Shëndeti

Përfitimet shëndetësore nga mjalti me qumësht

Përfitimet shëndetësore të mjaltit dhe qumështit përfshijnë përparësitë në kujdesin e lëkurës dhe rritjen e qëndrueshmërisë.

Published

on

Çfarë ndodh me trupin tuaj nëse pini qumësht me mjaltë?

Qumështi dhe mjalti mund të bëjnë mrekulli nëse konsumohen secila më vete, por kur merren së bashku, ato ofrojnë përfitime shëndetësore surprizuese (të habitshme). Përfitimet shëndetësore të mjaltit dhe qumështit përfshijnë përparësitë në kujdesin e lëkurës dhe rritjen e qëndrueshmërisë.

Mjalti, tradicionalisht është përdorur për shëndetin për shkak se përmban antioksidantë, antibakterie si dhe ka efekte qetësuese dhe anti-inflamatore në çështjet e frymëmarrjes. Qumështi, nga ana tjetër, tradicionalisht është vlerësuar për përmbajtjen e tij të vitaminave dhe mineraleve, duke përfshirë vitaminën A, B, vitaminën D si dhe kalcium, proteinën e kafshëve dhe acid laktik.

Megjithatë, këto atribute mund të kombinohen kur qumështi dhe mjalti konsumohen së bashku. Rezultati përfshin përfitime unike dhe shumë të dëshiruara për ju.

Përfitimet shëndetësore të mjaltit dhe qumështit

Përkujdesje lëkure

Si mjalti ashtu edhe qumështi posedojnë veti antimikrobiale dhe pastruese. Përdorimi i maskës së mjaltit është efektiv për lehtësimin e akneve. Këto veti rriten kur të dy përbërësit merren së bashku. Pastrues të shumtë janë përgatitur duke përdorur qumësht dhe mjaltë, sepse përzierja i jep lëkurës një shkëlqim të shëndetshëm. Kombinimi përdoret shpesh në SPA-të e njohura në mbarë botën.

Tretje

Sipas një studimi të botuar në Journal of Agricultural and Food Chemistry, mjalti është një burim i mirë i prebiotikëve. Prebiotikët janë lëndë ushqyese që stimulojnë rritjen dhe zhvillimin e probiotikëve, baktereve të dobishme që rriten dhe zhvillohen në zorrët tona dhe në sistemin e tretjes.

Prebiotikët kanë treguar një efekt stimulues në ‘bifidobakteret’, një lloj probiotiku i gjetur në qumësht. Karbohidratet dhe oligosakaridet në mjaltë nxisin një funksion të shëndetshëm dhe të duhur të këtyre baktereve të dobishme që janë esenciale për mirëmbajtjen e shëndoshë dhe funksionimin e traktit GI.  Kur ekuilibri bakterial në traktin digjestiv është i mirë, eliminon një numër kushtesh irrituese, duke përfshirë kapsllëkun, dhimbjen e barkut dhe pengon zhvillimin e rritjes së dëmshme bakteriale.

Rrit qëndrueshmërinë

Dihet se një gotë qumësht me mjalt çdo mëngjes, përmirëson qëndrueshmërinë e një personi. Ndërsa qumështi përmban proteina, mjalti përmban karbohidratet e nevojshme që kërkohen për një stimul efektiv të metabolizmit. Qumështi dhe mjalti të marra së bashku, sigurojnë forcë për të gjithë duke përfshirë fëmijët dhe të moshuarit.

Shëndeti i kockave

Ndërsa hulumtimi për mjaltin vazhdon, gradualisht bëhet e qartë se mjalti vepron si transportues i lëndëve ushqyesve në të gjithë trupin. Mjalti ka treguar se mund të shërbejë si integrues në marrjen e kalciumit në trup, ku qumështi dihet se është një burim i pasur. Kjo është konfirmuar nga një studim i kryer te brejtësit, nga Dr Merlin Ariefdjohan, Universiteti i Kolorados, SHBA.

Prandaj, konsumimi i mjaltit dhe qumështit së bashku, jo vetëm që i jep trupit tuaj ushqyesin e nevojshëm (kalcium) për të pasur një shëndet të mirë të kockave, por gjithashtu do të maksimizojë absorbimin e tij në trup. Nivelet e duhura të kalciumit mund të parandalojnë osteoporozën dhe inflamacionin e nyjeve.

Parandalon pagjumësinë

Mjalti dhe qumështi janë përdorur tradicionalisht si mjete “kundër” pagjumësisë. Individualisht, ato janë të dyja efektive, por efektet forcohen kur merren së bashku. Mjalti është një nga përbërësit e rrallë të sheqerit që shkakton rritje të kontrolluar në sasinë e insulinës, gjë që gjithashtu nxit triptofanin që të lirohet brenda në tru.

Tryptophani normalisht shndërrohet në serotonin, i cili nxit një ndjenjë relaksimi. Kështu pra, mjalti dhe qumështi mund të përdoren për të “luftuar” pagjumësinë.

Vetitë anti-plakje

Kombinimi i qumështit dhe mjaltit ndikon në të gjithë trupin, duke e bërë atë të shkathët dhe të duket si i ri. Njerëzit në shumë civilizime të lashta, përfshirë grekët, romakët, egjiptianët dhe indianët, pinë qumësht me mjaltë për të ruajtur rininë e tyre. Meqenëse qumështi dhe mjalti mund të ndihmojnë në sigurimin e një jete të gjatë, kombinimi i tyre ishte i njohur si “eliksiri i jetës”.

Vetitë antioksiduese që ndodhin kur qumështi dhe mjalti kombinohen së bashku, janë të mëdha sepse antioksidantët sulmojnë radikalët e lirë të cilat janë një nga shkaqet kryesore të degradimit të lëkurës dhe rrudhave. Dr. Brendan Niemira, udhëheqës i hulumtimit në Qendrën Kërkimore të USDA, në një nga studimet e tij, i konfirmon vetitë antioksiduese të mjaltit dhe qumështit.

Vetitë Antibakteriale

Hulumtimet kanë treguar se qumështi dhe mjalti kanë një efekt më të theksuar në bakteret e Staphylocoçus se sa kur konsumohen veçmas.

Besohet gjithashtu se mjalti, shtuar në qumësht të ngrohtë, ndihmon në zvogëlimin e ndjenjës së fryrjes, kapsllëkut, dhe çrregullimin e zorrëve. Është gjithashtu i mirë për trajtimin e çrregullimeve të frymëmarrjes si ftohja dhe kollitja./gazetamapo/

Shëndeti

Ekspertët tregojnë pse natyra e forcon përqendrimin

Published

on

Shkencëtarët e kanë të vështirë të shpjegojnë pse një shëtitje e thjeshtë në natyrë duket se shëron shpejt trurin e lodhur nga stresi dhe teknologjia.

“Po shtohet gjithnjë e më shumë dëshmia se diçka tek ecja në natyrë po i bën përqendrimit tonë”, tha Gloria Mark, profesoreshë e informatikës në Universitetin e Kalifornisë, Irvine, për The New York Times.

Ajo ka shtuar se kjo mbetet ende vetëm teori. “Nuk e dimë nëse ky është shpjegimi i vërtetë i asaj që po ndodh”, ka thënë ajo.

Ky fenomen lidhet me “teoria e restaurimit të përqendrimit”, e zhvilluar në vitet ’80. Përqendrimi i njerëzve është burim i kufizuar që duhet “rimbushur”, dhe natyra e bën këtë më mirë se çdo ambient tjetër.

Një eksperiment i 2008 me studentë të Universitetit të Miçiganit ka treguar se ata që shëtitën në  park të mbushur me drunj përmirësuan rezultatet e testeve të kujtesës dhe përqendrimit apo vëmendjes me pothuajse 20 për qind, në krahasim me ata që shëtitën nëpër rrugë të qytetit. Kur grupet ndërruan vendet, efekti u përsërit.

“Nuk ishte e nevojshme as të të pëlqente apo të shijoje shëtitjen për të pasur këto përfitime në aftësitë njohëse”, ka thënë Marc Berman, profesor i psikologjisë në Universitetin e Çikagos, për NYT.

Natyra është “fascinuese në mënyrë të butë”, duke tërhequr vëmendje. Qyteti, është i ngarkuar me zhurmë, vijëzime e struktura që imponohen. Berman tha se janë elemente konkrete si vijat e buta, format e harkuara e modelet e përsëritura, që i japin trurit pushim.

“Kjo mund t’i lejojë trurit tonë të pushojë, dhe ndoshta prandaj i shohim këto përfitime”, ka thënë ai.

