Lajmet

​“Për Identitet dhe Dinjitet” në Preshevë do të marshohet për të drejtat e shqiptarëve atje

Published

5 months ago

on

“Për Identitet dhe Dinjitet” do të jetë sërish moto e protestës së organizuar nga shqiptarët e Luginës së Preshevës. Ata kanë vendosur që sërish të marshojnë kundër diskriminimit të vazhdueshëm që po u bëhet nga ana e Serbisë. Marshi i shqiptarëve në Preshevë do të nisë nga stadiumi i qytetit dhe do të vazhdojë deri tek qendra e këtij qyteti.

Kryetari i Këshillit Kombëtar Shqiptar, Nevzad Lutfiu tregon se marshi do të mbahet më 23 shtator nga ora 13:00 në Preshevë.

“Dje Këshilli Organizativ kemi marrë vendim që të publikojmë lajmin se protestat vazhdojnë. Ju e dini se më 12 gusht e kemi pasur një protestë në Bujanoc, në atë protestë ne kemi paralajmëruar se reagimi do të vazhdojë. Dhe ky është aktiviteti i dytë ose organizimi i dytë të cilin e realizojmë në kuadër të fushatës kundër diskriminimit që shteti i Serbisë po e bën kundër shqiptarëve të Luginës së Preshevës. Për dallim nga Bujanoci, ku e patëm një formë tjetër të organizimit, në Preshevë kemi vendosur që ta realizojmë protestën përmes një marshi. Ku fillojmë nga stadiumi i qytetit të Preshevës deri tek qendra e qytetit, deri para Komunës së Preshevës”, njofton ai.

Edhe në këtë organizim, Lutfiu shton se do të kërkohen të drejtat dhe do të refuzohet diskriminimi i vazhdueshëm i shqiptarëve.

“Edhe në këtë marsh kërkesat tona janë të njëjta. Kërkojmë vëmendjen e faktorit ndërkombëtar, do t’i qesim në pah të gjitha format e diskriminimit të cilët me vite po i realizojnë Serbia dhe normalisht i qesim në pah të gjitha ato marrëveshje dhe zotimet që Serbia i ka marrë karshi komunitetit shqiptar, ku në shumicën e marrëveshjeve kanë qenë ndërmjetësues edhe faktori ndërkombëtar, por që Serbia asnjëherë nuk i ka respektuar ato marrëveshje”, shton Lutfiu.

Pas protestës së parë e cila u mbajt muajin e kaluar në Bujanoc, kreu i Këshillit Kombëtar Shqiptar thotë se ka pasur reagime të partisë së presidentit të Serbisë, Aleksandër Vuçiq.

“Ka pasur reagime të zyrtarëve të SNS-it, të partisë së Vuçiqit, ka pasur reagime edhe të trupit koordinues, organ i cili është i themeluar nga Qeveria e për jugun e Serbisë. Pastaj ka filluar një iniciativë që për ne ka qenë ofenduese, ku drejtori i trupit koordinues Nenad Mitroviq në bashkëpunim me tashmë këshilltarin e veçantë të ministrit për të Drejtat e Njeriut, Demo Berisha, tentojnë të realizojnë një iniciativë për çështjen e pasivizimit të adresave, një iniciativë të cilën dëshirojnë ta zhvillojnë në një tryezë për të diskutuar me përfaqësuesit shqiptar, gjë që ne e kemi refuzuar sepse Demo Berisha nuk mund të përfaqësojë shqiptarët e Luginës së Preshevës dhe nuk paraqet asnjë garancë as trupi koordinues si organ i qeverisë që të diskutojmë problemet e sfidat e shqiptarëve të Luginës së Preshevës”, thekson kryetari i Këshillit Kombëtar Shqiptar.

Pas protestës, serbët kanë vendosur dy mbishkrime me thirrje për vdekjen e shqiptarëve, por që autorët ende nuk janë përballur me drejtësinë.

“Ne i kemi njoftuar (ambasadat) dhe ka pasur edhe reagime. Normalisht që është dënuar ajo gjuhë e urrejtjes. Faktikisht organizimi i protestës po i shpërfaq nacionalistët, të cilët sikur të ekzistonin rrethanat e përshtatshme për ta, ata do të ishin destabilizues dhe keqbërës për vendin tonë. Por, normalisht imagjino ende nuk kemi përgjigje nga autoritetet përgjegjëse për autorët e këtyre mbishkrimeve që paraqesin gjuhë të urrejtjes ndaj shqiptarëve”, shprehet Lutfiu.

Kryetari i Këshillit Kombëtar Shqiptar, Nevzad Lutfiu tregon se do të dërgojnë kërkesën për pjesëmarrje e mbështetje të marshit të gjithë akterëve, përfaqësuesve të institucioneve e shoqërisë civile. Ai pret që të ketë numër të madh të qytetarëve të cilët do të marshojnë për të drejtat e tyre në Preshevë.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

19 hours ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

20 hours ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

20 hours ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

21 hours ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara