet po vazhdojnë të jenë të ulëta dhe popullsia po plaket në mënyrë të qëndrueshme. Ministria e Punëve të Brendshme të Japonisë publikoi të dhënat e reja të mërkurën, duke përcaktuar se në vitin e kaluar, numri i lindjeve arriti një rekord të ulët prej 730,000, ndërsa 1.58 milion vdekjeve gjithashtu ishin një shifër e lartë. Popullsia e Japonisë ishte 124.9 milionë në fillim të vitit 2023.

Sipas të dhënave të publikuara, rritja prej 11% e banorëve të huaj ka kontribuar në kalimin e popullsisë së Japonisë për herë të parë në mbi 3 milionë. Grupet e huaja tani përbëjnë gati 3% të numrit të përgjithshëm të banorëve dhe pjesa më e madhe prej tyre janë në grupmoshën nga 15 deri në 64 vjeç.

Sondazhet e fundit tregojnë se japonezët e rinj po përballen me dyshime të mëdha në lidhje me të ardhmen e martesës dhe krijimit të familjeve, kryesisht për shkak të kushteve të vështira ekonomike, rritjes së shpejtë të kostonjës së jetesës dhe një kulture korporative që bën që balanca gjinore të jetë e paqartë dhe e ngarkuar për gratë dhe nënat që punojnë.

Për të përballuar këto sfida demografike, qeveria japoneze ka caktuar një fond prej 5.3 trilion jen (rreth 34 miliardë dollarësh) për vitin 2024, në përpjekje për të stimuluar rritjen e lindjeve. Planifikohet që ky fond të përfshijë rritjen e subvencioneve për kujdesin e fëmijëve, investime në arsimin e hershëm, dhe shpenzime të rregullta prej 3.6 trilion jen (rreth 23 miliardë dollarë) çdo vit për tre vite të ardhshme./UBTNews/

Etiketa
Vazhdo të lexosh

Lajmet

Kompania “Lidl” regjistron një përfaqësi në Kosovë

Publikuar

11 orë më parë

më

18 Shtator, 2024

nga

Në ditët e fundit, Kosova është përfshirë nga një valë spekulimesh lidhur me praninë e rrjetit të marketeve “Lidl” në vend. Pas paralajmërimeve të bëra në prill të këtij viti për hapjen e dyqanit të parë në Kosovë, situata ka krijuar konfuzion, duke sjellë edhe raporte të pavërteta për tërheqjen e kompanisë nga plani i saj për të investuar në tregun kosovar.

Megjithatë, “Lidl” ka reaguar ndaj këtyre spekulimeve në një përgjigje për Zëri.info, duke konfirmuar se janë të vetëdijshëm për informatat që qarkullojnë rreth tyre dhe se po vazhdojnë të analizojnë kushtet e tregut. Ajo që është e rëndësishme është se kompania ka regjistruar një përfaqësi në Kosovë, e cila është një hap i rëndësishëm drejt hapjes së dyqaneve në të ardhmen.

“Është e saktë që aktualisht jemi duke analizuar tregun në Kosovë dhe se është regjistruar një përfaqësi. Ju lutemi kuptoni se ne nuk mund të bëjmë deklarata konkrete në lidhje me vendndodhjet e mundshme të dyqaneve ose datat e hapjes në këtë moment,” citohet nga përgjigja e “Lidl”.

Kujtojmë se gjatë vitit 2022, një delegacion i “Lidl” vizitoi Kosovën, ku ministrja e Tregtisë dhe Industrisë propozoi tri lokacione si të përshtatshme për investim. Megjithatë, deri tani nuk ka pasur asnjë hapje dyqani, duke sugjeruar se analiza e tregut vazhdon.

“Lidl” GmbH & Co KG është një zinxhir ndërkombëtar gjerman i shitjeve me pakicë që operon mbi 11,000 dyqane në të gjithë Evropën dhe Shtetet e Bashkuara. Prania e saj në Kosovë pritet të sjellë konkurrencë dhe mundësi të reja për konsumatorët, si dhe përmirësim në ofertën e produkteve dhe shërbimeve.

