Kulturë

Pasuria letrare e shpërblen Xhevahir Spahiun për ‘Një mijë dashuri’

Published

2 years ago

on

Xhevahir Spahiu, Rudina Çupi, dhe Rovena Rrozhani janë autorë të cilët kanë fituar fond nga Qendra Kombëtare e Librit dhe Leximit për të mbështetur veprat e tyre për botim.

Xhevahir Spahiu u shpall fitues i “Fondit të Krijimtarisë Letrare” me librin e tij “Një mijë dashuri”. Juria vlerësoi se poezitë e tij shpalosin bukurinë e jetës përmes një gjuhe estetike dhe fëminore, e cila është e pasur me muzikalitet dhe figurshmëri. Libri trajton tema të ndryshme nga historia kombëtare deri te natyra dhe jeta fëminore, duke sjellë ndjesi të prekshme dhe vlera njerëzore.

Rudina Çupi dhe Rovena Rrozhani fituan “Fondin e Krijimtarisë Letrare për Fëmijë”. Rudina Çupi u shpall fituese me librin “Ë-Ngrënësi dhe Ë-Vënësi”, i cili kombinon rrëfimin dhe edukimin gjuhësor për fëmijë nëpërmjet një ligjërimi të pasur dhe ilustrime tërheqëse. Libri kënaq dhe edukon, duke nxitur dashurinë për gjuhën shqipe tek lexuesit e vegjël.

Rovena Rrozhani u shpall fituese për librin e saj “Hana, vajza që kapi diellin”. Vepra përshkruan historinë frymëzuese të një vajze që triumfon mbi sfidat, duke e bërë udhëtimin e saj emocional një burim frymëzimi për lexuesit e vegjël. Gjuha e zgjedhur dhe ilustrimet dinamike nxisin imagjinatën dhe kënaqësinë e leximit, shkruan Agjencia Telegrafike Shqiptare.

Vlerësohet se këto mbështetje shënojnë një sukses të rëndësishëm për autorët në fushën e krijimtarisë letrare dhe përmbushin qëllimin e Qendrës Kombëtare të Librit dhe Leximit për të mbështetur dhe promovuar veprat e vlerësura letrare./UBTNews/

 

Related Topics:
Continue Reading

Lajmet

Galeria Lumi91 hap dyert me një ekspozitë të rrallë fotografike për Prishtinën

Published

4 hours ago

on

August 31, 2026

By

Galeria e re Lumi91 hapet në Prishtinë me ekspozitën “1928 – Rexhep Rakovica, Portrete”, e cila sjell para publikut një përzgjedhje të fotografive të fotografit Rexhep Rakovica (1909–1988).

Ekspozita përfshin portrete individuale, familjare dhe grupore, duke ofruar një pasqyrë të rrallë të jetës dhe kujtesës së Prishtinës së dikurshme. Rakovica nisi të merrej me fotografinë në vitin 1928 dhe gjatë veprimtarisë së tij dokumentoi momente të rëndësishme të jetës së qytetit.

Hapja e galerisë dhe ekspozitës synon të sjellë një hapësirë të re për artin dhe kulturën në kryeqytet, ndërsa fotografitë e Rakovicës rikthejnë për publikun një pjesë të rëndësishme të trashëgimisë vizuale të Prishtinës./A.K/

Continue Reading

Lajmet

Inspektorati nis kontrollet, udhërrëfyesit turistikë duhet të jenë të licencuar

Published

6 hours ago

on

August 31, 2026

By

Inspektorati Qendror i Mbikëqyrjes së Tregut ka nisur inspektimet në terren për të kontrolluar ushtrimin e veprimtarisë së udhërrëfyesve turistikë në Kosovë.

Sipas njoftimit, rastet e ushtrimit të kësaj veprimtarie pa licencë po ndëshkohen me gjoba, në përputhje me legjislacionin në fuqi.

Inspektorati u ka bërë thirrje të gjithë personave që ushtrojnë këtë veprimtari pa licencë që të kryejnë procedurat e licencimit dhe të vazhdojnë punën në mënyrë të rregullt dhe profesionale.

Sipas autoriteteve, licencimi përbën një detyrim ligjor, por njëkohësisht edhe një garanci për ofrimin e shërbimeve më profesionale dhe cilësore për turistët.

“Një turizëm i zhvilluar kërkon rregulla të qarta, zbatim të ligjit dhe shërbime cilësore për vizitorët”, thuhet në njoftim./A.K/

Continue Reading

Lajmet

Përvjetori i lindjes së Ali Podrimjes, një prej zërave më të fuqishëm të poezisë shqiptare

Published

3 days ago

on

August 28, 2026

By

Sot shënohet përvjetori i lindjes së poetit të madh shqiptar, Ali Podrimja, një prej figurave më të shquara të letërsisë shqipe bashkëkohore.

Ali Podrimja lindi më 28 gusht 1942 në Gjakovë dhe gjatë karrierës së tij letrare ndërtoi një prej opuseve më të rëndësishme të poezisë shqiptare.

Ndër veprat më të njohura të tij është “Lum Lumi”, një vepër e fuqishme dhe e ndjeshme që është bërë pjesë e rëndësishme e trashëgimisë së letërsisë shqipe.

Poezia e Podrimjes u dallua për gjuhën e veçantë, figuracionin e pasur dhe temat që lidhen me jetën, humbjen, dashurinë, atdheun dhe identitetin.

Ai u nda nga jeta më 21 korrik 2012, por vargjet dhe krijimtaria e tij vazhdojnë të lexohen dhe të vlerësohen nga breza të ndryshëm.

Emri i Ali Podrimjes mbetet i lidhur ngushtë me poezinë moderne shqiptare dhe me një trashëgimi letrare që vazhdon të ketë ndikim edhe sot./A.K/

Continue Reading

Lajmet

Nisin xhirimet e filmit të shkurtër “Deltar” me regji të Ibër Dearit

Published

4 days ago

on

August 27, 2026

By

Kanë nisur xhirimet e filmit me metrazh të shkurtër “Deltar”, me regji të Ibër Dearit, ndërsa producent dhe skenarist është Afrim Muçaj. Filmi është i subvencionuar nga Qendra Kinematografike e Kosovës.

“Deltar” sjell historinë e një djaloshi i cili detyrohet të largohet nga shtëpia së bashku me familjen, ndërsa qeni i tij mbetet pas, i lidhur në zinxhir.

Filmi trajton tema si lufta, braktisja, humbja, ikja dhe ndarja nga gjithçka që një fëmijë njeh dhe do, duke e sjellë luftën dhe pasojat e saj përmes përjetimit të një fëmije.

Në kastin e filmit janë Ledion Mulaki, Afrim Muçaj, Gentrit Shala, Mia Muçaj dhe Valon Nuhiu, së bashku me aktorë të tjerë./A.K/

Continue Reading

Të kërkuara