Kulturë

Pengesat më të mëdha drejt suksesit

Askush nuk bën plane për të dështuar, por shumë shpesh njerëzit lejojnë që pengesat të dalin në rrugën e tyre të suksesit.

Published

5 years ago

on

Askush nuk bën plane për të dështuar, por shumë shpesh njerëzit lejojnë që pengesat të dalin në rrugën e tyre të suksesit.

Askush nuk bën plane për të dështuar, por shumë shpesh njerëzit lejojnë që pengesat të dalin në rrugën e tyre të suksesit. Unë takoj me mijëra njerëz në konferenca dhe në zona të hokejit të cilët kanë një ëndërr që të bëhen të suksesshëm. Ata fillojnë të shkojnë drejt qëllimit të tyre, përplot energji dhe ambicie, dhe pastaj vite më vonë mbesin në punën e njëjtë duke ëndërruar për jetën të cilën mund t’a kishin pasur.

Gjatë sukseseve të mia në nisjen e katër kompanive, kam kuptuar disa gjëra të cilat na ndalojnë. Ja se cilat janë ato:

Koha

Nëse nuk e përdorni me zgjuarsi, bëhet armiku juaj. Ne kemi 24 orë në ditë, dhe mungesa e kohës është në fakt mungesë e prioriteteve. Kam kuptuar se nëse bëj një listë të prioriteteve dhe qëllimeve të mia çdo ditë, dhe merrem me më të vështirat së pari, është gjëja më e mirë për mua. Në këtë mënyrë, pjesa tjetër e ditës duket më e lehtë. Përditësoni listën tuaj rregullisht, dhe gjurmoni ato gjëra të cilat ju humbasin kohën si media sociale, koha e gjatë në ftohësin e ujit, dhe punët të cilat nuk lidhen direkt me qëllimin tuaj. Dita juaj e punës nuk ka pse të sillet rreth orarit 9-5, gjithmonë qëndroni gati për punë. Unë takohem me disa klientë në orët e para të mëngjesit dhe relaksohemi në ndonjë bar ose diku tjetër thjeshtë sepse isha i gatshëm t’i përgjigjesha telefonit.

Ne kemi një filozofi ‘’dreka është për humbësit’’ në vendin tim të punës. Kjo erdhi nga një ditë herët në karrierën time si zyrtar i huave kur kalova drekën dhe iu përgjigja disa thirrjeve telefonike në një orë, të cilat ndryshe nuk do i kisha hapur. Unë fitova tre konsumatorë të rinj, të cilët më vonë më referuan klientë të rinj, dhe më dhanë përfitim të mrekullueshëm gjatë viteve.

Mungesa e fokusit

Mbani sytë e tuaj në shpërblim. Mungesa e qartësisë është një pengesë e madhe e suksesit. Shumë njerëz fillojnë me një qëllim të definuar, por pastaj qëllimi i tyre bëhet i turbullt. Për të shmangur këtë, së pari shkruani deklaratën e qëllimit tuaj, dhe pastaj qëllimet afat-shkurtëra dhe afat-gjate. Qëllimet tuaja mund të ndryshojnë gjatë kohës, por kontrolloni vazhdimisht listën për t’u siguruar se po shkoni drejt tyre.

Hezitimi

Unë kam parë shumë klientë të mi dhe disa sportistë të Lojërave Olimpike të cilët sfidojnë njëri tjetrin, dhe ata shpesh arrijnë sukses në atë që duket e pamundur. E njëjta vlen edhe për biznesmenët. Si? Sepse ata kurrë nuk dorëzohen. Çelësi është të jepni gjithçka që keni, gjithë kohën. Unë asnjëherë nuk kënaqem vetëm nëse konkurroj me të gjitha forcat e mia. Nëse nuk po arrini atë që dëshironi, mos ulni pritshmëritë tuaja por rritni standardet.

Qëndrimi

Shmangni negativitetin dhe njerëzit negativë, duke filluar me veten tuaj.Njerëzit negativë do të shpenzojnë energjinë tuaj dhe do të ndalojnë progresin, dhe mendimet negative do ju ngadalësojnë dhe dekurajojnë. Nëse gjërat janë të vështira, punoni më shumë. Nëse dështoni, mësoni nga gabimet. Unë shpesh kam menduar se 97 përqind e njerëzve të cilët dorëzohen shpejtë janë të punësuar nga tre përqindëshi të cilët asnjëherë nuk u dorëzuan. Nëse fokusoheni në probleme, ju do të keni më shumë probleme. Nëse fokusoheni në zgjidhje, ju do të keni më shumë mundësi.

Frika

Frika mund të jetë një forcë motivuese, dhe një pengesë e suksesit. Mund të ju ndalojë nga tentimi dhe arritja e atyre qëllimeve të mëdha. A frikësoheni nga dështimi? Analizoni situatën specifike dhe detyroni veten që të zbërtheni aktivitetin e parehatshëm në hapa më të menahxhueshëm ose ‘’vetëm përballuni me të’’. Identifikoni dhe përdorni çdo burim në dispozicion për të ndërtuar mbi forcat tuaja dhe për të rregulluar dobësitë tuaja. Fokusohuni në atë që mund të shkojë mirë dhe mos u fiksoni me problemet e së ardhmes.

E di se situatat e jetës së vërtetë ju dalin në rrugë, dhe se disa prej nesh kemi vështirësi të cilat duken më të mëdha se të tjerat. Unë kisha vështirësitë e mia kur fillova, kur erdha në këtë shtet nga Ukraina në moshën 16-vjeçare, me vetëm 17 cent në xhepin tim. Nuk e flisja anglishten, dhe mbijetesa në shkollën e mesme ishte shqetësimi im më i madh.

Por kam krijuar një etikë të fuqishme të punës për të mbijetuar dhe më ka shërbyer mjaft mirë. Unë nuk do të pranoj arsyetimet tuaja të dorëzimit. E di se mund të ndizni ëndrrën dhe të arrini qëllimet tuaja. Kaloni pengesat tuaja dhe vazhdoni në rrugën tuaj. Siç them gjithmonë, suksesi nuk zotërohet asnjëherë. Merret me qera dhe duhet të paguhet çdo ditë. (Daniel Milstein/ Entrepreneur)

Related Topics:
Continue Reading

Vendi

Ditët e Artit dhe Dizajnit në UBT sjellin kulturën dhe modernitetin japonez

Published

10 hours ago

on

May 24, 2026

By

Në kuadër të aktiviteteve të Ditëve të Artit dhe Dizajnit, Fakulteti i Artit dhe Dizajnit në UBT do të organizojë një aktivitet të veçantë kulturor dhe akademik në bashkëpunim me Ambasadën e Japonisë në Kosovë dhe Asociacionin e Miqësisë Kosovaro-Japoneze.

Aktiviteti do të mbahet më 26 maj 2026, duke filluar nga ora 11:00, në Parkun Shkencor, Inovativ dhe Teknologjik të UBT-së në Lipjan, dhe do të sjellë diskutime, prezantime dhe ligjërata që ndërlidhin kulturën, artin dhe zhvillimet moderne të Japonisë.

Ngjarja do të hapet me fjalën përshëndetëse të dekanes së Fakultetit të Artit dhe Dizajnit, Prof. Dr. Ariana Gjoni, ndërsa më pas pjesëmarrësit do t’i drejtohen me fjalë rasti Prof. Afërdita Statovci dhe përfaqësuesja e Asociacionit të Miqësisë Kosovaro-Japoneze, znj. Luljeta Arifi.

Pjesë qendrore e aktivitetit do të jetë ligjërata me temën “Japonia në Ditët Moderne”, e cila do të mbahet nga z. Hiroyasu Tanigaki nga Ambasada e Japonisë në Kosovë, duke ofruar një pasqyrë mbi zhvillimin, kulturën dhe ndikimin modern të Japonisë në botë.

Ky aktivitet synon të forcojë bashkëpunimin kulturor dhe akademik ndërmjet Kosovës dhe Japonisë, si dhe të krijojë hapësira frymëzuese për studentët dhe pjesëmarrësit në kuadër të Ditëve të Artit dhe Dizajnit në UBT.

Continue Reading

Vendi

Artistë dhe profesorë nga Evropa bëhen pjesë e webinarit ndërkombëtar të organizuar nga UBT

Published

15 hours ago

on

May 24, 2026

By

“Design, Memory and Identity in Contemporary Culture” – webinar ndërkombëtar që sjell në fokus dialogun mes dizajnit, kujtesës dhe identitetit kulturor.

