Kronikë e zezë

Për 24 orë, shtatë raste të dhunës në familje në Kosovë

Published

5 years ago

August 24, 2021

UBT news

Policia e Kosovës ka njoftuar se disa persona janë arrestuar në 24 orët e fundit si të dyshuar për dhunë në familje.

Policia ka bërë të ditur se një grua në Fushë Kosovë ka raportuar në polici se pas një mosmarrëveshje është sulmuar fizikisht nga bashkëshorti i saj.

I dyshuari është arrestuar dhe dërguar në mbajtje.

“Viktima femër, ka raportuar se pas një mosmarrëveshje është sulmuar fizikisht nga bashkëshorti i saj i dyshuari mashkull kosovar. I njëjti është arrestuar dhe me vendim të prokurorit është dërguar në mbajtje, rasti vazhdon të hetohet”, thuhet në raport të policisë.

Tutje, në Fushë Kosovë policia ka bërë të ditur se ka arrestuar edhe një person, pasi që i njëjti i kishte dërguar mesazhe me përmbajtje kërcënuese ish-bashkëshortes së tij.

“Është arrestuar i dyshuari mashkull kosovar pasi që i njëjti i kishte dërguar mesazhe me përmbajtje kërcënuese viktimës femër kosovare ish bashkëshortes së tij. Në konsultim me prokurorin i dyshuari dërgohet në mbajtje”, thuhet në raport të policisë.

Në Lipjan, mbrëmë është arrestuar një person, pasi që i njëjti i ka shkaktuar dhunë fizike dhe psiqike gruas së tij.

“Ankuesja femër kosovare ka raportuar se i dyshuari mashkull kosovar bashkëshorti i saj është duke i shkaktuar dhunë fizike dhe psiqike. I dyshuari pas intervistimit në konsultim me prokurorin është liruar, rasti shkon në procedurë të rregullt”, thotë policia.

Për dhunë në familje është arrestuar edhe një person në Prishtinë.

“Në bazë të urdhëresës është arrestuar i dyshuari mashkull kosovar pasi që i njëjti dyshohet se ka kryer vepren e cekur më lartë. Në konsultim me prokurorin i dyshuari dërgohet në mbajtje”, thotë policia.

Në Suharekë ndërkaq, policia e ka arrestuar një person pasi që i njëjti e ka kanosur gruan e tij përmes telefoni pas një mosmarrëveshje.

“Ankuesja femër kosovare ka raportuar se pas një mosmarrëveshje me bashkëshortin e saj, përmes telefoni i dyshuari e kishte kanosur. Në lidhje me rastin i dyshuari është arrestuar pas intervistimit në konsultim me prokurorin i dyshuari është dërguar në mbajtje”, thotë policia.

Në Pejë ndërkaq, është arrestuar një person pasi që i njëjti e ka sulmuar viktimën kosovare duke i shkaktuar lëndime trupore.

“Është arrestuar i dyshuari mashkull kosovar pasi që i njëjti e ka sulmuar viktimë femër kosovare duke i shkaktuar lëndime trupore. Pas intervistimit në konsultim me prokurorin i dyshuari dërgohet në mbajtje”, thotë policia.

Në Vushtrri policia ka arrestuar një person nën dyshimet se i njëjti kishte ushtruar dhunë ndaj bashkëshortes së tij pas një mosmarrëveshje.

“Vushtrri 22.08.2021 –21:00. Viktima femër kosovare ka raportuar se pas një mosmarrëveshje bashkëshorti i saj e kishte përdorur dhunë ndaj saj. I dyshuari është arrestuar, viktima ka pranuar trajtim mjekësor. Palët janë intervistuar dhe me vendim të prokurorit janë liruar në procedurë të rregullt”, thotë policia.

Kronikë e zezë

Dy raste armëmbajtjeje pa leje në Pejë dhe Vushtrri

Published

15 hours ago

March 3, 2026

UBTNews

Në Raportin 24 orësh të Policisë së Kosovës janë raportuar dy raste të armëmbajtjes pa leje, një në Pejë dhe një në Vushtrri.

Në Pejë, një burrë është ndaluar dhe te ai është gjetur një armë zjarri me fishekë, ndërsa në Vushtrri janë ndaluar dy meshkuj dhe te njëri prej tyre është gjetur një thikë.

Të dy rastet po hetohen nga prokuroria, dhe të dyshuarit janë përfshirë në procedurë të rregullt.

Kronikë e zezë

Arrestim për posedim droge në Prishtinë

Published

16 hours ago

March 3, 2026

UBTNews

Një person është arrestuar mbrëmjen e së hënës në Prishtinë, nën dyshimin për posedim të paautorizuar të substancave narkotike.

Gjatë kontrollit të realizuar nga njësitet policore në trupin dhe banesën e të dyshuarit, mashkull kosovar, janë gjetur dhe konfiskuar 38.6 gramë substancë narkotike të llojit marihuanë, 2.4 gramë substancë e dyshuar të llojit kokainë, një shumë parash si dhe një telefon, sipas Raportit të fundit të Policisë se Kosovës.

I dyshuari është shoqëruar në stacionin policor, ku është intervistuar në prani të avokatit mbrojtës.

Sipas informacioneve zyrtare, rasti ka ndodhur më 2 mars 2026 rreth orës 20:30, në rrugën “Isa Kastrati” në Prishtinë.

Me vendim të prokurorit, i dyshuari është dërguar në mbajtje.

Hetimet lidhur me këtë rast janë duke vazhduar.

Kronikë e zezë

Vdekje e dyshuar në Prishtinë, trupi dërgohet për obduksion

Published

16 hours ago

March 3, 2026

UBTNews

Një rast i vdekjes së dyshuar është raportuar në 24 orët e fundit në Prishtinë.

Sipas Policisë së Kosovës, më 2 mars rreth orës 11:30 është raportuar se një burrë, i cili kishte shkuar në Qendrën Klinike Universitare të Kosovës (QKUK) për trajtim mjekësor për shkak të disa problemeve shëndetësore, ka ndërruar jetë.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti po hetohet.

Kronikë e zezë

Tri raste të dhunës në familje, dy persona arrestohen

Published

16 hours ago

March 3, 2026

UBTNews

Policia e Kosovës në raportin njëditor ka raportuar për tri raste të ndara të dhunës në familje në Prishtinë dhe Pejë.

Në rastin e parë, i cili ka ndodhur në Prishtinë, është arrestuar një i dyshuar burrë, nën dyshimin se ka ushtruar dhunë fizike dhe psikike ndaj një viktime grua.

Pas intervistimit të palëve, me vendim të prokurorit, rasti ka shkuar në procedurë të rregullt.

Në një rast tjetër në Prishtinë, është raportuar se një viktimë shtetase turke është kërcënuar përmes telefonit nga një i dyshuar shtetas turk. I dyshuari është arrestuar dhe me vendim të prokurorit është dërguar në mbajtje.

Ndërkaq, në Pejë, është raportuar se një femër kosovare është sulmuar nga një e dyshuar grua. Rasti është raportuar më 2 mars 2026, ndërsa pas intervistimit të palëve, me vendim të prokurorit, është iniciuar procedurë e rregullt.