Lajmet

Plenkoviq: Kroacia do paqe dhe zgjedhje në veri të Kosovës

Ai ka deklaruar se duhet të mbahen zgjedhjet në katër komunat veriore të Kosovës.

Published

2 years ago

June 29, 2023

UBT news

Kryeministri i Kroacisë, Andrej Plenkoviq, ka thënë se dëshirojnë paqe dhe de-përshkallëzim të situatës në veri të Kosovës. Ai ka deklaruar se duhet të mbahen zgjedhjet në katër komunat veriore të Kosovës si dhe të njëjtat nuk duhet të bojkotohen.

Politikani kroat ka folur para Samitit të Bashkimit Evropian, i cili i zhvillon punimet sot dhe nesër.

“Duam de-përshkallëzimin e konflikteve, të gjitha këtyre incidenteve, të cilët kanë ndodhur në muajt e fundit dhe nuk ishin të pakta, ky është mesazhi i parë. Mesazhi i dytë është që ne duam të krijojmë parakushte për mbajtjen e zgjedhjeve të reja në komunat me shumicë serbe në veri të Kosovës, që ato zgjedhje të jenë të sigurta dhe të shohim pjesëmarrje në to. Pra, zgjedhjet e fundit përjetuan bojkotim, me sa kuptoj unë, isha në Podgoricë para disa ditësh dhe kam biseduar me përfaqësuesit e Kosovës, jam dëgjuar edhe me kryeministrin e Kosovës, Kurtin, para këtij takimi për të marrë një ndjenjë, sepse javën e kaluar kam biseduar edhe me kryeministren Bernabiq, kështu që kam informacione të drejtpërdrejta nga liderët e njërës dhe të palës tjetër”, ka thënë ai.

Ai ka thënë se nëse mbahen zgjedhjet, Beogradi zyrtar duhet të ftojë serbët e Kosovës që të marrin pjesë.

“Ekziston një vullnet për mbajtjen e këtyre zgjedhjeve, megjithatë, është e rëndësishme të sigurohet pjesëmarrja në to. Nëse vjen deri te bojkot përsëri, atëherë do të kemi këtë situatë, e cila është jashtëzakonisht e pazakontë dhe e keqe. Dhe kjo është arsyeja pse Kroacia dëshiron paqen, dëshiron de-përshkallëzimin, dëshiron të mbahen zgjedhje në të cilat do të marrin pjesë të gjithë dhe të vijë deri te funksionimi që do të jetë në përputhje me rendin kushtetues të vendit. Natyrisht, mendoj se është vendimtare që nëse shkohet që të organizohen zgjedhje të reja, mesazhi i Beogradit ndaj popullatës serbe në Kosovë të jetë që të marrë pjesë në ato zgjedhje”, ka thënë Plenkoviq.

Lajmet

Përleshen tetë të mitur në Prizren, tre në spital, dy në mbajtje

Published

39 minutes ago

October 8, 2025

UBTnews

Një përleshje mes tetë të miturve ka ndodhur në Prizren të mërkurën, ndërkaq raportohet se dy prej tyre janë dërguar në mbajtje.

Policia rastin e ka cilësuar si lëndim i rëndë trupor. Sipas raportit 24-orësh, rasti ka ndodhur pas një mosmarrëveshje mes të dyshuarve.

Tre prej tyre kanë pranuar tretman mjekësor.

“Raportohet se pas një mosmarrëveshje janë rrahur mes veti tetë të dyshuar të mitur dhe si pasojë, tre prej tyre kanë pësuar lëndime trupore dhe kanë pranuar tretman mjekësor. Të dyshuarit janë intervistuar dhe me vendim të prokurorit dy prej tyre janë arrestuar dhe dërguar në mbajtje ndërsa të tjerët janë liruar”, thuhet në njoftim./D.B/EO

Lajmet

Nën ndikim të alkoolit një person sulmon zyrtarët policorë në Prishtinë

Published

46 minutes ago

October 8, 2025

UBTnews

Një person dyshohet se nën ndikimin e alkoolit ka sulmuar zyrtarët policorë.

Sipas raportit të Policisë së Kosovës i dyshuari kishte tentuar që të largohet nga stacioni policor, pasi që zyrtarët policorë kishin ndaluar të dyshuarin për të ikur i njëjti i kishte sulmuar ata dhe u kishte shkaktuar lëndime të lehta trupore.

Me vendim të prokurorit, i dyshuari pas intervistimit dërgohet në mbajtje për 48 orë.

“Raportohet se i dyshuari mashkull kosovar, nën ndikim të alkoolit ka sulmuar zyrtarët policorë, i njëjti është sjellë për intervistim në stacionin policor. Derisa zyrtarët policor kanë qenë duke u marrë me të dyshuarin, ky i fundit kishte tentuar që të largohet nga stacioni policor, pasi që zyrtarët policorë kishin ndaluar të dyshuarin për të ikur i njëjti i kishte sulmuar ata dhe u kishte shkaktuar lëndime të lehta trupore. Me vendim të prokurorit, i dyshuari pas intervistimit dërgohet në mbajtje për 48 orë“, thuhet në raportin e Policisë së Kosovës/D.B/KP

Lajmet

Osmani pret në takim komandantin e ri të KFOR-it, gjeneralmajor Ozkan Ulutas

Published

47 minutes ago

October 8, 2025

UBTnews

Pas marrjes së detyrës së komandantit të KFOR-it, Presidentja e Republikës së Kosovës, Vjosa Osmani, ka pritur dje në takim gjeneralmajor Ozkan Ulutaş.

Me këtë rast, Osmani e uroi për marrjen e detyrës së komandantit të KFOR-it dhe për rikthimin e tij në Kosovë duke shprehur besimin e plotë për vazhdim të bashkëpunim të ngushtë në funksion të përmbushjes së synimeve të përbashkëta për paqen dhe sigurinë në Kosovë dhe rajon, transmeton KosovaPress.

Në këtë frymë, ajo ritheksoi mirënjohjen e saj për angazhimin dhe përkushtimin e të gjithë ushtarakëve që shërbejnë në kuadër të KFOR-it.

Duke diskutuar për zhvillimet në fushën e sigurisë, si dhe kërcënimet që vijnë nga Serbia, përfshirë kërcënimet me fokus të veçantë te përdorimi i dronëve, Osmani potencoi rëndësinë e koordinimit dhe bashkëpunimit të KFOR-it me institucionet vendore të sigurisë me qëllim të parandalimit të taktikave destabilizuese të Serbisë./D.B/KP

Lajmet

Arrestohet në Prishtinë i dyshuari për vrasje në tentativë

Published

48 minutes ago

October 8, 2025

UBTnews

Policia e Kosovës ka njoftuar se mbrëmë nga njësitë policore të stacionit Veriu në Prishtinë, është arrestuar personi i dyshuar që ishte në kërkim për rastin Vrasje në Tentativë, të ndodhur me datë 23.04.2025 në rrugën Rexhep Krasniqi.

Arrestimi i të dyshuarit; V. S, mashkull, 28 vjeç, shtetas i Republikës së Kosovës, i shpallur në kërkim, erdhi si rezultat i ndërmarrjes së veprimeve operativo-policore, në kuadrin e procesit hetimor të këtij rasti.

Përderisa ndaj të dyshuarit policia vijon hetimin në drejtim të veprës penale Vrasja në tentativë, me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtin e ka dërguar në mbajtje prej 48 orësh./D.B/KP