Më 25 maj 2026, duke filluar nga ora 11:30, do të mbahet online webinari ndërkombëtar me temën “Design, Memory and Identity in Contemporary Culture”, një aktivitet akademik dhe artistik që synon të hapë diskutime të rëndësishme mbi raportin ndërmjet dizajnit, kujtesës kolektive dhe identitetit në kulturën bashkëkohore.

Ky webinar do të bashkojë artistë, dizajnerë, ligjërues dhe profesionistë të njohur ndërkombëtarisht, të cilët përmes perspektivave të ndryshme krijuese dhe akademike do të trajtojnë mënyrën se si dizajni ndikon në formësimin e identiteteve kulturore dhe ruajtjen e kujtesës në shoqërinë moderne.

Në panelin e folësve do të marrin pjesë emra të njohur nga fusha e artit, modës dhe dizajnit:

  • Elisa Poli, një nga profesionistet e njohura në edukimin e dizajnit në Itali;
  • Phlox Van Oppen, e cila njihet për qasjen inovative në tekstil dhe art bashkëkohor;
  • Tiina Burton, me përvojë të gjerë në modën digjitale dhe artin vizual;
  • Dukagjin Muhaxheri, si dhe Dardan Luta, të cilët do të sjellin perspektivën lokale dhe rajonale mbi artin, identitetin dhe kulturën bashkëkohore.

Organizatorja e webinarit, Cennet Lika, ka theksuar rëndësinë e krijimit të hapësirave ndërdisiplinore ku arti, dizajni dhe kultura ndërthuren për të reflektuar mbi sfidat dhe transformimet e kohës moderne.

Përmes diskutimeve dhe prezantimeve të ndryshme, pjesëmarrësit do të kenë mundësinë të eksplorojnë tema që lidhen me kujtesën kulturore, identitetin vizual, modën digjitale, artin bashkëkohor dhe ndikimin e teknologjisë në proceset kreative.

Webinari do të zhvillohet online përmes platformës Microsoft Teams dhe është i hapur për studentë, artistë, profesionistë të dizajnit, studiues dhe të gjithë të interesuarit për kulturën dhe artin bashkëkohor.

Continue Reading

Vendi

Baleti Kombëtar i Kosovës mbyll me sukses turneun në Amerikën Latine

Published

3 days ago

on

May 22, 2026

By

Baleti Kombëtar i Kosovës ka përmbyllur turneun në Amerikën Qendrore dhe Amerikën Latine me një performancë të suksesshme në Bogotá të Kolumbisë.

Sipas njoftimit, mbi 1800 spektatorë në Teatro Municipal Jorge Eliécer Gaitán e përcollën mbrëmjen finale me duartrokitje dhe entuziazëm. Në këtë mbrëmje u prezantua vepra “Carmina Burana”, me koreografi të Toni Candeloro, e cila krijoi një atmosferë të veçantë në skenën kolumbiane.

Nga institucioni u vlerësua se ky ishte një përmbyllje e suksesshme e turneut, i cili promovoi artin dhe kulturën kosovare në arenën ndërkombëtare.

Continue Reading

Kulturë

141 vjet nga vdekja e Viktor Hygo, gjigant i letërsisë franceze

Published

3 days ago

on

May 22, 2026

By

Sot shënohen 141 vjet nga vdekja e shkrimtarit dhe poetit të njohur francez Viktor Hygo, një prej figurave më të rëndësishme të letërsisë botërore dhe konsideruar si babai i romantizmit francez.

I lindur më 26 shkurt 1802, Hygo la pas një krijimtari të pasur letrare që vazhdon të lexohet edhe sot në mbarë botën. Ndër veprat e tij më të njohura janë romanet “Të mjerët” dhe “Notre Dame de Paris”, si dhe një numër i madh poezish dhe dramash.

Përveç letërsisë, ai u angazhua edhe në jetën politike, duke mbështetur idetë demokratike dhe duke kundërshtuar regjimin e Napoleonit III. Për shkak të qëndrimeve të tij, ai kaloi vite në mërgim, periudhë gjatë së cilës shkroi disa nga veprat e tij më të rëndësishme.

Viktor Hygo vdiq më 22 maj 1885 në Paris dhe u nderua me një ceremoni madhështore shtetërore. Ai mbetet një nga emrat më të mëdhenj të letërsisë franceze dhe botërore.

Continue Reading

Të kërkuara