Sport

​Për herë të parë në Kosovë po mbahet Turneu Ballkanik i Olimpiadës Speciale në futboll

Published

2 years ago

on

Për herë të parë në Kosovë po mbahet Turneu Ballkanik i Olimpiadës Speciale në Futbollin e Unifikuar, aktivitet ky i cili ka për qëllim shpalosjen e aftësive të atletëve me nevoja të veçanta si dhe gjithëpërfshirjen në sport pa dallim prejardhjen, gjininë apo nacionalitetin.

Në këtë turne po marrin pjesë Kosova, Maqedonia e Veriut, Bosnjë e Hercegovina dhe Shqipëria.

Igballe Potera, Presidente e Olimpiadës Speciale të Kosovës, theksoi se ky turne dëshmon se sporti është aktivitet unifikues i cili nuk njeh kufijtë e as nacionalitete.

“Është hera e parë që Kosova po organizon një turnir të tillë në nivel ballkanik të sportit të unifikuar në futboll dhe besoj që së bashku do t’ia dalim. Sporti është një prej aktiviteteve që më së miri ndikon edhe në edukimin fizik por ndikon edhe në edukime të tjera për të cilat sporti nuk njeh kufi dhe sporti nuk njeh nacionalizëm. Prandaj uroj që kjo ditë e sotme të jetë vazhdimësi edhe e takimeve të tjera edhe në vendet tjera ballkanike”, theksoi Potera.

Ndërsa, drejtoresha Nacionale e Olimpiadës Speciale të Kosovës, Drita Dushi theksoi se qëllimi kryesor i këtij turneu është dërgimi i mesazhit të tolerancës dhe bashkëpunimit dhe paqes ndërmjet njerëzve.

“Është një turnir i cili i dedikohet futbollit unifikues i cili luhet ndërmjet ekipeve gjithëpërfshirëse ku kemi atletë special apo sportistë me nevoja të veçanta intelektuale dhe partnerë. Qëllimi i këtij turneu nuk është vetëm të tregojmë aftësitë që kanë atletët special dhe ekipet gjithë përfshirëse të futbollit por mbi të gjitha duam ta dërgojmë mesazhin e tolerancës, paqes dhe bashkëpunimit që e synojmë edhe si program por edhe si vend që kemi me shtetet fqinje dhe dëshmia më e madhe është vetë prezenca e ekipeve”, theksoi Dushi.

Ajo bëri të ditur se organizimi i këtij turneu është mundësuar nga bashkëpunimi me Ministrinë e Sportit si dhe Komitetit Olimpik të Kosovës. Për ekipet fituese, Dusho tha se do të ketë shpërblime të ndryshme si dhe medalje.

Related Topics:
Continue Reading

Sport

Briken Calja shkëlqen në Taranto, shpallet kampion dhe thyen rekorde

Published

2 hours ago

on

September 1, 2026

By

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Continue Reading

Lajmet

Islam Selmani i artë, medalja e 7-të për Kosovën

Published

3 hours ago

on

September 1, 2026

By

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Continue Reading

Sport

Briken Calja i artë në “Taranto 2026”, Shqipëria fiton medaljen e dytë të artë

Published

4 hours ago

on

September 1, 2026

By

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Continue Reading

Sport

Sigurohet medalja e shtatë për Kosovën, Islam Selmani në finale

Published

5 hours ago

on

September 1, 2026

By

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L

Continue Reading

Të kërkuara