Lajmet

Përse shqiptarët po vuajnë gjithnjë e më shumë nga ankthi dhe depresioni?

Ritmi i jetesës, papunësia, situata ekonomike, janë tre faktorët kryesorë si shkaktarët e gjendjes së ankthit dhe depresionit.

Published

4 years ago

October 1, 2022

UBT news

Gjendje ankthi, depresion, sulme paniku, çrregullime të humorit, çrregullime të personalitetit.

Janë këto diagnozat e shpeshta që mjekët psikiatër në Qendrat e Shëndetit Mendor përditë përcjellin bashkë me recetat dhe mjekimin përkatës pacientë të shumtë nga i gjithë vendi.

Vitet e fundit, numri i shqiptarëve që vuajnë nga depresioni dhe niveli i lartë i stresit është rritur në mënyrë dramatike.

Nga një vëzhgim i AgroWeb.org në disa prej farmacive të kryeqytetit rezulton se mjekimet për antidepresantë dhe antistres qendrojnë në krye të listës së barnave të kërkuara nga pacientë të ndryshëm me rekomandim nga mjeku.

E ndërsa numri sa vjen dhe rritet kapaciteti i mjekëve për të përballuar fluksin e vizitave sa vjen dhe ngushtohet, kjo për shkak të mungesës së numrit të duhur të psikiatërve në qendrat e shëndetit mendor.

Në disa raste, rradha e gjatë e pritjes, i detyron pacientët të kërkojnë ndihmë drejt klinikave private, të cilat gjithashtu kanë një fluks në rritje të orareve dhe konsultave.

Çfarë po shkatërron shëndetin mendor të shqiptarëve?

Të pyetur nga AgroWeb.org në lidhje me shqetësimet e shpeshta që detyrojnë shqiptarët të drejtohen tek Qendrat e Shëndetit Mendor për ndihmë, mjekët ndalen tek disa faktorë.

Në përgjithësi ritmi i jetesës, papunësia, situata ekonomike, janë tre faktorët kryesorë si shkaktarët e gjendjes së ankthit dhe depresionit tek pacientët që diagnostikojnë bëjnë të ditur mjekët.

Mjekët psikiatër theksojnë se ankthi dhe depresioni janë dy diagnozat më të shpeshta që ata hasin përditë.

Sipas tyre ka një fluks shumë të lartë të qytetarëve që shkojnë për vizitë dhe konsultë dhe fluksi sa vjen dhe rritet. Por mjekët evidentojnë dhe një tjetër faktor edhe më shqetësues, e që është rritja e numrit të të rinjve që vuajnë nga ankthi dhe depresioni.

Nëse para disa vitesh numri i të prekurve me depresion prekte më shumë moshat rreth të 40-ve, tashmë janë edhe moshat më të reja, 20-30 vjeç që po diagnostikohen.

Jeta e zhurmshme, pasiguria për të ardhmen, mungesa e mundësive ekonomike zbeh motivimin për të menduar pozitivisht duke i çuar të rinjtë drejt një gjendjeje pesimiste, antkhi dhe depresive.

Kujdesi që duhet treguar dhe cilat janë zgjidhjet më të mira

Stresi është një gjendje që duhet trajtuar që në hapat e parë të tij duke parandaluar kështu antkhin, panikun dhe rënien në depresion.

Padyshim konsulta me mjekun është me patjetër hapi i parë që duhet të bëjë çdo kush që vuan nga stresi, ankthi e depresioni por ka dhe shumë faktorë të tjerë që ndihmojnë në kapërcimin e kësaj gjendjeje e që në shumë raste ndihmojnë edhe në shmangien e medikamenteve.

Një prej tyre është regjimi ushqimor dhe aktiviteti fizik gjithashtu.

Përsa i përket regjimit ushqimor ka shumë produkte natyrale ushqimore të cilat luftojnë ankthin dhe depresioni.

Një ndër këshillat më të mira, për të cilën AgroWeb.org ka publikuar shumë artikuj është magnezi. Magnezi mund të merret si suplement por edhe përmes ushqimeve. Ai ndikon në lehtësimin e ankthit dhe stresit, nxit qetësinë mendore, qetësimin e muskujve dhe një gjumë të qetë.

Të gjitha barishtet e gjelbra, farat dhe arrorët janë burimet më të pasura me magnez.

Zgjidhni bajamet, arrat, farat e susamit, kungullit dhe linit janë ideale. Ushqime të pasura me magnez janë edhe fasulet e zeza dhe bananet.

Shëtitjet në natyrë dhe ushtrimet fizike janë gjithashtu një zgjidhje shumë e mirë për të lehtësuar stresin dhe depresionin./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Vendi

Tensione te Kuvendi për ndryshimet në ligjin për Specialen

Published

4 hours ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Aktualitet

Përfundon takimi mes Kurtit dhe Hamzës

Published

6 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

6 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/