Prindërit luajnë rol kyç në formimin e fëmijëve të sigurt në vetvete, duke nxitur zhvillimin shoqëror, duke u mësuar empatinë dhe duke i udhëhequr përmes sfidave të jetës.

Ekspertët thonë se të qenit model pozitiv, duke vlerësuar si fitoret edhe gabimet e duke u ofruar mjetet që u nevojiten për të lundruar në botë janë thelbësore për të rritur një fëmijë të fortë dhe të pavarur. Ndërtimi i vetëbesimit që në moshë të vogël është themeli për sukses në të ardhmen, shkruan Times of India .

Të ngulitësh vetëbesimin tek fëmijët është si të mbjellësh rrënjë të forta që ofrojnë një themel të qëndrueshëm, nxisin zhvillimin dhe forcojnë karakterin.

Por qëllimi nuk është ta mbrosh një fëmijë nga të gjitha sfidat e jetës, por ta pajisësh me aftësitë dhe mjetet për të përballuar vetë situata komplekse.

Është një nga dhuratat më të vlefshme që mund t’u japësh fëmijëve si prind.

Bëhu një model pozitiv

Fëmijët i shohin prindërit si modelet e tyre të para dhe më të rëndësishme dhe monitorojnë nga afër çdo lëvizje të tyre. Mënyra se si i trajtoni të tjerët dhe si u përgjigjeni sfidave formëson drejtpërdrejt sjelljen e tyre. Tregoni dashuri përmes fjalëve dhe veprimeve, sepse fëmija juaj do të mësojë nga shembulli juaj.

Inkurajoni bisedën pozitive me veten

Inkurajimi i bisedës pozitive me veten është çelësi për rritjen e vetëbesimit të fëmijëve. I ndihmon të përmirësojnë shëndetin mendor, të ndihen mirë me veten e të besojnë në aftësitë e tyre. Fëmijët me qëndrim pozitiv kanë më shumë gjasa të jenë të angazhuar shoqërisht e më pak të ngjarë të ndihen në siklet para të tjerëve.

Zhvilloni aftësi sociale

Kur fëmija juaj përfshihet më shumë në botë, është thelbësore të inkurajoni zhvillimin shoqëror. Ai mëson si të krijojë marrëdhënie, që ndikojnë në imazhin e tij/saj. Mësoni empatinë, respektin për të tjerët dhe zgjidhjen paqësore të konflikteve. Kjo i fuqizon të lundrojnë me lehtësi në një sërë situatash shoqërore.

Këngëtarja e famshme, Madonna i ka kërkuar Papës Leo të vizitojë Gazën në një mision humanitar për të ndihmuar fëmijët palestinezë që po vdesin nga uria, duke thënë se “nuk ka më kohë”.

Superylli amerikan, që është rritur si katolike iu lut papës së ri të vizitojë enklavën në një postim në rrjete sociale të hënën dhe tha:

“Ati më i Shenjtë. Ju lutem shkoni në Gaza dhe sillni dritën tuaj fëmijëve para se të jetë tepër vonë. Si nënë, nuk mund ta duroj dot vuajtjen e tyre. Fëmijët e botës u përkasin të gjithëve. Ju jeni i vetmi prej nesh që nuk mund t’i mohohet hyrja”, ka shkruar ajo.

Madonna tha se po i bënte thirrje Leos të vizitonte Gazën sepse “politika nuk mund të ndikojë në ndryshim, por ndërgjegjja mundet”.

Në postimin e publikuar në ditëlindjen e djalit të saj, Rocco, Madonna tha se dhurata më e mirë që mund t’i jepte është “t’u kërkojë të gjithëve të bëjnë çmos për të ndihmuar në shpëtimin e fëmijëve të pafajshëm të kapur në shkëmbim zjarri në Gaza”.

Policia e Los Angeles njoftoi se katër të mitur u arrestuan për vjedhje në shtëpinë e aktorit të Hollywood-it, Brad Pitt.

