Sport

Pele flet për shëndetin e tij, merr përkrahje nga Ronaldo

81-vjeçari tregoi se është në rrugë të mirë drejt rikuperimit.

Published

4 years ago

on

Legjenda e futbollit, braziliani Pele ka dhënë detaje mbi situatën shëndetësore të tij, ku kishte lajme pozitive mbi tretmanin kundër tumorit që i është nënshtruar në Sao Paulo.

Në një mesazh drejt ndjekësve të tij në Instagram, 81-vjeçari tregoi se është në rrugë të mirë drejt rikuperimit, ku edhe u paraqit me një buzëqeshje në fytyrën e tij.

Tre herë fituesit të Kupës së Botës iu nevojit një operim për ta larguar zorrën e trashë në shtator, dhe që nga atëherë ka vazhduar me kemoterapi si pjesë e procesit të rehabilitimit.

Spitali “Albert Einstein” e kishte konfirmuar të mërkurën që Pele është shtruar përsëri në spital, duke treguar se gjendja e tij është stabile dhe se do të rikthehet në shtëpi brenda disa ditësh.

“Shokë, që nga 30 shtatori, kur edhe u largova nga spitali, e dini që jam duke kaluar në një kemoterapi të vogël si pjesë e rehabilitimit tim. Sot, unë jam në ‘Albert Einstein’ duke përfunduar terapinë time të fundit për vitin 2021. Dua që ta ndajë me ju këtë arritje. Në fund të fundit, çdo fitore e vogël është një arsye për të festuar”, shkruante Pele në “Instagram”.

“Do ta shfrytëzoj këtë rast që të bëjë disa teste të reja, kështu që do të qëndrojë këtu edhe disa ditë. Mos u brengosni, jam vetëm duke u bërë gati për periudhën e festave të fundvitit”, shkruante më tej Pele.

Në postimin e Peles ka komentuar ylli portugez dhe i Manchester United Cristiano Ronaldo, i cili i dëshiroi legjendës braziliane forcë dhe shërim të shpejtë.

“Të dëshiroj forcë miku im”, ishte komenti i Ronaldos për Pelen.

Pele iu nënshtrua një operimi në prostatë në vitin 2015 pasi u shtrua në spital dy herë brenda gjashtë muajve, dhe u shtrua përsëri në spital për një infeksion urinar në vitin 2019.

Ish-sulmuesi i Santos dhe New Yorl Cosmos është lojtari i vetëm në histori që ka fituar tre Kupa të Botës, ku e kishte ndihmuar Kombëtaren e Brazilit drejt këtij triumfi në vitet 1958, 1962 dhe 1970.

Related Topics:
Continue Reading

Aktualitet

Real Madridi ka njoftuar largimin e veteranit të klubit, Lucas Vazquez.

Published

12 hours ago

on

July 16, 2025

By

Real Madridi zyrtarisht ka njoftuar për largimin e veteranit të klubit, Lucas Vazquez.

Në një ceremoni lamtumire, që do të mbahet të enjten më 17 korrik në Ciudad Real Madrid, do të jetë i pranishëm edhe presidenti Florentino Perez, dhe klubi ka shprehur mirënjohjen dhe dashurinë e tij për Lucas Vazquez, duke e cilësuar si një nga legjendat e mëdha të historisë së tyre.

Lojtari Vazquez iu bashkua Real Madridit në vitin 2007, kur ishte vetëm 16 vjeç, dhe kaloi në të gjitha kategoritë e akademisë, nga Juvenil C te Castilla.

Pas një sezoni huazim te Espanyol, ai debutoi me ekipin e parë në shtator 2015.

Gjatë 10 viteve me Real Madridin, ai ka luajtur në 402 ndeshje në një nga periudhat më të suksesshme të klubit.

Në këtë kohë, Vazquez ka fituar 23 trofe, duke përfshirë 5 Liga të Kampionëve, 5 Kupa Bote për Klube, 4 Superkupa Evropiane, 4 La Liga, 1 Kupë të Mbretit dhe 4 Superkupa Spanjolle./Telegrafi

Continue Reading

Aktualitet

Dardanët U20 kualifikohen në çerekfinale të Evropianit në basketboll

Published

14 hours ago

on

July 16, 2025

By

Një kapitull të artë historik në skenën e basketbollit evropian, e kanë shënuar Dardanët U20 duke u kualifikuar për herë të parë në çerekfinale të FIBA EuroBasket Divizioni B.

Me një fitore dramatike dhe të merituar 78:73 ndaj Hungarisë, kjo gjeneratë premtuese tregoi karakter, talent dhe vendosmëri, duke sjellë krenari të jashtëzakonshme për vendin.

Me 21 pikë dhe 11 kërcime të Erolt Rrahmanit dhe mbështetjen e jashtëzakonshme të Ismajlit, Durgutit dhe Dahsylës, Kosova U20 vazhdon ëndrrën drejt elitës evropiane.

Federata e Basketbollit të Kosovës thotë se ky njëkohësisht është suksesi më i madh te gjeneratat e reja më tani./Kosovapress

Continue Reading

Sport

​FFK: Suksesi i Dritës dëshmon ngritjen e nivelit të futbollit kosovar

Published

16 hours ago

on

July 16, 2025

By

Kampionia e Kosovës, FC Drita, ka shënuar një sukses historik në arenën evropiane, duke u bërë klubi i parë nga vendi ynë që kalon raundin e parë kualifikues të Ligës së Kampionëve. Klubi gjilanas triumfoi edhe në ndeshjen e kthimit ndaj kampionit të Luksemburgut, Differdange 03, me rezultat 3:2, për të siguruar kualifikimin me rezultat të përgjithshëm 4:2.

Hero i kualifikimit ishte sulmuesi Arb Manaj, i cili realizoi dy gola në ndeshjen e zhvilluar të martën mbrëma në Luksemburg, teksa vulën e fitores në ndeshjen e kthimit e dha Veton Tusha, në minutat shtesë. Të pranishëm në stadium ishin edhe një numër i konsiderueshëm i bashkatdhetarëve. Manaj e zhbllokoi rezultatin në minutën e 4-të pas asistimit të Liridon Balajt, ndërsa në minutën e 17-të e dyfishoi epërsinë me një tjetër finalizim të saktë.

Differdange reagoi në minutën e 28-të me golin e Theo Bruscos, duke ngushtuar disavantazhin. Në pjesën e dytë, djelmoshat e trajnerit Zekirija Ramadani menaxhuan mirë lojën, por në minutat e fundit pësuan gol nga penalltia, të cilën e realizoi Hadji. Paraprakisht Veton Tusha në minutën e 84-t pati një rast të pastër për gol, por edhe pse i vetëm para portierit gjuajti mbi portë. Mirëpo, në minutat shtesë Tusha tregoi klasin e tij dhe realizoi në mundësinë e dhënë, për ta vulosur fitoren dhe çështjen e kualifikimit.

Në reagimin e tyre, Federata e Futbolit të Kosovës këtë hap të Dritës e ka cilësuar si “kualifikim me vlerë të shumëfishtë për futbollin e Kosovës, pasi për herë të parë një klub kosovar arrin të kalojë këtë fazë në garën më prestigjioze për klube në Evropë

“Ky kualifikim ka vlerë të shumëfishtë për futbollin e Kosovës, pasi për herë të parë një klub kosovar arrin të kalojë këtë fazë në garën më prestigjioze për klube në Evropë, një dëshmi e ngritjes së nivelit të futbollit tonë”, thuhet në reagimin e FFK-s.

Në raundin e dytë, FC Drita do të përballet me skuadrën e njohur daneze, FC Copenhagen.

Continue Reading

Sport

Rodrygo do të luajë rol kyç në përpjekjet e Barcelonës për transferimin e Luis Diaz

Published

2 days ago

on

July 15, 2025

By

Barcelona vijon përpjekjet për të transferuar Luis Diaz nga Liverpool, ndërsa marrëveshja varet nga Rodrygo 

Barcelona nuk e ka hequr dorë nga ideja për të forcuar sulmin e tyre dhe ka shprehur interes të vazhdueshëm për anësorin e Liverpoolit, Luis Diaz, ku sipas raportimeve të Mundo Deportivo, një element kyç për realizimin e këtij transferimi gjatë merkatos së verës do të jetë një lëvizje e mundshme nga ana e Liverpool për të transferuar Rodrygon e Real Madrid. 

Liverpool prej kohësh kanë shfaqur interes për sulmuesin brazilian të ‘Los Blancos’ dhe planifikojnë që ta nisin këtë lëvizje në verën e ardhshme.  

Në rast se klubi anglez arrin të transferojë Rodrygon, ata do të jenë të gatshëm të shesin Luis Diazin, çka do t’i hapte rrugë Barcelonës për të marrë lojtarin kolumbian. 

Luis Diaz është shprehur publikisht se dëshiron të bashkohet me Barcelonën, duke e parë klubin katalanas si vendin ideal për të zhvilluar më tej karrierën dhe për të pasuruar sulmin e tyre. 

 Gjatë sezonit 2024/2025, Diaz luajti në 50 ndeshje në të gjitha kompeticionet për Liverpoolin dhe shënoi 17 gola, duke treguar edhe një herë vlerën e tij si lojtar i rëndësishëm në skuadër./Telegrafi

Continue Reading

Të kërkuara