

Lajmet nga UBT
Përmbylli suksesshëm punimet Akademia Ndërkombëtare Verore e Shkencave Mjekësore Teknike
Përgjatë akademisë u shtjelluan disa tema nga folës të ndryshëm.
Published
3 years agoon
By
UBT.NewsAkademia Ndërkombëtare Verore e Shkencave Mjekësore Teknike, në kuadër të “Global UBT Fest 2022”, ka përmbyllur suksesshëm edicionin e sivjetshëm, i cili u karakterizua me mbajtjen e shumë aktiviteteve që kishin në fokus trajtimin e temës: “Profesionistët shëndetësorë para, gjatë dhe pas pandemisë COVID-19”.
Përgjatë akademisë u shtjelluan disa tema nga folës të ndryshëm, si: profesori Ilir Ahmetgjekaj diskutoi rreth imazherisë radiologjike e infeksionit me COVID-19, si dhe për temën: “COVID-19 dhe ICV iskemike. Gjetjet Imazherike”, ku shpjegoi përdorimin e teknologjisë fotografike për të diagnostikuar dhe për të shëruar sëmundje, si dhe për kërkime shkencore, teksa profesori Zaim Gashi diskutoi rreth temës: “Gastroenterologet, endoskopia dhe COVID-19”.
Profesoresha Shqipe Agushi, ligjëroi temën: “Efektet e pandemisë COVID-19 në edukimin infermieror”, duke shtjelluar disa efekte pozitive dhe negative të pandemisë që kanë ndikuar në sistemin shëndetësor, teksa profesoresha Nafije Pajaziti ka folur rreth rolit të shërbimeve në shëndetin mendor gjatë pandemisë.
Ndër të tjera, janë realizuar edhe disa ligjërata nga profesoresha Arlinda Demaj e cila ka folur rreth temës: “Roli i infermierëve gjatë pandemisë Covid-19 në Kujdesin Parësor Shëndetësorë”, profesoresha Albina Fejza, e cila ka shtjelluar detaje rreth menaxhimit të pandemisë në Itali dhe ka krahasuar me situatën në Kosovë, duke ofruar edhe kërkime shkencore të cilat janë bërë si pasojë COVID-19, ndërsa profesori Abdullah Gruda ka folur rreth temës: “Përvojat e infermierëve gjatë pandemisë COVID-19”.
Me temën “Profesionistët shëndetësorë para, gjatë dhe pas pandemisë COVID-19”, synimi i Akademisë Ndërkombëtare Verore të drejtimeve Infermieri, Teknik i Radiologjisë dhe Teknik i Anesteziologjisë në UBT, ka qenë të bëhet një analizë më e gjerë e kërkesave shëndetësore dhe psiko-sociale të pacientëve, rreth kujdesit të pacientëve në kohë krizash, si dhe të shqyrtohet ndikimi i ambienteve të kujdesit kritik tek pacientët dhe familjet e tyre dhe strategjitë që infermierët mund të zbatojnë për të minimizuar veprimet e tilla.
You may like
-
Fakulteti Shkenca Kompjuterike dhe Inxhinieri përfundon suksesshëm Akademinë Ndërkombëtare Verore
-
Shkencat Politike dhe Studimet e Sigurisë përfundojnë aktivitetet e Akademisë Ndërkombëtare Verore
-
Gjuha Angleze dhe Edukimi përfundojnë suksesshëm edicionin e sivjetshëm të Akademisë Ndërkombëtare Verore
Aktualitet
UBT ofron 30 për qind bursë për të gjithë alumnit në programet master
Published
16 hours agoon
August 12, 2025By
Driton Iseni
UBT ka nisur një nismë të re për të mbështetur zhvillimin profesional të alumnëve të tij. Të gjithë të diplomuarit e UBT-së, tashmë mund të përfitojnë 30 për qind bursë për çdo program master që ofrohet në institucion.
Pse kjo është një mundësi e veçantë?
- Thellim i njohurive në fusha të ndryshme profesionale
- Përmirësim i aftësive për tregun e punës
- Diplomë nga një institucion me standarde të larta dhe praktika bashkëkohore mësimdhënieje
Programet master në UBT janë të njohura për:
- Cilësinë akademike
- Fokusin në praktikë dhe aplikime reale
