Kronikë e zezë

Pesë raste të dhunës në familje në 24 orët e fundit

Rastet kanë ndodhur në Ferizaj, Fushë Kosovë, Prishtinë, dhe Mitrovicë.

Published

5 years ago

October 15, 2021

UBT news

Një person në Ferizaj është arrestuar nën dyshimin se ka sulmuar fizikisht nënën e tij. Sipas Policisë si pasojë e një mosmarrëveshje djali ka sulmuar fizikisht nënën dhe ka demoluar shtëpinë.

Ngjarja ka ndodhur dy ditë më parë. I dyshuari është arrestuar dhe me vendim të prokurorit është dërguar në mbajtje.

“Ferizaj, 13.10.2021 – 17:00. Viktima femër kosovare ka raportuar se pas një mosmarrëveshje është sulmuar fizikisht nga djali i saj i dyshuari mashkull kosovar i cili i ka demoluar edhe shtëpinë. I dyshuari është arrestuar dhe pas intervistimit me vendim të prokurorit është dërguar në mbajtje”, thuhet në njoftimin e policisë.

Dy raste të dhunës në familje janë raportuar në Fushë Kosovë. Dy vëllezër, pas një mosmarrëveshje janë rrahur mes vete dhe si pasojë kanë pësuar lëndime trupore.

Të njëjtit pas trajtimit mjekësor janë intervistuar dhe me vendim të prokurorit janë liruar në procedurë të rregullt.

“Fushë Kosovë, 14.10.2021 – 00:31. Është raportuar se dy të dyshuarit meshkuj kosovar-vëllezër, pas një mosmarrëveshje janë rrahur mes veti dhe si pasoj kanë pësuar lëndime trupore. Të njëjtit pas trajtimit mjekësor janë intervistuar dhe me vendim të prokurorit janë liruar në procedurë të rregullt”, ka njoftuar policia.

Gjithashtu në Fushë Kosovë një grua ka raportuar se është sulmuar fizikisht nga bashkëshorti.

Viktimës i është ofruar ndihma mjekësore dhe më pas është intervistuar, ndërsa i dyshuari nuk është gjetur nga policia dhe po konsiderohet i arratisur, ndërsa viktima është kthyer në banesën e saj dhe rasti vazhdon të hetohet.

“Fushë Kosovë, 14.10.2021 – 21:30. Viktima femër kosovare ka raportuar se është sulmuar fizikisht nga bashkëshorti i saj, i dyshuari mashkull kosovar, ku si pasoj ka pësuar lëndime trupore. Viktimës iu është ofruar tretman mjekësor e më pas është intervistuar. I dyshuari nuk është hasur nga policia, ndërsa viktima me vet dëshirë është kthyer në banesën e saj. Në lidhje me rastin është konsultuar prokurori i shtetit. Rasti vazhdon të hetohet”, njofton policia.

Në Prishtinë një grua ka raportuar se pas një mosmarrëveshje është sulmuar fizikisht nga bashkëshorti i saj. Ajo ka pranuar tretman mjekësor, e me vendim të prokurorit, pas intervistimit të palëve rasti vazhdon në procedurë të rregullt.

“Prishtinë, 13.10.2021 – 21:00. Viktima femër kosovare ka raportuar se pas një mosmarrëveshje është sulmuar fizikisht nga bashkëshorti i saj i dyshuar mashkull kosovar. Viktima ka pranuar trajtim mjekësor. Palët janë intervistuar dhe me vendim të prokurorit, rasti vazhdon në procedurë të rregullt”, bëhet më tutje e ditur në raport.

Edhe një grua ka raportuar në Polici se bashkëshorti e ka sulmuar fizikisht. Si pasojë viktima ka pësuar lëndime trupore dhe ka pranuar tretman mjekësor.

“Mitrovicë, 14.10.2021 – 12:15. Ankuesja femër kosovare ka raportuar se bashkëshorti i saj mashkull kosovar e ka sulmuar atë fizikisht. Viktima ka pësuar lëndime trupore dhe ka pranuar tretman mjekësor. I dyshuari është në kërkim policor. Rasti është duke u hetuar”, ka njoftuar policia.

