Lajmet

PE-ja ua njeh pasaportat e Serbisë serbëve të Kosovës, Arifi: Atak ndaj Pavarësisë, BE-ja po i shkel parimet

Arifi thotë se lëvizjet e tilla tregojnë për sulm ndaj pavarësisë së Republikë së Kosovës.

Published

on

Profesori universitar, Dritëro Arifi, thotë se Parlamenti Evropian ka shkelur parimet e veta pasi tri ditë më parë, Komisioni për Liri Qytetare dhe Punë të Brendshme miratoi raportin për liberalizimin e vizave për bartësit e pasaportave të Serbisë, që jetojnë në territorin e Republikës së Kosovës. Arifi thotë se lëvizjet e tilla tregojnë për sulm ndaj pavarësisë së Republikë së Kosovës.

“Po them, hera e parë BE-ja kur e ka shkel parimin e vet është kur ia ka premtu Serbisë hapjen e negociata me një Kushtetutë e cila e ka një territor qe nuk e kontrollon pra kjo është shkelja e parimit të parë e BE-së e kjo është mendoj shkelja e dytë por me flagrante sepse po ia njeh komunitetit brenda një shteti me lëviz me pasaportë të një shtetit tjetër, pavarësisht se çka shkruan në atë pasaportë një far mënyrë vendimi i BE-s për njohjen e pasaportave të komunitetit serb të Kosovës për me lëviz lirë në vendet e BE-së, mendoj që është edhe zbehje e atak edhe ndaj shtetësisë së Kosovës edhe pse vendimi mund të jetë humanitar, nga aspekti politik e shoh si një atak shumë të rendë drejt pavarësisë”, thotë Arifi.

E teksa ka folur për bisedimet në Bruksel për dinarit serb, Arifi thotë se largimi i saj nga territori i Kosovës është çështje e kryer.

“Takimi i ardhshëm mund të vazhdoj si kanë vazhduar dy takimet e radhës mund te ketë një përafrim por nuk besoj se do ketë një vendim final por sidoqoftë mendoj që rezultati final i këtij takimi të radhës do gjendet një kompromis por dinari do largohet nga qarkullimi në Kosovë vetëm është çështje kohës se kur rregullorja e BQK-së apo vendimi i Qeverise që mund ti jep një afat komunitetit serb që të përgatitej për të gjithë  implementim e asaj marrëveshje por marrëveshja do jetë fuqi vetëm është çështje kohe. Kosova këtu mund të tregohet e zgjuar  për një kompromis por që në fakt rezultati është i njëjtë. Është çështje kohe se a do ketë kohe implementimi i kësaj rregullore kjo është krejt për çka po debatohet, normalisht se Serbisë kjo nuk i konvenon në asnjë variant”, u shpreh Arifi.

Lajmet

Danimarka konfirmon dërgimin e të burgosurve në Kosovë më 2027

Published

on

By

Të burgosurit e parë nga Danimarka pritet të transferohen në burgun në Gjilan në pjesën e parë të vitit 2027, konfirmuan nga Shërbimi danez i Burgjeve për Radion Evropa e Lirë.

Ky shërbim tha se institucioneve të Kosovës u janë dorëzuar kërkesa specifike për renovimin dhe përshtatjen e burgut të Gjilanit.

…duke përfshirë një ndërtesë të re për punësim dhe ambiente të reja për vizitorë. Ne presim që puna të nisë këtë verë, kurse gjatë gjysmës se parë të vitit 2027, pritet që burgu të vihet në përdorim”, tha Shërbimi danez i Burgjeve.

Danimarka tha se kjo është një detyrë komplekse, pasi bëhet fjalë për një burg të Kosovës që duhet të funksionojë sipas rregullave daneze.

Shërbimi i Burgjeve tha se kjo është një detyrë sfiduese, duke nisur me renovimin e ndërtesave dhe përshtatjen e tyre sipas nevojave të Danimarkës. Po ashtu, përfaqësuesit danezë kanë zhvilluar vizita të rregullta në objektin e burgut në Gjilan, me qëllim që të planifikohen punët që do të realizohen.

