Lajmet

PDK dhe AAK këmbëngulin për Trustin

Sipas tyre, tërheqja e një shume të kursimeve pensionale është nevojë emergjente e qytetarëve.

Published

3 years ago

May 16, 2022

UBT news

Partia Demokratike e Kosovës dhe Aleanca për Ardhmërinë e Kosovës po këmbëngulin për miratimin e Projektligjit për Trustin. Sipas tyre, tërheqja e një shume të kursimeve pensionale është nevojë emergjente e qytetarëve.

Pas mbledhjes së Kryesisë së Kuvendit, shefi i Grupit Parlamentar të PDK-së, Abelard Tahiri, tha se deputetët e mazhorancës duhet të reflektojnë për miratimin e Projektligjit për Trustin.

“Secili deputet e ka mandatin e vet të lirë dhe duhet të reflektojë dhe mendojë për një çështje kaq të rëndësishme për qytetarët e Kosovës. Kjo iniciativë e PDK-së nuk ka ardhur thjesht si iniciativë politike për të bërë debat, por si rezultat i kërkesës së qytetarëve të Kosovës që t’iu krijohet mundësia që të bëjnë tërheqjen e një shume të caktuar të kursimeve të tyre që janë në Trust. Besoj se do të ketë një reflektim nga deputetët e mazhorancës dhe kjo iniciativë të kalojë. Sa i përket përqindjes ne jemi të hapur dhe kemi thënë edhe më herët që të kemi një dakordim edhe me mazhorancën se në çfarë mase duhet të shkojë tërheqja e këtyre mjeteve”, tha ai.

Në linjë të njëjtë u shpreh edhe shefi i Grupit Parlamentar të AAK-së, Besnik Tahiri.

“Kërkesa në kryesi është shumë e qartë, silleni ligjin për trustin sa më shpejtë në seancë plenare. Tashmë deputetët e shumicës e dinë, e kuptojnë sa e rëndësishme është që kontribut-dhënësit, të punësuarit që i kanë paratë e tyre në këtë krizë t’i tërheqin përmes këtij ligji”, shtoi Tahiri.

Ndërkohë, shefja e Grupit Parlamentar të LVV-së, Mimoza Kusari-Lila bëri të ditur se seanca plenare e radhës do të mbahet të enjten më 19 maj.

Mungesën e Projektligjit për trustin në këtë seancë nuk e përmendi, por tha se do të debatohet për gjendjen e sigurisë në vend dhe një sërë pikash të tjera.

Krahas kësaj, ajo tha se Kuvendi inicioi edhe formimin e grupit punues për reformën zgjedhore, për çka përmendi disa nga kërkesat që duhet të adresohen.

“Janë kërkesa të akumuluara ndër vite. Ju e dini që disa herë janë bërë përpjekje për të hyrë në procesin e reformës zgjedhore, mirëpo për shkak të zgjedhjeve në nivelin qendror apo zgjedhjeve të rregullta që kemi pas në nivelin lokal janë shtyrë. Tash janë disa pika që janë diskutuar, fillimisht në deklaratën e përbashkët të grupeve parlamentare së bashku me kryetarin e Kuvendit, Glauk Konjufca. Do të shohim kur të fillon puna që të merren të gjitha komentet në trajtim sa i përket proceseve zgjedhore dhe natyrisht rekomandimet që i shohim të nevojshme për t’u përfshirë. Nuk është vetëm çështja për votimin e diasporës, por është një prej çështjeve edhe ajo. Mundësia dhe përkushtimi ynë që të lehtësojmë votimin e shtetasve tanë që janë me vendqëndrim jashtë vendit. Por, gjithashtu janë edhe disa çështje të tjera që lidhen me mbarëvajtjen e procesit zgjedhor në përgjithësi”, theksoi ajo.

Në kuadër të reformës zgjedhore, shefi i Grupit Parlamentar të AAK-së, Besnik Tahiri tha se duhet të trajtohen edhe disa tema të mëdha, siç është mënyra e zgjedhjes së presidentit.

“Aleanca për Ardhmërinë e Kosovës e ka një qëndrim më të avancuar, jo trajtimin e vetëm problemeve teknike, por edhe temave të mëdha. Tema e parë është a duhet presidenti të zgjidhet drejtpërdrejt apo sistemin që e kemi, tema e dytë a duhet të jetë Kosova një zonë apo shumë zona, tema e tretë, procesi i numërimit të votave se a duhet të numërohet në klasë apo qendër të vendvotimit”, deklaroi ai.

Në rend të ditës në seancën e së enjtes pritet të jenë edhe shqyrtimi i dytë i Projektligjit për turizmin, shqyrtimi i dytë i Projektligjit për policinë ushtarake në Forcën e Sigurisë së Kosovës, si dhe shqyrtimi i parë i Projektligjit për Komisionerin Parlamentar për Forcën e Sigurisë së Kosovës.

Rajoni

Rektori Hajrizi viziton UniMarconi në Romë

Published

14 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

1 day ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

1 day ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

1 day ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.