

Teknologji
Paul McCartney: Mos e lejoni AI-në t’i dëmtojnë artistët
Published
7 months agoon
By
UBT NewsKëngëtari i njohur Paul McCartney ka paralajmëruar se ndryshimet e mundshme në ligjin për të drejtat e autorit mund të ndikojnë në “shfrytëzimin” e artistëve dhe të dëmtojnë krijimtarinë.
The Guardian ka shkruar se ish-anëtari i grupit “The Beatles” ka thënë se qeveria duhet ta mbrojë punën e krijuesve, duke i kërkuar që të sigurohet që artistët të kenë kontroll mbi materialet e tyre të mbrojtura me të drejtat e autorit.
McCartney e ka shprehur shqetësimin se përdorimi i materialeve të mbrojtura për të trajnuar modelet e inteligjencës artificiale (AI) mund të çojë në humbjen e motivimit për tekstshkruesit dhe artistët, dhe për pasojë të sjellë “humbje të kreativitetit”.
Ai ka shpjeguar situatën për BBC-në.
“Djemtë dhe vajzat e reja krijojnë këngë të bukura, por ata nuk e zotërojnë atë. Dhe kushdo mund t’i kopjojë dhe të përfitojë prej tyre. E vërteta është, paratë po shkojnë diku … Dikush po paguhet, pra pse të mos jetë ai që u ul dhe e shkroi këngën ‘Yesterday’’”, ka thënë McCartney.
Ky debat ka lindur pasi janë shfaqur pasiguri rreth përdorimit të materialeve të mbrojtura për të trajnuar modelet e AI-së. Pati padi nga individë e kompani në industrinë krijuese që pretendojnë se përdorimi i paautorizuar i materialeve është shkelje e të drejtave të autorit.
Disa organizata botuese dhe media kanë nënshkruar marrëveshje licencimi me kompanitë e AI-së për të lejuar përdorimin e materialeve të tyre për trajnim të modeleve. McCartney ka paralajmëruar se AI-ja mund të “marrë kontrollin” në botën e artit, dhe ka firmosur një peticion bashkë me aktorë të njohur si Julianne Moore, Stephen Fry dhe Hugh Bonneville, ku shprehen se përdorimi i paautorizuar i veprave krijuese për trajnim të AI-së është një kërcënim i padrejtë për mbijetesën e artistëve dhe nuk duhet të lejohet.
Autorja Kate Mosse ka mbështetur një kërkesë për ndryshime në ligj për të dhënë mundësinë që krijuesit të negociojnë një pagesë të drejtë kur i licencojnë materialet e tyre. Qeveria britanike ka njoftuar se do të mbajë konsultim publik për të shqyrtuar çështjet kryesore të debatit deri më 25 shkurt, duke përfshirë mënyrat për të përmirësuar marrëdhëniet mes industrisë krijuese dhe AI-së, si dhe mënyrat për të siguruar që krijuesit të mund të licencojnë materialet dhe të paguhen drejt.
McCartney i bëri thirrje qeverisë që t’i rishikojë këto plane.
“Ne jemi njerëzit, ju jeni qeveria. Duhet të na mbroni ne, kjo është puna juaj”, ka thënë ai.
Në një notë pozitive, McCartney dhe Ringo Starr përdorën teknologjinë AI për të krijuar këngën “Now And Then” në muajin nëntor të vitit 2023, duke ndarë vokalet e anëtarit të njohur të grupit të tyre, John Lennon nga një demo e incizuar në vitin 1977.
Sekretarja e Kulturës, Lisa Nandy, ka thënë se qeveria beson se artistët, tekstshkruesit dhe krijuesit e tjerë duhet të kenë mundësinë të kontrollojnë përdorimin e materialeve të tyre nga kompanitë e AI-së dhe të mund të negocionin marrëveshje licencimi dhe pagesa të drejta.
Teknologji
Studiuesit e Oksfordit marrin akses në superkompjuter për zhvillimin e vaksinave kundër kancerit
Published
12 hours agoon
August 29, 2025By
UBTNews
Një ekip studiuesish nga Universiteti i Oksfordit është bërë pjesë e një iniciative qeveritare në Mbretërinë e Bashkuar, e cila u jep akses në një nga superkompjuterët më të fuqishëm të Inteligjencës Artificiale në vend, për të avancuar kërkimet në fushën e vaksinave kundër kancerit.
Superkompjuteri, i njohur si Dawn, do të vihet në dispozicion të Departamentit të Mjekësisë Nuffield për 10,000 orë, duke u mundësuar studiuesve të analizojnë dhjetëra mijëra grupe të dhënash nga pacientët me kancer.
Dr. Lennard Lee, që po udhëheq projektin, tha se kjo qasje përfaqëson një moment të rëndësishëm për mjekësinë: “Ndjehet si fantastiko-shkencore, megjithatë është një realitet – është viti 2025, kjo teknologji është këtu dhe ne do ta provojmë.”
Sipas Dr. Lee, qëllimi është të përpunohen sasi të mëdha të të dhënave për të identifikuar modele që mund të ndihmojnë në dizajnimin e vaksinave të personalizuara kundër kancerit. “Kanceri është thjesht shumë kompleks. Kjo teknologji na jep mundësinë të përpunojmë shpejt dhe në shkallë të gjerë të dhënat, duke dalluar modele të fshehura që ndryshe do të ishin të vështira për t’u identifikuar.”
Kërkimi gjithashtu do të kontribuojë në Atlasin e Neoantigjenit të Oksfordit, një platformë me qasje të hapur që mbështet kërkimin për vaksina kundër kancerit në të gjithë vendin.
“Ajo që mendojmë se do të jemi në gjendje të bëjmë është të hapim rrugën për të hartuar vaksina që thjesht nuk ishin të mundura më parë”, shtoi Dr. Lee.
Teknologji
Nothing pranon gabimin: Fotot në demo të Phone 3 nuk ishin të realizuara me telefonin
Published
12 hours agoon
August 29, 2025By
UBTNews
Kompania teknologjike Nothing është përballur me kritika pas zbulimit se disa nga imazhet e paraqitura në njësitë demo të telefonit të saj të ri, Phone 3, nuk ishin realizuar me kamerën e pajisjes, por ishin blerë nga një shërbim profesional imazhesh.
Bëhet fjalë për pesë fotografi që shfaqeshin në softuerin demonstrues të pajisjes, duke përfshirë një portret, një shkallë spirale dhe një detaj të një makine. Sipas raportimeve, këto imazhe ishin blerë nga platforma Stills dhe ishin realizuar në vitin 2023 me kamera profesionale. Njëri nga fotografët, Roman Foks, konfirmoi se fotografia e tij ishte kapur me kamerën Fujifilm XH2s.
Bashkëthemeluesi i Nothing, Akis Evangelidis, reagoi në rrjetin social X duke kërkuar falje publike dhe duke e quajtur incidentin një “neglizhencë e trishtueshme”. Ai sqaroi se fotografitë ishin menduar vetëm si përmbajtje e përkohshme (“placeholder”), në pritje të imazheve të realizuara me pajisjen përfundimtare, por kishin mbetur gabimisht në disa njësi demo.
Megjithëse kompania deklaron se nuk kishte qëllim të keq, ekspertë të industrisë paralajmërojnë se raste të tilla mund të ndikojnë negativisht në besimin e konsumatorëve, sidomos në një treg ku paraqitja reale e performancës së kamerës është thelbësore për blerësit.
Nothing lançoi Phone 3 muajin e kaluar. Pajisja vjen me procesorin Snapdragon 8s Gen 4, ekran AMOLED 6.67 inç dhe sistem kamerash me tri lente 50MP (kryesore, periskop dhe ultra-wide), si dhe një kamerë të përparme 50MP.
Teknologji
WhatsApp prezanton asistentin e ri të shkrimit me inteligjencë artificiale
Published
12 hours agoon
August 29, 2025By
UBTNews
WhatsApp ka nisur zyrtarisht testimin e një asistenti të ri shkrimi të mundësuar nga inteligjenca artificiale, i cili synon të ndihmojë përdoruesit me krijimin e teksteve në biseda.
Funksioni i ri ofron sugjerime në disa stile, si profesional, qesharak apo mbështetës, ndërsa mesazhet e gjeneruara mund të redaktohen më tej nga vetë përdoruesi. Asistenti mund të aksesohet përmes një ikone të re në formë lapsi, e cila shfaqet në biseda individuale apo në grup.
Aktualisht, funksioni është i disponueshëm vetëm në gjuhën angleze dhe vetëm për përdoruesit në Shtetet e Bashkuara, por kompania njofton se synon ta zgjerojë më vonë gjatë vitit në gjuhë dhe tregje të tjera.
Megjithatë, prezantimi i kësaj veçorie ka ngritur shqetësime lidhur me privatësinë, pasi ndërsa mesazhet në WhatsApp janë të mbrojtura me enkriptim nga fundi në fund, ndërveprimet me AI zakonisht përpunohen në qendra të të dhënave në cloud.
Për të adresuar këtë, Meta ka ndërtuar funksionalitetin mbi teknologjinë e saj “Private Processing”, e cila, sipas kompanisë, lejon përdorimin e AI pa rrezikuar sigurinë e mesazheve apo të dhënave personale. Kjo teknologji krahasohet me sistemin “Private Cloud Compute” të Apple, që gjithashtu synon të mbajë përpunimin lokal pa dërguar të dhëna në serverë të jashtëm.
Meta thekson se kjo qasje ruan parimin kryesor të WhatsApp për privatësi, duke siguruar që askush tjetër, përveç përdoruesit dhe personit me të cilin ai komunikon, nuk mund të aksesojë përmbajtjen e mesazheve.
Pavarësisht kësaj, ngrihen pikëpyetje nëse një funksionalitet i tillë është vërtet i domosdoshëm në biseda të shpejta me tekst, duke marrë parasysh se shumë platforma tashmë ofrojnë asistentë të ngjashëm.
Aktualitet
UBT përgatit liderët e së ardhmes në energji: Edhe pak vende të lira për regjistrim
Published
1 day agoon
August 28, 2025By
Driton Iseni
UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.
Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.
Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.
Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.
Regjistrimi bëhet thjeshtë dhe shpejt përmes linkut: APLIKO TANI ONLINE!

Regjistrohu tani në Gjuha Angleze në UBT dhe përfito bursë 20%

Në zyrën e Ivica Daçiqit mbërrin një zarf me tre plumba

U përurua çerdhja e re për 60 fëmijë në Fushë Kosovë

Kurti për akuzat ndaj UÇK-së: Manipulohet një kapitull për të cilin Basha s’ka faj

Supremja hodhi poshtë ankesën e VV-së kundër vendimit të PZAP-së për Listën Serbe

Presidentja Osmani kërkon zgjidhje urgjente për konstituimin e Kuvendit

FSK-ja realizon ushtrimin fushor “Ujku shigjetë” pesë ditë

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Një vdekje e dyshimtë në Skenderaj
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA