Lajmet

Përmes marshit kërkohet drejtësi për gratë e vrara

“Gratë vriten, shteti hesht”, “Poshtë shteti patriarkal”, “Shteti ka duart me gjakun e grave të vrara”, ishin disa nga thirrjet.

Published

3 years ago

on

Kolektivi “Marshojmë s’festojmë” mbajti sot marsh protestues në Ditën e Gruas. Përmes marshit, dhjetëra gra në Prishtinë kërkuan drejtësi për gratë e vrara.

“Gratë vriten, shteti hesht”, “Poshtë shteti patriarkal”, “Shteti ka duart me gjakun e grave të vrara”, ishin disa nga thirrjet e grave në këtë marsh.

Aktivistja Mirishahe Syla u shpreh se gratë kanë shumë më shumë të përbashkëta se dallime. Ajo theksoi se pak më shumë se 2 mijë gra në vit e raportojnë dhunën sepse siç tha “shumicës prej nesh u është mësuar se gruaja e mirë duron”

“Ne të gjitha punojmë, po jo të gjitha nga ne paguhen. Ne punojmë në dhe jashtë shtëpisë, koha jonë më e madhe i kushtohet të tjerëve, pastrim-gatim, kujdes pak nga ne marrin pagë për këtë punë. Pak nga ne jemi në politikë. Asnjë nga ne nuk udhëheqim ndonjë komunë…Ne na thonë lindim në derë të huaj e shkojmë në derë të huaj…Pushkë nuk qitet edhe kur lind ndonjë nga ne. Jemi ne ato që dhunohemi në shtëpi, në rrugë, më shkollë, punë, polici, gjykatë e prokurori. Ne dhunohemi çdo ditë në shtëpitë kur shpërngulemi pas martesës. Por, vetëm pak më shumë se 2 mijë nga ne e raportojmë dhunën në vit, sepse shumicës prej nesh u është mësuar se gruaja e mirë duron”, tha ajo.

Syla u shpreh se çdo të drejtë që gratë e gëzojnë është fituar nga lufta e përbashkët për barazi. Ajo nënvizoi se ka shumë punë për t’u bërë, jo vetëm për ne, por edhe për ato që do të vijnë.

“Ne duhet të ruajmë me kujdes çdo të drejtë të fituar, sepse edhe ato sot jonë në rrezik. Në shumë vende të botës, të drejtat e grave po sfidohen, andaj ne më shumë se kurrë dhe si gjithmonë duhet të jemi bashkë për të njohur, për të mbrojtur, për të vlerësuar e festuar njëra-tjetrën…Ne duhet t’i vazhdojmë përpjekjet tona që të tjerat para nesh i filluan. Ne kemi edhe shumë për të bërë, jo vetëm për ne, por edhe për të gjitha para nesh e ato që do të vijnë pas”, u shpreh ajo tutje.

Syla shtoi se do të vazhdojnë rezistencën e tyre në shtëpi, rrugë, shkollë, parlament e kudo, duke shtuar se feminizmi “ka jetuar e do të jetojë përmes nesh, bashkë për njëra-tjetrën kundër shtypjes, bashkë për një jetë pa dhunë ndaj vajzave dhe grave.

Marshi, i cili nisi te Pallati i Drejtësisë përfundoi përpara objektit të qeverisë me thirrjet “Poshtë patriarkati”, “Poshtë qeveria patriarkale”, “Poshtë institucionet patriarkale”, “Marshojmë kundër dhunës ndaj grave” etj.

Related Topics:
Continue Reading

Lajmet

Arrestohet në Prizren i dyshuari për keqpërdorim të të dhënave bankare të shtetasve amerikanë

Published

11 hours ago

on

July 16, 2026

By

Policia e Kosovës, në bashkëpunim me Prokurorinë Speciale të Republikës së Kosovës dhe autoritetet e Shteteve të Bashkuara të Amerikës, ka arrestuar një person në rajonin e Prizrenit, i dyshuar për keqpërdorim të të dhënave bankare dhe personale.

Sipas komunikatës së përbashkët, i dyshuari kishte siguruar në mënyrë të paautorizuar të dhëna të kartelave bankare dhe të dhëna personale, kryesisht të shtetasve amerikanë, të cilat më pas i kishte vënë në dispozicion për keqpërdorim përmes platformave të ndryshme online, me qëllim përfitimi të kundërligjshëm.

Gjatë aksionit, të realizuar me urdhër të gjykatës, janë sekuestruar edhe prova relevante për rastin.

Me vendim të prokurorit, i dyshuari është ndaluar për 48 orë, ndërsa hetimet do të vazhdojnë në koordinim me autoritetet amerikane./A.K/

Continue Reading

Lajmet

Tërmet 5.9 ballë godet Zelandën e Re

Published

11 hours ago

on

July 16, 2026

By

Një tërmet me magnitudë 5.9 ka goditur qytetin Te Anau në Ishullin Jugor të Zelandës së Re, duke shkaktuar lëkundje të forta, por pa raportime të menjëhershme për të lënduar apo dëme materiale.

