Lajmet

​Pasardhësi i Hasan Prishtinës për 28 Nëntorin ka një apel për Ramën dhe Kurtin

Ai tha se duhet të ketë integrim mes shqiptarëve, pastaj në Evropë.

Published

on

Mehmet Prishtina, pasardhësi i Hasan Prishtinës, një ditë para festës së 28 Nëntorit, ka rikujtuar pajtimin e Ismail Qemailit dhe Hasan Prishtinës për ta shpallur pavarësinë në Shkup, derisa ka theksuar se duhet unitet në mes subjekteve politike dhe dy kryeministrave Edi Rama dhe Albin Kurti, në mënyrë që fillimisht ta bëjnë bashkimin kombëtarë të shqiptarëve dhe pastaj të punojnë për integrimet evropiane.

Mehmet Prishtina fillimisht ka rikujtuar arrestimin e Hasan Prishtinës nga ushtria serbe dhe pajtimi në mes Ismail Qemailit dhe Hasan Prishtinës që shpallja e pavarësisë të bëhej në Shkup.

“Ndodhi çfarë ndodhi dhe Hasan Prishtina e ka parë të nevojshme që të kalonte nga kërkesa për autonomi për kërkesën për pavarësi, dhe më 14 tetor si rezultat i kësaj ushtria serbe futet nga Kumanva në Shkup dhe e arreston mëngjesin e hershëm me rreth 14-15 burra, ndër ta ka qenë edhe Idriz Seferi të cilët intervenuan në burgun e kalmendanit në Beograd dhe si rezultat, sepse Hasan Prishtina me Ismail Qemailin ishin marrë vesh që të shpallet pavarësia në Shkup, për arsyeje se Shkupi konsiderohej dhe vazhdon të konsiderohet si porta e Shqipërisë. Në pamundësi që pavarësia të shpallet në Shkup, ajo ka rrugëtuar në Tiranë e Durrës, deri në Vlorë, dhe plaku i parë i Shqipërisë, Ismail Qemail Vlora, arriti që të shpallte pavarësin e Shqipërisë me ndihmën e miqëve austriak. Kjo triumfon edhe në krye me Isa Boletinin dhe kështu rrugëton pavarësia e Shqipërisë me sfida dhe pericepi të mëdha në ndihmë të shtetit, sepse dihet se konferenca e Londrës ishte e padrejtë me shqiptarët dhe i ndau shqiptarët në pesë shtete që kufizohen me veten, megjithatë ne sot kemi një Shqipëri të pavarur, natyrale siç e ka krijuar Zoti, e quajmë Shqipëria Londineze, por që kjo Shqipëri sot është anëtare e NATO-së”, tha ai, duke u ndalur edhe te shteti i dytë shqiptar, Kosova.

Ai tha se duhet të ketë integrim mes shqiptarëve, pastaj në Evropë.

“E dimë se pas luftës 98/99-të, sigurisht me iniciativën e UÇK-së por edhe me ndihëm e NATO-së, kemi arritur që me 17 shkurt 2008 të shpallet pavarësia e Kosovës dhe ne tani, shqiptarët i kanë dy shtete të pavarura që janë në konsulidim e sipër dhe për çdo ditë po bëhën më të forta. Por pjesët e tjera të banuara më shqiptarë, siç është Serbia e jugut, Mali i Zi, Maqedonia e Veriut dhe pjesa e Greçisë, ku jetojnë çamët, kanë ngelur jashtë kufijëve dhe në këtë kohë të integrimeve evropiane, mendoj se duhet të integrohemi mes vete dhe pastaj integrimi i ëndrrave tona, i bashkimit me një shtet që asnjëherë mendimi im personal. Shteti shqiptar është në rrugë të mbarë, i ka sfidat e veta, strukturat politike, asnjëherë nuk janë të kënaqshme por kanë arritur sukses të paparë, i ka sfidat e veta, qeverisja në Kosovë po ashtu edhe ajo në Shqipëri”, tha ai.

Një dita para festës së 28 Nëntorit, ai apeloi për unitet të subjekteve politike në Kosovë.

