Lajmet
Plani i Bidenit për ndarjen e vaksinave me botën
Presidenti Joe Biden ka dhënë më shumë detaje se si Shtetet e Bashkuara të Amerikës po planifikojnë t’i ndajnë 80 milionë doza të vaksinës antiCOVID me vendet e tjera, teksa njoftoi se 25 milionë doza do të shpërndahen në Amerikën Latine, Karaibe, Azi dhe Afrikë.
Pas muajsh presioni në rritje nga bashkësia ndërkombëtare, administrata e Bidenit tha muajin e kaluar se po planifikonte të dërgonte 80 milionë doza vaksinash kundër COVID-19 të miratuara nga ShBA jashtë shtetit deri në fund të qershorit, por nuk përshkroi se cilat kontinente ose vende do të përfitonin deri më tani.
“Derisa Shtetet e Bashkuara të Amerikës po vazhdojnë përpjekjet për të vaksinuar çdo amerikan dhe për ta mposhtur pandeminë në vendin tonë, ne konsiderojmë se luftimi i kësaj pandemie nënkupton luftimin e saj çdokund”, deklaroi Biden.
Sipas Bidenit, nga 25 milionë dozat e para që do të dërgohen jashtë vendit, 19 milionë prej tyre do të shpërndahen përmes COVAX-it, iniciativa globale për ndarjen e vaksinave, ku rreth 7 milionë doza do të shkojnë në Amerikën Latine dhe Karaibe, rreth 7 milionë në Azinë Jugore dhe Juglindore dhe afërsisht 5 milionë në Afrikë.
Dozat do ta ndihmonin edhe COVAX-in, që deri më tani ka ndarë vetëm 76 milionë doza me vendet në nevojë.
6 milionët e mbetur do të administrohen nga Shtëpia e Bardhë për aleatët dhe partnerët e ShBA, duke përfshirë Meksikën, Kanadanë, Korenë e Jugut, Bregun Perëndimor dhe Gaza, Indinë, Ukrainën, Kosovën, Haitin, Gjeorgjinë, Egjiptin, Jordaninë, Irakun dhe Jemenin, si dhe për punëtorët e vijës së frontit të Kombeve të Bashkuara.
“Ne po ndajmë këto doza për të mos siguruar favore ose për të nxjerrë koncesione”, deklaroi presidenti. “Ne po ndajmë këto vaksina për të shpëtuar jetë dhe për ta ndihmuar botën për t’i dhënë fund pandemisë, me fuqinë e shembullit tonë dhe me vlerat tona”, shtoi ai.
Këshilltari i Sigurisë Kombëtare të Shteteve të Bashkuara të Amerikës, Jake Sullivan, deklaroi se “ky është vetëm fillimi”.
Shtëpia e Bardhë njoftoi se vaksinat që do të shpërndahen janë Pfizer, Moderna dhe Johnson&Johnson. Gjatë muajve në vijim priten edhe shumë doza të tjera./UBTNews
Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.
Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.
‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.
Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.
Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.
Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.
Ky akt përkujton sakrificat e viktimave të luftës dhe mundëson nderimin dhe kujtimin e tyre.
Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.
Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.
Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.
Bota
Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve
Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.
Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.
Kujdes me përdorimin e aspirinës
Hyundai ka teknologji të re
Katër ‘flamuj të kuq’ që tregojnë se po rezervoni në hotelin e gabuar
Fundjava erdhi, ja si ta kaloni pa stres dhe në mënyrë fantastike
Një kafshë shtëpiake në shtëpi? Ja këshillat e nevojshme se si të kujdeseni për të
BE përgatit gjobën e majme 1 miliard dollarë ndaj Elon Musk
Si të identifikoni simptomat e ftohjes dhe alergjisë?
Jennifer Lopez shfaqet në tapetin e kuq të premierës së filmit me fëmijën e saj
Çfarë ndodh me trupin kur konsumojmë kafe esëll në mëngjes?
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë