Shëndet

Përfitimet shëndetësore nga mjalti me qumësht

Përfitimet shëndetësore të mjaltit dhe qumështit përfshijnë përparësitë në kujdesin e lëkurës dhe rritjen e qëndrueshmërisë.

Published

on

Çfarë ndodh me trupin tuaj nëse pini qumësht me mjaltë?

Qumështi dhe mjalti mund të bëjnë mrekulli nëse konsumohen secila më vete, por kur merren së bashku, ato ofrojnë përfitime shëndetësore surprizuese (të habitshme). Përfitimet shëndetësore të mjaltit dhe qumështit përfshijnë përparësitë në kujdesin e lëkurës dhe rritjen e qëndrueshmërisë.

Mjalti, tradicionalisht është përdorur për shëndetin për shkak se përmban antioksidantë, antibakterie si dhe ka efekte qetësuese dhe anti-inflamatore në çështjet e frymëmarrjes. Qumështi, nga ana tjetër, tradicionalisht është vlerësuar për përmbajtjen e tij të vitaminave dhe mineraleve, duke përfshirë vitaminën A, B, vitaminën D si dhe kalcium, proteinën e kafshëve dhe acid laktik.

Megjithatë, këto atribute mund të kombinohen kur qumështi dhe mjalti konsumohen së bashku. Rezultati përfshin përfitime unike dhe shumë të dëshiruara për ju.

Përfitimet shëndetësore të mjaltit dhe qumështit

Përkujdesje lëkure

Si mjalti ashtu edhe qumështi posedojnë veti antimikrobiale dhe pastruese. Përdorimi i maskës së mjaltit është efektiv për lehtësimin e akneve. Këto veti rriten kur të dy përbërësit merren së bashku. Pastrues të shumtë janë përgatitur duke përdorur qumësht dhe mjaltë, sepse përzierja i jep lëkurës një shkëlqim të shëndetshëm. Kombinimi përdoret shpesh në SPA-të e njohura në mbarë botën.

Tretje

Sipas një studimi të botuar në Journal of Agricultural and Food Chemistry, mjalti është një burim i mirë i prebiotikëve. Prebiotikët janë lëndë ushqyese që stimulojnë rritjen dhe zhvillimin e probiotikëve, baktereve të dobishme që rriten dhe zhvillohen në zorrët tona dhe në sistemin e tretjes.

Prebiotikët kanë treguar një efekt stimulues në ‘bifidobakteret’, një lloj probiotiku i gjetur në qumësht. Karbohidratet dhe oligosakaridet në mjaltë nxisin një funksion të shëndetshëm dhe të duhur të këtyre baktereve të dobishme që janë esenciale për mirëmbajtjen e shëndoshë dhe funksionimin e traktit GI.  Kur ekuilibri bakterial në traktin digjestiv është i mirë, eliminon një numër kushtesh irrituese, duke përfshirë kapsllëkun, dhimbjen e barkut dhe pengon zhvillimin e rritjes së dëmshme bakteriale.

Rrit qëndrueshmërinë

Dihet se një gotë qumësht me mjalt çdo mëngjes, përmirëson qëndrueshmërinë e një personi. Ndërsa qumështi përmban proteina, mjalti përmban karbohidratet e nevojshme që kërkohen për një stimul efektiv të metabolizmit. Qumështi dhe mjalti të marra së bashku, sigurojnë forcë për të gjithë duke përfshirë fëmijët dhe të moshuarit.

Shëndeti i kockave

Ndërsa hulumtimi për mjaltin vazhdon, gradualisht bëhet e qartë se mjalti vepron si transportues i lëndëve ushqyesve në të gjithë trupin. Mjalti ka treguar se mund të shërbejë si integrues në marrjen e kalciumit në trup, ku qumështi dihet se është një burim i pasur. Kjo është konfirmuar nga një studim i kryer te brejtësit, nga Dr Merlin Ariefdjohan, Universiteti i Kolorados, SHBA.

Prandaj, konsumimi i mjaltit dhe qumështit së bashku, jo vetëm që i jep trupit tuaj ushqyesin e nevojshëm (kalcium) për të pasur një shëndet të mirë të kockave, por gjithashtu do të maksimizojë absorbimin e tij në trup. Nivelet e duhura të kalciumit mund të parandalojnë osteoporozën dhe inflamacionin e nyjeve.

