Lajmet
Policia udhëhiqet me ushtrues detyre, Sindikata thotë se kjo s’ndikon në efikasitet
Sekretari i Përgjithshëm i Aleancës Veriatlantike, Mark Rutte, mbërriti të hënën, për një vizitë zyrtare në Bosnjë dhe Hercegovinë, ku do të takohet me drejtuesit më të lartë politikë, në një moment kur autoritetet e Republikës Sërpska, duke kërcënuar me shkëputje, kanë tentuar të ndalojnë funksionimin e institucioneve shtetërore të drejtësisë dhe policisë në territorin e këtij entiteti.
Aktualisht, po zhvillohet takimi me anëtarët e Presidencës së Bosnje dhe Hercegovinës – Zhelka Cvijanoviq, Denis Beqiroviq dhe Zhelko Komshiq, pas të cilit është planifikuar një konferencë për media.
Pas këtij takimi, Rutte do të zhvillojë një takim me kryetaren e Këshillit të Ministrave të Bosnje dhe Hercegovinës, Borjana Krishto.
Pasdite pritet që Rutte t’u drejtohet studentëve të Fakultetit të Shkencave Politike të Universitetit të Sarajevës.
Sekretari i Përgjithshëm i NATO-s ka mbërritur në Bosnjë dhe Hercegovinë pas miratimit të ligjeve antikushtetuese në entitetin Republika Sërpska të Bosnje dhe Hercegovinës.
Më herët, Kuvendi i RS-së ka miratuar një ligj për ndalimin e veprimtarisë së Agjencisë Shtetërore për Hetime dhe Mbrojtje (SIPA) të BeH-së, Gjykatës dhe Prokurorisë së Bosnjë dhe Hercegovinës, si dhe Këshillit të Lartë Gjyqësor dhe Prokurorial, i cili është përgjegjës për emërimin e të gjithë gjyqtarëve dhe prokurorëve në vend.
Gjykata Kushtetuese e Bosnjë dhe Hercegovinës ka marrë një masë të përkohshme dhe ka pezulluar zbatimin e ligjit të miratuar nga Kuvendi Popullor i RS-së më 27 shkurt, një ditë pasi presidenti i RS-së, Millorad Dodik, u dënua nga Gjykata e Bosnjë dhe Hercegovinës me një vit burgim dhe gjashtë vjet ndalim të ushtrimit të funksionit. Ky është dënim i shkallës së parë, ndaj të cilit Dodik ka mundësi të ankohet.
Ai u shpall fajtor për mosrespektimin e vendimeve të përfaqësuesit të Lartë, Christian Schmidt, dhe për nënshkrimin e dekretit për shpalljen e ligjeve që Schmidt i kishte anuluar më herët, me të cilat ishte synuar pengimi i zbatimit të vendimeve të Gjykatës Kushtetuese të Bosnjë dhe Hercegovinës dhe përfaqësuesit të Lartë në territorin e RS-së.
NATO-ja ka përsëritur disa herë se kjo organizatë ushtarako-politike mbështet sovranitetin dhe integritetin territorial të Bosnjë dhe Hercegovinës dhe se nuk do të lejojë një vakum sigurie apo rrezikim të paqes së fituar me vështirësi.
Forcat e Bashkimit Evropian (EUFOR) në Bosnje dhe Hercegovinë njoftuan më 7 mars se do të rrisin përkohësisht numrin e trupave të tyre si një masë parandaluese, pas rritjes së tensioneve në vend.
Vetëm gjatë fundjavës së kaluar janë regjistruar 60 zjarre në ambiente të hapura, njoftoi sot Qendra për Menaxhimin e Krizave në Maqedoni të Veriut.
Zjarre ende nuk janë shuar në komunën e Prilepit, në komunën e Demir Hisarit, Novo Sellës, Gjevgjelisë, Ohrit, Çashkës , Sarajit, Zhelinës dhe Tetovës.
Qendra për Menaxhimin e Krizave në Maqedoni të Veriut bën thirrje për kujdes gjatë lëvizjes në ambiente të hapura, posaçërisht u apelohet fermerëve që të mos djegin kashtën dhe kullotat.
Lajmet
Oda Amerikane: Qeveria po tenton të kufizojë komentimin për refuzimin e Kurtit për të dëshmuar
Oda Ekonomike Amerikane në Kosovë (OEAK) ka reaguar ndaj Qeverisë së Kosovës, duke e akuzuar atë për tentim për të kufizuar komentimin mbi çështjen e transparencës dhe llogaridhënies lidhur me rastin e rezervave shtetërore. Kjo ka ndodhur pasi kryeministri në detyrë, Albin Kurti, është ftuar të dëshmojë në cilësinë e dëshmitarit. OEAK shpreh shqetësimin e saj për deklaratat e Qeverisë, që sipas saj, po përpiqen të pengojnë aktorët joshtetërorë dhe pavarësitë, duke i delegjitimuar ata.
Në reagimin e OEAK-së thuhet se Kosova ka bërë përpjekje të mëdha për të ndërtuar një demokraci të fortë dhe se çdo odë ekonomike, media, dhe organizatë e shoqërisë civile ka për detyrë të kërkojë transparencë dhe llogaridhënie. OEAK kërkon që institucionet e drejtësisë të punojnë pa ndërhyrje dhe që të gjithë individët, pavarësisht pozitës së tyre, të respektojnë detyrimet ligjore për të dëshmuar dhe kontribuar në shtetin e së drejtës.
Kjo deklaratë është bërë pas reagimit të zëdhënësit të Qeverisë, Përparim Kryeziu, i cili e ka konsideruar ftesën e Prokurorisë për Kurtin si një tentativë për të manipuluar politikisht, duke përmendur se dhomat ekonomike dhe tregtare nuk kanë të drejtë të japin opinione ligjore. Kryeziu ka theksuar se bizneset dhe organizatat ekonomike kanë një rol të rëndësishëm në zhvillimin e vendit.
OEAK ka paralajmëruar se çdo pengim i drejtësisë është një shkelje serioze ligjore dhe dobëson integritetin e institucioneve të Kosovës. Ajo ka theksuar se refuzimi i individëve për të zbatuar urdhrat e gjykatës minon besimin e publikut në qeverisje dhe dëmton bazamentin demokratik të Kosovës.
Kryeministri Albin Kurti ka marrë urdhër nga gjykata më 4 mars për t’u paraqitur në Prokurori për dëshmi, pasi nuk ishte përgjigjur dy herë thirrjes së organit të akuzës. Ai ka insistuar që dëshmia të jepet në zyrën e tij.
Një cisternë nafte dhe një anije mallrash përplasen në Detin e Veriut
Rreth 300 raste të zjarreve në tri ditët e fundit
Kryeministri izraelit del në gjykatë për herë të 16 në gjyqin e tij për korrupsion
Frika për destabilitet, Sekretari i Përgjithshëm i NATO-s mbërrin në Sarajevë
Në Maqedoni të Veriut në fundjavë 60 zjarre
Oda Amerikane: Qeveria po tenton të kufizojë komentimin për refuzimin e Kurtit për të dëshmuar
Greva në aeroportet e Gjermanisë prek mbi 500 mijë udhëtarë
Ushtria siriane: Përfundon operacioni kundër mbetjeve të regjimit të Assadit
“S’duam marrëdhënie me SHBA”, kryeministri i Grenlandës: Trump nuk tregoi respekt
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt