Lajmet

Pavarësisht pretendimeve të Putinit, bisedimet e paqes duken të pamundura në të ardhmen e afërt

Ukraina është e hapur për bisedime, por vetëm pasi Rusia të përballet me një gjykatë për krimet e luftës.

Publikuar

1 vit më parë

më

Ndërsa një vit i dominuar nga lufta e Rusisë ndaj Ukrainës po i afrohet fundit, Vladimir Putin ka sugjeruar se është i hapur për bisedimet e paqes pavarësisht dëshmive për të kundërtën.

Disa ditë pasi tha se donte t’i jepte fund luftës së tij, presidenti rus përsëriti pretendimin e tij se ishte gati të “negocionte me të gjithë të përfshirë në këtë proces për zgjidhje të pranueshme”. Kështu kishte njoftuar agjencia shtetërore e lajmeve TASS.

Kjo erdhi në mes të bombardimeve të vazhdueshme me raketa kundër rrjetit energjetik të Ukrainës, me Rusinë e cila ka kërkuar të zhdukë fuqinë e vendit ndërsa hyn në muajt e ftohtë të dimrit dhe pas një pushtimi 10-mujor në të cilin Putini është përpjekur vazhdimisht të denigrojë sovranitetin e Ukrainës.

Komentet e tij u refuzuan nga Ukraina dhe SHBA dhe nuk ka gjasa të shihen si diçka më shumë sesa një “shfaqje”.

Kjo nuk do të thotë se Ukraina nuk është e hapur për bisedimet e paqes. Ministri i Jashtëm ukrainas, Dmytro Kuleba, i tha Associated Press se Kievi dëshiron që diskutimet e ndërmjetësuara nga OKB të fillojnë deri në shkurt, por vetëm pasi Rusia të përballet me një gjykatë për krimet e luftës.

Por llogaritja e thjeshtë mbetet e pandryshuar; një konflikt që shumë ekspertë mendonin se do të përfundonte brenda ditëve ose javëve është kthyer në një luftë rraskapitëse që Ukraina mund të jetë në gjendje ta fitojë, kështu që çdo marrëveshje që zvogëlon kufijtë e vendit ose përfaqëson një formë fitoreje për Putinin do të ishte e papranueshme për Kievin./UBTNews/

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

2 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

4 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

6 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

8 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara