Lajmet

Politika e jashtme e zbehtë dhe joproduktive, pengesë edhe Serbia

Published

6 years ago

on

Pozicioni i Kosovës në arenën ndërkombëtare po konsiderohet i dobët, kjo për shkak të mungesë së një plani të qartë në këtë drejtim, por edhe për arsyeje gjendjes së brishtë politike në vend.

Profesor i të Drejtës Ndërkombëtare, Afrim Hoti në një intervistë për Ekonomia Online, thotë se vendi ka fituar zbehje të imazhit juridik dhe politik ndërkombëtar, shkaku i zhvillimeve të fundit në Gjykatën Speciale.

Ai vlerëson se politika e jashtme kosovare është e zbehtë dhe joproduktive.

“Shumë i dobësuar është pozicioni i Kosovës në arenën ndërkombëtare për faktin që kemi pasur këto vitet e fundit zhvillime shumë të brishta brenda përbrenda vendit dhe kemi pasur një destabilitet të theksuar në kuptimin e qeverisjes vendore dhe kur kësaj i shtohet tendenca për të ngritur aktakuzën kundrejt presidentit dhe ish-kryeparlamentarit dhe krerëve të tjerë, atëherë mendoj që ne kemi humbur dhe kemi fituar një zbehje të imazhit juridik dhe politik ndërkombëtar sepse duhet ta pranojmë faktin që politika jonë e jashtme ka qenë e zbehtë dhe joproduktive”.

Ndërsa sa i përket anëtarësimit në organizata ndërkombëtare, profesori Hoti thotë se Kosova ka ngecur në këtë proces.

Sipas tij, kjo ka ndodhur si rezultat i mungesës së qeverisjes jo të mirë. Ai u shpreh se institucionet asnjëherë nuk i kanë kushtuar kujdesin e duhur.

“Mendoj që nuk kemi strategji fare sepse vërtetë kemi ngecur në procesin e anëtarësimit në organizata ndërkombëtare. Kjo ka ardhur si rezultat i mungesës së qeverisjes së konsoliduar brenda përbrenda vendit. Ka një numër relativisht të madh të organizatave të cilat Kosova mund të aplikojë madje pa qenë pjesë e OKB-së”.

“Mendoj që institucionet tona asnjëherë nuk i kanë kushtuar vëmendjen e duhur nuk kanë treguar kujdesin që vendi e meriton sepse me një mbështetje kaq të fuqishme që e kemi pasur me 115 njohje mendoj që ka mundur të bëhet më shumë në anëtarësimin në OKB dhe do të forconte në mënyrë të jashtëzakonshme pozicionin juridik dhe politik sepse në sa më shumë organizata që do të ishim pjesë do të forconim pozicionin tonë”.

“Njohjet kanë stagnuar tërësisht për një listë arsyesh dhe është për të ardhur keq që sot flasim për regres që disa vende po tërheqin njohje. Varësisht nga përfundimi i negociatave pastaj të merrnim vendimet për njohje. Kemi mundur të bëjmë më tepër në kuptimin numerik sa i përket njohjeve dhe kemi mundur të koordinohemi më mirë me miqtë tanë”.

Edhe për analistin Ramush Tahiri, vlerëson se Kosova tash e 10 vjet është penalizuar në rrafshin ndërkombëtar.

“Tash e 10 vjet Kosova është duke e penalizuar veten e saj dhe misionet ndërkombëtare këtu. Evropa ka krijuar një imazh që Kosova po fiton pavarësinë po fiton lirinë dhe duhet të japë diçka. Mirëpo liria e Kosovës është rezultat i luftës çlirimtare”.

“Në këtë fazë Kosova nuk po e fiton në tavolinë pavarësinë. Dhe në fazë Kosova duhet ta krijojë dinjitetin e vet dhe përfaqësimin e vet dhe duhet të jetë një zë sa i përket Bashkimit Evropian sepse me të gjitha shtetet bisedon për njohje dhe jo për rregullimin e brendshëm. Nuk ka nevojë një ligj special që Kosovën do ta bënte shtete jofunksional”.

Sipas tij, në këtë aspekt po ndikon edhe Serbia, e cila është e interesuar që Kosova të jetë shtet jofunksional.

Madje ai vlerëson se Kosova duhet të tregohet më serioze në këtë rrafsh ngase është shtet i pavarur dhe ka institucione shtetërore, raporton EO.

“Serbia është e interesuar që Kosovën mos ta lë shtet funksional dhe që Serbia të bisedojë në emër të gjithë popullit serb në Kosovë dhe në emër të popujve të tjerë. Kosova po ia lejon këtë sepse po bisedon për Zajednicën që nuk do të duhej. Vetëbesimin dhe do ta shoh që në këtë mënyrë nuk mund të vazhdohet dhe që do të jetë e qartë në atë që po kërkon. Avantazhin e Serbisë duhet ta rrëzojë në Ëashington”.

“Duhet të tregojë si është konteksti historik në mënyrë që të mos e lërë Vuçiqin të tallet me shqiptarët. Kosova ka edhe autoritet dhe institucione që për secilën çështje i ka argumentet në anën e saj edhe për personat e pagjetur dhe zhdukur e shpërngulur”.

Related Topics:
Continue Reading

Vendi

KQZ gati për rezultatet përfundimtare: Përfundon rinumërimi i 185 vendvotimeve

Published

32 minutes ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Lajmet

Ditari: Lajmet kryesore që shënuan datën 19 qershor 1993-1998?  

Published

1 hour ago

on

June 19, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

 Foto: Hani i Elezit

 19 qershor 1995

Ushtarët serbë vranë një fëmijë në Han të Elezit

Mbrëmë (18 qershor) në orën 19:40 minuta, një ushtar serb vrau fëmijën 10 vjeçar Isa (Muhamet) Berisha (1985) nga Hani i Elezit, njofton Komisioni për Informim i Degës së LDK-së në Han të Elezit.

Fëmija u vra brenda në oborrin e kazermës që gjendet skaj hekurudhës në Han të Elezit.

Supozohet se fëmija i ndjerë hyri në oborrin e kazermës që është larg shtëpisë së tij rreth 70 metra për ta marrë dhinë, pasi deri tash vetë ushtarët serbë i lejonin banorët të hynin në oborr të saj për t’i nxjerr kafshët e tyre.

Në një njoftim të mëvonshëm nga Hani i Elezit bëhej me dije se vogëlushi diku rreth orës 19:00 kishte kërkuar një enë me ujë nga nëna e tij. I pyetur nga nëna e tij se ku po e dërgonte ujin, ai kishte thënë se po ia dërgonte një ushtari.

Familja e mori lajmin për vrasjen e Isait pas mesnatës.

Sot herët në mëngjes eprorë të ushtrisë serbe i thanë familjes se mund ta marrë kufomën sot në orën 11:00 në spitalin e Prishtinës.

Në hapësirën e Hanit të Elezit, në zonën kufitare të Kosovës me Maqedoninë, forcat okupuese serbe kanë ushtruar terror kundër shqiptarëve, duke vrarë e plagosur banorë të zonës dhe kalimtarë të rastit.

Vogëlushi Isa Mustafa është viktima e shtatë shqiptare në Kosovë që e pëson drejtpërdrejtë prej forcave serbe apo presionit të tyre gjatë këtij viti.

 

19 qershor 1997

Dhuna e përditshme në Kosovë

Pejë: – Më 17 qershor, në stacionin e policisë serbe në Pejë, inspektorët e sigurimit serbë për herë të dytë morën në pyetje Kimete S. Haxhiaj, studente e Fakultetit Ekonomik të UP-së nga Llabjani. Ajo u pyet për motrën e saj Nysrete Haxhiaj, e cila tash një kohë gjendet në botën e jashtme, ndërsa njoftohet se deri tash për këtë shkak është disa herë u mor në pyetje edhe babai i saj Sylejman Haxhiaj.

Ditëve të fundit, policia serbe kërkoi në shtëpinë e tij edhe Agim B. Gashin (1971) nga fshati Qyshk. Shkaku i kërkimit të tij nga policia serbe nuk dihet, ndërsa njoftohet se ai tash një kohë gjendet në botën e jashtme.

Prizren: – Nuhi Bytyçi, këshilltar në Këshillin Komunal të Arsimit të Prizrenit u mor dje në pyetje në sigurimin serb në këtë qytet.

Ai u pyet për punën e tij, për punën e shkollës fillore të Mushnikollës e veçanërisht për vendosjen e kompjuterëve të fondacionit “Shoqëria e Hapur”. Më pas nga ai u kërkua edhe një revole.

Nga z. Bytyçi u kërkua të dorëzojë në sigurimin serb planprogramet e punës së këshilltarëve, raportet e tyre për secilën shkollë, për rregulloren e KKA të Prizrenit dhe librezat e qarkullimit të dy veturave, pronë e këtij këshilli. Edhe pse dorëzoi të gjitha këto, ai u urdhërua që të paraqitet nesër në orën 8 në polici.

Istog: – Më 17 qershor, policia mori në shtëpinë e tyre vëllezërit Ramiz dhe Hasan Dreshajn nga fshati Vrellë dhe i keqtrajtoi rëndë fizikisht. Prej tyre policët kërkuan një revole, të cilën gjoja e poseduakan pa leje. Ata janë urdhëruar që në polici të paraqiten sërish më 1 korrik dhe të dorëzojnë armën që u kërkohet. Me të njëjtin pretekst ata janë keqtrajtuar edhe katër herë të tjera.

Sot, në pyetje në polici u mor Malush Shatri nga fshati Tomoc. Ai u pyet për Xhafer Shatrin, Ministër i Informatave i Republikës së Kosovës, për adresën e tij, etj.

 

19 qershor 1998

Deçan: Njoftohet edhe për tre të vrarë

Nga komuna e Deçanit njoftohet edhe për katër shqiptarë të vrarë gjatë ditëve të fundit.

Në Drenoc janë vrarë Arben Kukleci (24) nga Isniqi dhe Blerim Lokaj (23) nga Prejlepi.

