Magazinë

Pas ndarjes nga Brad Pitt, Jolie lë pas përjetë “shtëpinë e kujtimeve” në Francë

Published

8 months ago

on

Angelina Jolie ka zbuluar se nuk është kthyer më në pronën e saj të njohur në Francë, “Château Miraval”, që prej ndarjes nga Brad Pitt në vitin 2016.

Çifti, i cili kishte qenë bashkë për 12 vjet dhe ishte martuar më 2014, vazhdon të jetë i përfshirë në një betejë të gjatë ligjore për pronësinë e vreshtit, që dikur konsiderohej “zemra e jetës së tyre familjare”.

Sipas dokumenteve gjyqësore të siguruara nga revista People, aktorja ka deklaruar: “I dhashë Bradit kontrollin dhe të drejtën e plotë të qëndrimit në shtëpitë tona familjare në Los Angeles dhe në Miraval, pa asnjë kompensim financiar, me shpresën se kjo do ta bënte më të qetë në sjelljen e tij ndaj meje pas një periudhe të vështirë dhe traumatike.”

Në të njëjtin dokument, 50-vjeçarja thekson se ajo dhe fëmijët nuk janë rikthyer më kurrë në atë pronë, për shkak të kujtimeve të dhimbshme që lidhen me ngjarjet që çuan në divorc.

Jolie shpjegon se pas ndarjes filloi të kërkonte një shtëpi të re për veten dhe fëmijët: “Fillimisht mora me qira një shtëpi, kërkoja një zgjidhje më të qëndrueshme. Doja që Brad të mbetej pjesë e rëndësishme e jetës së fëmijëve, ndaj kërkova të blija një pronë pranë shtëpisë së tij. Në atë kohë, kursimet ishin të lidhura me ‘Miravalin’ e nuk i kisha kërkuar Bradit asnjë mbështetje financiare apo alimentacion.”

Aktorja, e cila është nënë e gjashtë fëmijëve Maddox (24 vjeç), Pax (21), Zahara (20), Shiloh (19) dhe binjakëve Vivienne e Knox (17) – e ka përshkruar vreshtin si një vend me domethënie të veçantë për familjen e saj:

“‘Miravali’ ishte një nga investimet tona të para të mëdha. Ishte qendra e jetës familjare. U martuam atje, kalova pjesë të shtatzënisë atje dhe binjakët tanë i solla në shtëpi nga spitali pikërisht në ‘Miraval’.”

Sipas saj, largimi nga ajo pronë ka qenë një përvojë e dhimbshme: “Të shkëputesha papritur nga shtëpia dhe kujtimet e mia ka qenë shumë e vështirë, sidomos për fëmijët, të cilët e patën të rëndë këtë ndryshim.”

Nga ana tjetër, një burim i afërt me Brad Pitt ka reaguar ndaj deklaratave të aktores, duke i cilësuar ato si “justifikime”.

“Kjo është një mosmarrëveshje tregtare, e ndarë nga çështja e divorcit. Është për të ardhur keq, por jo surprizë,” – ka thënë burimi.

Brad dhe Angelina, e finalizuan divorcin në dhjetor të vitit 2024, por ende mbeten në konflikt për pronësinë e “Château Miraval”. Pas ndarjes, Jolie e shiti pjesën e saj të aksioneve në vresht në vitin 2021 kompanisë “Tenute del Mondo”, që është pjesë e Stoli Group.

Në shkurt të vitit 2022, Pitt e paditi ish-bashkëshorten, duke pretenduar se ajo e kishte shitur pjesën e saj pa miratimin e tij – në kundërshtim me marrëveshjen që ndalonte secilin të shiste pa pëlqimin e tjetrit.

Në shtator të po atij viti, Jolie reagoi me një padi kundër Pittit, duke e akuzuar aktorin se kishte nisur “një luftë hakmarrëse” ndaj saj që nga momenti kur ajo kërkoi divorcin. /A.Z/UBT News/

 

Related Topics:
Continue Reading

Lajmet

Elon Musk bëhet personi i parë në histori me pasuri rreth 1 trilion dollarë

Published

20 hours ago

on

June 12, 2026

By

Elon Musk ka hyrë në histori si personi i parë në botë, pasuria e të cilit ka arritur rreth një trilion dollarë , një rekord i paprecedentë në botën e financave globale.

Sipas raportimeve të mediave ndërkombëtare, rritja e jashtëzakonshme e pasurisë së tij lidhet kryesisht me performancën e kompanive kryesore që ai udhëheq, veçanërisht Tesla dhe SpaceX.

Vlera e aksioneve të Tesla-s ka shënuar luhatje, por në periudha të caktuara ka pasur rritje të ndjeshme, duke ndikuar drejtpërdrejt në pasurinë e tij personale. Po ashtu, edhe vlerësimi i SpaceX, e cila konsiderohet ndër kompanitë private më të vlefshme në botë, ka kontribuar ndjeshëm në këtë shifër historike.