Tani më shumë se kurrë, të gjithë sytë janë kthyer nga “Lidl”, duke pritur me padurim zhvillimet e ardhshme që do të sjellin në tregun kosovar./UBTNews/

Vazhdo të lexosh

Lajmet

Dështon votimi i buxhetit të Komunës së Prishtinës për vitin 2025, Rama: PDK-ja e VV-ja e bojkotuan vullnetin e qytetarëve

Publikuar

11 orë më parë

më

18 Shtator, 2024

nga

Sot është mbajtur mbledhja e Kuvendi Komunal të Prishtinës ku nuk u miratua buxheti për vitin 2025, për shkak të mungesës së kuorumit.

Asamblistët e Lëvizjes Vetëvendosje dhe Partisë Demokratike të Kosovës janë larguar nga seanca, dhe për këtë ka reaguar kryetari i Komunës së Prishtinës, Përparim Rama, duke thënë se PDK-ja e VV-ja po bojkotojnë vullnetin e qytetarëve.

Përmes një reagimi në Facebook, Rama ka thënë se ky buxhetit është hartuar në bazë të nevojave e kërkesave të qytetarëve.

“Sot mbajtëm seancën për miratimin e buxhetit të Kryeqytetit për vitin 2025. Buxheti nuk u miratua në mungesë të kuorumit për shkak të lëshimit të sallës nga asamblistët e PDK-së dhe më pas atyre të Vetëvendosjes. Buxheti i vitit 2025 është i hartuar me profesionalizëm dhe në bazë të nevojave e kërkesave të qytetarëve tanë. Prandaj, lëshimi i sallës në seancën e buxhetit nga PDK dhe VV është bojkotim i vullnetit të qytetarëve. Përkundër përpjekjeve të njëpasnjëshme për bllokim të punëve të mira në Kryeqytet ne nuk do të ndalemi së punuari për të mirën e të gjithë qytetarëve pa dallim”, ka shkruar Rama në Facebook.

Vazhdo të lexosh

Lajmet

Gashi për takimin në Bruksel: U kuptua që Serbia kërkoi ndryshimin e kufijve në veri, kjo është e papranueshme

Publikuar

11 orë më parë

më

18 Shtator, 2024

nga

Deputeti i Lidhjes Demokratike të Kosovës, Arben Gashi, ka komentuar takimin e djeshëm në Bruksel të zëvendëskryeministrit Besnik Bislimi me emisarin e BE-së për dialog, Miroslav Lajçak, duke thënë se u bë e qartë që gjatë takimit Serbia ka kërkuar ndryshimin e kufijve të Mitrovicës.

Përmes një postimi në Facebook, Gashi ka thënë se e një gjë e tillë është e papranueshme.

“Nga takimi i zëvendëskryeministrit Besnik Bislimi me përfaqësuesin e Serbisë në Bruksel, u kuptua se Serbia, ndër të tjera, po kërkon ndryshimin e kufijve të Mitrovicës Veriore. Kjo kërkesë është e papranueshme, pasi kufijtë e komunave janë tashmë të vendosur dhe ndryshimi i tyre paraqet rrezik për sigurinë dhe stabilitetin”, ka shkruar Gashi.

Tutje, deputeti ka thënë se çdo ndryshim i kufijve komunal, do të shkelte propozimin gjithëpërfshirës të Pakos së Ahtisaarit.

Vazhdo të lexosh

Lajmet

Jep dorëheqje drejtori ekzekutiv i AKP-së

Publikuar

11 orë më parë

më

18 Shtator, 2024

nga

AKP njofton se në mbledhjen e Bordit të kësaj Agjencie, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare.

Në mbledhjen e sotme Bordi i Drejtorëve të Agjencisë Kosovare të Privatizimit diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit.

“Bordi i Drejtorëve të Agjencisë Kosovare të Privatizimit mbajti mbledhjen e rregullt me ç‘rast diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit. Gjatë kësaj mbledhje, Bordi i Drejtorëve i shqyrtoi dhe i miratoi 31 rastet rekomanduese nga Divizioni i Shitjes Direkte (17 aprovime dhe 14 refuzime). Gjatë kësaj mbledhje, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare”, thuhet në njoftim.

Në qershor të vitit 2022, Arben Limani ishte zgjedhur drejtor menaxhues i Agjencisë Kosovare të Privatizimit (AKP).

Vazhdo të lexosh

Të kërkuara