Shëndet

Përfitimet që i keni nga çokollata

Published

5 years ago

on

Sipas Abbie Gellman, shefe në Institutin e Edukimit Kulinar, çokollata ka përfitime shëndetësore si antioksidantë dhe aminoacide, të cilat kur konsumohen me masë, ndihmojnë në mbrojtjen e sistemit kardiovaskular, zvogëlimin e inflamacionit dhe të tjerë.

Dhe duke qenë se me rastin e Ditës së të Dashuruarve konsumimi i çokollatës rritet, është mirë t’i mësoni të mirat dhe vlerat ushqyese që i përmban ky lloj deserti.

Megjithëkëtë, mundohuni ta shmangni konsumimin e tepruar të sendeve që përmbajnë sasi të mëdha të sheqerit, sepse kështu i kundërshtoni vlerat e mira ushqyese që i sjell kakao dhe të cilat e promovojnë shëndetin.

Çokollata është e mbushur me një larmi flavonoidesh. Një kockë e çokollatës së zezë siguron afërsisht 140 miligramë flavonoide. Është vërtetuar se këta antioksidantë kanë efekt pozitiv në rrezikun e sëmundjeve kardiovaskulare.

Për efekt më të dobishëm të çokollatës rekomandohet të hani çokollatën e zezë. Sa më e madhe përqindja e kakaos në çokollatë, aq më mirë do të jetë për shëndetin tuaj.

Sipas Gellmanit, çokollata mund të sigurojë sasi të konsiderueshme të argininës, që është një aminoacid i nevojshëm për prodhimin e oksidit nitrik. Oksidi nitrik e përmirëson qarkullimin e gjakut, lufton inflamacionin si dhe e rregullon presionin e gjakut duke e bërë zgjerimin e enëve të gjakut.

Për më tepër, flavonoidët në çokollatën e zezë mund të ndihmojnë në rritjen e ndjeshmërisë ndaj insulinës. Në thelb, ky është lajm i mirë për diabetikët e tipit 2.

Insulina është një hormon i sekretuar nga pankreasi, që e kontrollon sasinë e glukozës në qarkullimin e gjakut. Gjithashtu ndihmon në ruajtjen e glukozës në dhjam, muskuj dhe mëlçi, si dhe rregullon metabolizmin e përgjithshëm të karbohidrateve, proteinave dhe yndyrave. Insulina është ajo që mungon tek diabetikët dhe para-diabetikët. Prandaj ndjeshmëria ndaj insulinës luan rol të rëndësishëm për reagimin e duhur të trupit tonë ndaj ushqimit.

Hulumtimet sugjerojnë se njerëzit që hanë sasi të kontrolluar të çokollatës së zezë, të paktën një herë në javë, janë më pak të rrezikuar nga diabeti i tipit 2. Gjithashtu ata që tashmë vuajnë nga kjo gjendje, por konsumojnë sasi të kontrolluar të çokollatës së zezë, kanë presion më të ulët të gjakut dhe nivel më të vogël të sheqerit në gjak, krahasuar me ata që konsumojnë çokollatë të bardhë.

Përmbajtja e fibrave, yndyrave dhe proteinave të çokollatës, gjithashtu mund të ndihmojë në rritjen ndjesisë së ngopjes.

Por mos harroni, derisa përbërësit e gjetur në kakao mund të ofrojnë disa përfitime të fuqishme shëndetësore, ekzistojnë ushqime tjera të cilat përmbajnë vlera ushqyese më të dobishme për organizmin, sjellin përfitime më të mëdha antioksidues, ndihmojnë me shëndetin e zemrës, ulin nivelin e sheqerit në gjak si dhe përmbajnë sasi më të vogla të sheqerit.

Related Topics:
Continue Reading

Shëndet

Studimi zbulon: Mungesa e kohës për veten rrit rrezikun e demencës

Published

38 minutes ago

on

October 22, 2025

By

Kur mungon koha për veten, truri paguan çmimin – studimi që lidh mungesën e kohës me rrezikun e demencës.