“Mesazhi im do të ishte që sa më unik të jemi dhe në momentë të tilla kritike t’i lëmë anash interesat partiake, sepse kombi është mbi të gjitha. Kjo fatkeqësisht nuk po ndodhë dhe unë shpresoj që në këtë drejtim mos t’ia bëjmë argatin dreqit thonë nga anët tona, por të thirrim mendjen dhe të kfjellemi sepse ky popull meriton lirinë, përparimin, kemi hequr shumë, rinia jonë është çdo ditë duke u larguar nga trevat tona pa prespektivë, pa eksperiencë dhe nuk mjafton që vetëm gjatë fushatave të premtosh rinisë zhvillim, por duhet edhe hapa konkretë me ndërmarrë. Unë shpresoj që qeveria Kurti të jetë më vitale, më e fortë, më e rreptë dhe të bëjë atë çka kanë prit ata çka e kanë zgjedhur, sepse është më shumë së kurrë e nevojshme të mëkemben”, tha ai.

Sipas tij, roli i Edi Ramës në Tiranë apo roli i Albin Kurtit në Prishtinë kur e vendos në baraspeshë rëndësinë e interesit të përgjithshëm kombëtarë, duhet të jetë sekondarë e jo primarë.

“Këtu dy palët po shtyhen me inate, inatet t’i lënë anash sepse shteti nuk është i tyre, kombi nuk është i tyre, ata janë vetëm një pjesë e vogël që me votën e sovranit iu ka dhënë mundësia dhe ata duhet të punojnë më shumë”, tha ai.

Aktualitet

UBT prezanton modelin e parë Digital Twin të Kampusit Smart City në aktivitetin përmbyllës të projektit Evropian IoT-ECO në Sofia

Published

on

Rektori i UBT-së, Prof. Dr. Edmond Hajrizi, së bashku me Prof. Dr. Besnik Qehaja, dekan i Fakultetit të Shkencave Kompjuterike dhe Inxhinierisë, dhe ekipin e UBT-së, po marrin pjesë në aktivitetin përmbyllës të projektit IoT-ECO, pjesë e programit Erasmus-LS, ERASMUS-EDU-2022-CBHE, i cili po mbahet në Technical University of Sofia, në Bullgari.

Ky projekt ndërkombëtar synon zhvillimin e modeleve inovative për Internet of Things (IoT) në fushën e ekonomisë së gjelbër, duke bashkuar ekspertë dhe akademikë nga universitete të ndryshme të rajonit dhe Evropës.

Në këtë aktivitet u prezantua modeli i parë real i Digital Twin Smart City Kampus në UBT, një inovacion unik i zhvilluar mbi infrastrukturën Smart City dhe teknologjitë e avancuara nga ekipi i UBT-së. Ky model digjital funksionon si një pasqyrim virtual i kampusit dhe qytetit, duke mundësuar ndërveprim në kohë reale.

Kjo teknologji rrit ndërveprimin dhe aftësinë për të reaguar shpejt ndaj situatave, si dhe kontribuon në përmirësimin e cilësisë së jetës, efikasitetit dhe sigurisë.

Rektori Hajrizi prezantoi gjithashtu UBT Hub, duke theksuar kontributin dhe avancimet e universitetit në integrimin e IoT në mjedisin akademik dhe industrial. Ai diskutoi rëndësinë e zhvillimit të infrastrukturës digjitale dhe bashkëpunimeve ndërkombëtare për fuqizimin e inovacionit dhe edukimit teknologjik në Kosovë, me theks të veçantë te modelet inovative që janë zhvilluar dhe implementuar në fushat e IoT, inteligjencës artificiale, smart cities, smart education, mjekësisë, etj.

Programi i ngjarjes përfshin prezantime mbi modelet virtuale të IoT, integrimin me cloud, aplikimet praktike në industri, si dhe sfidat e sigurisë kibernetike në rrjetet moderne inteligjente. Përveç pjesës akademike, aktiviteti ofron edhe vizita kulturore dhe ture në Sofia, duke krijuar hapësirë për shkëmbim përvojash dhe rrjetëzim ndërkombëtar.

Continue Reading

Lajmet

Rubio shtron darkën “Transatlantike” në New York, të pranishëm edhe ministrat e Shqipërisë e RMV-së

Published

on

By

Sekretari amerikan i Shtetit Marco Rubio ka organizuar më 24 shtator atë që nihet si “Darka Transatlantike” 2025 me ministrat e jashtëm të shteteve anëtare të BE-së dhe NATO-s, Sekretarin e Përgjithshëm të NATO-s Mark Rutte dhe Përfaqësuesen e Lartë të Bashkimit Evropian Kaja Kallas.

Në këtë organizim kanë marrë pjesë gjithashtu edhe ministrat e Jashtëm të Armenisë, Azerbajxhanit, Zvicrës dhe Ukrainës, por jo edhe ndonjë përfaqësues i ndonjë shteti tjetër.

Rubio në këtë organizim kishte folur për rëndësinë e aleancave transatnaltike për ruajtjen e paqes dhe angazhimin historik të shteteve anëtare të NATO-s për të rritur shpenzimet e mbrojtjes dhe rëndësinë e angazhimit për t’i dhënë fund luftës Rusi-Ukrainë.

Në këtë darkë të shtruar në New York ka qenë e pranishme kryediplomatja shqiptare, Elisa Spiropali, e cila ka thënë se aleanca në mes të SHBA-së dhe Shqipërisë po frocohet edhe më tej në dimension politik, ekonomik dhe atë të sigurisë./D.B/EO

Continue Reading

Aktualitet

Në UBT diplomon ushtaraku i FSK-së, Major Vilson Musaj

Published

on

Ushtaraku i FSK-së, Major Vilson Musaj, student në nivelin Master në Fakultetin e Politikave Publike dhe Menaxhimit në UBT, mbrojti me sukses tezën e tij me temë: “Rëndësia e regjimenteve të këmbësorisë në Forcën e Sigurisë së Kosovës – Një perspektivë strukturore: studim krahasimor (FSK, Ushtria Amerikane dhe NATO)”.

Ky punim, i cili u realizua me përkushtim të madh, i siguroi Major Musajt diplomën dhe gradën shkencore “Master në Politika Publike dhe Menaxhim”.

Komisioni vlerësues, i përbërë nga Prof. Dr. Hajdi Xhixha (kryetare), Prof. Dr. Arian Kadriu (anëtar) dhe Prof. Dr. Bahri Gashi (mentor), e vlerësuan këtë hulumtim si të parë në format dhe strukturën e tij në këtë fushë, duke e konsideruar si një punim serioz shkencor dhe mjaft kompleks.

Prezantimi i të gjeturave, argumentimi dhe krahasimi i hipotezave u vlerësuan me performancë të lartë akademike dhe notë maksimale, duke reflektuar një strukturë të qartë operacionale ushtarake dhe qasje profesionale në trajtimin e temës.

Major Vilson Musaj, i cili u gradua në këtë gradë më 1 korrik 2025, është emëruar Oficer për Bashkëpunim me ODC dhe Iowa (Office for Defense Cooperation – Zyra për Bashkëpunim të Mbrojtjes në Ambasadën Amerikane) në Departamentin për Bashkëpunim Ndërkombëtar dhe Integrime Euro-Atlantike në Ministrinë e Mbrojtjes. Ai vazhdon të shërbejë aktualisht në këtë departament të rëndësishëm, duke kontribuar në zhvillimin dhe integrimin e Forcës së Sigurisë së Kosovës.


Continue Reading

Lajmet

Paraqiten në gjykatë shtatë të arrestuarit në operacionin “Qielli i thyer”

Published

on

By

Po mbahet seanca dëgjimore në Gjykatën Themelore në Prishtinë, pas kërkesës së Prokurorisë Speciale të Kosovës për caktimin e masës së paraburgimit, ndaj shtatë personave që u arrestuan gjatë ditës së djeshme në Prishtinë dhe Pejë, në kuadër të operacionit “Qielli i thyer”.

Të pandehurit dyshohen për veprat penale “pjesëmarrja ose organizimi i grupit kriminal të organizuar”, “blerja, posedimi, shpërndarja dhe shitja e paautorizuar e narkotikëve” si dhe pastrimi i parave.

Ata, dyshohet se kanë përdorur aplikacionin e njohur për komunikim të enkriptuar “SkyECC” për të organizuar aktivitetet e tyre kriminale.

Gjatë realizimit të urdhër kontrollit në këto lokacione është gjetur dhe sekuestruar sasi e konsiderueshme e provave materiale, dhe pasurive të specifikuara duke përfshirë 638 gramë substancë narkotike e dyshuar si kokainë, 11,065 euro para të gatshme, 34 automjete, shtatë armë zjarri, dokumente personale me identitet të rremë.

Operacioni është mbështetur nga një bashkëpunim i ngushtë ndërkombëtar, përmes shkëmbimit të të dhënave me autoritetet belge, franceze, holandeze dhe agjencinë evropiane Europol, duke siguruar koordinim të plotë ndërkufitar./D.B/KP

Continue Reading

Të kërkuara