Një hulumtim me gjurmim të syrit tregoi se njerëzit kishin më pak lëvizje të syrit kur shikonin pamje nga natyra, krahasuar me ato urbane.

Një eksperiment tjetër, i udhëhequr nga Amy McDonnell në Universitetin e Utah, përdori skanime EEG të aktivitetit të trurit e tregoi se pas shëtitjes në natyrë, truri pushonte më shumë e rikthehej me aktivitet më të madh kur pjesëmarrësit kryenin detyra që kërkonin përqendrim.

Megjithatë, shkencëtarët pranojnë se ende nuk ka përgjigje të qartë.

“Shkenca mund të duket pak e mjegullt”, ka thënë McDonnell, duke shtuar se ndoshta nuk ka diçka “magjike” te natyra, por thjesht ndryshimi i ambientit na ndihmon.

Continue Reading

Shëndeti

Zakoni i mëngjesit që ju ndihmon të reduktoni dhjamin rreth barkut

Published

on

Në pamje të parë, mund të mendoni se dhjami i tepërt rreth barkut nuk është ndonjë gjë e madhe por kjo mund të shkaktojë disa probleme mjaft të rënda shëndetësore.

Dhjami rreth barkut, quhet yndyrë e “dëmshme” qëndron rreth organeve të brendshme, shkakton probleme si diabeti i tipit 2 e madje sëmundje të zemrës. Me ndryshime në stilin e jetesës dhe zakonet tuaja të të ngrënit, do të jeni në gjendje të ulni yndyrën e tepërt.

Zakoni më i mirë i mëngjesit për tkurrjen e yndyrës së padëshiruar të barkut është ngrënia e proteinave.

Çfarëdo që të hani për mëngjes, përfshini edhe proteina në vaktin tuaj. Proteina është lëndë ushqyese që rrit ndjesinë e ngopjes, duke ju ndihmuar të hani më pak dhe të luftoni dhjamin e tepërt.

Hulumtimet kanë zbuluar se regjimet ushqimore të larta në proteina mund të ndihmojnë në humbjen e peshës.

Një studim zbuloi se pjesëmarrësit që ishin klasifikuar si obezë ose mbipeshë ishin në gjendje të humbisnin peshë e të ulnin nivelet e kolesterolit me një dietë të përkohshme me shumë proteina. Pjesëmarrësit që kishin një rrezik më të lartë të sëmundjeve kardiovaskulare patën humbje më të madhe në peshës pas konsumimit të dietës të pasur me proteina.

Gjithashtu studiuesit zbuluan se ekziston një lidhje e fortë midis cilësisë dhe sasisë së proteinave dhe reduktimit të yndyrës së barkut.

Ata theksojnë rëndësinë e zbulimeve, duke thënë se dhjami rreth barkut është shënues i fortë për disa sëmundje dhe vdekshmërinë prej tyre.

Nëse doni të përgatisni një mëngjes me proteina të larta, provoni të konsumoni vezë, mish pa dhjamë dhe një lëng me pluhur proteinash.

 

 

Continue Reading

Shëndeti

Mëngjesi që të bën lëkurën më të këndshme, ja ç’thonë mjekët

Published

on

Kremi me fara chia dhe manaferra të kuqe, është një nga mëngjeset nga më të shëndetshmet, që nuk duhet të mungojë në menunë javore.

Ky mëngjes përveçse ju ndihmon të reduktoni inflamacionin dhe fryrjen , merrni edhe lëndë ushqyese si omega-3, është e kënaqshme dhe e bën lëkura juaj e bukur dhe me shkëlqim.

“Në rast se nuk e keni provuar kremin chia me fruta për mëngjes, patjetër doni pasi të mësoni për të gjitha përfitimet shëndetësore të këtyre farave.” shpjegon ‘Tevla’ e Spanjës.

Mund të zgjidhni mjedrat si majë, se këto fruta të kuqe, do të përmirësojnë pamjen e lëkurës, duke e bërë më të ndritshme, duke reduktuar inflamacionin dhe duke reduktuar rrathët e errët poshtë syve. Kremi i farave është një nga mëngjeset e preferuara të nutricionistëve.

Kjo për shkak se janë të pasura me proteina, acide yndyrore omega-3 dhe fibra, “koktej” përfitimesh që përfshijnë reduktimin e fryrjes së barkut ndërsa ju ngopin, që do të thotë se nuk do të hani mes vakteve. Përveç kësaj, nuk duhet të harrojmë se farat chia janë burim i kalciumit, një mineral thelbësor për kockat dhe janë të pasura me magnez, zink dhe fosfor.