Një gjë e tillë, më 23 maj është konfirmuar për REL-in edhe nga drejtori i përgjithshëm i Shërbimit Korrektues të Kosovës, Ismail Dibrani, i cili ka deklaruar se “të burgosurit nga shteti danez pritet të vendosen në burgun e qytetit të Gjilanit në prillin e 2027-s”.

Megjithatë, ai ka thënë se procesi i renovimeve ende nuk ka nisur.

Transferimi i të burgosurve është pjesë e një marrëveshjeje dhjetëvjeçare mes Kosovës dhe Danimarkës, e cila parasheh shfrytëzimin e Institucionit Korrektues në Gjilan për dërgimin e 300 të burgosurve nga shteti danez.

Kuvendi i Kosovës e ratifikoi marrëveshjen më 23 maj 2024, dy vjet pasi ajo ishte nënshkruar.

Sipas marrëveshjes, personat që do të transferohen nuk do të jenë shtetas të Danimarkës.

Më herët, Ministria e Drejtësisë e Danimarkës kishte deklaruar për REL-in se të burgosurit të cilët do t’i dërgojë në burgun e Gjilanit janë persona të dënuar me dëbim nga Danimarka.

Megjithatë, shteti danez është zotuar se nuk do të sjellë të burgosur me rrezikshmëri të lartë.

Ata nuk do të jenë të dënuar për krime lufte, terrorizëm, apo persona me çrregullime të rënda mendore.

Në këmbim të këtij transferimi, Kosova do të përfitojë mbi 200 milionë euro.

Një pjesë do të investohet në Shërbimin Korrektues, ndërsa pjesa tjetër në energji të ripërtërishme.

Sipas marrëveshjes, Danimarka ka premtuar një tarifë fillestare prej pesë milionë eurosh për të mbuluar periudhën e tranzicionit, që nga hyrja në fuqi e marrëveshjes deri në funksionalizimin e plotë të burgut.

Shërbimi i danez i Burgjeve konfirmoi për REL-in se tashmë kanë paguar shumën fillestare.

Pas kësaj, pagesat do të bëhen çdo tre muaj, në varësi të numrit të të burgosurve të pranishëm në institucion./rel

Continue Reading

Lajmet

Limaj: Zgjidhja përfundimtare nuk varet vetëm nga ne

Published

on

By

Kryetari i Nismës Socialdemokrate, Fatmir Limaj tha se zgjidhja përfundimtare nuk varet vetëm nga partia e tij, por edhe nga të tjerët. Ai u shpreh i bindur se shpejt do të formohen institucionet, por shtoi se duhet të ketë marrëveshje politike.

Kreu i Nismës tha se secili subjekt politik e ka përgjegjësinë dhe se “secili subjekt politik e ka në agjendë të shterojë alternativa të ndryshme”.

Tani më, tash e sa kohë janë zhvillimet e njëjta. S’ka dilemë që qytetarët e Kosovës presin sa më shpejt formimin e institucioneve. Unë besoj që dalëngadalë po afrohet koha dhe besoj shumë shpejt Kosova do t’i ketë institucionet e veta. Shpresoj secili subjekt politik e ka një agjendë të vetën për t’i shteruar alternativat e ndryshme. Ajo që është e qartë është se duhet të ketë një marrëveshjeve politike, e cila do t’i jap Kosovës institucionet, edhe në parlament edhe në qeveri.” është shprehur Limaj.

Ndërsa përmendi edhe takimin e ftuar nga presidentja Vjosa Osmani për zgjedhjet lokale.

Takimet kanë ndodhur dhe do të ndodhin. Sot e kemi edhe me presidenten dhe besoj që takimet e tilla janë lajme të mira kudo që ndodhin, pavarësisht se nga kush thirren. Për faktin që shihet që është një përpjekje për të gjetur zgjidhjen, besoj që do të ketë pjekuri të mjaftueshme që në një moment të caktuar të vijmë edhe te zgjidhja. Nisma është e gatshme për të dhënë kontributin e vet dhe të jetë e përgjegjshme, të ofrojë zgjidhje mbi bazën e fuqisë politike dhe mundësisë tonë politike, secili subjekt merr përgjegjësinë e vet, ne si parti politike jemi pozicionuar kemi dëshirë që të ofrojmë zgjidhje duke parë nevojën që të kalohet kjo krizë. Edhe a do të jetë kjo zgjidhje përfundimtare, nuk varet më nga vetëm ne, varet edhe nga të tjerët”, shtoi Limaj.

Continue Reading

Lajmet

Haradinaj: Kurti po e ushtron kundërligjshëm rolin e kryeministrit

Published

on

By

Deputeti i Aleancës për Ardhmërinë e Kosovës, Daut Haradinaj tha se kryeministri në detyrë, Albin Kurti “po qëndron kundërligjshëm në këtë pozitë”.

Kemi bërë diçka shumë më shumë se sa vetë edhe zotëri Kurti në të kaluarën që ka ofruar për kryetaren e Kuvendit. Pra, është më e rëndësishme për zotëri Kurtin, Albulena në këtë rast, se sa konstituimi i Kuvendit. Mendoj që kemi qeveri kundërligjshëm, një njeri që i mban dy pozita edhe vjen deputet edhe ushtron rolin e kryeministrit është e kundërligjshme, gabim është çfarë po ndodhë po çfarë të bëjmë”, deklaroi Haradinaj.

Haradinaj tha se e vlerëson deputeten Albulena Haxhiu, por qëndrimi i tyre është i njëjtë.

Ne kemi ofruar propozimin para se të nominohet zonja Haxhiu. Kush e mban mend seancën e parë, të datës 15, ne kemi thënë që jemi të gatshëm të votojmë dy kandidatet. Me kalimin e kohës kjo është bllokuar në pozicionin e zonjës Haxhiu, por personalisht unë e vlerësoj edhe si njeri edhe si familje, por ne e kemi bërë një ofertë dhe i qëndrojmë asaj oferte. Ne jemi të gatshëm sot të votojmë nëse e ndërrojnë emrin e kandidatit”, shtoi ai.

Continue Reading

Lajmet

​Lushaku-Sadriu: Kurti nuk dëshiron që ta jap ekzekutivin

Published

on

By

Deputetja e Lidhjes Demokratike të Kosovës (LDK), Jehona Lushaku Sadriu deklaroi se kryeministri në detyrë, Albin Kurti nuk dëshiron që ta jap ekzekutivin. Ajo tha se i njëjti nuk dëshiron t’i nënshtrohet as Kushtetutës e as ligjeve në fuqi.

Para fillimit të seancës konstituive, deputetja Lushaku-Sadriu tha se partia më e madhe është pengmarrëse e institucioneve të Kosovës.

Partia më e madhe nuk po ka dëshirë që ta dorëzojë as fuqinë ekzekutive, ndërkohë që është duke ushtruar njëkohësisht të dy funksionet. Kjo është një pengmarrje ndaj institucioneve të Kosovës, me një kosto tepër të lartë për qytetarët e Kosovës edhe për vet Kosovën”, deklaroi ajo.

Sa i përket deklarimeve të Kurtit që i kanë votat për votimin e qeverisë, ajo tha se i njëjti nuk po dëshiron të dorëzojë kompetencat.

Ky është problemi të cilin e ka Kurti, ai nuk dëshiron që ta jap ekzekutivin, t’i dorëzojë kompetencat e veta. Dhe ky është problem shumë i madh. Kur udhëhiqesh nga një njeri që nuk dëshiron që t’i nënshtrohet as Kushtetutës dhe as ligjeve në fuqi. Ky është problem në vete dhe më vjen tepër keq që ne kemi ardhur në këtë pozitë duke pasur një njeri udhëheqës të partisë më të madhe dhe që nuk e kupton funksionimin bazik të demokracisë”, tha Lushaku Sadriu.

Continue Reading

Të kërkuara