Lajmet

Pas tërmetit, Macron ofron ndihmë për Turqinë dhe Sirinë

“Franca është e gatshme të ofrojë ndihmë urgjente për popullsinë në terren”, tha ai.

Published

on

Presidenti francez Emmanuel Macron ka thënë se vendi i tij ishte gati për të ofruar ndihmë urgjente për Turqinë dhe Sirinë.

“Po marrim imazhe të tmerrshme nga Turqia dhe Siria pas një tërmeti me forcë të paprecedentë”, shkroi Macron në Twitter.

“Franca është e gatshme të ofrojë ndihmë urgjente për popullsinë në terren. Mendimet tona janë me familjet e viktimave”, tha presidenti francez, marrëdhëniet e të cilit me presidentin turk Rexhep Tajip Erdogan shpesh kanë qenë të tensionuara./UBTNews/

Bota

Miliarderët në garë hapësinore, Bezos lëshon raketën “Blue Origin”

Published

on

Kompania “Blue Origin” e miliarderit Jeff Bezos këtë mëngjes shënoi një arritje historike në industrinë e lëshimit të satelitëve me fluturimin e parë të suksesshëm të raketës së saj New Glenn. Raketa u lançua nga Florida dhe e njëjta është emëruar sipas astronautit John Glenn.

Shefi ekzekutiv i “Blue Origin”, Dave Limp, përmes një postimi në X bëri njoftoi suksesin e arritur. Ndërkohë, edhe kompania “Blue Origin” përmes një postimi në X njoftoi se “New Glenn ka kaluar vijën Kármán, kufirin e njohur ndërkombëtarisht të hapësirës”. Ky fluturim i pritur me padurim shënon hapin e parë të kompanisë për të sfiduar dominimin e kompanisë SpaceX në industrinë e hapësirës.

“Konfirmohet ndërprerja e motorit në fazën e dytë. Faza e dytë dhe ngarkesa e raketës New Glenn janë tani në orbitë”, shtoi kompania.

Faza e dytë, që është pjesa e sipërme e raketës, aktivizohet pasi të ndahet faza e parë, duke vazhduar udhëtimin në hapësirë. Raketa New Glenn, e pajisur me një pjesë të ripërdorshme, u ngrit nga Stacioni i Forcave Hapësinore Cape Canaveral, pas disa vonesave në fillim të javës.

Ambicia e miliarderit Bezos për të konkurruar me manjatin amerikan të biznesit, Elon Musk, i cili themeloi kompaninë SpaceX, mbështetet shumë në teknologjinë e ripërdorshme. Pjesa e poshtme e raketës, e cila mund të përdoret sërish, strehon rezervuarët e karburantit dhe siguron shtytjen fillestare për ta çuar raketën në qiell. Ndryshe nga raketat tradicionale, kjo pjesë është projektuar për t’u kthyer në mënyrë të sigurt në Tokë për ripërdorim./UBTNews/

 

Continue Reading

Bota

Tragjedi në ishujt Kanarie në Spanjë, mbytet anija me 50 emigrantë

Published

on

Një anije që mbante 86 persona, kryesisht emigrantë pakistanezë, u fundos gjatë rrugës nga Mauritania drejt Ishujve Kanarie, duke shkaktuar 50 viktima. Sipas OJQ-së spanjolle Caminando Fronteras, mes të mbijetuarve janë 36 persona, përfshirë një vajzë adoleshente.

Anija kishte kaluar 13 ditë në det përpara tragjedisë, dhe autoritetet marokene ndihmuan në shpëtimin e të mbijetuarve. Numri i saktë i personave në bord mbetet i paqartë, ndërsa organizatat humanitare theksojnë nevojën për veprim urgjent për të parandaluar tragjedi të ngjashme në Mesdhe dhe Atlantik./UBTNews/

Continue Reading

Bota

Trump zbulon listën e zezë të Shtëpisë së Bardhë

Published

on

Presidenti i zgjedhur Donald Trump publikoi një listë të emrave që nuk do të jenë pjesë e administratës së tij të ardhshme. Në postimin e tij në Truth Social, ai përmendi ish-bashkëpunëtorë si John Bolton, Mike Pence, Nikki Haley, Dick dhe Liz Cheney, Mitt Romney, Paul Ryan, dhe Mark Milley, duke i akuzuar për “Sindromën e obsesionit ndaj Trump-it” (TDS).

Trump kritikoi ish-zëvendëspresidentin Mike Pence për marrëdhëniet e prishura pas sulmit të Kapitolit dhe kritikoi Mark Milley për komentet që e cilësonin atë si “fashist”. Ai siguroi se administrata e tij e re do të përbëhet nga mbi 1000 njerëz të kualifikuar për të realizuar vizionin e tij për “Bërjen e Amerikës të Madhe Sërish”.

Kjo listë ka nxitur debat mbi marrëdhëniet e tij të tensionuara me disa figura të njohura republikane./UBTNews/

Continue Reading

Bota

Ekonomia më e madhe e Europës tkurret për të dytin vit rresht

Published

on

Ekonomia gjermane u tkurr me 0.2% në 2024, pas një rënieje prej 0.3% në 2023, shënon tkurrjen e parë dyvjeçare që nga fillimi i viteve 2000. Kriza ndikohet nga kosto të larta pune, konkurrenca nga Kina, dhe dobësimi i kërkesës për eksporte.

Volkswagen, prodhuesi më i madh i vendit, njoftoi mbi 35,000 shkurtime dhe zhvendosje të prodhimit në Meksikë. Tarifat e mundshme amerikane mund të përkeqësojnë gjendjen.

Banka Qendrore parashikon stanjacion për 2025, ndërsa eurozona përballet me sfida strukturore dhe energjetike. Zgjedhjet e parakohshme në Gjermani pritet të sjellin reforma për stabilizim afatgjate./UBTNews/

 

Continue Reading

Të kërkuara