Parandalon pagjumësinë

Mjalti dhe qumështi janë përdorur tradicionalisht si mjete “kundër” pagjumësisë. Individualisht, ato janë të dyja efektive, por efektet forcohen kur merren së bashku. Mjalti është një nga përbërësit e rrallë të sheqerit që shkakton rritje të kontrolluar në sasinë e insulinës, gjë që gjithashtu nxit triptofanin që të lirohet brenda në tru.

Tryptophani normalisht shndërrohet në serotonin, i cili nxit një ndjenjë relaksimi. Kështu pra, mjalti dhe qumështi mund të përdoren për të “luftuar” pagjumësinë.

Vetitë anti-plakje

Kombinimi i qumështit dhe mjaltit ndikon në të gjithë trupin, duke e bërë atë të shkathët dhe të duket si i ri. Njerëzit në shumë civilizime të lashta, përfshirë grekët, romakët, egjiptianët dhe indianët, pinë qumësht me mjaltë për të ruajtur rininë e tyre. Meqenëse qumështi dhe mjalti mund të ndihmojnë në sigurimin e një jete të gjatë, kombinimi i tyre ishte i njohur si “eliksiri i jetës”.

Vetitë antioksiduese që ndodhin kur qumështi dhe mjalti kombinohen së bashku, janë të mëdha sepse antioksidantët sulmojnë radikalët e lirë të cilat janë një nga shkaqet kryesore të degradimit të lëkurës dhe rrudhave. Dr. Brendan Niemira, udhëheqës i hulumtimit në Qendrën Kërkimore të USDA, në një nga studimet e tij, i konfirmon vetitë antioksiduese të mjaltit dhe qumështit.

Vetitë Antibakteriale

Hulumtimet kanë treguar se qumështi dhe mjalti kanë një efekt më të theksuar në bakteret e Staphylocoçus se sa kur konsumohen veçmas.

Besohet gjithashtu se mjalti, shtuar në qumësht të ngrohtë, ndihmon në zvogëlimin e ndjenjës së fryrjes, kapsllëkut, dhe çrregullimin e zorrëve. Është gjithashtu i mirë për trajtimin e çrregullimeve të frymëmarrjes si ftohja dhe kollitja./gazetamapo/

Shëndet

Ndërrimi i natës rrit rrezikun e kancerit tek gratë

Published

on

Puna gjatë natës ka qenë prej kohësh e lidhur me shëndetin e dobët. Tani një studim i ri sugjeron se për gratë, puna gjatë kësaj kohe mund të rris rrezikun e kancerit.

Hulumtuesit kanë zbuluar se gratë që punojnë në turnin e natës janë pothuajse pesë herë më të rrezikuara nga kanceri në krahasim me gratë që punojnë gjatë ditës.

Në këtë studim ekspertët kanë gjetur se gratë që punonin gjatë natës ishin më shumë të rrezikuara nga kanceri i gjirit, kanceri i lëkurës dhe kanceri i mushkërive, shkruan Medicalnewstoday,

Bashkautori i hulumtimit, Xuelei Ma, nga Qendra Mjekësore e Kinës Perëndimore dhe kolegët e tij kanë publikuar gjetjet e tyre në revistën “Cancer Epidemiology, Biomarkers & Prevention”.

Hulumtimet e mëparshme kanë treguar se puna gjatë ndërrimit të natës mund të pengojë rëndë ritmin tuaj të qarkullimit.

Ky është orari kur rregullohen proceset fiziologjike të trupit gjatë një cikli 24 orësh. /A.Z/UBT News/

Continue Reading

Shëndet

A janë ëmbëlsuesit “natyralë” më të shëndetshëm se sheqeri i bardhë?

Published

on

Shumë njerëz përpiqen të kufizojnë konsumin e sheqerit, por heqja dorë nga ëmbëlsirat nuk është e lehtë.

Një pyetje e shpeshtë që shtrohet është nëse ëmbëlsuesit e ashtuquajtur “natyralë” – si mjalti, shurupi i panjës apo ai i agaves – janë më të mirë për shëndetin sesa sheqeri i bardhë.

Sipas ekspertëve të ushqyerjes, përgjigjja është “jo plotësisht”, shkruan The New York Times.

“Trupi nuk e dallon nëse sheqeri vjen nga mjalti, sheqeri i tryezës apo shurupi i agaves. Ai e shpërbën në të njëjtat molekula”, shpjegon Karen Della Corte, profesoreshë e shkencës ushqimore në Universitetin Brigham Young në Utah.

Pse sheqeri i tepërt është i dëmshëm?

Sheqeri në mollë dhe ai në një çokollatë përbëhen nga glukozë dhe fruktozë, por trupi i përpunon ndryshe, në varësi të mënyrës si janë “paketuar” në ushqim.

“Kur hani fruta ose perime të plota, fibrat që ato përmbajnë ngadalësojnë tretjen dhe ndihmojnë në parandalimin e ngritjeve të menjëhershme të nivelit të sheqerit në gjak,” shpjegon Kimber Stanhope, hulumtuese në Universitetin e Kalifornisë.

Por në rastin e sheqernave të shtuara, si sheqeri i rafinuar apo shurupi me përmbajtje të lartë fruktoze, përbërësit hyjnë menjëherë në gjak, duke shkaktuar rritje të shpejtë të nivelit të glukozës.

“E njëjta gjë mund të ndodhë edhe me lëngjet e frutave, edhe kur nuk kanë sheqer të shtuar, gjatë përpunimit humbet fibra mbrojtëse,” shton Della Corte.

Këto ngritje të përsëritura të sheqerit çon në rezistencë ndaj insulinës, e cila zhvillohet në diabet të tipit 2. Sipas Robert Lustig, endokrinolog në Universitetin e Kalifornisë “sheqeri i tepërt shndërrohet në yndyrë nga mëlçia, duke rritur rrezikun për sëmundje kronike të mëlçisë dhe për atak në zemër”.

Autoritetet shëndetësore amerikane rekomandojnë jo më shumë se 50 gramë sheqer të shtuar në ditë, ndërsa Shoqata Amerikane e Zemrës vendos kufij edhe më të rreptë: 36 gramë për burrat dhe 25 gramë për gratë.

A janë ëmbëlsuesit “natyralë” më të mirë?

Megjithëse mjalti, shurupi i panjës apo ai i agaves promovohen si alternativa “më të shëndetshme”, në thelb ato janë sheqerna të shtuar dhe mund të jenë po aq të dëmshëm kur konsumohen në sasi të mëdha.

“Shumica e studimeve që pretendojnë se këto ëmbëlsues janë më të mirë janë të financuara nga vetë industria,” thekson Stanhope.

Më 2024, një studim i financuar nga industria e shurupit të panjës pretendonte se kishte përfitime për shëndetin e zemrës e kontrollin e sheqerit në gjak – por rezultatet u kritikuan për ekzagjerim. Një studim tjetër i vitit 2015, megjithëse i financuar nga industria e mjaltit, përfshiu 55 të rritur që konsumuan për dy javë pije me 50 gramë sheqer në forma të ndryshme: mjaltë, sheqer të bardhë dhe shurup fruktoze.

Rezultatet treguan asnjë ndryshim të dukshëm në nivelet e sheqerit në gjak, yndyrave apo inflamacionit. “Ky studim sugjeron se mjalti nuk është as më i mirë, as më i keq se sheqeri i zakonshëm,” përfundon Stanhope.

Po ëmbëltuesit artificialë?

Nëse mendoni të kaloni te ëmbëltuesit pa kalori, si aspartami, sukraloza (Splenda) apo stevia dhe monk fruit, ekspertët theksojnë se studimet janë ende të paqarta. Shkencëtarët shqyrtojnë nëse këto produkte ndikojnë negativisht në metabolizëm dhe mikrobet e zorrëve, por përfundimet mbeten të paqarta.

Kur ju kap dëshira për diçka të ëmbël, zgjidhni fruta natyrale – si boronicat, mollët apo patatet e ëmbla të pjekura.

