Lajmet

Dhjetë raste të dhunës në familje raportohen brenda një dite, viktimë gratë

Published

7 months ago

on

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

·         Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar  tretman mjekësor. Me vendim të prokurorit i dyshuari është dërguar në mbajtje.

·         Prishtinë  24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

·         Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

·         Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës.  E dyshuara është arrestuar dhe pas intervistimit me vendim të prokurorit është liruar në procedurë të rregullt.

·         Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar  tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

·         Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

·         Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

·         Pejë  24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

·         Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.

Related Topics:
Continue Reading

Lajmet

Prokuroria kërkon paraburgim për tre të dyshuarit e vrasjes në Prizren

Published

1 hour ago

on

June 15, 2026

By

Prokuroria Themelore në Prizren ka kërkuar nga Gjykata Themelore caktimin e masës së paraburgimit prej 30 ditësh ndaj tre të dyshuarve në rastin e vrasjes që ndodhi në fshatin Kobaj të Prizrenit.

Sipas Prokurorisë, në mesin e të dyshuarve janë Sh. O., një i mitur dhe A. O., e cila dyshohet për shtytje në kryerjen e veprës penale. Të dyshuarit ndodhen në ndalim dhe po hetohen për veprat penale “Vrasje e rëndë” dhe “Shtytje në vrasje të rëndë”.

Sipas hetimeve fillestare, ngjarja ka ndodhur më 14 qershor pas një konflikti të mëhershëm lidhur me emërtimin e një rruge në lagje. Konflikti verbal dyshohet se ka eskaluar në përleshje fizike, ku janë përdorur mjete të mprehta.

Si pasojë e plagëve të marra, viktima A.O. ka humbur jetën, ndërsa I.O. ka pësuar lëndime të rënda trupore dhe është dërguar për trajtim në Spitalin Rajonal të Prizrenit.

Prokuroria ka bërë të ditur se hetimet për zbardhjen e plotë të rastit janë duke vazhduar

/A.K/

Continue Reading

Lajmet

FSK dhe ushtria shqiptare zhvillojnë trajnim të përbashkët për kërkim-shpëtim

Published

2 hours ago

on

June 15, 2026

By

Pjesëtarë të Forcës së Sigurisë së Kosovës (FSK) dhe Forcave të Armatosura të Shqipërisë kanë zhvilluar një trajnim të përbashkët në fushën e kërkim-shpëtimit urban, në kuadër të bashkëpunimit ndërmjet dy vendeve.

Trajnimi “Kërkim-Shpëtim Urban Bazik dhe i Avancuar” është mbajtur në Qendrën Ndërkombëtare Trajnuese për Kërkim-Shpëtim të Gardës Kombëtare të FSK-së, me pjesëmarrjen e ushtarakëve nga Kosova dhe Shqipëria.

Gjatë trajnimit janë trajtuar tema që lidhen me reagimin në raste katastrofash natyrore dhe emergjencash të shkaktuara nga faktori njerëzor.

Pjesëmarrësit kanë zhvilluar aftësi praktike në operacionet e kërkim-shpëtimit, përdorimin e pajisjeve të specializuara, ofrimin e ndihmës së parë dhe koordinimin e veprimeve në situata emergjente.

Sipas njoftimit, ky aktivitet synon rritjen e kapaciteteve profesionale dhe forcimin e bashkëpunimit ndërmjet institucioneve të sigurisë së Kosovës dhe Shqipërisë.

/A.K/

Continue Reading

Lajmet

Përparim Rama pret pianistin italian Mirco Roverelli në Prishtinë

Published

2 hours ago

on

June 15, 2026

By

Kryetari i Komunës së Prishtinës, Përparim Rama, ka pritur në takim pianistin dhe dirigjentin e njohur italian, Mirco Roverelli.

Takimi u mbajt me rastin e koncertit që Roverelli do të mbajë sonte nga ora 20:00 në Amfiteatrin e Ri të Bibliotekës Qendrore Universitare.

Rama vlerësoi lart pjesëmarrjen e artistit italian në kryeqytet, duke theksuar se qytetarët do të kenë mundësinë të ndjekin një performancë të nivelit të lartë ndërkombëtar.

Ai tha se organizimi i ngjarjeve të tilla kulturore pasuron jetën artistike të kryeqytetit dhe sjell pranë publikut emra të njohur të skenës botërore.

/A.K/

Continue Reading

Lajmet

Britania ndalon rrjetet sociale për personat nën 16 vjeç

Published

3 hours ago

on

June 15, 2026

By

Kryeministri britanik Keir Starmer ka njoftuar se Britania do të ndalojë përdorimin e rrjeteve sociale për personat nën moshën 16 vjeç dhe do të vendosë kufizime edhe në platformat e lojërave dhe transmetimeve të drejtpërdrejta.

Sipas tij, masat e reja kanë për qëllim “kthimin e fëmijërisë” për të rinjtë dhe rritjen e sigurisë së tyre në internet. Ai ka përmendur platforma si Snapchat, TikTok dhe Instagram, si dhe faqe lojërash ku mundësohet komunikimi me të panjohur.

Starmer deklaroi se një ndalim i plotë është “zgjedhja e duhur”, duke shtuar se ndryshimet do t’u ofrojnë fëmijëve më shumë siguri, kohë dhe mundësi për zhvillim jashtë botës online.

Sipas planit, ndalimi do të përfshijë edhe platforma si YouTube, Facebook dhe X, ndërsa aplikacionet e mesazheve si WhatsApp dhe Signal nuk do të preken.

Qeveria britanike pritet të miratojë rregulloret deri në fund të vitit, ndërsa ndalimi i plotë parashikohet të hyjë në fuqi në pranverën e ardhshme.

/A.K/

Continue Reading

Të kërkuara