Ekspertët financiarë theksojnë se një pjesë e madhe e kësaj pasurie është e lidhur me tregun, që do të thotë se vlera e saj varet nga aksionet dhe investimet, të cilat mund të ndryshojnë shpejt varësisht nga kushtet ekonomike globale. Për këtë arsye, pasuria e tij reale në para të gatshme konsiderohet dukshëm më e vogël se vlera e përgjithshme e vlerësuar.

Elon Musk prej vitesh renditet si personi më i pasur në botë dhe një nga figurat më me ndikim në industrinë e teknologjisë, hapësirës dhe inovacionit, përmes kompanive si SpaceX, Tesla, Neuralink dhe platforma X (ish-Twitter).

Kjo arritje, nëse konfirmohet zyrtarisht nga burimet financiare, përfaqëson një moment historik në ekonominë globale, duke shënuar një nivel pasurie të paparë më parë për një individ.

Continue Reading

Lajmet

Olivia Rodrigo zbulon se ka humbur 60% të dëgjimit në njërin vesh

Published

21 hours ago

on

June 12, 2026

By

Këngëtarja Olivia Rodrigo ka habitur prezantuesit Tyler West dhe Chloe Burrows gjatë një interviste të fundit në KISS FM, ku ka treguar hapur për një problem shëndetësor me dëgjimin.

Gjatë intervistës, ajo foli për albumin e saj të ri “You Seem Pretty Sad For A Girl So In Love”, i cili pritet të publikohet më 12 qershor. Në një moment, kur u pyet për këngën “What’s Wrong With Me?”, ajo dha një përgjigje të papritur duke zbuluar gjendjen e saj.

“Në fakt, ka mjaft gjëra që nuk shkojnë me mua. Unë jam rreth 60 për qind e shurdhër në veshin e majtë. Nëse do të uleshe në këtë anë timen dhe do të më flisje, nuk do ta kuptoja çfarë po thua,” tha ajo, duke shtuar se duhet t’i flitet nga ana e djathtë për ta dëgjuar më mirë.

Zbulimi i saj ka habitur bashkëbiseduesit, me Chloe Burrows që u shpreh e befasuar nga fakti, duke theksuar se është e pabesueshme që një këngëtare përballet me një problem të tillë dëgjimi.

Ndërkohë, Rodrigo ka folur edhe për jetën e saj personale dhe mënyrën se si përballet me ndarjet sentimentale, duke e parë atë si një mundësi për të rifilluar dhe për t’i dhënë jetës një drejtim të ri./A.K/

Continue Reading

Lajmet

Bebe Rexha publikon albumin e ri “Dirty Blonde”

Published

22 hours ago

on

June 12, 2026

By

Artistja shqiptare me famë botërore, Bebe Rexha, ka publikuar albumin e saj më të ri, “Dirty Blonde”.

Albumi përmban 13 këngë dhe tashmë është i disponueshëm në platformat muzikore, përfshirë Spotify dhe shërbime të tjera të transmetimit.

Edhe pse projekti është publikuar i plotë tani, gjatë muajve të fundit Bebe Rexha kishte lansuar disa prej këngëve veçmas, duke rritur pritshmëritë e fansave për albumin.

Një nga këngët që ka tërhequr vëmendje të veçantë është “Çike Çike”, e cila përmban edhe fraza në gjuhën shqipe, duke reflektuar lidhjen e artistes me origjinën e saj shqiptare.

“Dirty Blonde” është pritur me entuziazëm nga fansat në mbarë botën, të cilët e vlerësojnë Bebe Rexhën për stilin e saj muzikor dhe suksesin e vazhdueshëm në skenën ndërkombëtare./A.K/

Continue Reading

Lajmet

Ariana Grande kundër Shtëpisë së Bardhë: Mos e përdorni muzikën time për emigracionin

Published

22 hours ago

on

June 12, 2026

By

Këngëtarja e njohur amerikane Ariana Grande ka kërkuar nga Shtëpia e Bardhë që të mos përdorë muzikën e saj për promovimin e politikave të emigracionit, pasi kënga e saj “Bye” u përdor në një video të publikuar në rrjetet sociale.

Videoja, e shpërndarë në TikTok nga Shtëpia e Bardhë, shfaq agjentë kufitarë duke arrestuar persona dhe ishte shoqëruar me këngën “Bye” të publikuar nga Grande në vitin 2024.

Artistja reagoi menjëherë në postim duke shkruar: “Ju lutem mos e përdorni muzikën time në lidhje me këtë marrëzi barbare, çnjerëzore dhe të neveritshme.”

Pas reagimit të saj, videoja u publikua pa zë, ndërsa komenti i Grande u hoq nga postimi.

Nga ana tjetër, zëdhënësja e Shtëpisë së Bardhë, Abigail Jackson, mbrojti përdorimin e videos, duke deklaruar se kërcënimi i vërtetë vjen nga emigrantët e paligjshëm që, sipas saj, kanë kryer krime ndaj qytetarëve amerikanë.

Ariana Grande i bashkohet një liste në rritje artistësh që kanë kundërshtuar përdorimin e muzikës së tyre nga administrata e presidentit Donald Trump për qëllime politike dhe promovuese./A.K/

BURIMI:BBC

Continue Reading

Të kërkuara