Ballkani nuk e ka pranuar fare mirë humbjen nga Rilindja 74 dhe eliminimin nga Kupa e Kosovës dhe menjëherë pas ndeshje ka ndarë rrugët me trajnerin Artim Pollozhani.

Pasuesi i Ilir Dajës ka dhënë dorëheqje nga kjo pozitë dhe tashmë lajmi është konfirmuar nga faqja zyrtare te kampionit të Kosovës.

“Meqenëse rezultatet e fundit nuk përkojnë aspak me objektivat e klubit, Artim Pollozhani ka dhënë dorëheqje nga pozita e trajnerit, menjëherë pas humbjes së sotme. Duke i uruar Pollozhanit suksese, klubi e ka pranuar dorëheqjen e tij, ndërsa gjatë ditëve vijuese do të ju njoftojmë për timonjerin që do të vijë në krye të skuadrës”, thuhet në komunikatën e lëshuar nga Ballkani.

Ballkani është tronditur në fazën 1/16 të finales së Kupës së Kosovës. Kampioni në fuqi të Kosovës janë eliminuar nga klubi i Ligës së Parë, Rilindja 1974.

Rezultati pas 120 minutave ishte 1:1, ndërkaq në penalti vendësit u treguan më efikas, duke ua treguar derën skuadrës nga Suhareka.

Kupa e Kosovës në futboll vazhdon me ndeshjet tjera të së 16-ës së finales. Këtë fazë e ka filluar ditën e djeshme ekipi i Dritës, e cila e mposhti Rahovecin 3:0.

Sot luajnë ekipet tjera të mëdha të Superligës, që do të përballen me ekipet e kategorive më të ulëta.

Kampioni aktual i Kosovës, Ballkani luan me Rilindjen 1974, kurse Prishtina me ekipin Top Futbolli. Llapi do ta vizitojë Flamurtarin, kurse Gjilani përballet me Lirinë. Ndeshje interesante pritet të jetë mes Trepçës ’89 e Suharekës, kurse Malisheva do ta vizitojë Fushë Kosovën.

Sot luhen 15 ndeshje të kësaj faze dhe të gjitha takimet e sotme nisin nga ora 12:00 dhe do të nxirren tetë çiftet e së tetës së finales së Kupës së Kosovës./UBTNews/

Junichi Inamoto, lojtari i parë japonez që luajti në Premier League, do të pensionohet në fund të sezonit, njoftoi 45-vjeçari në një postim në rrjetet sociale të mërkurën.

Mesfushori bëri 82 ndeshje ndërkombëtare dhe shënoi golin fitues në fitoren e parë të Japonisë në Kupën e Botës në një fitore 1-0 ndaj Rusisë në vitin 2002.

Inamoto luajti ndeshjen e tij të parë në ligën më të lartë të Anglisë në Fulham në të njëjtin vit, pas një sezoni dërrmues në Arsenal. Ai gjithashtu luajti për Ëest Bromëich Albion , Cardiff City , Galatasaray , Rennes dhe klube të tjera evropiane përpara se të kthehej në Japoni në 2010.

“Kam bërë të gjitha. Unë kam qenë shumë i lumtur që mund të vazhdoj të luaj futboll derisa të jem i kënaqur me jetën time”, shkroi në Instagram Inamoto, i cili aktualisht luan për skuadrën japoneze të nivelit të pestë, Nankatsu SC.