Sipas Shefit të Policisë Jim McDonell, u arrestuan dy 18-vjeçarë, një 17-vjeçar dhe një 16-vjeçar, të gjithë të dyshuar si anëtarë të një bande rruge që qëndronte pas një vargu vjedhjesh në shtëpi të personazheve të famshëm.

Grupi dyshohet se është përgjegjës për një seri vjedhjesh në rezidenca luksoze në zonën e Los Angeles.

Gjatë kontrollit të shtëpive të të dyshuarve, u gjetën disa nga sendet e vjedhura. Edhe pse policia nuk i ka konfirmuar emrat e viktimave të famshme, dihet që Nicole Kidman, Keith Urban, lojtari i LA Dodgers, Yoshinobu Yamamoto dhe ish-futbollisti Olivier Giroud, i cili luante për LA Football Club, gjithashtu raportuan vjedhje me thyerje këtë vit.

Hetimi filloi në fund të qershorit, pasi tre hajdutë të maskuar kërcyen mbi gardhin e pronës në lagjen elitare të Los Feliz dhe hynë me forcë në shtëpi, e cila, sipas informacioneve të disponueshme, i përket Brad Pitt. Edhe pse policia nuk e ka konfirmuar zyrtarisht identitetin e pronarit, adresa korrespondon me pronën që aktori i famshëm bleu në vitin 2023.

Në kohën e vjedhjes, Pitt nuk ishte në shtëpi sepse po promovonte filmin e tij të ri kushtuar “Formula 1”. Rezidenca e lartpërmendur ndodhet pranë Griffith Park dhe tabelës së famshme të Hollywood-it, dhe është e fshehur nga bimësia e dendur dhe një gardh i lartë.

Shtëpia ka tre dhoma gjumi dhe ofron privatësi të plotë – e cila me sa duket nuk ishte e mjaftueshme për ta mbajtur të sigurt nga hajdutët e sofistikuar.

Të arrestuarit janë aktualisht nën hetim për disa vepra penale dhe procedurat kundër tyre janë duke vazhduar. Policia po u bën thirrje qytetarëve – veçanërisht atyre që janë shpesh larg – të mbrojnë më tej shtëpitë e tyre dhe të jenë të kujdesshëm me informacionin që ndajnë në internet.

Sukseset për filmin “Heldin” (titulli në anglisht: Late Shift), ku luan edhe aktori shqiptar Ridvan Murati, po vazhdojnë me hapa të mëdhenj në arenën ndërkombëtare.

Pas premierës në Berlinale dhe publikimit në Netflix,  vjen një tjetër arritje e rëndësishme: kompania prestigjioze Music Box Films ka siguruar të drejtat e shpërndarjes për Amerikën e Veriut.

Filmi është zgjedhur si përfaqësuesi i Zvicrës për çmimin Best International Feature Film (Filmi më i mirë në gjuhë të huaj) në edicionin e 98-të të Academy Awards (Oscars). Ky është një hap madhor që e vendos “Heldin” në garën për një prej çmimeve më të rëndësishme në industrinë globale të filmit.

“Heldin” është një dramë intensive e vitit 2025 me regji të Petra Volpe, e cila ndjek historinë e Florian, një infermiere kirurgjie që përballet me një sërë sfidash të jashtëzakonshme gjatë një ndërrimi të vonë në spital.

Ridvan Murati, pjesë e kastit ndërkombëtar, sjell një interpretim që përforcon praninë e aktorëve shqiptarë në produksionet evropiane me ndikim global.

Për publikun, ky kombinim i suksesit artistik dhe shpërndarjes strategjike do të thotë që “Heldin” do të mund të shihet nga një audiencë shumë më e gjerë, ndërsa për ekipin realizues është një hap i rëndësishëm drejt njohjes më të lartë që mund të marrë një film ndërkombëtar – një nominim në Oscars.