Lajmet

Për gjashtë muaj, Twitter pezulloi rreth 45 mijë llogari për promovimin e terrorizmit apo organizatave të dhunshme

Nga këto llogari, 93 për qind u “identifikuan dhe vepruan në mënyrë proaktive”.

Published

on

Në gjashtë muajt e parë të vitit 2021, Twitter ka pezulluar 44,974 llogari për promovimin e terrorizmit ose organizatave të dhunshme, sipas raportit të ri të transparencës.

Nga këto llogari, 93 për qind u “identifikuan dhe vepruan në mënyrë proaktive”, thuhet në raport.

Twitter filloi të publikojë të ashtuquajturat raporte të transparencës në vitin 2012 për të dhënë njohuri mbi të dhëna të caktuara në lidhje me platformën. Ky përditësim që përfshin periudhën nga 1 janari i vitit 2021 deri më 30 qershor të po atij viti, dokumentoi gjithashtu miliona heqje të tweet-eve.

Në udhëzimet e platformes ndalohet që përdoruesit të promovojnë terrorizmin dhe ekstremizmin e dhunshëm.

Lidhjet e mundshme midis gjigantëve të mediave sociale si Twitter dhe përhapja e përmbajtjeve të lidhura me terrorizmin ose që nxisin dhunë u theksuan pas trazirave të 6 janarit 2021 në të cilat mbështetësit e ish-presidentit Donald Trump sulmuan ndërtesën e Kapitolit të SHBA në një përpjekje për të ndaluar certifikimin e fitores së Joe Biden.

Twitter tha në raportin e transparencës se në periudhën gjashtëmujore, platforma gjithashtu u kërkoi përdoruesve të hiqnin gjithsej 4.7 milionë tweet-e që shkelnin rregullat e saj.

Rregullat e Twitter gjithashtu ndalojnë përmbajtje që përfshin abuzim, ngacmim, shfrytëzim seksual të fëmijëve, vetëvrasje, vetëlëndim, nxitje të urrejtje, dhe shërbime të caktuara që mund të jenë të paligjshme./UBTNews/

Lajmet

Komuna e Prishtinës: Menaxhmenti i “Pastrimit” po i keqpërdor punëtorët për qëllime politike

Published

on

By

Pas grevës së zhvilluar sot nga punëtorët e Kompanisë Rajonale të Mbeturinave “Pastrimi”, Komuna e Prishtinës ka reaguar duke fajësuar menaxhmentin për situatën dhe duke e cilësuar protestën si të panevojshme.

Në një reagim të publikuar, Komuna shpreh shqetësim për atë që e quan keqpërdorim të punëtorëve për arsye politike.

“Përderisa Kryeqyteti, është duke bërë gjithcka për tejkalimin e kësaj gjendje konsiderojmë se grumbullimi i punëtorëve të KRM “Pastrimi” para objektit të Komunës është i panevojshëm, keqpërdorimi i tyre për qëllime politike nga menaxhmenti është i papranueshëm dhe nuk duhet të vazhdojë” thuhet në deklaratë.

Komuna ka bërë të ditur se ka nënshkruar një kontratë në vlerë prej 1.5 milionë euro me ndërmarrjen “Pastrimi”, për pastrimin dhe mirëmbajtjen e hapësirave publike në kryeqytet.

“Kryeqyteti ka nënshkruar kontratën me Kompaninë Regjionale të Pastrimit, në vlerë prej 1.5 milion euro, për mirëmbajtjen dhe pastrimin e hapësirave publike në qytet”, përfundon reagimi.

Continue Reading

Lajmet

Operacion i suksesshëm anti-terrorizëm, arrestohen dy të dyshuar në Kosovë

Published

on

By

Policia e Kosovës ka kryer një operacion anti-terrorizëm në orët e para të mëngjesit, duke arrestuar dy persona të dyshuar për përfshirje në shpërndarje të propagandës terroriste dhe nxitje të përçarjes dhe urrejtjes.

Operacioni, i zhvilluar nga Drejtoria Kundër Terrorizmit në bashkëpunim me Prokurorinë Speciale të Kosovës, përfshiu tri kontrolle në banesa në komunat e Fushë-Kosovës dhe Malishevës.

Të dyshuarit dyshohet se kanë përdorur rrjetet sociale për të përhapur ideologji të organizatave terroriste dhe për të nxitur mosdurim ndërmjet komuniteteve.

Autoritetet kanë bërë të ditur se do të vazhdojnë me veprimet ligjore në koordinim me organet e drejtësisë.

Continue Reading

Lajmet

Vjosa Osmani vijon vizitën zyrtare në Zvicër me një program të ngjeshur aktivitetesh

Published

on

By

Presidentja e Kosovës, Vjosa Osmani, po vazhdon vizitën zyrtare në Zvicër me një program të ngjeshur aktivitetesh për ditën e dytë.

Në orën 9:00 do të vizitojë kompaninë “Stadler Rail” në St. Gallen, ndërsa në orën 11:45 do të qëndrojë në Universitetin e St. Gallen.

Në orën 16:10 në Gjenevë, Osmani do të takohet me Marko Ahtisaarin, kryetar i Bordit të Fondacionit për Paqe CMI Martti Ahtisaari.

Kjo është vizita e parë e një presidenti të Kosovës në Zvicër me ftesë të presidentit zviceran, dhe presidentja u prit me nderime ushtarake.

Continue Reading

Lajmet

Punëtorët e “Pastrimit” fillojnë grevën para Komunës së Prishtinës

Published

on

By

Punëtorët e Kompanisë Rajonale të Mbeturinave “Pastrimi” kanë nisur sot grevën duke u mbledhur para ndërtesës së Komunës së Prishtinës. Kjo për të shprehur pakënaqësinë e tyre ndaj situatës së rëndë financiare në të cilën ndodhet ndërmarrja, për shkak të mos-shlyerjes së obligimeve nga Komuna.

Sindikata njoftoi se rreth 300 punëtorë dhe të punësuar janë pjesë e grevës paqësore, me rreth 20 kamionë të parkuar në mënyrë që të mos bllokohen rrugët emergjente.

“Pastrimi” ka ndalur shërbimin e grumbullimit të mbeturinave për shkak të një borxhi prej 2.7 milionë eurosh që pretendon se Komuna nuk ka paguar.

Komuna ka mohuar ekzistencën e këtij borxhi dhe ka akuzuar ndërmarrjen për sabotazh. Ndërkohë, qyteti është mbushur me mbeturina dhe ka shqetësime për rreziqe shëndetësore. Prokuroria ka nisur hetimet për të sqaruar situatën.

Continue Reading

Të kërkuara