Kronika e zezë

Policia gjen shtatë qese najloni me marihuanë në pikën kufitare Qafë Prush

Publikuar

Policia e Kosovës ka njoftuar se në pikën kufitare Qafë Prush, kanë hasur në shtatë qese najloni të mbushura me substancë narkotike të llojit marihuanë.

Rasti ka ndodhur rreth orës 01:00.

“Me datën 30.07.2021 rreth orës 01:00, patrulla policore e pikës kufitare Qafë Prush, gjatë patrullimit në fshatin Zhub, përkatësisht në skaj të rrugës Bernard Komani, rrugë kjo e cila të
dërgon në drejtim të pikës kufitare Qafë Prush, kanë hasur në shtatë (7) qese najloni të mbushura me substancë narkotike që dyshohet të jetë e llojit marihuanë, me peshë totale
prej (7 kg e 507 gram.)”, thuhet në njoftim.

Tutje në njoftim thuhet se nga zyrtarët policorë janë ndërmarrë veprime konkrete policore, të realizuara në bashkëpunim edhe me njësitet përgjegjëse të Drejtorisë Rajonale të policisë kufitare
“Perëndimi” Gjakovë.

Sipas procedurave të parapara janë njoftuar edhe njësia kompetente nga Drejtoria për Hetimin e Trafikimit me Narkotik si dhe Prokurori i Shtetit pranë Prokurorisë Themelore në
Gjakovë, Departamenti për Krime të Rënda, i cila ka udhëzuar që të iniciohet rasti për veprën penale “Blerja, posedimi, shpërndarja dhe shitja e paautorizuar e narkotikëve,
substancave psikotrope dhe analoge” nga neni 267 i KPRK-së.

“Policia e Kosovës, Drejtoria Rajonale e Policisë Kufitare ‘Perëndimi’ Gjakovë mbetet të përkushtuara në luftimin dhe parandalimin e te gjitha dukurive negative”, thuhet njoftimi.

Kronika e zezë

Arrestohet i dyshuari për tentim vrasje në Prishtinë

Një i dyshuar për tentim vrasje është arrestuar gjatë të enjtes në Prishtinë.

Publikuar

nga

Sipas raportit të Policisë së Kosovës, ai është arrestuar për shkak se dyshohet se më 17 qershor të këtij viti kishte kryer veprat: vrasje në tentativë, armëmbajtje pa leje dhe dëmtim apo asgjësim i pronës.

Rasti kishte ndodhur në rrugën “Shaban Shala” në Prishtinë.

“Rr. Shaban Shala, Prishtinë 17:06.2021 – 21:30. Lidhur më veprat penale më 23.09.2021 është arrestuar i dyshuari mashkull kosovar dhe i njëjti me vendim të prokurorit është dërguar në mbajtje”, thuhet në raport.

Vazhdo të lexosh

Kronika e zezë

Vdes një person në Leposaviq, u rrotullua me makinë

Rasti ka ndodhur mesditën e së enjtes, ka bërë të ditur policia në raportin 24 orësh.

Publikuar

nga

Një person ka vdekur në Leposaviq, pasi ka humbur kontrollin mbi veturën dhe ka dalë jashtë rrugës duke u rrokullisur.

Vdekjen e viktimës e ka konstatuar ekipi mjekësor në vendngjarje, ndërkaq trupi i pajetë i viktimës me urdhër të prokurorit i është dorëzuar familjes.

“Leposaviq, 23.09.2021 – 11:05. Është raportuar se viktima mashkull kosovar derisa kishte qenë duke e drejtuar automjetin,  kishte humb kontrollin mbi drejtimin e tij, kishte dalë jashtë rrugës dhe ishte rrokullisur ku si pasojë kishte ndërruar jetë. Vdekjen e viktimës  e ka konstatuar mjeku në vendin e ngjarjes. Njësitë policore kanë dalë në vendin e ngjarjes, ndërsa trupi i pajetë i viktimës me urdhër të prokurorit ju ka liruar familjarëve”, ka bërë të ditur policia.

Vazhdo të lexosh

Kronika e zezë

Gjendet një mjet shpërthyes në Drenas

Njësiti për deminim i FSK-së dhe KFOR-i e kanë bërë tërheqjen e mjetit.

Publikuar

nga

Policia e Kosovës ka njoftuar se një banor i Drenasit ka gjetur një mjet shpërthyese përgjatë kohës sa ishte duke kryer punime në rrugë.

Policia njofton se njësiti për deminim i FSK-së dhe KFOR-i amerikan e kanë bërë tërheqjen e mjetit.

“Rr. Ilaz Kodra, Drenas, 23.09.2021 – 14:00. Është raportuar se dëshmitari mashkull kosovar derisa kishte qenë duke kryer punime në rrugë kishte hasur në një mjet të dyshuar shpërthyes. Njësiti policor e ka bërë sigurimin e mjetit, kurse njësitë për deminim të FSK-së dhe KFOR-it Amerikan e kanë bërë tërheqjen e mjetit në mënyrë të sigurt”, thuhet në njoftim.

Vazhdo të lexosh

Kronika e zezë

Raporti i FBI: Vrasjet u rritën me 30% gjatë vitit 2020

Të dhënat tregojë se 77% e krimeve të kryera u realizuan me armë zjarri.

Publikuar

nga

Një tjetër pasojë e pandemisë raportohet të jetë dhe rritja krimeve të dhunshme. Kështu shkruhet në raportin e fundit të FBI.

Sipas kësaj analize të Byrosë Kombëtare të Hetimit në Shtetet e Bashkuara vrasjet gjatë vitit 2020 janë rritur me rreth 30%.

Përkthyer në shifra, gjatë vitit që lamë pas u regjistruan 21 500 vrasje, ose 5000 më shumë. Me këto numra u tejkalua rekordi i vitit 1968 si dhe u shtuan krimet e dhunshme me 12% krahasuar me një vit më parë.

Të dhënat tregojë se 77% e krimeve të kryera u realizuan me armë zjarri.

Vazhdo të lexosh

Të kërkuara