Epiqendra ishte rreth 40 kilometra në veri të Te Anaut, pranë rajonit turistik Fiordland.

Fillimisht autoritetet vlerësuan magnitudën në 6.3 dhe lëshuan paralajmërim për cunami, duke u bërë thirrje banorëve të zonave bregdetare të zhvendoseshin në vende më të sigurta.

Pas rishikimit të të dhënave, magnituda u ul në 5.9, paralajmërimi u zbut dhe më pas u anulua plotësisht./A.K/

Continue Reading

Lajmet

Gjykata Supreme ndryshon dënimin për Edmond Lajqin: Nga burgim i përjetshëm në 30 vjet burg

Published

12 hours ago

on

July 16, 2026

By

Gjykata Supreme e Kosovës ka aprovuar pjesërisht ankesën e mbrojtjes së të pandehurit Edmond Lajqi, duke ndryshuar vendimin për dënimin e tij të shqiptuar nga Gjykata Themelore në Pejë dhe Gjykata e Apelit.

Sipas vendimit të ri të Supremes, Lajqit, i cili është shpallur fajtor për veprat penale të vrasjes së rëndë dhe mbajtjes në pronësi të paautorizuar të armëve, i është zbutur dënimi nga burgimi i përjetshëm në 30 vjet burgim efektiv. Gjykata ka vendosur që në këtë dënim t’i llogaritet edhe koha e kaluar në paraburgim që nga data 16 prill 2024, ndërsa në pjesët e tjera, aktgjykimet e shkallës së parë dhe të dytë kanë mbetur të pandryshuara.

Ndonëse Supremja konstatoi se gjykatat më të ulëta e kishin vërtetuar drejt fajësinë dhe cilësimin juridik të veprave, ajo gjeti se ato nuk e kishin zbatuar drejt nenin 41 të Kodit Penal sa i përket shqiptimit të dënimit me burgim të përjetshëm. Në arsyetimin e saj, Gjykata Supreme sqaroi se një pjesë e rrethanave të cilësuara si veçanërisht rënduese nuk kishin mbështetje në prova, kurse disa të tjera përbënin elemente të vetë veprës penale dhe nuk mund të përdoreshin sërish për të justifikuar masën më të rëndë ndëshkimore.

“Burgimi i përjetshëm mund të shqiptohet vetëm në raste kur ekzistojnë rrethana veçanërisht rënduese që e dallojnë qartë rastin konkret nga rastet e zakonshme të së njëjtës vepër penale dhe kur një dënim më i butë nuk do të ishte proporcional me peshën e veprës dhe fajësinë e kryerësit”, thuhet në vendimin e Gjykatës Supreme.

Duke u bazuar në parimin e individualizimit dhe proporcionalitetit, si dhe në praktikën e Gjykatës Evropiane për të Drejtat e Njeriut, Gjykata Supreme vlerësoi se ky standard ligjor nuk ishte plotësuar për dënimin maksimal, duke argumentuar se dënimi i ri i vendosur prej 30 vitesh përmbush plotësisht efektin e drejtësisë.

“Dënimi me 30 vjet burgim është proporcional me peshën e veprës penale, shkallën e fajësisë dhe rrezikshmërinë e të pandehurit dhe me këtë dënim mund të realizohet qëllimi i dënimit, si në aspektin e parandalimit individual ashtu edhe të atij të përgjithshëm” thuhet në vendim.

Continue Reading

Lajmet

Ish-drejtori i kompanisë së autostradave në Itali dënohet me 12 vjet burg për shembjen e urës Morandi

Published

12 hours ago

on

July 16, 2026

By

Ish-drejtuesi i kompanisë Autostrade per l’Italia, Giovanni Castellucci, është dënuar me 12 vjet burgim për shembjen e urës Morandi në Xhenova, ku humbën jetën 43 persona në gusht të vitit 2018.

Vendimi u mor nga gjykata në Xhenova, ndërsa prokurorët kishin kërkuar një dënim më të ashpër për Castelluccin, i cili ishte në mesin e 57 të pandehurve në këtë proces gjyqësor.

Ura u shemb gjatë një stuhie shiu, duke bërë që automjete dhe kamionë të binin nga lartësia. Tragjedia ndodhi në kulmin e sezonit turistik dhe konsiderohet një nga fatkeqësitë më të rënda infrastrukturore në Itali.

Një tjetër ish-zyrtar i lartë i kompanisë, Michele Donferri Mitelli, u dënua me 11 vjet burgim.

Familjarët e viktimave e mirëpritën vendimin. Emmanuel Diaz, i cili humbi vëllanë në tragjedi, tha se ishte “shumë i kënaqur” me vendimin e gjykatës, ndërsa Egle Possetti, që humbi motrën dhe familjen e saj, e cilësoi dënimin ndaj Castelluccit si “të pranueshëm”.

Castellucci aktualisht po vuan edhe një dënim tjetër prej gjashtë vitesh burgim për një aksident të rëndë rrugor të ndodhur në vitin 2013./A.K/

Continue Reading

Të kërkuara