Kronikë e zezë

Aksione kundër narkotikëve në rajonin e Prishtinës: Arrestime dhe sekuestrime

Published

8 hours ago

May 13, 2026

UBTNews

Gjatë 24 orëve të fundit, Policia e Kosovës ka realizuar disa aksione në Prishtinë, Fushë Kosovë dhe Graçanicë, që rezultuan me sekuestrimin e substancave narkotike dhe arrestimin e disa personave.

Në Fushë Kosovë, policia arrestoi një person pasi gjatë kontrollit në trup dhe në vendbanimin e tij, gjeti dhe sekuestroi rreth 98 gramë marihuanë dhe një peshore elektronike. Me vendim të prokurorit, ky i dyshuar është dërguar në mbajtje.

Ndërkohë, në Graçanicë, janë arrestuar katër persona – tre burra kosovarë dhe një shtetase gjermane. Arrestimi i tyre erdhi pasi gjatë kontrollit të veturës me të cilën po udhëtonin, policia gjeti një sasi të marihuanës. Pas intervistimit, të dyshuarit janë liruar në procedurë të rregullt.

Një rast tjetër u regjistrua në Prishtinë, ku një person është shoqëruar në stacionin policor pasi iu gjet një sasi e vogël prej 1.8 gramë marihuanë. Edhe ky rast, me vendim të prokurorit, do të trajtohet në procedurë të rregullt.

Kronikë e zezë

Tri raste të dhunës në familje në Graçanicë dhe Gjakovë

Published

8 hours ago

May 13, 2026

UBTNews

Në raportin e fundit të Policisë së Kosovës, janë regjistruar tri raste të dhunës në familje, të cilat kanë çuar në arrestime dhe procedura ligjore disa persona në Graçanicë dhe Gjakovë.

Në Graçanicë, janë raportuar dy raste të ndara. Në rastin e parë, një person ka njoftuar policinë se është kanosur verbalisht nga një grua, rast i cili po trajtohet në procedurë të rregullt. Ndërsa në rastin e dytë, një grua është arrestuar dhe dërguar në mbajtje pasi dyshohet se ka sulmuar fizikisht një burrë pas një mosmarrëveshjeje. Viktimës i është ofruar tretman mjekësor.

Ndërkohë, në Gjakovë, Policia ka arrestuar një burrë nën dyshimin për dhunë në familje. Me vendim të prokurorit, i dyshuari është dërguar në mbajtje për procedura të mëtejshme.

Sipas raportit zyrtar “Me vendim të prokurorit, rastet në Graçanicë dhe Gjakovë po trajtohen sipas procedurave, ku dy persona janë dërguar në mbajtje, ndërsa një rast vazhdon në procedurë të rregullt”.

Lajmet

Arrestohet një person në Podujevë, dyshohet për dhunim

Published

9 hours ago

May 13, 2026

UBTNews

Në raportin 24 orësh të Policisë së Kosovës, bëhet e ditur se është arrestuar një person në Podujevë nën dyshimin për veprën penale të dhunimit.

Sipas policisë, rasti dyshohet të ketë ndodhur muaj më parë, ndërsa i dyshuari tashmë është dërguar në mbajtje.

“Është arrestuar i dyshuari mashkull kosovar nën dyshimin se muaj më parë ka kryer veprën e cekur ndaj viktimës femër kosovare. Viktima është dërguar në IML për ekzaminime mjekësore, ndërsa i dyshuari pas intervistimit, me urdhër të prokurorit është dërguar në mbajtje”, thuhet në raportin e Policisë.

Lajmet

Gjendet një person pa shenja jete në Fushë Kosovë

Published

9 hours ago

May 13, 2026

UBTNews

Në raportin njëditor të Policisë së Kosovës, bëhet e ditur se në Fushë Kosovë është gjetur një person pa shenja jete.

Ekipi mjekësor ka dalë në vendin e ngjarjes dhe ka konstatuar vdekjen e personit, ndërsa me vendim të prokurorit trupi i pajetë u dërgua në Institutin e Mjekësisë Ligjorë për obduksion.

“Raportohet se është gjetur pa shenja jete viktima mashkull kosovar. Ekipi mjekësor ka dalë në vendin e ngjarjes dhe ka konstatuar vdekjen e viktimës. Me vendim të prokurorit, trupi i pa jetë i viktimës është dërguar në IML për obduksion”, thuhet në raport.