Lajmet

PDK feston ditëlindjen e Veselit, Hoxhaj: Do të kthehesh fitimtar e faqebardhë

Published

4 years ago

on

Sot ish-kryetari i Kuvendit të Kosovës dhe Partisë Demokratike të Kosovës (PDK), Kadri Veseli po e feston ditëlindjen e 54-të. Ditëlindje kjo e para që Veseli po e pret jashtë familjes së tij, bashkëpunëtorëve dhe bashkëpartiakëve.

Por megjithëkëtë, bashkëpartiakët e tij, në ditëlindjen e 54-të, u mblodhën në zyrat e Partisë Demokratike të Kosovës (PDK), që mënyrë simbolike ta urojnë Veselin për ditëlindje.

Ushtruesi i detyrës së kryetarit të PDK-së, Enver Hoxhaj, në krah me djalin e Kadriut, Klestorin, kanë hapur shampanjë për ditëlindjen e ish-kryetarit Veseli.

Hoxhaj tha se kjo është një mënyrë simbolike për të festuar ditëlindjen e kryetarit të tyre i cili theksoi se padrejtësisht po mbahet në Gjykatën e Hagës. Ai shton edhe se Veseli do të kthehet në Kosovë fitimtar dhe faqebardhë.

“Kjo është një mënyrë simbolike për ta shënuar ditëlindjen e kryetarit tonë të partisë, zoti Veseli i cili në mënyrë të padrejtë mbahet në Gjykatë. Dhe unë jam sëbashku këtu me Klestorin, djalin e Kadriut, por edhe me shumë bashkëluftëtarë dhe shokët e tij për t’i thënë kryetarit të partisë urime ditëlindjen i gëzofsh edhe 100 tjera, do të kthehesh në Kosovë fitimtar dhe faqebardhë dhe teknikisht nuk je me ne por je në zemrën dhe mendjen tonë si anëtarë të Partisë Demokratike të Kosovës”, tha ai.

Hoxhaj më tej është shprehur i sigurt që ditëlindjen e radhës do ta festojnë bashkë me Veselin në zyrat e PDK-së.

“Jemi mësuar shpesh që ditëlindjet e tilla t’i festojmë sëbashku, t’i festojmë në kohë të robërisë së Kosovës, t’i festojmë kur Kadriu, Hashimi dhe shumë shokë të tjerë kanë udhëtuar drejt lirisë, dhe udhëtimi drejt lirisë është prej ballafaqimeve më të vështira që mund ta ketë një lider dhe një popull në luftë. Por ne jemi të sigurt që arritjet të cilat i ka Kosova falë kontributeve të Kadriut, kryetari tonë dhe falë kontributit të shokëve në UÇK dhe në falë shokëve në PDK do të jenë arritjet e përjetshme të shtetit të Kosovës. Kadri edhe pse nuk je në mesin tonë, duam që të dëshirojmë shëndet, suksese ty dhe shumë shokëve të tjerë që mbahen në mënyrë të padrejtë në Gjykatë. E di që atje do të keni një festë të vogël, sikurse ne që e kemi festë të vogël sot pa ty këtu në Prishtinë. Por e di që festën e madhe që ia ke sjellë Kosovës, çlirimin dhe pavarësinë e vendit do të jetë prej festave më të mëdha që do të ketë populli shqiptar çdo herë. Urime, jetë të gjatë dhe suksese dhe jam shumë i sigurt që në ditëlindjen e radhës, në vitin e ardhshëm do të jemi gjithë sëbashku këtu në Partinë Demokratike të Kosovës”, uroi Hoxhaj.

Related Topics:
Continue Reading

Lajmet

Zhegrova ftohet për ndeshjen ndaj Dortmundit

Published

1 hour ago

on

September 16, 2025

By

Edon Zhegrova është ftuar nga trajneri i Juventusit, Igor Tudor, për ndeshjen ndaj Borussia Dortmundit.

Juve sonte nga ora 21:00 e pret Dortmundin në kuadër të xhiros së parë të fazës së ligës së Ligës së Kampionëve.

Edhe pse trajneri Tudor ditë më parë deklaroi se Zhegrova nuk do të luaj ndaj Dortmundit ai ka vendosur që ta ftojë reprezentuesin e Kosovës. Zhegrova mund të debutoj për “Zonjën e Vjetër”.

26-vjeçari nuk luajti xhiron e kaluar në Serie A në derbin që e fitoi Juventusi 4:3 ndaj Interit.

Zhegrova u transferua te Juve nga Lille për afro 16 milionë euro në ditën e fundit të afatit kalimtar veror, por nuk ka luajtur prej 14 dhjetorit të vitit të kaluar./S.K/EO/

Continue Reading

Aktualitet

UBT hap thirrjen për dorëzimin e abstrakteve për Konferencën Ndërkombëtare për Modë dhe për Dizajn të Integruar

Published

2 hours ago

on

September 16, 2025

By

UBT ka nisur pranimin e abstrakteve për dy prej konferencave më atraktive dhe bashkëkohore që zhvillohen në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion:

Të dyja konferencat janë peer-reviewed dhe ofrojnë një platformë shkencore e profesionale ku akademikë, studiues, studentë të programeve master e doktorale, si dhe ekspertë të industrisë, ndajnë njohuri dhe ide mbi zhvillimet më të fundit.

Datat kryesore:

Dorëzimi i abstrakteve: deri më 10 tetor 2025

Njoftimi për pranim: më 17 tetor 2025

Rishikimi shkencor (peer-reviewed): më 17 tetor 2025

Afati i hershëm i regjistrimit: deri më 17 tetor 2025

Afati i vonuar i regjistrimit: deri më 20 tetor 2025

Dorëzimi i punimit të plotë: deri më 14 nëntor 2025

Tema qendrore e këtij viti është “Resilience and Sustainability”, duke trajtuar mënyrat se si moda dhe dizajni ndërveprojnë me teknologjinë, kulturën, politikën dhe sfidat globale.

Fushat kryesore të IC-FAS (Fashion):

  • Fashion Activism dhe ndikimi i tij në politikë
  • Moda dhe Teknologjia
  • Dizajni i Modës dhe Edukimi
  • Vetëdija sociale në industrinë e modës
  • Nga ambicia në veprim (Ambition to Action)

Fushat kryesore të IC-ID (Integrated Design):

  • Ndërthurja e dizajnit grafik, teknologjisë dhe kulturës
  • Roli i teknologjisë në dizajn
  • AI, AR/VR dhe ndikimi i tyre në praktikat e dizajnit
  • Të ardhmen e branding dhe identitetit vizual
  • Moda në epokën e AI, identitetet virtuale dhe kriza klimatike
  • Dizajn i interierit të integruar me AI
  • Metaverse dhe hapësira virtuale
  • Materiale të zgjuara dhe hapësira reaguese
  • Dizajn qarkullues dhe i qëndrueshëm

Dorëzimi i punimeve: Punimet duhet të jenë origjinale, të papublikuara dhe jo në shqyrtim diku tjetër. Gjatësia maksimale është 6 faqe dhe punimet që nuk i përmbushin kriteret e formatimit nuk do të merren në konsideratë.

Continue Reading

Lajmet

Zyrtare: Loja Shqipëri-Serbi luhet në Leskovc

Published

2 hours ago

on

September 16, 2025

By

Zyrtarisht, më datë 11 tetor, ndeshja Serbia-Shqipëria, nuk do të luhet në Beograd në stadiumin “Rajko Mitiq”, sepse shtëpia e futbollit evropian UEFA, ka vendosur që kjo lojë të luhet në Leskovc në stadiumin “Duboçica”.

Fillimisht, kjo sfidë ishte planifikuar të zhvillohej në “Rajko Mitiq” në kryeqytetin serb, por për arsye organizative dhe të sigurisë, autoritetet kanë vendosur ndryshimin e stadiumit.

Kjo konsiderohet një nga ndeshjet më të rëndësishme jo vetëm për kualifikueset e Botërorit, por gjithashtu edhe për historinë.

Në vitin 2014, Shqipëria luante një ndeshje të madhe në Serbi, teksa ëndrra për një vend në Europianin e Francës sapo kishte nisur.

Kuqezinjtë përballeshin jo vetëm me skuadrën serbe, por me terrorin serb, me tifozerinë e cila në çdo moment bënte thirrje për vdekjen e shqiptarëve, apo edhe me vendimet për të mos lejuar jo vetëm tifozët shqiptarë, por as flamurin kuqezi në stadium. /S.K/EO/

Continue Reading

Aktualitet

UBT në hap me zhvillimin e qëndrueshëm në sektorin e ushqimit dhe agrikulturës

Published

3 hours ago

on

September 16, 2025

By

Prof. Dr. Emine Daci Zejnullahi, profesoreshë në Fakultetin e Shkencave të Ushqimit me Bioteknologji dhe në Fakultetin e Inxhinierisë së Agrikulturës dhe Mjedisit, në UBT, ka nënshkruar kontratën për zbatimin e projektit shkencor: “Përdorimi i mbetjeve agro-industriale të patates për zhvillimin e produkteve bioteknologjike të qëndrueshme në VIPA CHIPS – Zgjidhje për ekonomi qarkore dhe qëndrueshmëri industriale”, i financuar nga MAShTI në kuadër të projekteve shkencore 2025.

Ky projekt synon të mbështesë sektorin privat në menaxhimin e mbetjeve të industrisë ushqimore, duke i kthyer ato në produkte finale me vlerë, si dhe duke reduktuar ndikimin negativ në mjedis dhe duke sjellë përfitime ekonomike e sociale.

Zbatimi i projektit do të bëhet me përfshirjen e profesorëve të tjerë të departamentit dhe studentëve të nivelit Master, duke kontribuar në ngritjen e kapaciteteve kërkimore dhe në zhvillimin e qëndrueshëm të sektorit.

Continue Reading

Të kërkuara