Lajmet

PDK-ja gjatë qershorit zyrtarizon kandidaturat për kryetarë të komunave

Betim Gjoshi,: Jemi duke u përpjekur që të zgjedhin kandidatët më të përshtatshëm për secilën komunë.

Published

on

Partia Demokratike e Kosovës (PDK) brenda qershorit pritet të zyrtarizojë shumicën e kandidaturave, raporton Ekonomia Online.

Anëtari i kryesisë së PDK-së, Betim Gjoshi, në një intervistë për Ekonomia Online, tha se janë duke u përpjekur që të zgjedhin kandidatët më të përshtatshëm për secilën komunë.

“Ne jemi duke bërë të gjitha përgatitjet që zgjedhjet e vjeshtës PDK-në ta nxjerrin me rezultat sa më të mirë, kemi kandidatët që janë më të pëlqyer nga qytetarët e Kosovës. Jemi duke bërë përpjekje që në degët ku ende nuk kemi zyrtarizua kandidaturat t’i gjejmë ata që janë më të mirët mesin e mundësive që ka PDK-ja e që përfaqësojnë shoqërinë sa më gjerë, mandej të njëjtën çështje jemi duke e bartur edhe tek listat e asamblistëve”.

“Ju e dini që edhe në vitin 2017 kemi qenë partia me numrin më të madh të asamblistëve e kësaj radhe tentojmë të jemi partia me numrin e komunave më shumë të fituar. Jemi duke tentuar ta rikthejmë pushtetin në komunat që PDK-ja tradicionalisht ka pasur qeverisjen. Edhe sot kemi takime me degët, dhe gjatë javës do t’i prezantojmë disa prej kandidatëve dhe do jetë një proces i vazhdueshëm, planifikojmë që brenda qershorit ta përfundojmë çështjen e kandidaturave, në shumicën e degëve”,tha ai.

Tutje, Gjoshi tha se në zgjedhjet e kaluara e kanë pësuar si rrjedhojë e marrëveshjeve ndërmjet partive politike. Më tej, ai tha se beson që këtë vit nuk do t’i përcjell fati i njëjtë, pasi kanë marrëdhënie më të mira me partitë politike.

“Ne edhe herën e kaluar ishim partia me më së shumti komuna që fituam në raundin e parë, por si rezultat i marrëveshjeve politike në shumë komuna për pak vota arritën që të na marrin të tjerët siç është rasti me Prizrenin, Klinën, apo edhe me degë tjera. Kësaj here besoj që është ndryshe, kemi relacione më të mira me subjektet e ndryshme politike lokale, kështu që besoj kjo do na përkthehet në vota dhe rezultate më të mira”,theksoi tutje ai.

Ai thotë se kandidati i Prishtinës nga kjo parti do shënojë rezultat të mirë bashkë me ekipin e saj.

“Ne jemi duke pritur degën e Prishtinës që përfundimisht të na sjell kandidatin e saj, ata janë në komunikim me qytetarët dhe mendojmë që kandidati i Prishtinës duhet të përfaqësojë më gjerë sesa dega jonë këtu dhe për këtë janë konsulta që të krijohet një ekip më i mirë dhe të sjell rezultate më të mirë, dhe ne i kemi shanset goxha të mëdha duke pasur parasysh që janë provuar të gjithë në Prishtinë dhe kryeqyteti është në kaos, dhe mendojmë që ekipi ynë për Prishtinën do shënojë një rezultat të mirë”.

Më tej, Gjoshi thotë se zyrtarizmi i vonshëm i kandidatëve nga partitë e tjera, e ka vështirësuar punën e ballafaqimit.

“Përveç atyre që kanë qenë në pushtet e kemi pasë më të lehtë, pjesën tjetër jemi duke bërë edhe matje me qytetarët, jemi duke i zgjedhur kandidatët që kanë pëlqyeshmëri më së shumti nga qytetarët. Pra nuk janë thjeshtë njerëz që përfaqësojnë vetëm strukturën e partisë por janë njerëz të respektuar në mjediset prej nga përzgjidhen me fitua. Më vështirë po e bën që partitë tjera po janë shumë vonë në këtë çështje dhe nuk po i kemi kundërkandidatë që me e pa e me i ballafaqua me ta”, tha ai për Ekonomia Online.

Continue Reading

Lajmet

​Paga minimale, Murati thërret në takim përfaqësuesit e bizneseve

Published

on

By

Ministri në detyrë i Financave Punës dhe Transfereve, Hekuran Murati ka ftuar përfaqësuesit e komunitetit të bizneseve për të diskutuar çështjen e rritjes së pagës minimale.

Takimi është paraparë të mbahet të enjten prej orës 10:00 në objektin e Qeverisë së Kosovës.

