Pas mbarimit të edicionit të 17-të të ‘PriFest 2025″, sonte nis festivali “Summer Cult”.

Këtë herë vjen me moton “Jetoje artin jashtë kornizave”, e pritet të sjellë në skenën teatrore trupa nga Kosova, Maqedonia e Veriut, Shqipëria dhe Bullgaria.

Një ngjarje kulturore që fokusohet kryesisht tek teatri, dhe zakonisht përfshin: Shfaqje teatrore, performanca të gjalla, takime dhe workshop-e, Atmosferë festive dhe po ashtu promovim i kulturës lokale dhe ndërkombëtare.

Për gjashtë netë radhazi, në qendrën Barabar, shfaqjet do të garojnë për çmimet e festivalit, që do të ndahen me datë 20 shtator, thuhet në njoftimin për media të Cult Club, që e organizon ngjarjen.

Edhe edicioni i 12-të, do të jetë dinamik dhe i larmishëm, me aktivitete të ndryshme, diskutime rreth shfaqjeve, trajnime me personalitete të teatrit, konferencë teatrore, stand-up comedi, lexim skenik, etj.

 “Summer Cult XII” hapet sonte me “Bouncers”, me regji të Kastriot Saqipit dhe aktorët Bleron Hevziu, Erion Fetahu, Venera Bojaj dhe Muhamed Tërtini. Shfaqja ka ritëm të shpejtë, humor të zi dhe ofron një pasqyrë satirike të jetës urbane, duke trajtuar maskilizmin, marrëdhëniet gjinore dhe identitetin.

Të martën, mbahet premiera e Leximit Skenik “Qengji i butë thith vrerë” nga Euron Kadriu më 17:00, ndërsa në orën 20:00 jepet “Detektivi dhe Nana” nga Agush Mulliqi, me Lorent Pacollin dhe Drin Berishën, një dramë me humor të zi që eksploron drejtësinë, hakmarrjen dhe plagët ndërbreznore.

Më 17 shtator mbahet diskutimi “Profil” me krijuesen Dhurata Hoti, dhe në orën 20:00 shfaqja “Psikozë 4.48” me regji të Qendresa Spahiut, një interpretim i shpërbërjes së identitetit dhe çrregullimeve mendore përmes pesë personazheve.

Të enjten, më 18 shtator, zhvillohet Konferenca Teatrore VII me temë “Teatri në Kohën e Inteligjencës Artificiale” dhe më 20:00 jepet shfaqja “Gjenerali i Ushtrisë së Vdekur” me regji të Erina Lazit, bazuar në romanin e Ismail Kadaresë.

Të premten, më 19 shtator, mbahet trajnimi për regjisorë, aktorë e dramaturgë “Transformimi i Procesit Krijues në Epokën e Inteligjencës Artificiale”, ndërsa në mbrëmje shfaqet “Qeni i Vogël Qeshi” nga Bullgaria, me regji dhe interpretim të Ana Batevës e Sevar Ivanov.

Të shtunën, më 20 shtator, jepet “Gishti” nga Maqedonia e Veriut me regji të Refet Abazit dhe Hismet Ramadanit, ndërsa nata finale sjell Stand-Up Comedy me Valina Muqollin.

Të gjitha shfaqjet janë falas, me rezervim paraprak, dhe pas çdo performance mbahet diskutim dhe kritikë teatrore. Festivali mbyllet me ndarjen e çmimeve për shfaqjen, regjinë dhe aktorët më të mirë.

Përgatiti: A.Z. /UBT News/

Ellen DeGeneres po përballet me padi në Kaliforni, ku një grua e ka akuzuar komedianin dhe ish-yllin e televizionit për shkaktimin e një aksidenti të rëndë me makinë në vitin 2023.

Sipas dosjeve gjyqësore të marra nga media të shumta, 67-vjeçari po paditet për neglizhencë në lidhje me një aksident që ndodhi më 16 tetor 2023, në Qarkun e Santa Barbarës.

Padia, e raportuar për herë të parë nga People, pretendon se DeGeneres kaloi një shenjë ndalimi dhe goditi një automjet tjetër në atë që përshkruhet si një përplasje “t-bone”.

Paditësja thotë se ishte ndalur në kryqëzim, kishte kontrolluar për makina tjera e kishte vazhduar kur automjeti i DeGeneres hyri “papritmas dhe pa asnjë paralajmërim”. Në padi, ajo pretendon se DeGeneres nuk iu bind shenjës së ndalimit, një veprim që përbënte “sjellje neglizhente [që] ra nën standardin e kujdesit të një personi të arsyeshëm”.

Gruaja, emri i së cilës nuk është publik, pohon se ka pësuar lëndime në aksident, kërkon dëmshpërblim, shpenzimet mjekësore dhe dëmin e vazhdueshëm emocional, duke përfshirë “humbjen e gëzimit të jetës, shqetësimin emocional dhe ankthin”.

Padia akuzon për “shkaktim nga pakujdesia a kontribut në përplasjen e automjetit të paditëses me automjetin e të paditurve”. Ajo po kërkon një shumë të paspecifikuar në dëmshpërblim. Sfida ligjore vjen më pak se dy vjet pasi DeGeneres përfundoi shfaqjen e gjatë ditës më 2022, pas akuzave për një mjedis toksik në vendin e punës që errësoi trashëgiminë e saj si një nga prezantueset më të suksesshme të televizionit.

Pas një turneu lamtumire komedie më vonë atë vit, ajo dhe gruaja, aktorja Portia de Rossi, blenë atë që e përshkruan si një rezidencë “me kohë të pjesshme” në rajonin Cotswolds të Anglisë.

Megjithatë, deri në nëntor 2024, çifti e bëri zhvendosjen e tyre të përhershme. Që atëherë, DeGeneres ka folur hapur për arsyen pse vendosën të largoheshin nga SHBA-ja, duke thënë se zgjedhja e Donald Trump i shtyu ata të vendoseshin në fshatrat britanikë.

Julia Roberts ka folur hapur për mënyrën si ajo dhe bashkëshorti, Daniel Moder, i kanë rritur tre fëmijët e tyre – binjakët Hazel dhe Phinnaeus dhe djalin Henry – duke zbatuar rregulla të qarta dhe të pandryshueshme.

Në një intervistë për 72 Magazine, aktorja 57-vjeçe u shpreh se fëmijët e tyre kanë qenë ndër më të fundit në grupet e tyre shoqërore që kanë marrë telefona dhe pajisje teknologjike.

“Kur ishin më të vegjël, padyshim që unë dhe Danny konsideroheshim prindër më të rreptë. Nuk është se vendosnim ligje të forta, por kishim rregulla që nuk ndryshonin. Këtu janë kufijtë dhe ata nuk lëvizin”, tha ajo.

Roberts shtoi se kjo mënyrë krijon stabilitet dhe ndjenjën e sigurisë tek fëmijët: “Ata e dinë se ekziston një botë e qëndrueshme dashurie dhe mbrojtjeje që nuk kushtëzohet”.

Ajo dhe Moder janë përpjekur të mbajnë jetën e fëmijëve private, larg syrit të medias. Më 2013, tregoi për USA Today se synimi ishte t’i mbronin ata e të kishin jetë familjare pa ndërhyrje të jashtme. Roberts ka folur disa herë për qasjen e saj kundër varësisë nga teknologjia.

Në një intervistë për Today në vitin 2023, ajo tha se në shtëpi kishin vendosur një stacion karikimi për telefonat, nuk lejonin përdorimin e tyre në tryezë dhe inkurajonin bisedat e drejtpërdrejta në familje.

Sot, 12 shtator 2025, aktori i njohur Paul Walker do të kishte mbushur 52 vjeç. Walker u bë i famshëm për rolin e tij në serinë “The Fast and the Furious”, duke u kthyer në një ikonë të botës së kinemasë dhe një simbol të pasionit për makinën dhe aventurën.

Megjithatë, jeta e tij u ndërpre tragjikisht më 30 nëntor 2013, në një aksident automobilistik fatal në Santa Clarita, Kaliforni.

Ai ishte pasagjer në një Porsche Carrera GT të vitit 2005, që po drejtohej nga miku dhe partneri i tij në garë, Roger Rodas, i cili gjithashtu humbi jetën. Aksidenti ndodhi rreth orës 15:30, pasi ata po largoheshin nga një aktivitet bamirësie.

Hetuesit kanë konstatuar se shpejtësia luajti rol kyç në aksident. Makina po lëvizte rreth 160 km/h në një zonë me kufi shpejtësie 72 km/h, duke u përplasur me një shtyllë dhe më pas me një pemë, dhe u përfshi nga flakët. Makina u dëmtua rëndë, pothuajse u nda në gjysmë nga përplasja. Autoritetet vazhdojnë të shqyrtojnë faktorë të tjerë të mundshëm, përfshirë shpërqendrimin ose ndonjë pengesë në rrugë.

Paul Walker, i cili ishte vetëm 40 vjeç në atë kohë, la pas trashëgimi të madhe në kinematografi dhe komunitet fansash që ende e kujton me nostalgji. Ndonëse kanë kaluar vite nga tragjedia, rolet e tij dhe pasioni për jetën vazhdojnë të frymëzojnë shumë admirues në mbarë botën.