“Nëse kjo nuk ju mjafton, pak ëmbëlsi – për shembull, pak mjaltë mbi copa molle – është në rregull,” këshillojnë specialistët.

Edhe çokollata e zezë mund të jetë një zgjedhje më e mirë, pasi zakonisht përmban më pak sheqer të shtuar se çokollata e qumështit. /A.Z/UBT News/

 

Continue Reading

Shëndet

Tension i lartë? Ja metodat natyrale që ndihmojnë

Published

on

Tensioni i lartë i gjakut është një problem shumë i përhapur shëndetësor.

Nëse nuk trajtohet siç duhet, hipertensioni mund të transformohet në një problem shqetësues duke shkaktuar diabet, sëmundje kardiovaskulare, probleme me aftësitë e trurit dhe dështim të veshkave.

Shumica e njerëzve që vuajnë nga tensioni i lartë përdorin medikamente që shoqërohen me efekte anësore.

Por ju mund të përdorni shumë thjeshtë edhe disa ushqime ose produkte që i gjeni lehtë në shtëpi siç janë hudhra, limoni apo uthulla e mollës.

Lëng Limoni

Ujë

Një limon

Shtrydheni lëngun e limonit në një gotë me ujë dhe pijeni atë çdo mëngjes para se të hani ushqim. Limonët kanë aftësinë të ruajnë fleksibilitetin dhe funksionet e enëve të gjakut duke ulur kështu tensionin.

Hudhër

Përmban substanca sulfuri që kanë aftësinë të ulin tensionin e gjakut e largojnë toksinat dhe kolesterolin nga organizmi. Ato stimulojnë prodhimin e oksidit nitrik dhe të rregullojnë tensionin e gjakut, duke i zgjeruar enët. Ju duhet të konsumoni 2-4 thelpinj hudhër të freskët në mëngjes para se të hani ushqim.

Uthull Molle dhe Sodë Buke

Ujë

Një majë luge çaji me sodë buke

Një lugë gjelle me uthull molle

Uthulla e mollës përmban sminerale të dobishme si kaliumi, magnezi dhe kalciumi. Ato janë thelbësore për qarkullimin e gjakut dhe uljen e tensionit.

Përzieni një lugë gjelle me uthull, majë luge çaji me sodë buke dhe një gotë me ujë. Konsumoni dy herë në ditë për rezultate më të mira. /A.Z/UBT News/

Continue Reading

Shëndet

Dy filxhanë kafe në ditë mund të ulin rrezikun e Parkinsonit

Published

on

Deri më sot janë kryer të paktën 19 studime që kanë hetuar rolin e kafesë në sëmundjen e Parkinsonit. Rezultatet tregojnë se konsumimi i rregullt i kafesë mund të ulë rrezikun për zhvillimin e Parkinsonit me rreth një të tretën.

Përbërësi që bën ndryshimin është kafeina. Kjo shpjegon pse edhe çaji, që përmban kafeinë, ka efekte mbrojtëse, ndërsa kafeja pa kafeinë nuk ka treguar të njëjtat përfitime.

Ashtu si fitoushqyesit që gjenden në frutat e pyllit, edhe kafeina ka veti neuro-mbrojtëse. Ajo ndihmon në mbrojtjen e qelizave nervore nga dëmtimet që shkaktohen nga pesticidet dhe neurotoksinat e tjera.

Si ndikon kafeja te pacientët me Parkinson?

Në një studim, pacientëve me Parkinson iu dha kafeinë në sasi të barabartë me dy filxhanë kafe në ditë (ose 4 filxhanë çaji të zi a 8 filxhanë çaji jeshil).

Pas vetëm tre javësh, u vunë re përmirësime të dukshme në gjendjen e tyre. Duke qenë se një filxhan kafeje është i lirë dhe i lehtë për t’u konsumuar, kompanitë farmaceutike kanë tentuar ta shndërrojnë kafeinën në ilaçe eksperimentale, si preladenanti dhe istradefilina.

Megjithatë, këto barna nuk kanë dhënë rezultate më të mira se vetë kafeja, e cila mbetet zgjidhje më natyrale, më e lirë dhe më e sigurt. /A.Z/UBT News/

Continue Reading

Të kërkuara