Shëndeti

Pesë gjërat që nuk duhet t’ia fshihni kurrë mjekut tuaj

Nëse nuk tregoheni plotësisht të sinqertë, atëhere as mjekët nuk mund të bëjnë punën e tyre.

Published

on

Nëse ka një vend që duhet të tregoheni plotësisht të sinqertë edhe për detajet e jetës tuaj personale, ajo është zyra e mjekut.

Nëse nuk tregoheni plotësisht të sinqertë, atëhere as mjekët nuk mund të bëjnë punën e tyre dhe t’ju trajtojnë siç duhet.

Një pjesë e madhe e vizitave shëndetësore mund të kërkojnë ekspozimin e pjesëve të trupit.

Ndaj shumë njerëz mund të hezitojnë të ndajnë simptomat dhe shenjat e tyre me mjekun.

Por e vërteta është se ata janë mësuar me këto biseda dhe pyesin për një qëllim, i cili është diagnostikimi i duhur dhe trajtimi i shqetësimit tuaj.

AgroWeb.org ju njeh më poshtë me pesë gjëra që nuk duhet t’i fshihni kurrë mjekut tuaj dhe pse.

Tregojini mjekut problemet që mund të keni me fshikëzën e urinës ose aparatin tretës

Vështirësia në defekim ose urinim, dhimbja në bark, kapsllëku dhe aciditeti mund të jenë jashtëzakonisht shqetësuese.

Ato mund të tregojnë një sëmundje serioze si p.sh. infeksione të veshkave, tumore të zorrëve, etj.

Zbulimi i tyre do të ndihmonte në gjetjen e zgjidhjeve të duhura për ju.

Flisni me mjekun nëse shëndeti i organeve riprodhuese ju shqetëson

Sado e turpshme që mund të duket, këto probleme janë të zakonshme.

Infeksionet seksualisht të transmetueshme, ciklet e çrregullta ose të dhimbshme janë disa nga shembujt më të zakonshëm.

Tregoni për mënyrën sesi ushqeheni

Ushqimi është ilaç dhe shumë nga problemet tona janë për shkak të një regjimi ushqimor të pashëndetshëm, orareve të parregullta të të ngrënit, dietat ekstreme  etj.

T’i tregoni mjekut tuaj rreth mënyrës se si ushqeheni, jo vetëm që mund të ndihmojë në gjetjen e shkaqeve të sëmundjeve, por gjithashtu të ndihmojë në planifikimin e mjekimit ose terapisë që ju nevojitet.

Ndonjëherë mund t’ju kërkohet të shmangni disa ushqime ose shtoni përmbajtje të tjera në vaktet tuaja si p.sh. fruta dhe perime.

Medikamentet që merrni

Ndoshta përdorimi i ilaçeve pa recetë nuk është gjajë e parë që i tregoni mjekut tuaj.

Edhe pse ofrojnë një përfitim të madh për shëndetin, kur këto mjekime nuk arrijnë t’ju ndihmojnë më, këshilla e mjekut është ajo që do ju vlente më tepër.

Mjeku do të mund t’ju ndihmojë duke iu sugjeruar një medikamet tjetër apo një kombinim më efektiv.

Gjithashtu mund të hedhë dritë edhe mbi ndonjë shkak të fshehur rreth mosfunksionimit të ilaçit.

Suplementet dhe mënyra e jetesës

Megjithëse shumë njerëz përdorin suplemente të ndryshme, shumica nuk janë efektive. Në fakt, shumë prej tyre mund të shkaktojnë efekte anësore serioze.

Ky është informacioni kyç që duhet ndarë me mjekun tuaj. Sepse mund të ndodhë që suplementi që konsumoni rregullisht të jetë shkaku i problemit tuaj.

E njëjta gjë vlen edhe për sa i përket stilit të jetesës.  Konsumi i alkoolit ose duhanit, aktiviteti fizik, zakonet e gjumit, si dhe gjendja juaj psikologjike, duhet të ndahen me mjekun. /AgroWeb.org

Shëndeti

Aktiviteti fizik i rregullt ndihmon trurin të harrojë kujtimet traumatike

Published

on

Një studim i ri i realizuar nga Universiteti i Kyushus në Japoni dhe Universiteti i Torontos ka zbuluar se aktiviteti fizik i vazhdueshëm mund të ndihmojë në zbehjen e kujtimeve traumatike apo të lidhura me varësinë.

Studiuesit testuan këtë teori te minjtë, të cilëve u ishin dhënë tronditje elektrike, duke shkaktuar tek ta sjellje të ngjashme me çrregullimin e stresit post-traumatik, si frikë, ankth dhe shmangie të mjediseve që lidhen me traumën.

Kur minjtë u lanë të ushtronin, filluan të prodhonin më shumë neurone në pjesën e trurit të quajtur hipokampus, zonë kyçe për kujtesën dhe simptomat e traumës u pakësuan ndjeshëm.

Edhe ndërhyrja gjenetike për të përshpejtuar prodhimin e neuroneve dha rezultate pozitive, ndonëse jo aq efektive sa aktiviteti fizik.

E njëjta metodë u aplikua edhe për sjellje të lidhura me varësinë. Minjtë që më parë shfaqnin preferencë për një dhomë të lidhur me përdorimin e kokainës, pas rritjes së neurogjenezës, nuk tregonin më të njëjtën tërheqje ndaj saj.

Sipas studiuesve, rezultatet hapin rrugën për trajtime të reja ndaj PTSD-së dhe varësive, duke u fokusuar në riformësimin e lidhjeve në tru.

Por deri atëherë, aktiviteti fizik mbetet një mënyrë e fuqishme dhe lehtësisht e arritshme për të ndihmuar trurin të çlirohet nga e shkuara.

Continue Reading

Shëndeti

Si të ruani të freskëta bananet për një javë?

Published

on

Ju blini banane, por nuk keni për t’i ngrënë ato, kështu që kur ato bëhen të zeza, zakonisht përfundojnë në plehra.

Me këtë trik të dobishëm, bananet do të qëndrojnë të freskëta, të forta, të shijshme dhe kryesisht të verdha më gjatë.

Bananet janë të shëndetshme, përmbajnë minerale, vitamina dhe fibra dhe janë të mira për t’u ngrënë çdo ditë.

Banania e pjekur ka njolla të vogla kafe dhe është e ëmbël. Njollat formohen ndërsa një enzimë zhvillohet në këtë frutë që përshpejton procesin e pjekjes.

Në disa dhoma, bananet piqen më shpejt – në një apartament që nxehet në njëzet gradë Celsius.

Njollat kafe janë shenjë që banania po piqet, zonat e mëdha kafe ose kur banania është nxirë janë të këqija, është shenjë që është e pjekur dhe ka shije të keqe.

Çfarë duhet të bëni për të mbajtur banane të freskëta për më gjatë?

E vetmja gjë që ju nevojitet janë foli transparente që ndoshta keni tashmë në kuzhinën tuaj.

Mbështillni bananet me foli, pasi ngadalëson procesin e pjekjes. Bananet që i ruani në këtë mënyrë mund të qëndrojnë të freskëta për një javë,

Continue Reading

Shëndeti

A duhet të pimë pije energjike në verë?

Published

on

Kur temperaturat rriten dhe ndihesh i lodhur apo i etur, tundimi për të kapur një pije energjike të ftohtë është i madh. Por a është kjo zgjidhja e duhur për organizmin tonë?

Pijet energjike, megjithëse na japin një ndjesi të menjëhershme “rifreskimi”, nuk janë ideale për hidratim, veçanërisht në ditët e nxehta.

Ato përmbajnë kafeinë të lartë, sheqerna të përpunuar dhe substanca stimuluese, të cilat mund të rrisin rrahjet e zemrës, të ngrejnë tensionin dhe madje të çojnë në dehidrim nëse konsumohen në sasi të mëdha.

Çfarë rekomandojnë ekspertët?

Ujë i thjeshtë ose me limon;

Lëngje natyrale pa sheqer të shtuar;

Pije izotonike me elektrolite (nëse ke humbur shumë lëngje nga djersitja).

Në vend që të kërkojmë energji të shpejtë nga një kanaçe, zgjedhje më e mirë është të mbajmë trupin të hidratuar dhe të ushqyer mirë gjatë ditës.

Continue Reading

Shëndeti

A janë drithërat zgjedhja më e mirë për mëngjes?

Published

on

Pse drithërat nuk janë zgjidhja më e mirë për ta nisur ditën? Ekspertët sugjerojnë që para se të hamë të mendojmë se mëngjesi është vakti i parë i ditës, i cili do të vijë në kontakt me sistemin tonë tretës.

“Shumica e drithërave janë të ulëta në proteina dhe fibra dhe kanë tendencë të jenë të larta në sheqer, gjë që na bën të duam gjithnjë e më shumë. Në të njëjtën kohë, shumë drithëra përpunohen, duke i privuar ata nga lëndët ushqyese”, thotë nutricionistja Tracy Lockwood Beckerman.

Sipas ekspertëve, një vakt me sheqer të lartë rrit në mënyrë dramatike nivelet e sheqerit në gjak, të cilat bëjnë të ndiheni më nervoz.

Në të njëjtën kohë ndjenja e urisë kthehet më shpejt dhe është më intensive. Çfarë përfshin një mëngjes i shëndetshëm?

Një mëngjes i shëndetshëm përfshin një përzierje të të bardhës së vezës, arra të shëndetshme, fara dhe fruta hidratuese si luleshtrydhet apo mjedrat.

Nëse keni kohë, ekspertët sugjerojnë që ditën ta filloni me ujë të ngrohtë dhe disa pika limon dhe më vonë të hani avokado ose një vezë. /UBT News/

Continue Reading

Të kërkuara