Koha, ose më saktë mungesa e saj, mund të jetë hallka që mungon në parandalimin e demencës.

Një studim i ri paralajmëron se njerëzit që nuk kanë mjaftueshëm kohë për t’u kujdesur për veten janë në rrezik më të madh për rënie njohëse dhe zhvillim të demencës.

Një faktor i ri në shëndetin e trurit

Hulumtimi, i realizuar nga Qendra për Plakje të Shëndetshme të Trurit në Universitetin e New South Wales në Sidnej e botuar në revistën The Lancet Healthy Longevity, identifikon kohën si faktor social kyç për shëndetin e trurit – po aq i rëndësishëm sa arsimi dhe të ardhurat.

Sipas autorëve, “pabarazia kohore”, pra shpërndarja e pabarabartë e kohës ndërmjet grupeve shoqërore, mund të ndikojë drejtpërdrejt në aftësinë e individëve për të ruajtur shëndetin mendor dhe për të ulur rrezikun nga demenca.

Çfarë do të thotë “mungesë kohe për veten”?

Studiuesit analizuan të dhëna epidemiologjike dhe neurologjike, duke lidhur përdorimin e kohës me zhvillimin e demencës.

Ata zbuluan se personat që vuajnë nga “varfëria kohore” – pra, mungesa e kohës për kujdes ndaj vetes, kanë më tepër gjasa të zhvillojnë probleme njohëse në krahasim me ata që gjejnë kohë për gjumë, ushqim të shëndetshëm, aktivitet fizik dhe kontakte shoqërore.

“Njeriut i duhen të paktën 10 orë në ditë për aktivitetet bazë që ruajnë shëndetin e trurit”, shpjegon Dr. Simon Repermund, bashkautore e studimit. “Për shumë njerëz, kjo është e paarritshme për shkak të detyrimeve të përditshme.”

Koha – lidhja mes faktorëve të rrezikut

Komisioni Lancet më 2024 identifikoi disa faktorë kryesorë të rrezikut për demencë, përfshirë hipertensionin, diabetin, mungesën e aktivitetit fizik, izolimin shoqëror dhe kolesterolin e lartë.

Sipas studiuesve të CHeBA, të gjithë këta faktorë lidhen në mënyrë të tërthortë me mungesën e kohës.

Për të ushtruar, për të përgatitur ushqime të shëndetshme apo për të kaluar kohë me familjen dhe miqtë, nevojitet kohë – një burim që shumë njerëz nuk e kanë më. /A.Z/UBT News/

Continue Reading

Shëndet

Ky ilaç është premtues për humbje në peshë

Published

21 hours ago

on

October 21, 2025

By

Continue Reading

Shëndet

Kur kanceri i mëlçisë përhapet në kocka

Published

22 hours ago

on

October 21, 2025

By

Kur kanceri i mëlçisë metastazon në kocka, zakonisht ndodhet në stadin e katërt (IV).

Ky stad shoqërohet me dhimbje të forta kockore, rrezik të lartë për fraktura dhe komplikime si hiperkalcemia (rritje e kalciumit në gjak) dhe kompresioni i palcës kurrizore.

Dhimbja është e vazhdueshme dhe vështirë kontrollohet edhe me ilaçe.

Sipas klinikave si Cleveland Clinic dhe Mayo Clinic, metastazat kockore mund të shkaktojnë lodhje, të përziera, konfuzion, dhe dobësi ose mpirje në gjymtyrë. Kanceri i mëlçisë shpesh zbulohet në faza të vona, sidomos te pacientët me hepatit kronik, cirozë, diabet apo mbipeshë.

Studimet tregojnë se 3% deri në 20% e pacientëve me karcinomë hepatike zhvillojnë metastaza në kocka, kryesisht në shtyllën kurrizore.

Dhimbja është simptoma më e shpeshtë dhe më e rëndë, duke ndikuar drejtpërdrejt në cilësinë e jetës së pacientit.

Trajtimi në këto raste është paliativ, pra synon lehtësimin e dhimbjes dhe përmirësimin e jetës.

Përveç ilaçeve dhe radioterapisë, sot përdoren edhe teknika moderne si ablacioni me radiofrekuencë dhe embolizimi selektiv, që ndihmojnë në kontrollimin e metastazave dhe reduktimin e dhimbjes. /A.Z/UBT News/

Continue Reading

Shëndet

A e dini kur është koha më e mirë për ta ngrënë një mollë?

Published

1 day ago

on

October 21, 2025

By

Mollët janë të pasura me fibra dhe antioksidantë, duke kontribuar në shëndetin e tretjes dhe organizmit në përgjithësi.

Por a ndryshojnë përfitimet e tyre sipas kohës së ngrënies? Ekspertët e ushqyerjes tregojnë se kur efekti i një molle është më i madh.

Mëngjesi: Një fillim i mirë i ditës

Një mollë është një zgjedhje ideale për mëngjes, jep ndjesi ngopjeje dhe është e ulët në kalori. Dr. Jacqueline Vernarelli thekson se mollët kanë një indeks të ulët glicemik dhe përmbajnë acid klorogjenik, i cili ndihmon në stabilizimin e sheqerit në gjak pas vakteve.

“Mollët janë të pasura me fibra, vitamina dhe antioksidantë që mbështesin shëndetin e zemrës, tretjen dhe sistemin imunitar. Ato përmbajnë gjithashtu përbërës anti-inflamatorë si vitamina C dhe kuercetina,” shpjegon Vernarelli. Dietologia Lauren Manaker shton se një mollë mund të stimulojë butësisht tretjen në mëngjes.

Para një vakti: Kontrolli i oreksit

Ngrënia e një molle një ose dy orë para një vakti mund të ndihmojë në kontrollin e peshës trupore. Mollët nxisin ndjesinë e ngopjes dhe mund të ulin marrjen e kalorive gjatë vakteve. Morgan Walker sqaron se fibra e mollës ngadalëson përthithjen e karbohidrateve e ruan nivelet e sheqerit në gjak. Një mollë mesatare përmban 4–5 gramë fibra, konsumi i rregullt lidhet me rrezik më të ulët për sëmundjet e zemrës dhe diabetin tip 2.

Para stërvitjes: Burim natyral energjie

Një mollë mund të jetë snack i mirë para ushtrimeve, dy deri tre orë më parë, ose disa feta menjëherë para stërvitjes. Ashley Koff shpjegon se sheqernat natyralë në mollë japin energji të shpejtë, ndërsa fibra ndihmon në ruajtjen e sheqerit në gjak të qëndrueshëm. Megjithatë, ata që janë të ndjeshëm ndaj fibrave duhet të shmangin ngrënien e një molle menjëherë para ushtrimeve intensive, vëren Manaker.

Me një vakt ose në mbrëmje: Alternativë e shëndetshme ndaj ëmbëlsirave

Mollët mund të shtohen në mëngjes, drekë ose darkë. Dr. Anne VanBeber rekomandon t’i kombinoni me bollgur, të përfshihen në kekë të vegjël ose të shërbehen si pjesë e një darke të lehtë. Për ata që dëshirojnë diçka të ëmbël pas darkës, një mollë është një alternativë e shëndetshme ndaj ëmbëlsirave, mund të kombinohet me gjalpë arrash ose të spërkatet me kanellë për shije dhe ngopje shtesë.

Koha më e mirë për të ngrënë një mollë

“Koha më e mirë është kur ka më shumë gjasa ta hani atë,” thotë Manaker. Disa njerëz e preferojnë në mëngjes, të tjerët para ushtrimeve ose si snack gjatë ditës. Në thelb, mollët janë të shëndetshme dhe të dobishme në çdo moment. /A.Z/UBT News/

 

 

Continue Reading

Të kërkuara