“Farat Chia sigurojnë sasinë e omega 3 që nuk mund ta marrim nga ushqimet tjera dhe përveç kësaj, acidet yndyroretë pangopura kanë efekt anti-inflamator në nivelin e zorrëve, që do të thotë se gjithçka do të funksionojë më mirë, jo vetëm. në nivelin e një stomaku të sheshtë, por dhe për sa i përket trurit, sistemit nervor dhe zemrës”, shpjegon Itziar Digón, një specialist e psiko-ushqyerjen.

Përveçse janë anti-inflamatore, frutat janë të pasura me anthocyanine, një nga 6000 llojet e flavonoideve që gjenden në natyrë, që u japin ngjyrën e kuqe e blu karakteristike të frutave të pyllit. Ato luajnë rol të rëndësishëm për shkak të funksionit antioksidues dhe konsumimi i tyre shoqërohet me një rrezik më të ulët të presionit të lartë të gjakut.

Mjekja estetike, Elena Moreno, thotë se përveç kësaj, frutat e kuqe ndihmojn në rivendosjen e niveleve të kolagjenit, e bëjnë lëkurën të duket më e ndritshme, ku pastrojnë lëkurën dhe zvogëlojnë praninë e njollave të errëta dhe akneve.

Ato reduktojnë inflamacionin e fytyrës, përfitim shtesë që mund ta marrim parasysh nëse kemi rrathë të errët dhe pak enjtje.

Hidhni farat chia në një tas me kos.

Përzieni e lëreni të qëndrojë për një orë (ose bëjeni një natë më parë).

Mos harroni se kur chia përzihet me lëng (p.sh, pije bimore a qumësht) me kos ose kefir, farat chia zhvillojnë një shtresë xhelatinoze, duke rritur madhësinë e tyre. Në fund shtoni mjedrat dhe frutat e tjera të kuqe sipas shijes.

Continue Reading

Kuriozitete

Shkencëtarët zbulojnë proteinën që plak trurin

Published

on

Një studim i ri nga Universiteti i Kalifornisë në San Francisko (UCSF) ka identifikuar një proteinë të quajtur FTL1, e cila duket se është çelësi për plakjen e trurit.

Eksperimentet te minjtë kanë treguar se sasia e lartë e FTL1 humb kujtesëN, dobson lidhjen mes qelizave të trurit, ngadalëson funksionimin.

Kur shkencëtarët e bllokuan proteinën, minjtë e moshuar rifituan funksionimin rinor të trurit dhe kujtesë të mprehtë, raportoi ScienceDaily.

“Është rikthimi i aftësive, shumë më tepër sesa thjesht vonimi ose parandalimi i simptomave”, tha Saul Villeda, PhD, autor kryesor i studimit dhe zëvendësdrejtor i Institutit të Studimeve për Plakjen “Bakar” në UCSF.

Minjtë kishin nivele më të larta të FTL1 në hipokampus, pjesa e trurit që kontrollon të mësuarit dhe kujtesën, dhe më pak lidhje nervore. Kur kjo proteinë u rrit artificialisht te minjtë e rinj, truri dhe sjelljet filluan të ngjanin me ato të minjve të moshuar. Kur shkencëtarët ulën nivelin e FTL1 në hipokampusin e minjve të vjetër, fituan më shumë lidhje nervore e performuan më mirë në testet e kujtesës.

Qelizat nervore me shumë FTL1 prodhonin degëzime të thjeshta, jo lidhje komplekse që gjenden te qelizat e shëndetshme. FTL1 ngadalësonte metabolizmin e qelizave nervore, por kur trajtoheshin me substancë që stimulon metabolizmin, efektet negative zhdukeshin.

Villeda ka thënë se ky zbulim është hap i madh drejt terapive që bllokojnë FTL1 dhe të përmirësojnë shëndetin e trurit te të moshuarit.

“Po shohim më shumë mundësi për të lehtësuar pasojat më të rënda të plakjes. Është kohë shpresëdhënëse për të punuar në biologjinë e plakjes”, ka thënë ai. Studimi u botua më 19 gusht në revistën Nature Aging.

Continue Reading

Të kërkuara