Sport

Perezi mbetet president i Real Madridit deri më 2025

Published

on

Florentino Perez do të mbetet president i Real Madridit deri në vitin 2025, pasi të hënën në mesnatë kaloi afati për zgjedhjet e reja presidenciale në klubin madrilen.

Duke qenë se Perezi ishte kandidati i vetëm i paraqitur për këto zgjedhje, bordi i drejtorëve i Real Madridit ia vazhdoi atij mandatin edhe për katër vjet të tjera.

Ky do të jetë mandati i tij i gjashtë në postin e presidentit të gjigantit spanjoll.

Ndër synimet kryesore të tij në mandatin e ri do të jetë afrimi i Kylian Mbappes së Paris Saint-Germain.

Atij iu vazhdua mandati 10 ditë pasi i arriti 1.000 ndeshje si president i Real Madridit.

Nuk është çudi që nën udhëheqësinë e Perezit, Real Madridi i ka fituar 47 tituj (39 vetëm në dekadën 2011-2020), gjatë të cilës u veçuan pesë trofe në Ligën e Kampionëve (tre radhazi).

Lajmet

Trajneri Flick: PSG e meritoi fitoren ndaj Barcelonës

Published

on

Trajneri i Barcelonës, Hansi Flick, e pranoi se Paris Saint-Germain ishte fitues i merituar në ndeshjen e Ligës së Kampionëve kundër katalunasve që u mundën në rezultat 2-1, në Montjuic.

Barcelona kaloi në epërsi me Ferran Torres në minutën e 19-të, por PSG barazoi me 19-vjeçarin Senny Mayulu, ndërsa Gonçalo Ramos shënoi golin e fitores në minutën e 90-të.

“Pas 35 minutash, PSG mori kontrollin e ndeshjes. Nuk luajtëm në nivelin tonë më të mirë dhe ata e merituan fitoren,” tha Flick pas ndeshjes.

Ai foli edhe më tej duke shtuar se lodhja ndikoi në paraqitjen e skuadrës së tij në pjesën e dytë. Madje, Flick pranoi se Barcelona humbi strukturën në lojë dhe u dënua nga gabimet në mbrojtje, por lavdëroi performancën e mbrojtësit Eric Garcia.

“Duhet të mësojmë nga këto ndeshje dhe të përmirësohemi. Në Ligën e Kampionëve duhet të mbrosh dhe të sulmosh me intensitet për 90 minuta,” theksoi ai.

Barcelona tani do të kërkojë rikthimin në sfidën e radhës ndaj Olympiacos, ndërsa PSG përballet me Bayer Leverkusen./S.K/KP/

Continue Reading

Lajmet

​De Bruyne: Nuk kam problem me trajnerin Conte

Published

on

Mesfushori belg, Kevin De Bruyne ka mohuar zërat për një përçarje me trajnerin Antonio Conte, pas fitores së Napolit 2-1 ndaj Sporting Lisbonës në Ligën e Kampionëve.

De Bruyne i cili kishte reaguar me nervozizëm kur u zëvendësua në ndeshjen kundër Milanit, tha se marrëdhëniet me Conten janë të mira.

“Me Conten nuk ka pasur kurrë problem. Jam fitues, dua të luaj dhe të bëj diferencën”, deklaroi ai.

De Bruyne ishte vendimtar në triumfin e Napolit, duke asistuar të dy golat e Rasmus Hojland dhe shpjegoi edhe rolin e tij në skemën e Contes, duke theksuar se shpesh lëviz në qendër, ndërsa shokët e skuadrës ndryshojnë pozicione në sulm.

Belgu iu bashkua Napolit këtë verë pas përfundimit të kontratës me Manchester Cityn dhe deri tani ka qenë një nga lojtarët kryesorë të ekipit italian./S.K/KP/Sky Sport/

Continue Reading

Lajmet

​UEFA shtyn vendimin për përjashtimin e Izraelit

Published

on

UEFA ka vendosur të tërhiqet nga planet për ta përjashtuar Izraelin nga garat evropiane, pas prezantimit të planit të paqes nga presidenti amerikan Donald Trump për t’i dhënë fund luftës në Gaza.

Organi qeverisës i futbollit evropian kishte parashikuar një mbledhje urgjente të Komitetit Ekzekutiv, mes raportimeve se shumica e anëtarëve mbështesnin ndalimin e ekipeve izraelite.

Mirëpo, iniciativa e Trump, e cila përfshin një plan 20-pikësh me proces demilitarizimi dhe rindërtimi, ka bërë që UEFA të mbajë një qëndrim pritës.

Plani është pranuar nga kryeministri izraelit Benjamin Netanyahu dhe gëzon mbështetjen e tetë shteteve, ndërsa ish-kryeministri britanik Tony Blair është emëruar anëtar i parë i “Bordit të Paqes” që do të mbikëqyrë përkohësisht Gazën nëse propozimi miratohet.

Izraeli është anëtar i UEFA-s që nga viti 1984, por përfshirja e tij shpesh ka shkaktuar polemika.

Një vendim për përjashtim do të kishte ndërlikuar edhe kualifikimet e Kupës së Botës, të cilat zhvillohen nën organizimin e FIFA-s.

Ky zhvillim pritet të lehtësojë presionin ndaj presidentit të FIFA-s, Gianni Infantino, i cili shihet si aleat i afërt i Trump./S.K/KP/

Continue Reading

Lajmet

Anulohet Superkupa e Kosovës në basketboll

Published

on

Federata e Basketbollit e Kosovës ka njoftuar dje se Superkupa e Meshkujve për edicionin 2025/26 është anuluar dhe nuk do të zhvillohet.

Ky vendim është marrë me qëllim që të mos tejzgjatet vijimi i kampionatit të ProCredit Superligës dhe për të siguruar zhvillimin e garave sipas kalendarit të paraparë.

Federata ka theksuar se vendimi synon të ruajë ritmin e normalitetit në garat e basketbollit dhe të garantojë zhvillimin e ndeshjeve sipas datave të parashikuara/S.K/KP/

Continue Reading

Të kërkuara