Është bërë e ditur se është vrarë edhe Beqë Imer Lokaj (82) nga Deçani, ndërsa në mungesë të kujdesit mjekësor ka vdekur Nezir Adem Cacaj (93) nga Deçani. Të dy kishin mbetur të mbyllur në Deçan që nga 29 maji.

Numri i të vrarëve gjatë javëve të fundit në komunën e Deçanit arrin në 66.

Continue Reading

Vendi

Raporti 24-orësh i Policisë: 50 aksidente dhe mbi 2 mijë gjoba trafiku në Kosovë

Published

2 hours ago

on

June 19, 2026

By

Policia e Kosovës ka publikuar statistikat e përgjithshme operative për 24 orët e fundit, ku vërehet një numër i lartë i aksidenteve në komunikacion dhe i gjobave të shqiptuara për shkelësit e rregullave të trafikut.

Sipas raportit zyrtar, fatmirësisht nuk është regjistruar asnjë aksident me fatalitet. Megjithatë, janë shënuar gjithsej 50 aksidente rrugore, prej të cilave 28 kanë përfunduar me persona të lënduar, ndërsa 22 të tjera kanë shkaktuar vetëm dëme materiale. Në kuadër të rritjes së sigurisë në rrugë, policia ka qenë mjaft aktive duke shqiptuar 2,064 tiketa trafiku.

Sa i përket veprimtarive kriminale dhe rendit publik, gjatë këtij 24-orëshi janë arrestuar 17 persona. Pas intervistimit dhe procedurave fillestare, me vendim të prokurorëve, 9 prej tyre janë dërguar në mbajtje, asnjë nuk është dërguar në ndalim policor, ndërsa 4 persona janë përcjellë direkt në vuajtje të dënimit.

/E.A/

Continue Reading

Lajmet

Revolucioni i gjelbër sjell 30 milionë vende pune: Studio Inxhinieri të Mjedisit në UBT

Published

2 hours ago

on

June 19, 2026

By

Tranzicioni global drejt energjisë së pastër dhe infrastrukturës inteligjente pritet të hapë mbi 30 milionë vende të reja pune deri në fund të dekadës, sipas Forumit Ekonomik Botëror (WEF).

Në këtë treg, inxhinierët e mjedisit dhe specialistët e energjisë efiçiente vlerësohen lart, me paga mesatare që arrijnë nga 110 mijë dollarë deri në 125 mijë sosh në vit. Për t’iu përgjigjur kësaj kërkese, UBT ofron programin Bachelor në Inxhinieri të Mjedisit dhe Infrastrukturë të Qëndrueshme (180 ECTS), i cili u mundëson të rinjve të studiojnë sipas standardeve evropiane në Kosovë dhe të punësohen në distancë (remote) apo si konsulentë për tregun ndërkombëtar direkt nga vendi i tyre.

Programi Bachelor në Inxhinieri të Mjedisit dhe Infrastrukturë të Qëndrueshme në UBT gërsheton shkencat natyrore me inxhinierinë e aplikuar, duke përgatitur profesionistë të aftë për menaxhimin e ujërave, mbetjeve dhe transportit ekologjik.

Ky rrugëtim akademik i ndarë në tri faza nis në vitin e parë me ndërtimin e fondamentit akademik, ku studentët fokusohen në lëndët bazë si kimia, matematika, hidrologjia dhe fizika mjedisore, duke u pajisur njëkohësisht me aftësi të dizajnit digjital përmes platformës CAD.

Në vitin e dytë, programi kalon në fazën e inxhinierisë aplikative, ku studentët thellohen në studimin e ekologjisë, analizës së të dhënave dhe sistemeve të energjisë. Gjatë kësaj periudhe, një rëndësi e veçantë i kushtohet teknologjisë më të avancuar mjedisore, përfshirë inxhinierinë e ujërave të zeza dhe përdorimin e sistemeve gjeohapësinore përmes GIS dhe Remote Sensing.

Viti i tretë dhe i fundit është i orientuar drejt menaxhimit, legjislacionit mjedisor dhe udhëheqjes së projekteve. Ky cikël studimesh përmbylet me një praktikë profesionale të detyrueshme prej 10 ECTS dhe punimin e temës së diplomës prej 20 ECTS, hapa këta që sigurojnë kalimin e suksesshëm të studentëve nga auditorët e universitetit direkt në tregun global të punës.

Për shkak të procesit të tranzicionit të gjelbër në Kosovë dhe rajon, të diplomuarit kanë një fushë të gjerë punësimi në: Kompanitë e shërbimeve publike (Ujësjellës, mbeturina, energji);  Agjencitë qeveritare dhe rregullatore mjedisore (MMPHI, AMMK); Kompanitë e ndërtimit, dizajnit të strukturave efiçiente dhe firmat konsulente për Vlerësimin e Ndikimit në Mjedis (VNM) dhe Organizata Ndërkombëtare dhe OJQ me fokus në zhvillimin e qëndrueshëm global.

APLIKO TANI ONLINE!

Continue Reading

Të kërkuara