“Në emër tê Ministrit të Financave, Punës dhe Transfereve, z. Hekuran Murati, ju ftojmë tê merrni pjesë nẽ takimin ku do tẽ diskutohet çështja e rritjes së pagës minimale”, thuhet në ftesën e Ministrisë së Financave drejtuar Dhomave dhe Odave Ekonomike në Kosovë.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro. /KP

Continue Reading

Lajmet

Siria njeh Kosovën

Published

on

By

Siria është shteti numër 120 që njeh pavarësinë e Kosovës, ka bërë të ditur presidentja Vjosa Osmani.

Me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, shkruan Osmani në Facebook.

Osmani ka falënderuar presidentin Al Sharaa për vendimin për njohje të Kosovës si dhe për mbështetjen e tij për popullin tonë. Ajo ka falënderuar edhe Princin e Kurorës së Mbretërisë së Arabisë Saudite që e bëri të mundshëm këtë akt historik ndërmjet dy shteteve tona.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë. Tani Kosova njihet nga 120 shtete. Republika jonë po ecë përpara dhe s’ka asgjë që mund ta ndalë”/KP

Continue Reading

Lajmet

​Transporti ajror, Shqipëria shënon rritje të numrit të pasagjerëve

Published

on

By

Transporti ajror vijoi tendencën pozitive edhe gjatë tremujorit të tretë të vitit 2025, duke regjistruar rritje si në numrin e pasagjerëve ashtu edhe në volumin e mallrave të transportuara.

Sipas të dhënave zyrtare të INSTAT-it numri i pasagjerëve ka vijuar të rritet, duke arritur në 3.892.761 gjatë tremujorit të tretë të këtij viti, nga 3.534.751 që ishin në të njëjtën periudhë të vitit të kaluar, një rritje prej 10,1%, raporton ATSH.

Volumi i mallrave, përfshirë postën, që është trajtuar nëpërmjet transportit ajror, ka arritur në 714,3 tonë, prej të cilëve 78,5% janë mallra të hyrë dhe 21,5% mallra të dalë.

Ky tregues ka shënuar rritje 25,1% krahasuar me të njëjtin tremujor 2024, duke reflektuar zgjerimin e aktivitetit ekonomik dhe rritjen e kërkesës për transport ajror të mallrave. Në këtë periudhë kanë operuar gjithsej 31 shoqëri ajrore, nga të cilat 30 janë të huaja dhe vetëm një shqiptare.

Në hapësirën ajrore shqiptare janë realizuar gjithsej 139.923 fluturime, ku 83,6% e tyre përbëhen nga mbikalime./KP

Continue Reading

Lajmet

Kurti i ftuar i nderit në darkën e shtruar nga Qarku Diplomatik i Parisit

Published

on

By

Kryeministri në detyrë i Republikës së Kosovës, Albin Kurti, ishte mbrëmë i ftuar nderi në darkën e shtruar nga Qarku Diplomatik i Parisit, ku të pranishëm ishin personalitete të larta të hallkave diplomatike, politike dhe ekonomike të Francës, njoftojnë përmes komunikatës për media zyra e kryeministrisë.

Në adresimin e tij para të pranishmëve, Kurti thuhet të ketë folur për rëndësinë e solidaritetit dhe bashkëpunimit ndërmjet vendeve demokratike në avancimin e mëtejmë të shoqërive tona dhe në përballje me sfidat e përbashkëta. Ai theksoi nevojën, si dhe rëndësinë, që në rrugëtimin përpara të vendeve evropiane vlerat dhe interesat të ecin gjithmonë bashkë.

Gjithashtu foli për angazhimin dhe vlerën e shtuar të anëtarësimit të Kosovës dhe gjithë Ballkanit Perëndimor në Bashkimin Evropian dhe NATO. Ai tha se anëtarësimi i Ballkanit Perëndimor në Bashkimin Evropian është në vetë interesin ekonomik dhe të sigurisë të Bashkimit Evropian dhe shteteve anëtare të tij. Në këtë drejtim, ai shtoi se u përket atyre që besojnë se zgjerimi i jashtëm i Bashkimit Evropian dhe reformat e brendshme të tij shkojnë krah për krah. Vetëm një Evropë që dëshiron të reformohet nga brenda mund të zgjerohet nga jashtë, dhe vetëm një Evropë që dëshiron të zgjerohet nga jashtë mund të reformohet suksesshëm nga brenda; zgjerimi i jashtëm dhe reformat e brendshme janë njëkohësisht mundësi dhe kushte të njëra-tjetrës”, citohet të ketë thënë Kurti.

Kurti sot merr pjesë në edicionin e tetë të Forumit të Paqes në Paris, me ftesë të Presidentit të Republikës së Francës, Emmanuel Macron./EO

Continue Reading

Të kërkuara