Kulturë

Përkujtohet 161-vjetori i lindjes së Isa Boletinit, heroi i pavdekshëm i popullit shqiptar

Published

on

Muzeu Historik Kombëtar kujtoi sot, më 15 janar, heroi e pavdekshëm të popullit shqiptar, Isa Boletinin, në ditën e 161-vjetorit të lindjes së tij, një ngjarje e rëndësishme për historinë dhe identitetin kombëtar shqiptar.

Isa Boletini, i lindur në fshatin Boletin të Mitrovicës më 15 janar të vitit 1864, ishte një nga personalitetet më të shquara të historisë së Kosovës dhe Shqipërisë. Ai u dallua si luftëtar dhe udhëheqës ushtarak, si dhe si organizator dhe drejtues i lëvizjes për çlirimin kombëtar. Me veprën dhe sakrificat e tij, Isa Boletini shënoi një kapitull të lavdishëm në luftën për liri dhe pavarësi, duke u bërë një simbol i krenarisë dhe qëndresës kombëtare.

Në vitet 1908-1912, Isa Boletini ishte një nga udhëheqësit kryesorë të kryengritjeve të mëdha popullore kundër sundimit osman në Drenicë-Mitrovicë, Shtime-Carralevë, Podujevë-Prishtinë dhe rajone të tjera. Ai udhëhoqi me guxim dhe vendosmëri popullin shqiptar në përpjekjet e tij për të çliruar trojet shqiptare nga okupatorët e huaj, duke ngritur flamurin e lirisë dhe pavarsisë në një periudhë të vështirë dhe plot pasiguri.

Gjatë ditëve të shpalljes së Pavarësisë së Shqipërisë më 1912, Isa Boletini luajti një rol të rëndësishëm, duke u vendosur në krye të përfaqësuesve të Kosovës dhe duke u ndodhur krah Ismail Qemalit në Vlorë, ku u miratua akti i rëndësishëm i shpalljes së Pavarësisë. Pas kësaj ngjarje historike, ai udhëhoqi me vendosmëri kundërshtimin e ndarjes së Shqipërisë, duke marrë pjesë aktivisht në delegacionin shqiptar që shkoi në Londër në vitin 1913. Atje, ai kundërshtoi me forcë vendimet e Fuqive të Mëdha, të cilat synonin copëtimin e Shqipërisë, duke mbrojtur me çdo kusht integritetin territorial të atdheut.

Pasi kaloi në Kosovë, Isa Boletini vazhdoi të luftonte për lirinë dhe të drejtat e popullit shqiptar. Ai organizoi dhe udhëhoqi qëndresën popullore kundër pushtuesve të rinj serbo-malazezë, duke u bërë një simbol i pavdekshëm i luftës për atdhenë. Me mençurinë dhe guximin e tij, ai fitoi një autoritet të pashoq si udhëheqës popullor, duke lënë pas një trashëgimi të paharrueshme.

Më 23 janar 1916, Isa Boletini ra viktimë e një atentati të pabesë nga shovinistët malazezë në Podgoricë. Vrasja e tij, e kryer në mënyrë të pabesë, ishte një goditje e rëndë për lëvizjen kombëtare, por përkundër kësaj, emri dhe vepra e Isa Boletinit mbeten një burim frymëzimi dhe një simbol i luftës për lirinë dhe pavarësinë e popullit shqiptar./UBTNews/

Magazinë

John Krasinski rikthehet me pjesën e tretë të “A Quiet Place”

Published

on

John Krasinski ka konfirmuar se do të rikthehet si skenarist, regjisor dhe producent për filmin “A Quiet Place Part III”, pjesën e tretë të sagës së njohur horror. Përmes një njoftimi në rrjetet sociale, ai bëri të ditur se filmi do të dalë në kinema më 9 korrik 2027.

Ende nuk janë zbuluar detaje për kastin apo rrjedhën e ngjarjeve në këtë kapitull të ri. Krasinski shkroi, drejtoi, prodhoi dhe interpretoi në filmin e parë të serisë, përkrah bashkëshortes së tij, Emily Blunt, si dhe aktorëve Noah Jupe dhe Millicent Simmonds.

Filmat ndjekin mbijetues të ndryshëm në një botë të shkatërruar nga krijesa të rrezikshme që reagojnë ndaj zhurmës.

Vitin e kaluar u publikua filmi prequel “A Quiet Place: Day One”, me regji nga Michael Sarnoski dhe në rolin kryesor Lupita Nyong’o.

Continue Reading

Magazinë

Tragjedi në koncertin e Oasis: Një fans humb jetën pas një rënie nga stadiumi në Wembley

Published

on

Një ngjarje tragjike ka ndodhur gjatë koncertit të Oasis në Wembley, kur një fans rreth 40 vjeç, humbi jetën pas një rënie të mundshme nga një lartësi e stadiumit.

Sipas Policisë Metropolitane, oficerët dhe shërbimi i emergjencës u përgjigjën menjëherë pas raportimeve se një person ishte lënduar rreth orës 22:20, dhe se burri kishte pësuar lëndime që mund të lidhen me një rënie nga lartësia.

Mediat britanike raportojnë se dyshohet se ai ka rënë nga pjesa e sipërme e stadiumit. Dëshmitarët e ngjarjes e përshkruan si “horror”, ndërkohë që policia ka bërë thirrje për çdo informacion të mundshëm që mund të ndihmojë në sqarimin e ngjarjes.

Në një deklaratë zyrtare, grupi britanik Oasis reagoi me trishtim për këtë humbje tragjike, duke shprehur ngushëllimet e tyre për familjen dhe miqtë e viktimës.

Continue Reading

Lifestyle

Këto këshilla ju ndihmojnë që të menaxhoni paratë gjatë pushimeve

Published

on

Po niseni? Ndoshta jashtë? Para mbylljes fatale të gazit merrni një minutë kohë për menaxhimin e parave. Ja këshillat e Geronimo Emili, president i CashlessWay, për një verë “pa lekë”.

1. Përpiquni të përdorni pagesat elektronike në qoftë se keni mundësi, janë të sigurta, komode dhe mund të kontrolloni më mirë buxhetin.

2. Mos vendoni kurrë asnjë letër në portofolet me PIN.

3. Më mirë t’i memorizosh me një emër falso në rubrikën e telefonit kodet e ndryshme, mbase duke u vënë para një prefix telefoni, kështu për të ngatërruar sa më shumë të jetë e mundur një ndërhyrje të mundshme. Bëjeni, edhe memoria më e stërvitur, ka momente të vështira.

4. Në rubrikë memorizoni edhe numrin e call centerit të bankës tuaj, kështu që mund të kërkoni ndihmë ose të pezulloni kartën. Mbani mend që nuk është e nevojshme “të digjni” kartën e pagesës: për dyshimin më të vogël të humbjes telefononi dhe zëvendësojeni, mundeni ta aktivizoni në rast konstatimi. Sot nxirren lehtë njoftimet për të bërë pagesën nëpërmjet sms dhe email, kështu që mund të keni edhe konfirmimin e transaksioneve të ndodhura në kohë reale.

5. Verifikoni që kartat e pagesës të jenë të aktivizuara për jashtë. Në dyqane mund të paguani nëpërmjet kartës, kartës bankomat ose kartës së parapaguar. Dukshëm duhet të jenë të gjitha të aktivizuara në qarqet ndërkombëtare. P.sh në qoftë se paguani me kartën Bankomat (ATM jashtë), do t’ju kërkohet të përdorni qarkun Maestro. Në qoftë se nuk e keni, bëni një kartë të parapaguar, është e mirë për të limituar dëmet në rast të mashtrimit apo klonimit.

6. Verifikoni që kartat të jenë në gjendje të mirë dhe shiriti magnetik, në qoftë se akoma e keni, të funksionojë. Mund të jetë e dobishme sidomos në USA.

7. Në qoftë se keni nevojë për cash, shmangni sa më shumë të jetë e mundur tërheqjen duke përdorur kartën e kreditit. Komisionet janë të larta mes 4 dhe 6%. Më mirë karta bankomat që ka komision 2%, por ka një limit të përdorimit të përditshëm që varion nga vendi në vend.

8. Në qoftë se keni nevojë për valutë lokale të ndryshme nga Euro, përpiquni t’i ndryshoni para se të niseni, këmbimi në aeroport ose në zona turistike ka një taksë që nuk është e favorshme. Megjithatë në shumë raste mund të negocioni.

9. Bëhuni të larmishëm sa më shumë të jetë e mundur për të qenë më pak të dobët në raste mashtrimi.

10. Në qoftë se keni nevojë për të ndihmuar ekonomikisht fëmijët tuaj, gjëja më e mirë është wallet elektronik që konsiston në një transferim imediat në rast nevoje si nga banka në wallet edhe nga wallet në wallet.

Ka oferta të ndryshme, më të mira janë ato të lidhura me një kartë fizike kështu që në vazhdim të transferimit vazhdon në qoftë se është e nevojshme edhe një tërheqje cash e menjëhershme.

Continue Reading

Magazinë

Shawn Mendes lë gjurmë në Prishtinë me një performancë të jashtëzakonshme dhe magjike

Published

on

Prishtina mbrëmë përjetoi një natë magjike, teksa Shawn Mendes performoi për herë të parë në Kosovë, duke e kthyer natën e dytë të Sunny Hill Festival në një spektakël emocionesh të forta.

Me një skenë të mrekullueshme, por me drita të ngrohta që krijuan një atmosferë të afërt dhe të ngrohtë, Shawn i la gjithë vëmendjen zërit të tij të fuqishëm dhe mesazheve të sinqerta të këngëve.

Të shoqëruar nga një bend energjik dhe vokalistë mbështetës që e plotësonin perfekt performancën e tij, çdo notë u ndje thellë nga mijëra fansa që kishin mbushur hapësirën e festivalit.

Shawn interpretoi një setlist të pasur me hitet e tij më të mëdha, nga “There’s Nothing Holding Me Back”, “Never Be Alone” e “Stitches”, “Wonder”, “Mercy” dhe “Why Why Why”, duke përfshirë edhe ritmet më të shpejta si “Lost in Japan” dhe këngën e njohur, “Treat You Better”.

Energjia në festival ishte e jashtëzakonshme, me publikun që këndoi çdo varg bashkë me Shawn-in, duke e kthyer natën në një përvojë unike.

Për të gjithë ata që ishin aty, ky koncert nuk ishte thjesht një performancë – ishte një moment i rrallë ku muzika, emocionet dhe lidhja me artistin u bënë një.

Continue Reading

Të kërkuara