Bota

Plaga sociale në Zvicër, mbi 90 mijë të moshuar jetojnë të vetmuar

Published

on

Në Zvicër, rreth 90,000 njerëz mbi moshën 85 vjeç janë të vetmuar, që përbën një shqetësim të madh social. Kjo shifër përbën 37 për qind të këtij grupmoshe dhe ka një ndikim të thellë në cilësinë e jetës dhe jetëgjatësinë e tyre, sipas një analize të fundit nga SRF.

Organizata Pro Senectute, e cila monitoron gjendjen e të moshuarve, thekson se ata mbi 85 vjeç përballen shpesh me humbjen e njerëzve të dashur, çka përkeqëson ndjenjën e izolimit. Sipas statistikave, 24 për qind e individëve në grupmoshën 65-74 vjeç e shohin vetminë si një problem, ndërsa kjo shifër rritet në 25 për qind për ata në grupin 75-84 vjeç.

Problemet e shëndetit fizik janë gjithashtu më të shprehura te ata mbi 85 vjeç, duke përfshirë lëvizshmëri të kufizuar dhe sëmundje kronike. Pro Senectute thekson se mungesa e kontaktit personal ndikon negativisht në shëndetin e tyre. Të vetmuarit janë më të prirur të përballen me depresion, presion të lartë të gjakut, dhe kanë një nivel më të ulët aktiviteti fizik. Këto faktorë kontribuojnë gjithashtu në rritjen e rrezikut për sëmundje të tilla si demenca.

Kjo situatë e vështirë tregon nevojën për një ndërgjegjësim më të madh dhe përpjekje të koordinuara nga autoritetet dhe organizatat shoqërore për të ofruar mbështetje dhe për të lehtësuar kontaktin social për këtë grup të rëndësishëm të popullsisë.

Vetmia në pleqëri është një sfidë komplekse që kërkon zgjidhje afatgjata, duke përfshirë programe që promovojnë socializimin dhe ofrojnë mbështetje emocionale për ata që janë të prekur./UBTNews/

 

 

Bota

15 të vdekur në Lisbonë: Dyshohet se sistemi i frenimit të ashensorit ka dështuar

Published

on

15 persona kanë vdekur kur një ashensor i pjerrët doli nga shinat në Lisbonë, dhe departamenti i vrasjeve i policisë gjyqësore është thirrur menjëherë për të hetuar shkakun e aksidentit 

Sipas CNN Portugal, Zyra e Prokurorit Publik do të hapë një hetim për incidentin në Departamentin e Policisë së Lisbonës (DIAP), ndërkohë, qeveria ka shpallur një ditë zie kombëtare. Këshilli i Qytetit të Lisbonës ka shpallur tashmë tre ditë zie komunale.

Zyra për Parandalimin dhe Hetimin e Aksidenteve Ajrore dhe Hekurudhore (GPIAAF) ka konfirmuar gjithashtu se do të hapë një hetim për tragjedinë.

Organizata publike i shpjegoi agjencisë së lajmeve Lusa se për shkak të burimeve të kufizuara njerëzore në zonën hekurudhore, mbledhja e provave në vendngjarje do të fillojë vetëm të enjten në mëngjes.

Siç raportohet nga BBC vonë mbrëmë, vlerësimet fillestare sugjerojnë se diçka shkoi keq me sistemin e frenimit, i cili përfshin një kabllo që kalon nën sipërfaqen e rrugës së pjerrët, dhe se kjo është arsyeja pse ndodhi aksidenti.

Pedro Bogas, kreu i Carris, kompanisë që menaxhon autobusët, tramvajet dhe ashensorët në Lisbonë, shpjegoi se mirëmbajtja e përgjithshme e ashensorit bëhet çdo katër vjet, dhe e fundit ishte në vitin 2022.

Ai shton se funikulari inspektohej çdo ditë.

“Ne kemi protokolle të rrepta, ekspertë të shkëlqyer për shumë vite dhe duhet të përcaktojmë se çfarë ka ndodhur”, vuri në dukje ai.

Siç raportohet nga CNN Portugal, pasagjerët duhej të hidheshin nga dritaret kur ndodhi aksidenti dhe kjo nuk është hera e parë që një ashensor i pjerrët del nga shinat, por ky aksident është më i madhi deri më tani.

Ashensori da Glória, një ashensor që mund të mbajë deri në 42 persona, është një nga ikonat e Lisbonës dhe është shumë i popullarizuar tek turistët që vizitojnë qytetin.

/S.K/EO/

Continue Reading

Bota

Kim Jong Un zhduk çdo gjurmë nga Pekini, edhe vendi ku ai qëndroi ulur u pastrua

Published

on

Një ndër momentet që tërhoqi vëmendjen e mediave ndërkombëtare gjatë zhvillimeve për paradën ushtarake kineze ishte takimi i udhëheqësit të Koresë së Veriut, Kim Jong Un, me presidentin rus Vladimir Putin.

Pas bisedës, e konsideruar prej të dyve si vëllazërore, stafi i liderit koreano-verior hyri në sallën ku u mbajt takimi dhe pastroi të gjitha mobiliet që ishin prekur nga Kim.

Në një video të postuar në rrjetet sociale, një pjesëtar i stafit të tij shfaqet duke pastruar krahët prej druri të karriges dhe tavolinën. Ndërsa punonjësja tjetër merr gotën e tij të ujit.

Kjo me qëllimin për të zhdukur çdo gjurmë të ADN-së së udhëheqësit të tyre, por mbetet e pazbuluar arsyeja pse Kim Jong Un urdhëroi këtë veprim

Kjo praktikë nuk është e panjohur pasi mediat ndërkombëtare kanë publikuar më herët një raport i cili tregon se edhe Vladimir Putin kujdeset për mbrojtjen e ADN-së.

Sa herë udhëton jashtë, truprojat e presidentit rus mbledhin mbetjet e nevojave personale në një valixhe të posaçme për t’i kthyer më pas në Moskë.

Një praktikë që aplikohet prej vitesh nga Putini dhe synon parandalimin e mbledhjes së informacionit në lidhje me shëndetin e tij përmes lëngjeve trupore.

/S.K/EO/

Continue Reading

Bota

Rutte: Pres nesër një marrëveshje konkrete mbi garancitë e “koalicionit të të vullnetshmëve” për Ukrainën

Published

on

By

Shefi i NATO-s tha se pret që nesër të jetë më e qartë se çfarë garancish sigurie mund t’i ofrojë Ukrainës i ashtuquajturi koalicion i të vullnetshmëve.

Mark Rutte do të merr pjesë në një takim në Paris të enjten me kryeministrin britanik Keir Starmer, presidentin ukrainas Volodymyr Zelensky dhe liderë të tjerë evropianë.

Në një konferencë për media në Bruksel pas takimit me presidentin estonez Alar Karis, Rutte tha se marrëveshja duhet të hapë rrugën për bisedime më intensive me palën amerikane mbi rolin e tyre në garancitë e sigurisë./D.B/KP

Continue Reading

Bota

Stuhi në Kroaci, përmbyten disa qytete bregdetare

Published

on

By

Disa qytete bregdetare në Kroaci janë prekur nga përmbytjet pas stuhive të forta që goditën vendin të martën.

Moti ekstrem preku veçanërisht zonat kufitare të Sllovenisë dhe Kroacisë, veçanërisht Gadishullin e Istrias.

Në qytetin kroat të Novigradit, një azil pleqsh, një shkollë fillore dhe një palestër sportive përjetuan përmbytje.

Falë Zotit, askush nuk u lëndua. Të gjithë banorët janë mirë. Përveç dëmeve materiale, nuk ndodhi asgjë serioze”, ka thënë Morena Stanivukoviq, drejtoresha e azilit të pleqve.

Jetët njerëzore shpëtohen dhe kjo është gjëja më e rëndësishme”, ka thënë Stanivukoviq.

Shumë banorë, së bashku me shërbimet e emergjencës, ndihmuan në riparimin e dëmeve./D.B/EO

Continue Reading

Të kërkuara