Shëndet

Pluhuri i xhenxhefilit mund të ju ndihmojë të ndaloni dhimbjet e kokës

Xhenxhefili përmban qetësues natyral të cilët ndihmojnë trurin dhe stomakun të ndihen më të qetë.

Published

on

Xhenxhefili tashmë nuk është i panjohur për kuzhinën tonë apo efektet plot vlera në shëndet.

I vetmi komplikim me të lind tek qërimi, grirja apo përcaktimi i masës së duhur për konsum për shkak të formës dhe fortësisë që ka ky zhardhok.

Një produkt i ri në treg e zgjidh këtë dilemë për ju duke lehtësuar përgatitjet për caj, kura apo receta të ndryshme.

Xhenxhfili i tharë e bluar në formën e pluhurit nën paketimet e firmës Teuta ofron një nga mënyrat më të rehatshme të përdorimit të tij.

Për të shmangur dhimbjet e kokës, të migrenës e për të rigjallëruar të gjithë organizmin mjafton të konsumoni një gotë çaj me pluhur xhenxhefili.

Mënyra më efektive e përdorimit

Siç përmendem xhenxhefilin mund ta gjeni në shumë forma si përshembull të freskët, në formën e kapsulave, xhelit, si vaj, ta konsumoni si çaj ose pluhur.

Sipas ekspertëve deri më tani disa nga këto forma kanë treguar se janë më efikase së të tjerat për përmirësimin e shëndetit.

Në formën e kapsulave, pluhurit apo xhelit duket se xhenxhefili dhuron më të mirën e tij.

Xhenxhefili i tharë apo pluhur, ndihmon në largimin e simptomave të migrenës dhe dhimbjeve të kokës.

Një nga studimet më domethënëse në këtë çështje tregoi se suplementët që përmbanin xhenxhefil pluhur apo vetë pluhuri i tij ka efekte të menjëherëshme.

Mjafton të merrni 550 mg në ditë ose të konsumoni një filxhan çaj me xhenxhefil pluhur për të larguar dhimbjen e kokës.

Kjo mund të përsëritet deri në dy herë në ditë nëse dhimbjet janë të mëdha.

Vlerat e pluhurit të xhenxhefilit

Ky pluhur gjithashtu mund të përdoret edhe si kurë kundër të përzierave apo të vjellave kur ju zë makina.

Xhenxhefili përmban qetësues natyral të cilët ndihmojnë trurin dhe stomakun të ndihen më të qetë.

Gjithashtu mund të luajë një rol në humbjen e peshës së tepërt, pasi sipas ekspertëve ndihmon në djegien e shpejtë të kalorive që mund të merrni gjatë ditës.

Rreth 1 gramë pluhur xhenxhefili në ditë ndihmon edhe me qetësimin e dhimbjeve kundër osteoartitit dhe ul nivelin e lartë të sheqerit në gjak.

Pluhurin e xhenxhefilit Teuta mund ta konsumoni në formën e çajit nga një filxhan çdo ditë.

Atë e gjeni në çdo pikë shitje dhe supermarket pranë jush që shet produkte Teuta./AgroWeb.org

Shëndet

Dy filxhanë kafe në ditë mund të ulin rrezikun e Parkinsonit

Published

on

Deri më sot janë kryer të paktën 19 studime që kanë hetuar rolin e kafesë në sëmundjen e Parkinsonit. Rezultatet tregojnë se konsumimi i rregullt i kafesë mund të ulë rrezikun për zhvillimin e Parkinsonit me rreth një të tretën.

Përbërësi që bën ndryshimin është kafeina. Kjo shpjegon pse edhe çaji, që përmban kafeinë, ka efekte mbrojtëse, ndërsa kafeja pa kafeinë nuk ka treguar të njëjtat përfitime.

Ashtu si fitoushqyesit që gjenden në frutat e pyllit, edhe kafeina ka veti neuro-mbrojtëse. Ajo ndihmon në mbrojtjen e qelizave nervore nga dëmtimet që shkaktohen nga pesticidet dhe neurotoksinat e tjera.

Si ndikon kafeja te pacientët me Parkinson?

Në një studim, pacientëve me Parkinson iu dha kafeinë në sasi të barabartë me dy filxhanë kafe në ditë (ose 4 filxhanë çaji të zi a 8 filxhanë çaji jeshil).

Pas vetëm tre javësh, u vunë re përmirësime të dukshme në gjendjen e tyre. Duke qenë se një filxhan kafeje është i lirë dhe i lehtë për t’u konsumuar, kompanitë farmaceutike kanë tentuar ta shndërrojnë kafeinën në ilaçe eksperimentale, si preladenanti dhe istradefilina.

Megjithatë, këto barna nuk kanë dhënë rezultate më të mira se vetë kafeja, e cila mbetet zgjidhje më natyrale, më e lirë dhe më e sigurt. /A.Z/UBT News/

Continue Reading

Shëndet

Roli dhe rëndësia e vitaminës F në trup

Published

on

Vitamina F nuk është vitaminë në kuptimin klasik, por përfshin dy acide yndyrore thelbësore.

Acidi alfa-linolenik (ALA) – nga familja omega-3

Acidi linoleik (LA) – nga familja omega-6

Këto yndyrna janë jetike për funksionimin e trupit, veçanërisht për shëndetin e trurit, zemrës dhe qelizave. Trupi nuk i prodhon vetë, ndaj duhen marrë përmes ushqimit si vajra vegjetalë, fara dhe arra.

Funksionet kryesore:

Sigurojnë energji (9 kalori për gram).

Mbrojnë qelizat duke formuar shtresën e tyre të jashtme.

Ndihmojnë në rritje dhe zhvillim, veçanërisht të trurit dhe shikimit.

Shndërrohen në yndyrna të tjera të nevojshme.

Marrin pjesë në rregullimin e presionit të gjakut, mpiksjen dhe funksionin imunitar.

Mungesa:

E rrallë, por mund të shkaktojë tharje të lëkurës, rënie flokësh, shërim të ngadaltë të plagëve dhe probleme të zhvillimit.

Acidi alfa-linolenik (ALA):

Ul inflamacionin.

Përmirëson shëndetin e zemrës.

Mbështet zhvillimin e fetusit.

Mund të ndihmojë në shëndetin mendor (depresion, ankth).

Acidi linoleik (LA):

Ul rrezikun e sëmundjeve të zemrës dhe diabetit tip 2.

Përmirëson kontrollin e sheqerit në gjak.

Vitamina F është thelbësore për trupin, por duhet konsumuar në ekuilibër mes omega-3 dhe omega-6 për të ruajtur shëndetin optimal. /A.Z/UBT News/

 

Continue Reading

Shëndet

Si të zgjidhni mandarinat më të ëmbla dhe më të lëngshme?

Published

on

Mandarinat janë një nga frutat më të dashura të stinës së vjeshtës, por zgjedhja e atyre që janë vërtet të ëmbla dhe të shijshme nuk është gjithmonë e lehtë.

Për të mos gabuar, mjafton t’i kushtoni vëmendje disa shenjave të thjeshta që tregojnë cilësinë dhe pjekurinë e frutit.

Së pari, ngjyra e lëvores është treguesi i parë i rëndësishëm. Një ngjyrë portokalli e thellë dhe e njëtrajtshme tregon se mandarina është e pjekur dhe me shije të ëmbël, ndërsa nuancat e gjelbra nënkuptojnë se fruti nuk ka arritur ende pjekurinë e plotë ose është më pak i lëngshëm.

Pesha në raport me madhësinë është një tjetër tregues. Mandarinat që duken më të rënda për masën e tyre zakonisht janë më të mbushura me lëng, ndërsa ato më të lehta priren të jenë më të thata dhe me më shumë fibra.

Edhe tekstura e lëvores jep informacione të vlefshme. Një lëvozhgë e lëmuar, me shkëlqim dhe që ndahet lehtë tregon një frut të pjekur e të lëngshëm. Një lëvozhgë e rrudhosur ose shumë e thatë mund të sinjalizojë se mandarina është e tejpjekur ose e tharë. Lëvozhga duhet të jetë e butë dhe elastike, por jo ngjitëse, pasi kjo tregon mungesë lëngu.

Mos harroni as aromën. Një erë e ëmbël, e freskët dhe intensive është shenjë e një mandarine të pjekur dhe të shijshme. Nëse fruti nuk ka aromë të fortë, gjasat janë që të mos ketë arritur ende pjekurinë e duhur dhe shija të jetë më e zbehtë.

Edhe forma dhe madhësia luajnë rol. Mandarinat pak të rrafshuara ose ovale priren të kenë më shumë tul dhe lëng, ndërsa ato shumë të rrumbullakëta shpesh janë më pak të lëngshme. Nëse i kushtoni vëmendje këtyre detajeve, do të mund të zgjidhni gjithmonë mandarina të freskëta, të ëmbla dhe plot aromë. /A.Z/UBT News/

Continue Reading

Shëndet

Mjekët: Matja e qafës mund të zbulojë rrezikun për sëmundje të zemrës dhe trurit

Published

on

Ekspertët britanikë po u bëjnë thirrje mjekëve që të fillojnë të matin perimetrin e qafës së pacientëve, pasi kjo mund të ofrojë një tregues më të saktë të rrezikut për sëmundje të zemrës, trurit dhe diabetit, krahasuar me metodat tradicionale si indeksi i masës trupore (BMI) apo raporti bel–vithe.

Sipas profesorëve Ahmed Elbediwy, biokimist, dhe Nadine Wehida, eksperte në gjenetikë dhe mikrobiologji nga Universiteti Kingston në Mbretërinë e Bashkuar, një qafë më e trashë mund të sinjalizojë probleme serioze shëndetësore, përfshirë:

tension të lartë të gjakut

ritëm të çrregullt të zemrës (fibrilacion atrial)

nivele të larta të sheqerit gjatë shtatzënisë

diabet të tipit 2

Këto gjendje lidhen drejtpërdrejt me rritjen e rrezikut për sulm në zemër, në tru apo dështim të zemrës.

Lidhja mes trashësisë së qafës dhe sëmundjeve të zemrës

Një qafë e gjerë lidhet edhe me apne të gjumit, çrregullim i rrezikshëm ku frymëmarrja ndalon për disa sekonda gjatë gjumit, duke ulur nivelin e oksigjenit në trup dhe duke shtuar rrezikun për sëmundje kardiake.

Ekspertët sugjerojnë kufijtë e mëposhtëm si tregues të rrezikut:

Për meshkujt, mbi 43 cm (17 inç)

Për femrat, mbi 35.5 cm (14 inç)

Matja është e thjeshtë dhe zgjat vetëm disa sekonda:

“Vendosni metrin rreth pjesës më të ngushtë të qafës, duke u siguruar që të jetë i ngjitur, por jo i ngushtë,” shpjegojnë profesorët. Ata shtojnë se një rezultat mbi këto vlera nuk duhet të shkaktojë panik, por të merret si sinjal paralajmërues për kujdes më të madh ndaj shëndetit.

Pse qafa ka rëndësi?

Sipas kërkuesve, qafa pasqyron shpërndarjen e dhjamit në pjesën e sipërme të trupit, i cili ndikon në metabolizmin e kolesterolit dhe të sheqerit në gjak.

Kjo zonë lidhet ngushtë me dhjamin visceral, dhjami i brendshëm që grumbullohet rreth organeve vitale rrit ndjeshëm rrezikun për sëmundje të rënda apo vdekje të parakohshme. Një studim i vitit 2019 tregoi se personat me qafë më të trashë kishin përqindje më të lartë të presionit të lartë të gjakut dhe fibrilacionit atrial – gjendje që mund të çojnë në mpiksje gjaku, goditje në tru dhe dështim të zemrës.

Si mund të përmirësoni gjendjen?

Profesorët theksojnë se rreziku ulet përmes ndryshimeve në stilin e jetesës: Aktivitet fizik: vrap, not, çiklizëm ose ushtrime për forcimin e pjesës së sipërme të trupit. Gjumë cilësor: ndihmon në ruajtjen e funksioneve të zemrës. Ushqyerje e shëndetshme: e pasur me perime e fruta duke shmangur kaloritë e tepërta.

Një sinjal për shëndetin publik

Në Mbretërinë e Bashkuar, rastet e sëmundjeve të zemrës janë në rritje të ndjeshme. Sipas Fondacionit Britanik të Zemrës, numri i vdekjeve nga sëmundjet kardiovaskulare është rritur me 18% në pesë vitet e fundit, ndërsa rastet e dështimit të zemrës janë shtuar me 21% që nga viti 2020.

Shkaktarët përfshijnë jetesën sedentare, stresin pas pandemisë, problemet e sistemit shëndetësor dhe efektet afatgjata të COVID-19, që dëmtojë sistemin kardiovaskular. Ekspertët përfundojnë se një matje e thjeshtë e qafës mund të bëhet një mjet i vlefshëm parandalues, pa pasur nevojë për analiza të ndërlikuara apo pajisje të shtrenjta – mjafton pak kujdes dhe disa sekonda vëmendje për trupin tuaj. /A.Z/UBT News/

Continue Reading

Të kërkuara