YKS1 One është automjet elektrik konceptual, i gjatë tre metra, i gjerë 1.2 metra dhe i lehtë 600 kilogramë.

Ai është dizajnuar për trafikun urban, por pritet të performojë mirë edhe në rrugët rurale dhe autostradat, automjetet e vogla konsiderohen miqësore me mjedisin, por rrallë ofrojnë një përvojë emocionale të ngasjes.

Përjashtim mund të jetë modeli One, automjet i krijuar për një pasagjer, i zhvilluar nga kompania holandeze. Baza e tij është kornizë tubulare e vendosur brenda karrocerisë, dhe hyrja bëhet përmes dyerve të dyfishta, ashtu si në një makinë konvencionale.

Veçoria e modelit One është teknologjia e tij e këndelljes: kabina e pasagjerëve mund të këndellet anash deri në 20 gradë gjatë kthesave, që është e ngjashme me ngasjen e një motoçiklete. Edhe pse YKS1 nuk ka zbuluar ende detaje për motorin, përmendet një shpejtësi maksimale prej 130 km/h.

Rrezja maksimale është 350 kilometra, dhe automjeti është i pajisur me jastëkë ajri, timon katror, kokpit digjital dhe bagazh.

YKS1 planifikon të mbledhë kapital për zhvillimin e një prototipi funksional.

Kompania multinacionale financiare JP Morgan beson se iPhone Fold do të jetë një projekt i suksesshëm.

Një hulumtim që ka bërë kompania përmes klientëve është parë nga MacRumors, thuhet se iPhone Fold do të prezantohet në shtator 2026 gjatë ngjarjes ku do të zbulohet linja e iPhone 18.

Shtëpia e investimeve thotë se, me gjithë debutimin e parë të iPhone ultra të hollë (quajtur iPhone 17 Air), seria  iPhone 17 nuk “entuziazmon” blerësit.

Për pasojë, vëmendja e konsumatorëve kthehet shpejt drejt linjës së 2026, për të cilën JPMorgan thotë se do të përfshijë iPhone e parë me ekran të palosshëm, i quajtur iPhone Fold. Raporti për klientët e JPMorganit thotë se pajisja shitet 1999 dollarë, ato arrijnë dhjetëra miliona njësi deri në vitin 2027.

Sipas analistëve të JPMorgan, nuk pritet që iPhone me ekran të palosshëm të marrë vrull para 2028, por atëherë pritet të shiten 45 milionë njësi.

Duke marrë parasysh se thuhet se çmimi i materialeve për prodhimin e pajisjes është 759 dollarë, Apple mund të jetë në një pozicion të mirë për të arritur fitime të mëdha nëse iPhone Fold rezulton i suksesshëm.

Apple do të rrisë tërheqjen e telefonave të palosshëm duke zgjidhur disa nga problemet që i largojnë konsumatorët nga blerja e pajisjeve, faktori i parë është çmimi, i dyti është prirja për të shfaqur linja në ekran në vendin ku telefoni paloset. Apple do të bëjë një telefon të palosshëm me ekran pa gërvishtje të dukshme, ose të paktën me një gërvishtje që nuk do të jetë lehtë e dallueshme.

Pritet që ekrani i brendshëm të ketë diagonale 7.8 inç, dhe për hinge do të përdorë teknologjinë “Liquid Metal”. Ekrani i jashtëm pritet të jetë 5.5 inç.

iPhone Fold do të ketë një trup të hollë dhe kornizë prej titani, dhe pritet që Touch ID të kthehet pas një periudhe të gjatë, duke zëvendësuar Face ID.

Gjatë një bisede me investitorët e kompanisë Meta, drejtori ekzekutiv Mark Zuckerberg tha se “beson që njerëzit që nuk do të kenë syze me inteligjencë artificiale do të jenë në një disavantazh në të ardhmen”.

“Vazhdoj të mendoj se syzet do të jenë forma ideale për AI-në, sepse mund të lejoni që inteligjenca artificiale të shohë dhe të dëgjojë të njëjtat gjëra si ju, dhe të komunikojë me ju,” theksoi Zuckerberg.

“Shtimi i një ekrani në syze do t’i bëjë ato edhe më të vlefshme, qoftë përmes një fushe pamjeje holografike si ajo e syzeve AR të gjeneratës së ardhshme ‘Orion’ nga Meta, apo përmes një ekrani më të vogël që mund të përdoret në syzet e zakonshme me AI,” shtoi ai.

“Mendoj se në të ardhmen, nëse nuk keni syze që përmbajnë inteligjencë artificiale, apo ndonjë mënyrë për të ndërvepruar me të, ndoshta do të mbeteni dukshëm prapa në aspektin kognitiv krahasuar me njerëzit e tjerë,” përfundoi drejtori i Metës.

Meta është përqendruar në zhvillimin e syzeve të zgjuara dhe në këtë drejtim ka bashkëpunuar me kompani si Ray-Ban dhe Oakley.

Këto syze u mundësojnë përdoruesve të dëgjojnë muzikë, të bëjnë fotografi ose video dhe të bëjnë pyetje për Meta AI-në, përfshirë pyetje mbi ato që shohin.

Këto pajisje janë kthyer në një sukses të papritur për kompaninë, pasi të ardhurat nga shitja e syzeve Ray-Ban Meta janë më shumë se trefishuar krahasuar me vitin e kaluar.

TikTok tani do t’i njoftojë prindërit kur fëmija i tyre poston një video publike, si pjesë e mjeteve të reja të sigurisë të lansuara këtë javë.

Vetëm disa ditë pasi Mbretëria e Bashkuar prezantoi rregulla të reja gjithëpërfshirëse të sigurisë në internet, TikTok njoftoi më shumë mbrojtje për përdoruesit e rinj, shkruan skynews. Një veçori e re njofton prindërit kur fëmija i tyre bën një postim publik.

Prindërit gjithashtu mund të njoftohen kur fëmija i tyre raporton një video, megjithëse nuk do të jenë në gjendje ta shohin përmbajtjen e raportuar.

Bëhet e ditur se TikTok ka pasur opsione kontrolli prindëror për llogaritë e adoleshentëve për më shumë se pesë vjet, dhe aplikacione tjera si Instagram gjithashtu kanë mundësinë që prindërit dhe fëmijët të lidhin llogaritë e tyre.