- Përputhjen me kërkesat e tregut të punës
- Mentorim nga profesorë dhe ekspertë me përvojë ndërkombëtare
Si të përfitoni?
Alumnit e interesuar mund të kontaktojnë Zyrën e Regjistrimit në UBT. Procesi i aplikimit është i thjeshtë, transparent dhe i shpejtë.
UBT vazhdon të qëndrojë pranë alumnëve të tij, duke investuar në suksesin e tyre afatgjatë. Bursa prej 30 për qind është një mundësi konkrete për t’i ndihmuar ata të zhvillojnë karrierën dhe të bëhen liderë në fushat e tyre./UBTNews
Aktualitet
UBT zhvillon qendrën e saj të sigurisë kibernetike në njërën nga qendrat më të avancuara në rajon
Published
5 days agoon
August 8, 2025By
Driton Iseni
UBT ka transformuar qendrën e saj të sigurisë kibernetike në njërën nga qendrat më të avancuara në rajon, duke forcuar rolin si një ndër institucionet më të rëndësishme në rajon për kërkimin, inovacionin dhe reagimin ndaj kërcënimeve kibernetike.
Në qendër të kësaj qëndron UBT CERT, i cili ofron zgjidhjet më të fundit për detektim dhe reagim ndaj incidenteve dhe sulmeve kibernetike, me teknikat më moderne dhe bashkëkohore për të siguruar asetet dhe infrastrukturat.
Përveç të tjerash, UBT posedon njërin nga laboratorët më të mëdhenj të sigurisë kibernetike në rajon, laborator i cili simulon skenare reale në fushën e sigurisë kibernetike për të përgatitur studentët dhe personel për tregun e punës. Këto skenare përfshijnë qindra laboratore virtuale në fusha të specializuara të sigurisë kibernetike si: offensive cybersecurity, defensive cybersecurity, dhe incident response.
Me transformimin e kësaj qendre, UBT pozicionohet si një aktor kyç në nivelin kombëtarë dhe atë ndërkombëtarë për siguri kibernetike, duke ofruar ekspertizë, infrastrukturë dhe inovacion.
Lajmet nga UBT
UBT dhe CCHBC Kosova një model bashkëpunimi për zhvillimin e talenteve të rinj
Published
6 days agoon
August 7, 2025By
UBTnews
Për vitin e dytë radhazi, UBT vazhdon partneritetin e suksesshëm me CCHBC Kosova, duke mundësuar realizimin e programit Summership, një mundësi e artë për studentët tanë që synojnë të fitojnë përvojë praktike në një mjedis profesional dhe dinamik.
Këtë vit, rreth 10 studentë nga UBT do të ndjekin një program të strukturuar praktik në departamentet e shitjes dhe marketingut, si dhe do të marrin pjesë në sesione edukative në fushat e logjistikës, CAS-it dhe People & Culture.
Gjatë ditës së parë, praktikantët u pritën nga Capability Lead në CCHBC Kosova dhe u njohën më afër me portofolin e produkteve dhe vlerat që përfaqëson kompania.
Në ditët në vijim, ata do të kalojnë kohën në terren duke u përfshirë në procese të ndryshme, si dhe duke eksploruar thellësisht funksionimin e kompanisë.
Ky bashkëpunim është një tjetër dëshmi e përkushtimit të UBT-së për të sjellë përvojë konkrete dhe të vlefshme për studentët tanë, duke i përgatitur ata për tregun e punës në mënyrën më profesionale.
Aktualitet
UBT pret në vizitë zyrtare Kryetarin e FFK-së, Agim Ademi – fokus te edukimi dhe inovacioni në sport
Published
1 week agoon
August 5, 2025By
Driton Iseni
Kryetari i Federatës së Futbollit të Kosovës (FFK), Agim Ademi, ka zhvilluar sot një vizitë zyrtare në UBT, ku është mirëpritur nga Presidenti dhe Themeluesi, Rektori, Prof. Dr. Edmond Hajrizi, në ambientet e Parkut Shkencor, Inovativ dhe Teknologjik të UBT-së në Lipjan.
Gjatë kësaj vizite, Ademi pati mundësinë të njihet nga afër me kapacitetet infrastrukturore, laboratorët e avancuar, si dhe projektet ndërdisiplinore që po zhvillohen në UBT.
Rektori Hajrizi dhe Kryetari Ademi diskutuan për mundësitë e bashkëpunimit ndërmjet UBT-së dhe FFK-së, me qëllim të ndërlidhjes së teknologjisë, inovacionit dhe sportit në funksion të zhvillimit të qëndrueshëm të të rinjve dhe shoqërisë në përgjithësi.
Gjatë vizitës së tij në UBT, Kryetari Ademi, vlerësoi rolin udhëheqës të këtij institucioni në fushën e arsimit, teknologjisë dhe inovacionit. Ai u shpreh i impresionuar nga projektet dhe potenciali që UBT ofron për zhvillimin e të rinjve dhe për krijimin e bashkëpunimeve konkrete ndërmjet sportit dhe edukimit.
“Sot pata kënaqësinë të vizitoj UBT-në në Prishtinë, një qendër jo vetëm e dijes dhe inovacionit, por që me të drejtë mund të quhet edhe një ‘smart city’ brenda kryeqytetit tonë. Ishte impresionuese të shihja nga afër një institucion që jo vetëm e ndjek hapin e zhvillimit teknologjik, por edhe kontribuon në të, me një program të sofistikuar që përfshin gjithçka – nga bazat deri te formimi i shkencëtarëve në profile të ndryshme”, u shpreh Ademi.
Rektori Hajrizi theksoi se përmes programeve bashkëkohore dhe investimeve në infrastrukturë moderne, UBT jo vetëm që udhëheq në fushën akademike, por gjithashtu kontribuon drejtpërdrejt në përgatitjen e sportistëve dhe trajnerëve të rinj, duke i dhënë vendit një bazë të fortë për afirmim në arenën ndërkombëtare.
“UBT është shndërruar në një qendër unike arsimore e inovative, ku talentet e reja jo vetëm edukohen, por edhe fuqizohen për të qenë kampionë në sport, shkencë dhe jetë. Kemi krijuar një ekosistem që i tejkalon kufijtë e edukimit tradicional – duke integruar teknologjinë, lidershipin dhe përgatitjen praktike me standarde ndërkombëtare, për të formuar gjenerata të gatshme të konkurrojnë në çdo arenë”, theksoi Rektori Hajrizi.
Vizita e Kryetarit të FFK-së në UBT hap perspektiva të reja për bashkëpunim në fusha të ndryshme si teknologjia sportive, edukimi i trajnerëve përmes platformave digjitale, organizimi i ngjarjeve të përbashkëta dhe mbështetja e inovacionit në sport.
UBT, si institucion lider në arsimin e lartë në rajon, vazhdon të dëshmojë se është një partner i besueshëm për bashkëpunime strategjike me institucionet vendore dhe ndërkombëtare.
Në këtë kontekst, UBT veçon edhe Fakultetin e Shkencave të Sportit dhe të Lëvizjes, përmes të cilit synon të kontribuojë në zhvillimin e sportit në vend duke nxjerrë kuadro të rinj profesionalë dhe talente të reja, të cilat do të mund të afirmohen në skenën ndërkombëtare përmes përgatitjes me standarde të larta dhe inspirimit nga kampionët botërorë.

Zelensky thotë se Ukraina do të refuzojë propozimet për të hequr dorë nga territoret e saj

Përditësohen të dhënat në pikat kufitare

24 vjet nga marrëveshja e Ohrit

BQK për vitin 2025 parasheh rritje ekonomike prej 4.1%

Bajrami pas aktventimit të Komerciales: Republika e stërkequr nga korrupsioni

Cristiano Ronaldo fejohet me Georgina Rodriguez

Ministrat e Jashtëm të 25 vendeve kërkojnë të lejohen ndihmat në Gaza

Arrestohet një person për zjarrvënie

Aksident tragjik në rrugën Komoran–Carralevë, humb jetën një person
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit